1 Jɔɔŋ 1:3 - WƖA TENIŊ

³ Wɩalɩŋ la sɩ na aŋ nɩɩ ma, ba nɛ la bʋlaa pɩma, dɩ ma wuo jʋʋ la tʋɔŋ dɩ la kala kɛŋ nii-bala. La dɩ la Nyɩmma Wɩa arɩ ʋ Bie Yesu Kirisito kɛŋ nii-bala nɛ.

1 Jɔɔŋ 1:3 ပူးပေါင်းရင်းမြစ်များ

JOB 13:1

Mɩ na wɩaa deemba kala nɛ. Mɩ nɩɩ ba nɛ a jɩŋ ba bʋbʋɔŋ.

WƖA YƖƖLAA 2:7

Kuoru-la sɩ, “Mɩ jaŋ heele bʋl wɩɩ-la La Tɩɩna sɩ bʋla. Ʋ bʋla pɩmɛ, ‘Ŋ ŋaa mɩ Bii nɛ, jɩnɩŋ mɩ nɛ lʋlʋŋ.

WƖA YƖƖLAA 22:22

Ŋɩɩ nɛ mɩ jaŋ bʋl wɩalɩŋ ŋ sɩ ŋaa a pɩ mɩ naambiiriŋ, a dɛnnɩŋ nɩalɩŋ sɩɩ hilimu ŋ yɩrɩŋ lɛ ma tʋɔŋ.

AZAAYA 66:19

Mɩ jaŋ bil magɩlɩŋ ba tʋɔŋ. Mɩ jaŋ kɛŋ ba nɩalɩŋ dɔnsʋŋ sɩ jaŋ ka a mʋ tintee-wogusuŋ arɩ tinteye-la lɩɩŋ sɩ gollu chu a ha bɩ mɩ wɩaa arɩ mɩ yɩrɩŋ nɩa, a bɩ mɩ doluŋ ma na. Tinteye-la nɛ ŋ-la: Taasɩs, Libiya arɩ Lidiya tɩmma-la sɩ jɩŋ toŋ yuonuŋ, Giriisi arɩ Tubal nɩaa. Ba jaŋ leŋ dɩ tinteye-la jɩŋ mɩ doluŋ sɩ magɛ ŋɩɩ.

NAMBABA 10:32

Dɩ ŋ nɛ to la harɩŋ mʋ, wʋzɔŋ na-kala La TƖƖNA sɩ jaŋ joŋo ŋaa la lɛ, ŋ ma jaŋ kɛŋ kpaalɩŋ ba tʋɔŋ.”

Jɔɔŋ 17:11

Lɛɛlɛ mɩɩ kɔ ŋ teeŋ nɛ, mɩ bɩra bɩ jaŋ hɛ dʋnɩa lɛ, ama ba-na jaŋ hɛ dʋnɩa lɛ. Mɩ Nyɩmma, ŋ nɛ ŋaa Nɩɩ-la sɩ bɩ disiniŋ kɛnɛ. Beŋ nɩalɩŋ ŋ sɩ lɩɩsa pɩmɛ nyuŋ woruŋ ŋ doluŋ lɛ, a leŋ dɩ ba ŋaa kʋbala, arɩ mɩ dɩŋ kala sɩ ŋaa kʋbala ŋɩɩ.

Jɔɔŋ 17:21

Mɩ Nyɩmma, mɩɩ sʋlʋŋ dɩ ba kala wuo ŋaa kʋbala, a nagɛ ŋ sɩ hɛ mɩ lɛ mɩ ma hɛ ŋ lɛ ŋɩɩ. Dɩ ŋ nɛ ŋaa ŋɩɩ, dʋnɩa nɩaa jaŋ wuo laa dii arɩ ŋ nɛ tɩmmɛ.

Jɔɔŋ 17:25

Mɩ Nyɩmma, ŋ ŋaa tʋɔpʋl Tɩɩna nɛ. Dʋnɩa nɩaa bɩŋ jɩŋ, ama mɩ-na jɩmɩŋ nɛ. Nɩaa deemba ma jɩŋ arɩ ŋ nɛ tɩmmɛ.

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Jɔɔŋ 19:35

Mɩ-na Jɔɔŋ nɛ na wɩaa deemba arɩ mɩ sɩɩŋ aa bʋlba arɩ ba ŋaa wʋtɩtɩɩ nɛ. Mɩ bʋl wɩaa deemba pɩpɩma dɩ ma ma wuo laa dii.

Tɩntɩŋŋaa 13:32

La ma saa kɔ dɩ la bʋl Wɩa wʋzɔmɔ-la nɛ pɩma, wɩɩla Wɩa fa sɩ hɛ niiŋ a pɩ la naabalɩmaba arɩ ʋ jaŋ ŋaa.

Tɩntɩŋŋaa 13:41

‘Ma nɩalɩŋ sɩɩ mɔŋ Wɩa, má bee na tɩntɩmɩɩ-la mɩ sɩ jaŋ tɩŋ ma mɩɩsɩŋ bʋa lɛ. Dɩ nʋʋ nɛ bʋla pɩma, ma bɩ jaŋ laa dii dɩ ʋ sɛnɛ ŋaa wʋtɩtɩɩ. Ʋ jaŋ ŋaama wʋkpuŋkpere a leŋ dɩ ma sʋʋ.’ ”

Tɩntɩŋŋaa 2:42

Ba joŋ ba nyuŋ kala hɛ wɩalɩŋ Yesu nanzɔɔba-la sɩɩ dagʋ lɛ arɩ sɩɩfɩɛsɩŋ a kɛŋ nii-bala. Ba kala hɔŋ a didii kʋdiile-la Yesu fa sɩ́ sɩ dɩ ba dii a liliisi ʋ wɩaa, aŋ pɛ gbaara chʋchʋɔlɛ Wɩa.

Tɩntɩŋŋaa 20:27

bɛɛ wɩaa mɩ bʋl wɩalɩŋ kala Wɩa sɩɩ chɛ nɛ a pɩma.

Tɩntɩŋŋaa 4:20

La bɩ jaŋ wuo tɔrɛ la niiŋ, see dɩ la bʋl wɩalɩŋ la sɩ na aŋ nɩɩ maa.”

Rom Tɩŋŋaa 15:27

Ba tʋɔŋ tɔrɔ nɛ ba sɩ ŋaa ŋɩɩ. Ama ŋɩɩ fa paala ŋaa wɩɩ nɛ sɩ maga dɩ ba ŋaa. Wʋzɔmɔ-la kala sɩ lɩɩ Wɩa teeŋ, Juu tɩŋŋaa nɛ leŋe nɩalɩŋ sɩ bɩ Juu tɩŋŋaa ŋaa ma naba. Ŋɩɩ wɩaa ʋ maga dɩ ba ma pɛ Juu tɩŋŋaa lɛ arɩ dʋnɩa kɩalɩŋ ba sɩ kɛnɛ.

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

1 Kɔrɩntɩ Nɩaa 1:9

Wɩa kɛŋ wʋtɩtɩɩ. Ʋ nɛ yɩrɛma dɩ ma dɩ ʋ Bie Yesu Kirisito kʋ ŋaa kʋbala. Ʋ nɛ ŋaa La Tɩɩna.

1 Kɔrɩntɩ Nɩaa 15:1

Mɩ naambiiri, mɩɩ chɛ dɩ mɩ liisima a mʋ tɩgɛ Wɩa wʋzɔmɔ-la mɩ sɩ bʋla pɩma. Ma laaba dii nɛ a chɩŋ ba lɛ.

2 Kɔrɩntɩ Nɩaa 13:14

Laa sʋl La Tɩɩna Yesu Kirisito dɩ ʋ leŋ dɩ ma jʋʋ ʋ lahɔrɩmɔ, dɩ la Nyɩmma Wɩa ma choma, ka dɩ Wɩa Dɩŋ-zɔmʋŋ ma leŋ dɩ ma ŋaa kʋbala. Amɩɩ.

Ɛfɛsɩs Nɩaa 3:6

Wɩalɩŋ nɛ ŋ-la: Wɩa to Kirisito Yesu wʋzɔmɔ-la lɛ nɛ a leŋ nɩalɩŋ sɩ bɩ Juu tɩŋŋaa ŋaa ma kɛŋ toruŋ kɩalɩŋ Wɩa sɩ hɛ niiŋ arɩ ʋ jaŋ joŋo pɩ Juu tɩŋŋaa lɛ. Lɛɛlɛ ba kala pɛ Kirisito yaraa lɛ nɛ a tɩŋ Wɩa wʋzɔmɔ-la wɩaa. Ba ma jaŋ pɛ dii kɩalɩŋ Wɩa sɩ to Kirisito Yesu lɛ a bʋl dɩ ʋ jaŋ joŋo pɩla.

Fɩlɩpa Nɩaa 1:7

Mɩɩ bɩɩnɛ ma wɩaa nɛ woruŋ. Ʋ ŋaa wombii nɛ dɩ mɩ ŋaa ŋɩɩ, bɛɛ wɩaa ma kala pɛ mɩ lɛ nɛ la tɩŋ tɩntɩmɩɩ-la Wɩa sɩ joŋo pɩmɛ. Ma pɛ mɩ lɛ nɛ bumbuŋ-la mɩ fa sɩɩ bʋl Wɩa wɩaa, arɩ lɛɛlɛ ma kala ba sɩ kɛmmɛ tɔ dɩa a tɩŋ Wɩa wʋzɔmɔ-la wɩaa. Bʋa deeŋ lɛ la kala dii dansɩa a mʋ tɩgɛ Wɩa wʋzɔmɔ-la lɛ arɩ ba ŋaa wʋtɩtɩɩ nɛ, a leŋ nɩaa laa dii a chɩŋ ba lɛ kpaŋ kpaŋ.

Fɩlɩpa Nɩaa 2:1

Ma sɩɩ to Kirisito, ŋɩɩ leŋe ma nyuŋ nyaasɛ nɛ, ʋ chonuŋ leŋe ma tʋɔŋ pɩŋ dɩ-bala nɛ, Wɩa Dɩŋ-zɔmʋŋ ma leŋ ma ŋaa kʋbala, a kɛŋ zile dɔŋɔ lɛ a fɩfá dɔŋɔba nenige.

Fɩlɩpa Nɩaa 3:10

Wɩɩ-la kala mɩ sɩɩ chɛ nɛ ŋ-la: dɩ mɩ jɩŋ Yesu Kirisito, a wuo jɩŋ dol-la sɩ chɩsʋ sʋʋŋ lɛ, a wuo na hɛɛ-la doho ʋ sɩ na, a sʋʋ ŋɩɩ ʋ sɩ sʋba.

Koloosi Nɩaa 1:13

Ʋ laala Sɩtaanɩ nɩsɩŋ lɛ nɛ, a kɛnla kaa mʋ hɛ ʋ bii-chooluŋ kuorii-la tʋɔŋ.

1 Tɛsalonaaka Nɩaa 1:10

Ba yie bʋl arɩ maa gbɛrɛ ʋ Bie Yesu dɩ ʋ lɩɩ Wɩa jaŋ kɔ. Ʋ nɛ Wɩa chɩsɛ sʋʋŋ lɛ. Ʋ nɛ jaŋ laala ta tapʋlɩɩ-la Wɩa baanɩŋ sɩ jaŋ sii nuhuobiinee nyuŋ.

1 Timoti 6:2

Yosu-la nɩhɩasɩŋ sɩ laa Yesu wɩaa dii, ʋ bɩ maga dɩ ba mɩmaasɛ ba tɩŋŋaa a tɩŋ ba kala sɩ laa Yesu wɩaa dii. Ʋ paala magɛ dɩ ba tɩŋ tɩntɩŋŋaa woruŋ nɛ a pɩba, bɛɛ wɩaa nɩalɩŋ ba sɩ tɩmaa pa ŋaa nɩa sɩ laa Yesu wɩaa dii nɛ, a ŋaa nɩa ba cho. Timoti, wɩaa deemba nɛ ŋ jaŋ joŋo dagɛba a chaasa leŋ dɩ ba tutoba.

Hiburu TƖŊŊAA 2:12

Wɩalɩŋ Yesu sɩ bʋla pɩ Wɩa nɛ ŋ-la: “Mɩ jaŋ bʋl ŋ wɩaa pɩ mɩ naambiiriŋ, aŋ dɛnnɩŋ nɩalɩŋ sɩ hilime aa chʋɔlʋŋ tʋɔŋ.”

Hiburu TƖŊŊAA 3:1

Ŋɩɩ wɩaa mɩ naambiiriŋ sɩ bɩ disiniŋ kɛnɛ Wɩa sɩpaaŋ, Wɩa nɛ yɩrɛla dɩ la kɔ ʋ teeŋ. Ʋ saa maga dɩ ma joŋ Yesu wɩaa hɛ ma nyuŋ lɛ. Ʋ nɛ ŋaa Wɩa nanzɔɔ a ŋaa Wɩɩsʋllɩ sɩpaalaaraa kʋhɩaŋ ma, wombii-la la sɩɩ to lɛ.

Hiburu TƖŊŊAA 3:14

Wɩalɩŋ la sɩ laa dii bumbuŋ, dɩ la nɛ kɛmba ŋɩɩ a kaa mʋ dɩdɛrɩŋ, la dɩ Kirisito kala jaŋ ŋaa kʋbala.

1 Pɩɩta 5:1

Mɩ kɛŋ wɩɩ nɛ dɩ mɩ bʋla pɩ ma nɩalɩŋ sɩ ŋaa Wɩa nɩaa nɩhɩasɩŋ. Mɩ ma ŋaa Wɩa nɩaa nɩhɩaŋ dɔŋɔ nɛ. Mɩ tɩtɩa sɩɩŋ na hɛɛ-la Kirisito sɩ na nɛ. Ŋɩɩ tɩtɩa nɛ mɩ ma jaŋ na tʋla-la Kirisito sɩ jaŋ na bʋa-la lɛ ʋ sɩ jaŋ mɩɩra kɔ. Ŋ-la nɛ tɩɩ mɩɩ sʋlma

2 Pɩɩta 1:16

La bʋla pɩma ŋɩɩ La Tɩɩna Yesu Kirisito sɩ kɔ dʋnɩa arɩ doluŋ. Wɩɩ-la la sɩ bʋla pɩma bɩ nagɛ sʋnsɔgʋlɔɔ wʋjɩnnaa sɩ sɔgʋlɔ. La tɩtɩa sɩɩŋ nɛ na Yesu Kirisito tʋla.

1 Jɔɔŋ 1:1

Mɩ-na Jɔɔŋ nɛ ŋmʋnsɛ teniŋ deeŋ pɩpɩma a tɩgɛ wɩɩ kʋbala lɛ. Wɩɩ-la fa hɛ nɩmɛ bumbuŋ kala nɛ a kɛŋ mɩɩsɩŋ. La nɩɩ ʋ yikoro a kɛŋ la sɩaa ma naʋ a chaasa benu, a kɛŋ la nɩsaa ma digu.

1 Jɔɔŋ 1:5

Wɩalɩŋ Wɩa Bie sɩ dagɛla a tɩgɛ Wɩa lɛ, ba nɛ ŋ-la: Wɩa nɛ pʋlʋmʋŋ, birimiŋ mʋa ma tuo ʋ lɛ.

1 Jɔɔŋ 1:7

Ama dɩ la nɛ hɛ pʋlʋmʋŋ tʋɔŋ, arɩ Wɩa sɩ hɛ pʋlʋmʋŋ tʋɔŋ ŋɩɩ, ŋɩɩ-na la dɩ la dɔnsʋŋ tɩŋŋaa kala kɛŋ nii-bala nɛ. Dɩ la nɛ ŋaa ŋɩɩ, Wɩa Bie Yesu chalɩŋ ma jaŋ chɛsɛ la wʋbɔŋŋɔɔ kala ta.