1 Jɔɔŋ 1:7 - WƖA TENIŊ

⁷ Ama dɩ la nɛ hɛ pʋlʋmʋŋ tʋɔŋ, arɩ Wɩa sɩ hɛ pʋlʋmʋŋ tʋɔŋ ŋɩɩ, ŋɩɩ-na la dɩ la dɔnsʋŋ tɩŋŋaa kala kɛŋ nii-bala nɛ. Dɩ la nɛ ŋaa ŋɩɩ, Wɩa Bie Yesu chalɩŋ ma jaŋ chɛsɛ la wʋbɔŋŋɔɔ kala ta.

1 Jɔɔŋ 1:7 ပူးပေါင်းရင်းမြစ်များ

WƖA YƖƖLAA 104:2

Pʋlʋmʋŋ nagɛ gɛrɩŋ nɛ a tɔŋ, ŋ leŋe wɩa-nyuŋ jɛrɛ nɛ a nagɛ palɩŋ,

WƖA YƖƖLAA 51:2

Chɛsɛ mɩ wʋbɔŋŋɔɔ kala ta, aŋ sɩ́ leŋe dɩ mɩ kɛŋ disiniŋ.

WƖA YƖƖLAA 56:13

Ŋ laamɛ ta nɛ mɩ bɩ sʋba, a pɔmɛ mɩ sɩ tele. Ŋɩɩ wɩaa mɩ jaŋ vɛŋ ŋ-na Wɩa sɩpaaŋ pʋlʋŋ-la sɩɩ pɩ nɩaa mɩɩsɩŋ lɛ.

WƖA YƖƖLAA 89:15

La Tɩɩna, nɩalɩŋ sɩ yɩɩ yɩɩlaa a dɩdɛnnɩŋ tʋɔŋ jaŋ tɔrɛ, nɩalɩŋ sɩɩ vɛŋ ŋ sɩpaaŋ pʋlʋŋ-la lɛ.

WƖA YƖƖLAA 97:11

Wɩa pʋlʋmʋŋ chaana hɛ tʋɔpʋl tɩŋŋaa lɛ nɛ, a ŋaa nɩalɩŋ wʋŋaalaa sɩ tʋʋla ma tʋɔŋ tɔrɛ.

AZAAYA 2:5

Ou, Jekɔb doho nɩaa, má kɔ dɩ la vɛŋ La TƖƖNA pʋlʋmʋŋ lɛ.

AZAAYA 33:24

Nɩalɩŋ kala sɩ hɛ Zaayɔŋ lɛ kʋŋ bɩ jaŋ bʋl, “Mɩɩ wɩɩlɛ nɛ.” La TƖƖNA jaŋ joŋ nɩalɩŋ kala sɩ hɛ nɩmɛ wʋbɔŋŋɔɔ chɛba.

AZAAYA 6:7

Ʋ kɛŋ nyiŋ-hal-la kʋ digi mɩ niiŋ lɛ aŋ bʋl, “Bee na, nyiniŋ deeŋ sɩ digi ŋ niipinee ŋ-la, ŋ wʋcheelee arɩ ŋ wʋbɔŋŋɔɔ kala nɛ mɩ pɩɩsa ta ŋɩɩ.”

AMƆS 3:3

Nɩaa balɩa jaŋ wuo to dɔŋɔ dɩ ba niiŋ nɛ bɩ kʋbala ŋaa?

ZƐKARƖYA 13:1

La TƖƖNA sɩ, “Tapʋlɩɩ-la mɩ jaŋ suri lɩɩ-bul-sɩɩŋ a pɩ Devit doho nɩaa arɩ Jerusalɛm nɩaa, a chɛsɛ ba wʋbɔŋŋɔɔ arɩ ba disiniŋ ta.

Matiu 6:12

aŋ joŋ la wʋbɔŋŋɔɔ chɛla, arɩ la ma sɩ joŋ la dɔnsʋŋ tɩŋŋaa wʋbɔŋŋɔɔ chɛba ŋɩɩ.

Jɔɔŋ 1:29

Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

Jɔɔŋ 12:35

Ŋɩɩ nɛ Yesu bʋla pɩ nɩalɩŋ, “Pʋlʋŋ-la sɩ hɛ ma teeŋ, ʋ bɩ jaŋ dieni. Pʋlʋŋ-la ha sɩ hɛ nɩmɛ ŋɩɩ, má vɛŋ pʋlʋŋ-la lɛ, dɩ birimiŋ sí ma tɔ. Nɩɩ-la sɩɩ vɛŋ birimiŋ tʋɔŋ bɩ jɩŋ lee-la ʋ sɩɩ mʋ.

Jɔɔŋ 5:4

Bʋa dɔŋɔ Wɩa tɩndaarʋ nɛ fa yie kʋ tuu fuo-la a kɛŋ lɩɩ-la kaa vuugi. Dɩ Wɩa tɩndaarʋ-la nɛ kɛŋ lɩɩ-la vuugi, nyanyal tɩɩna-la sɩ laa sɩpaaŋ tuu lɩɩ-la, ʋ nyanyalɩŋ cho dɩ ʋ nagɛ ŋɩɩ ma kala, ʋ yie duori nɛ.]

Rom Tɩŋŋaa 13:12

Taŋ kpagɛ pʋlʋŋ nɛ. Mʋa nɛ ka, ka dɩ wɩa pɔsɛ. Má saa leŋ dɩ la leŋ birimiŋ tʋɔŋ wʋŋaalaa, aŋ paa pʋlʋmʋŋ laalɩyuori kɩaa laalɛ a yuo laalɩŋ.

1 Kɔrɩntɩ Nɩaa 6:11

Ma dɔnsʋŋ faa ŋaa wɩaa deemba nɛ. Ama Wɩa fo ma wʋbɔŋŋɔɔ ta nɛ. Wɩa nɛ tɩɩma. A tɩŋ La Tɩɩna Kirisito Yesu wɩaa arɩ Wɩa Dɩŋ-zɔŋ-la doluŋ lɛ, ma ŋaa tʋɔpʋl tɩmma nɛ Wɩa teeŋ.

Ɛfɛsɩs Nɩaa 1:7

La sɩ mɛrɛ Kirisito lɛ ŋɩɩ, ʋ joŋ ʋ chalɩŋ jaasɛ la wɩaa a tiŋ la wʋbɔŋŋɔɔ chɩmɩŋ, dɩ Wɩa joŋ la wʋbɔŋŋɔɔ chɛla. Wɩa zile yʋga nɛ kɩŋkɛŋ la teeŋ,

Ɛfɛsɩs Nɩaa 5:8

Bʋa kʋbala lɛ ma ma fa hɛ birimiŋ tʋɔŋ nɛ, ama La Tɩɩna Yesu leŋe ma lɛɛlɛ hɛ pʋlʋmʋŋ tʋɔŋ nɛ. Ŋɩɩ wɩaa, má leŋ dɩ ma wʋŋaalaa nagɛ nɩalɩŋ sɩ hɛ pʋlʋmʋŋ tʋɔŋ.

1 Timoti 6:16

Ʋ dʋndʋŋa nɛ bɩ sʋʋ. Ʋ hɛ pʋlʋŋ-bal tʋɔŋ nɛ, nʋʋkala bɩ nɩmɛ wuo mʋ. Nʋʋkala ha bɩ ʋ na, nʋʋ ma kala saa bɩ ʋ wuo na. Ʋ maga dɩ nɩaa kala zizilu nɛ. Ʋ nɛ kɛŋ doluŋ a kaa mʋ wuu. Amɩɩ.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

Hiburu TƖŊŊAA 9:14

Dɩ wɩaa deemba nɛ wuo pɩɩsɛ nɩaa disiniŋ ta, ŋɩɩ-na Kirisito chalɩŋ ma jaŋ wuo paala pɩɩsɛ nɩaa disiniŋ ta a kɩɩ bʋʋnaa koo nɛsɩŋ chalɩŋ. Kirisito fa bɩ disiŋ kala kɛnɛ. Wɩa Dɩŋ-zɔmʋŋ doluŋ lɛ, ʋ joŋ ʋ tɩtɩa pɩ Wɩa, a sʋʋ a tɩŋ la wɩaa. Ʋ jaŋ wuo leŋ dɩ ma tʋɔbɩɩnaa chesi dɩ má sɩ́ wʋbɔŋ bɩɩnʋ, ka dɩ ma wuo tɩma pɩpɩ Wɩa sɩ weye.

Jeems 1:17

Kʋzɔŋ-na kala lɩɩ Wɩa teeŋ nɛ. Ʋ nɛ ta kɩalɩŋ kala sɩ hɛ wɩa-nyuŋ lɛ a chaanɛ. Ama dɩ ba nɛ jʋa, birimiŋ yie hɛ nɩmɛ. Wɩa tɩtɩa bɩ ŋɩɩ naga. Ʋ bɩ bɩrɩmɛ.

1 Pɩɩta 1:19

Ama Yesu Kirisito chalɩŋ sɩ kɛŋ yuŋuŋ kɩɩ kʋŋkala nɛ ʋ joŋo time laama. Yesu nagɛ pie-bie sɩ bɩ nyɔɔ kala kɛnɛ nɛ.

1 Jɔɔŋ 1:3

Wɩalɩŋ la sɩ na aŋ nɩɩ ma, ba nɛ la bʋlaa pɩma, dɩ ma wuo jʋʋ la tʋɔŋ dɩ la kala kɛŋ nii-bala. La dɩ la Nyɩmma Wɩa arɩ ʋ Bie Yesu Kirisito kɛŋ nii-bala nɛ.

1 Jɔɔŋ 1:5

Wɩalɩŋ Wɩa Bie sɩ dagɛla a tɩgɛ Wɩa lɛ, ba nɛ ŋ-la: Wɩa nɛ pʋlʋmʋŋ, birimiŋ mʋa ma tuo ʋ lɛ.

1 Jɔɔŋ 5:6

Ʋ-na Yesu Kirisito nɛ kɔ dʋnɩa ba fou Wɩɩchʋɔlɛ lɩɩŋ, a kpaasʋ mɛrɛ daagɛsɛ nyuŋ ʋ chalɩŋ jaasɛ. Ŋ-la daga arɩ lɩɩŋ dʋndʋŋa dee ba fou, ba kpaasʋ mɛrɛ daagɛsɛ nyuŋ ma nɛ ʋ chalɩŋ jaasʋ. Wɩa Dɩŋ-zɔmʋŋ bʋl wɩaa a tɩgɛ ŋɩɩ lɛ, bɛɛ wɩaa ʋ nɛ kɛŋ wʋtɩtɩɩ.

1 Jɔɔŋ 5:8

Ba nɛ ŋaa: Wɩa Dɩŋ-zɔmʋŋ arɩ lɩɩ-la arɩ ʋ chal-la. Ba kala ka bʋl wʋbala nɛ.

2 Jɔɔŋ 1:4

Mɩ tʋɔŋ tɔrɔ kɩŋkɛŋ mɩ sɩ na arɩ ŋ biiriŋ dɔnsʋŋ to wʋtɩtɩɩ-la lɛ, arɩ la Nyɩmma Wɩa sɩ dagɛla ŋɩɩ.

3 Jɔɔŋ 1:4

Wɩɩkala bɩ leŋe mɩ tʋɔŋ tɔrɛ kɩŋkɛŋ a magɛ mɩ sɩ nɩa arɩ mɩ biiriŋ ka to wʋtɩtɩɩ wombii-la.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.

Jɔɔŋ Wʋnaalaa 12:11

Ba yuo dii Sɩtaanɩ a tɩŋ Pie-bie-la chalɩŋ wɩaa nɛ, arɩ Wɩa niiŋ wɩalɩŋ ba fa sɩ bʋla pɩpɩ nɩaa. Ba fa kɛŋ ba tɩtɩa dɩ ba kpʋba a tɩŋ Wɩa wɩalɩŋ wɩaa nɛ.

Jɔɔŋ Wʋnaalaa 7:14

Ŋɩɩ nɛ mɩ bʋla pʋ, “Ŋ nɛ jɩma, mɩ kʋhɩaŋ.” Ŋɩɩ nɛ ʋ bʋla pɩmɛ, “Nɩaa deemba nɛ Wɩa lɩɩsɛ hɛɛ-bal-la tʋɔŋ. Ba chɛsɛ ba gɛnnɩŋ Pie-bie-la chalɩŋ lɛ nɛ, ba lɩɩ a pʋllɛ.