1 Jɔɔŋ 1:9 - WƖA TENIŊ

⁹ Ama dɩ la nɛ sɛyɛ arɩ la ŋaa wʋbɔŋŋɔɔ nɛ a dagɛ la wʋbɔmɔ-la a pʋ, Wɩa kɛŋ wʋtɩtɩɩ, ʋ jaŋ wuo joŋ la wʋbɔŋŋɔɔ a chɛla a chɛsɛ la wʋbɔŋŋɔɔ kala ta.

1 Jɔɔŋ 1:9 ပူးပေါင်းရင်းမြစ်များ

1 KUOROO 8:30

Mɩ ŋaa ŋ tɩntɩnnʋ nɛ, Iziral tɩŋŋaa ma ŋaa ŋ nɩaa. Ŋɩɩ wɩaa, bʋa na-kala dɩ la kʋŋ nɛ joŋ sɩaa a chaasɛ ŋ dɩɩ-balɩŋ deeŋ a sʋlʋŋ, ŋ hɛ ŋ jaŋ lɛ nɛ, jegile nɩɩ a laa la sʋla a joŋ la wʋbɔŋŋɔɔ chɛla.

1 KUOROO 8:47

dɩ ba nɛ hɛ tintee-la ba sɩ kɛsɛba mʋ ba ŋaa yosi lɛ, aŋ bɩrɩmɛ ba tʋɔbɩɩnaa a sʋlʋŋ arɩ wʋbɔmɔ-la ba sɩ ŋaa ba cheye nɛ,

NƐHƖMAAYA 1:6

La TƖƖNA, suri sɩaa pɩmɛ, aŋ jegile nɩɩ mɩ-na ŋ tɩntɩnna teeŋ, ŋɩɩ mɩ sɩɩ sʋlʋŋ wɩɩhɛyɛ arɩ tɩtaŋɩŋ a pɩpɩ ŋ tɩntɩnnaa, Iziral tɩŋŋaa. Mɩ dagɛ wʋbɔmɔ-la la Iziral tɩŋŋaa sɩ ŋaa ŋ lɛ aa pɩŋ nɛ. Mɩ dɩ mɩ naabalɩmaba kala ŋaa wʋbɔŋŋɔɔ nɛ ŋ lɛ.

WƖA YƖƖLAA 19:12

La kʋŋkala bɩ la wʋcheelee wuo jɩŋ. Dɩ mɩ nɛ ŋaa wʋbɔŋ aŋ bɩ jɩŋ, joŋo chɛmɛ.

WƖA YƖƖLAA 32:5

Mɩ sɩ, “Mɩ jaŋ dagɛ mɩ wʋbɔŋŋɔɔ pɩ La Tɩɩna.” Ŋɩɩ nɛ mɩ dagɛ ba kala pɩŋ a bɩ kaa faaŋ. Ŋ joŋ ba kala chɛmɛ.

MOSIS KƐŊ IZIRAL TƖŊŊAA LƖƖ 34:7

a cho nɩaa arɩ ba doho doho bʋɩba, a joŋ nɩaa wʋbɔŋŋɔɔ arɩ ba wʋcheelee aa chɛba. Ama mɩ bɩ nɩalɩŋ sɩ ŋaa wɩaa chei ka leŋ pɛɩ, mɩ yie dɔgɩsɛ biiriŋ arɩ ba ma biiriŋ arɩ biiri-la ma nihee a tɩŋ ba nyɩmmaba wʋbɔŋŋɔɔ wɩaa.”

NAMAGABA 28:13

Nɩɩ-la kala sɩ joŋ ʋ wʋbɔŋŋɔɔ faa, ʋ wɩaa bɩ sɩpaaŋ ka mʋ, ama nɩɩ-la kala sɩ suri ʋ niiŋ a dagɛ ʋ kɩaa aŋ vɩaba, Wɩa jaŋ fá ʋ nisusuŋ.

AZAAYA 45:21

Má kɔ sarɩya dɩ-diiliŋ a bʋl wɩɩ-la ma sɩ kɛnɛ dɩ mɩ nɩɩ. Kʋbɛɛ nɛ bʋla faafaa kala arɩ wɩɩŋ deeŋ jaŋ ŋaa? Mɩ-na ma TƖƖNA dee? Wɩa dɔŋ tuo a pɛ mɩ lɛ. Mɩ nɛ Wɩa sɩ kɛŋ tʋɔpʋla a laa nɩaa tɩta. Wɩa dɔŋ tuo a pɛ mɩ lɛ.

JƐRƖMAAYA 3:13

Má-na sɛɩ arɩ ma cheye nɛ. Ma fa vɩa mɩ-na ma Tɩɩna Wɩa niiŋ nɛ. Ma joŋ ŋɩɩ ma sɩ chomi a pɩ vesiŋ nɛ tɩɩ-lugunuŋ bʋbʋɔŋ, aŋ vɩa dɩ ma to mɩ niiŋ. Mɩ-na ma TƖƖNA nɛ bʋla.’ ”

JƐRƖMAAYA 33:8

Mɩ jaŋ pɩɩsɛ wʋbɔŋ-la kala ba sɩ ŋaa mɩ lɛ a ta, a joŋ wʋbɔmɔ-la ma kala ba sɩ vɩamɛ aŋ ŋaa chɛba.

JEMBIEE 3:23

Chʋchʋɔ na-kala ba yie bɩrɩmɛ wʋfalɩa nɛ. Ŋ wʋtɩtɩɩ chaasa yʋgɛ nɛ.

ƐZƖKƖƐL 36:25

Mɩ jaŋ joŋ lɩɩzɔmʋŋ a mɩsɛma, dɩ ʋ ŋaa dɩ ma zɔŋ. Mɩ jaŋ pɩɩsɛ tɔmɔ-la ma sɩ kpaara a kɛŋ disiniŋ arɩ disiŋ dɔŋ kala ma sɩ ŋaa a ta.

ƐZƖKƖƐL 37:23

Ba bɩra bɩ jaŋ kpaarɛ tɔŋŋɔɔ arɩ kɩalɩŋ mɩ sɩɩ kɩsʋ a ŋaa disiniŋ hɛ ba tɩtɩa lɛ koo a ŋaa wʋbɔŋŋɔɔ dɔnsʋŋ a chei ba tɩtɩa. Mɩ jaŋ laaba ta ba wʋbɔmɔ-la kala ba fa sɩ ŋaa a lɩɩ mɩ harɩŋ lɛ. Mɩ jaŋ pɩɩsɛ ba disiniŋ ta. Ba jaŋ ŋaa mɩ nɩaa, dɩ mɩ ma ŋaa ba Wɩa.

ZƐKARƖYA 9:9

Zaayɔŋ nɩaa, má faasa jʋɔsɛ. Jerusalɛm nɩaa, má ŋaa goŋ. Ma kuoro ka kɔ ma teeŋ nɛ. Ʋ kɛŋ tʋɔpʋla nɛ a laa nɩaa tɩta, ʋ kɛŋ ʋ tɩtɩa muuri nɛ a jɩl kakumo, a sagɛ kaku-pɔrʋŋ nyuŋ.

Matiu 3:6

a dagɛ ba wʋbɔŋŋɔɔ aŋ tuu Jɔdaŋ fuo-la, ʋ foba Wɩɩchʋɔlɛ lɩɩŋ.

Maak 1:5

Ʋ sɩ bʋl ŋɩɩ, Judiya tɩŋŋaa arɩ Jerusalɛm tɩŋŋaa kala lɩɩ a mʋ ʋ teeŋ, a dagɛ ba wʋbɔŋŋɔɔ aŋ tuu Jɔdaŋ fuo-la, ʋ foba Wɩɩchʋɔlɛ lɩɩŋ.

Luuk 22:57

Ŋɩɩ nɛ Pɩɩta sɩ, “Haal, mɩ paala bɩ ʋ jɩŋ.”

Jɔɔŋ 17:25

Mɩ Nyɩmma, ŋ ŋaa tʋɔpʋl Tɩɩna nɛ. Dʋnɩa nɩaa bɩŋ jɩŋ, ama mɩ-na jɩmɩŋ nɛ. Nɩaa deemba ma jɩŋ arɩ ŋ nɛ tɩmmɛ.

Tɩntɩŋŋaa 19:18

Nɩalɩŋ ma dɔnsʋŋ sɩ laa Yesu wɩaa dii yʋga kɔ, a dagɛ ba wʋbɔmɔ-la ba sɩ ŋaa a pɩ Pɔɔl, nɩaa tʋɔŋ.

Rom Tɩŋŋaa 3:26

Ama lɛɛlɛ Wɩa dagɛ nɩaa wʋbɔŋŋɔɔ a pɩba nɛ. Ʋ ŋaa ŋɩɩ aa dagɛ arɩ ʋ kɛŋ wʋtɩtɩɩ nɛ, dɩ nʋʋkala nɛ laa Yesu wɩaa dii, ʋ jaŋ kɛŋ tʋɔpʋla Wɩa sɩpaaŋ.

1 Kɔrɩntɩ Nɩaa 1:9

Wɩa kɛŋ wʋtɩtɩɩ. Ʋ nɛ yɩrɛma dɩ ma dɩ ʋ Bie Yesu Kirisito kʋ ŋaa kʋbala. Ʋ nɛ ŋaa La Tɩɩna.

1 Kɔrɩntɩ Nɩaa 6:11

Ma dɔnsʋŋ faa ŋaa wɩaa deemba nɛ. Ama Wɩa fo ma wʋbɔŋŋɔɔ ta nɛ. Wɩa nɛ tɩɩma. A tɩŋ La Tɩɩna Kirisito Yesu wɩaa arɩ Wɩa Dɩŋ-zɔŋ-la doluŋ lɛ, ma ŋaa tʋɔpʋl tɩmma nɛ Wɩa teeŋ.

Ɛfɛsɩs Nɩaa 5:26

a pɩɩsɛ ba disiniŋ ta, a fo ba wʋbɔŋŋɔɔ kala ma ta arɩ lɩɩŋ, a tɩŋ Wɩa niiŋ wɩalɩŋ ba sɩ nɩa wɩaa.

MOSIS BƖRA WULLI WƖA WOMBIIŊ 7:9

Ŋɩɩ wɩaa, ʋ maga dɩ ma jɩŋ arɩ La TƖƖNA Wɩa dʋndʋŋa nɛ Wɩa, ʋ nɛ kɛŋ wʋtɩtɩɩ. Ʋ jaŋ leŋ dɩ nii-la sɩ hɛ ma dɩ ʋ pɛgɛ chɩŋ. Ʋ jaŋ dagɛ ʋ chonuŋ a pɩ nɩalɩŋ kala sɩ chou a tuto wɩalɩŋ kala ʋ sɩ daga doho doho bʋɩba.

1 Timoti 1:15

Wɩɩŋ deeŋ mɩ sɩɩ chɛ dɩ mɩ bʋl chaasa ŋaa wʋtɩtɩɩ nɛ a maga dɩ nʋʋkala laa dii. Ʋ nɛ ŋ-la: Kirisito Yesu kʋ tuu dʋnɩa nɛ dɩ ʋ laa wʋbɔŋ ŋaaraa ta. Mɩ nɛ saa paala ŋaa ba tʋɔŋ nɩbɔmʋŋ.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

Hiburu TƖŊŊAA 10:23

Ŋɩɩ wɩaa, wɩalɩŋ la sɩ laa dii, má leŋ dɩ laa yɩɛlɛ wɩalɩŋ, a chɩŋ ba lɛ kpaŋ kpaŋ, a sɩ́ begilu mʋa ma, bɛɛ wɩaa Wɩa kɛŋ wʋtɩtɩɩ nɛ. Kɩalɩŋ ʋ sɩ sɩ ʋ jaŋ joŋo pɩla, la laa dii arɩ la jaŋ naba.

Hiburu TƖŊŊAA 11:11

Ŋɩɩ tɩtɩa nɛ Abɩraham haala Saara ma laa Wɩa wɩaa dii. Saara fa ŋaa hapɩrɩ nɛ. Abɩraham arɩ ʋ haala kala fa hɩɛsa nɛ woruŋ, ka Wɩa wuo pɛ ba lɛ ba lʋl bie. Sara jɩma arɩ Wɩa kɛŋ wʋtɩtɩɩ nɛ. Ŋɩɩ wɩaa ʋ laa dii arɩ ʋ jaŋ na kʋ-la Wɩa sɩ sɩ ʋ jaŋ joŋo pʋ.

Hiburu TƖŊŊAA 6:10

Wɩa kɛŋ wʋtɩtɩɩ, ʋ bɩ jaŋ yʋ tɩntɩmɩɩ-la ma sɩ tɩma pʋ arɩ chono-la ma sɩ daga pʋ a pɛ ʋ nɩaa lɛ aŋ ha pɩpɛ ba lɛ.

1 Jɔɔŋ 1:7

Ama dɩ la nɛ hɛ pʋlʋmʋŋ tʋɔŋ, arɩ Wɩa sɩ hɛ pʋlʋmʋŋ tʋɔŋ ŋɩɩ, ŋɩɩ-na la dɩ la dɔnsʋŋ tɩŋŋaa kala kɛŋ nii-bala nɛ. Dɩ la nɛ ŋaa ŋɩɩ, Wɩa Bie Yesu chalɩŋ ma jaŋ chɛsɛ la wʋbɔŋŋɔɔ kala ta.

Jɔɔŋ Wʋnaalaa 15:3

a yɩyɩɩ Wɩa tɩntɩnna Mosis yɩɩlɩŋ arɩ Pie-bie-la yɩɩlɩŋ. Yɩɩla-la ba sɩ yɩa nɛ ŋ-la: “La Tɩɩna Wɩa doluŋ kala Tɩɩna, wʋkpuŋkperisiŋ arɩ tɩntɩŋ-duoruŋ nɛ ŋ tɩtɩŋ. Ŋ kɛŋ wʋtɩtɩɩ nɛ a ŋɩŋaa wɩaa ba bʋa lɛ. Ŋ nɛ kuoro a kaa mʋ wuu.