1 Jɔɔŋ 1:5 - WƖA TENIŊ

⁵ Wɩalɩŋ Wɩa Bie sɩ dagɛla a tɩgɛ Wɩa lɛ, ba nɛ ŋ-la: Wɩa nɛ pʋlʋmʋŋ, birimiŋ mʋa ma tuo ʋ lɛ.

1 Jɔɔŋ 1:5 ပူးပေါင်းရင်းမြစ်များ

WƖA YƖƖLAA 139:12

ŋ-na teeŋ birimiŋ paala bɩ bire, tɩtaŋɩŋ ma yie pʋllɛ nɛ a nagɛ wɩɩhɛyɛ ŋ teeŋ. Birimiŋ arɩ pʋlʋmʋŋ ŋaa kʋbala nɛ ŋ teeŋ.

WƖA YƖƖLAA 27:1

La Tɩɩna nɛ ŋaa mɩ pʋlʋmʋŋ arɩ mɩ Laataara, mɩ bɩ kʋŋkala ka fá. La Tɩɩna nɛ ŋaa mɩ dɩ-duoŋ, mɩ bɩ nʋʋkala ka fá.

WƖA YƖƖLAA 36:9

Mɩɩsɩŋ kala lɩɩ ŋ teeŋ nɛ. Ŋ nɛ pʋlʋmʋŋ, ŋɩɩ leŋ la ma na pʋlʋmʋŋ.

WƖA YƖƖLAA 84:11

La Tɩɩna Wɩa nagɛ wɩɩpɔsʋŋ nɛ la teeŋ a chu tɔla. La Tɩɩna kɛŋ chonuŋ arɩ zile, ʋ bɩ kʋzɔŋ kala joŋo faa nɩalɩŋ sɩɩ ŋaa wɩaa ba bʋa lɛ.

AZAAYA 2:5

Ou, Jekɔb doho nɩaa, má kɔ dɩ la vɛŋ La TƖƖNA pʋlʋmʋŋ lɛ.

AZAAYA 60:19

Wɩɩpɔsʋŋ dee bɩ jaŋ ŋaa ŋ pʋlʋmʋŋ wɩɩhɛyɛ koo chɛŋ-pʋla dee bɩra bɩ jaŋ ŋaa ŋ pʋlʋmʋŋ tɩtaŋɩŋ, mɩ-na ŋ Tɩɩna nɛ jaŋ ŋaa ŋ pʋlʋmʋŋ a kaa mʋ wuu ŋ Wɩa nɛ jaŋ ŋaa ŋ tʋla.

DANƖƐL 2:22

Ʋ nɛ yie joŋ wɩalɩŋ sɩ kpere arɩ wɩalɩŋ sɩ faa a dagɛ nɩaa. Ʋ nɛ jɩŋ wɩalɩŋ sɩ hɛ birimiŋ tʋɔŋ, ʋ lɛ nɛ pʋlʋmʋŋ hɛ.

Jɔɔŋ 1:19

Juu tɩŋŋaa fa sɩ hɛ Jerusalɛm lɛ tɩŋ Wɩɩsʋllɩ sɩpaalaaraa arɩ Levi doho nɩaa, ba kɔ Jɔɔŋ teeŋ a pɩɛsʋ, “Kʋbɛɛ nɛ ŋ ŋaa?”

Jɔɔŋ 1:4

Wɩɩ-la fa weye nɛ a kɛŋ pʋlʋmʋŋ kaa kʋ pɩ nɩaa.

Jɔɔŋ 1:9

Ŋɩɩ nɛ pʋlʋŋ-la tɩtɩa kʋ tuu dʋnɩa dɩ ʋ chaana hɛ nʋʋkala lɛ.

Jɔɔŋ 8:12

Ŋɩɩ nɛ Yesu bɩra suomi a dɩdagɛ nɩaa, a bʋla pɩba, “Mɩ nɛ ŋaa dʋnɩa nɩaa pʋlʋmʋŋ, nɩɩ-la kala sɩ tomi, ʋ bɩ jaŋ vɛŋ birimiŋ tʋɔŋ. Ama ʋ jaŋ kɛŋ pʋlʋŋ sɩɩ pɩ nɩaa mɩɩsɩŋ.”

Jɔɔŋ 9:5

Mɩ ha sɩ hɛ dʋnɩa lɛ ŋɩɩ, mɩ nɛ ŋaa dʋnɩa nɩaa pʋlʋmʋŋ.”

1 Kɔrɩntɩ Nɩaa 11:23

La Tɩɩna Kirisito teeŋ nɛ mɩ laa wɩalɩŋ mɩ sɩ dagɛma. Tɩtaŋ-la ba sɩ joŋ La Tɩɩna Yesu yallɛ nɛ, ʋ joŋ boroboro

1 Timoti 6:16

Ʋ dʋndʋŋa nɛ bɩ sʋʋ. Ʋ hɛ pʋlʋŋ-bal tʋɔŋ nɛ, nʋʋkala bɩ nɩmɛ wuo mʋ. Nʋʋkala ha bɩ ʋ na, nʋʋ ma kala saa bɩ ʋ wuo na. Ʋ maga dɩ nɩaa kala zizilu nɛ. Ʋ nɛ kɛŋ doluŋ a kaa mʋ wuu. Amɩɩ.

Jeems 1:17

Kʋzɔŋ-na kala lɩɩ Wɩa teeŋ nɛ. Ʋ nɛ ta kɩalɩŋ kala sɩ hɛ wɩa-nyuŋ lɛ a chaanɛ. Ama dɩ ba nɛ jʋa, birimiŋ yie hɛ nɩmɛ. Wɩa tɩtɩa bɩ ŋɩɩ naga. Ʋ bɩ bɩrɩmɛ.

1 Jɔɔŋ 3:11

Wɩɩ-la ma sɩ nɩa bumbuŋ kala nɛ ŋ-la: Ʋ maga dɩ ma cho dɔŋɔ.

Jɔɔŋ Wʋnaalaa 21:23

Tabal-la bɩra bɩ wɩɩpɔsʋŋ arɩ chɛnɛ ka chɛ, bɛɛ wɩaa Wɩa tʋla nɛ ŋaa ba pʋlʋmʋŋ. Pie-bie-la ma nɛ ŋaa ba chaanɩŋ.

Jɔɔŋ Wʋnaalaa 22:5

Taŋ bɩ jaŋ biri nɩmɛ. Ba bɩ chaanɩŋ koo wɩɩpɔsʋŋ pʋlʋmʋŋ chɛ nɩmɛ. La Tɩɩna Wɩa nɛ jaŋ ŋaa ba pʋlʋmʋŋ. Ba nɛ jaŋ beŋ dʋnɩa a kaa mʋ wuu.