1 Jɔɔŋ 1:2 - WƖA TENIŊ

² Wɩɩ-la sɩ kʋ ŋaa nuhuobiine, la naʋ nɛ a laaʋ dii, a bʋl ʋ wɩaa pɩpɩma. Wɩɩ-la nɛ ŋ-la: Mɩɩsɩ-la sɩ bɩ dɛrɛ, ʋ fa hɛ la Nyɩmma teeŋ nɛ a kʋ lɩɩ la teeŋ la naʋ. Yesu Kirisito nɛ ŋɩɩ.

1 Jɔɔŋ 1:2 ပူးပေါင်းရင်းမြစ်များ

Jɔɔŋ 1:18

Nʋʋkala ha bɩ Wɩa na. Ʋ dɩ ʋ Bii-bala-la sɩ ŋaa kʋbala a hɔŋ ʋ sɛmɛ nɛ dagɛla ʋ wɩaa.

Jɔɔŋ 1:4

Wɩɩ-la fa weye nɛ a kɛŋ pʋlʋmʋŋ kaa kʋ pɩ nɩaa.

Jɔɔŋ 10:28

Ŋɩɩ nɛ mɩ pɩba mɩɩsɩ-la sɩ bɩ dɛrɛ, ba bɩ jaŋ kɔ dɩ ba sʋba. Nʋʋ ma saa bɩ jaŋ wuo kɛmba kaa laa mɩ nɩsɩŋ lɛ da.

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ 15:27

Ma ma jaŋ bʋl mɩ wɩaa pɩ nɩaa, bɛɛ wɩaa mɩ sɩ suomo dɩdagɛ nɩaa, mɩ dɩ ma kala nɩɩ to dɔŋɔ.

Jɔɔŋ 16:28

Mɩ lɩɩ mɩ Nyɩmma teeŋ nɛ a kʋ tuu dʋnɩa. Lɛɛlɛ mɩ saa jaŋ leŋ dʋnɩa aŋ mɩɩra mʋ mɩ Nyɩmma teeŋ.”

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Jɔɔŋ 17:5

Oo, mɩ Nyɩmma, leŋ dɩ mɩ yɩrɩŋ yɩrɛ ŋ sɩpaaŋ lɛɛlɛ, yɩrɩ-la mɩ dɩŋ kala fa sɩ kɛnɛ, aŋ-na ŋaa dʋnɩa.

Jɔɔŋ 19:35

Mɩ-na Jɔɔŋ nɛ na wɩaa deemba arɩ mɩ sɩɩŋ aa bʋlba arɩ ba ŋaa wʋtɩtɩɩ nɛ. Mɩ bʋl wɩaa deemba pɩpɩma dɩ ma ma wuo laa dii.

Jɔɔŋ 21:14

Yesu sɩ sii sʋʋŋ lɛ ʋ butori nɛ ŋɩɩ ʋ sɩ kɛŋ ʋ tɩtɩa kaa kʋ dagɛ ʋ harɩ-tooroo.

Jɔɔŋ 3:13

Nʋʋkala ha bɩ Wɩa-jaŋ jɩla, see mɩ-na Nuhuobiine Bie sɩ lɩɩ nɩmɛ kʋ tuu.

Jɔɔŋ 7:29

Mɩ-na jɩmʋ nɛ, bɛɛ wɩaa mɩ fa hɛ ʋ teeŋ nɛ. Ŋɩɩ nɛ ʋ tɩmmɛ.”

Jɔɔŋ 8:38

Mɩ-na yie bʋl wɩalɩŋ mɩ Nyɩmma sɩ dagɛmɛ nɛ, ma ma ŋɩŋaa wɩalɩŋ ma nyɩmma sɩ dagɛma dɩ ma ŋɩŋaa.”

Tɩntɩŋŋaa 1:22

a suomi bʋa-la Jɔɔŋ fa sɩ fo Yesu Wɩɩchʋɔlɛ lɩɩŋ a kaa mʋ yi tapʋlɩɩ-la Wɩa sɩ joŋu kaa jɩl Wɩa-jaŋ.”

Tɩntɩŋŋaa 10:41

Nʋʋkala dee bɩ ʋ na, ama la nɩalɩŋ Wɩa fa sɩ lɩɩsa dɩ la ŋaa ʋ dansɩaba, la nɛ naʋ. Ʋ sɩ sii sʋʋŋ lɛ, la kala hɔŋ dɩ-bala a dii kɩaa.

Tɩntɩŋŋaa 2:32

Yesu deeŋ nɛ Wɩa chɩsɛ sʋʋŋ lɛ ʋ kɛŋ mɩɩsɩŋ. La kala na wɩɩŋ deeŋ nɛ a jɩŋ ʋ lɛ.

Tɩntɩŋŋaa 3:15

aŋ leŋ ba kpʋ nɩɩ-la sɩɩ pɩ nɩaa mɩɩsɩŋ. Ama Wɩa chɩsʋ sʋʋŋ lɛ nɛ. La ŋaa wɩɩŋ deeŋ pɛ-naaraa nɛ.

Tɩntɩŋŋaa 5:32

La pɛ na wɩaa deemba nɛ. Wɩa Dɩŋ-zɔmʋŋ ma, Wɩa sɩ joŋo hɛ nɩalɩŋ sɩɩ to ʋ niiŋ ma ŋaa pɛ-naaraa.”

Rom Tɩŋŋaa 8:3

Wɩalɩŋ Mosis fa sɩ bile bɩ la lɛ wuo pɛ, bɛɛ wɩaa la yaraa bɩ doluŋ kɛnɛ. Ama wɩalɩŋ ba sɩ bɩ wuo ŋaa, Wɩa wuo ŋaaba nɛ. Ba nɛ ŋ-la: Ʋ sɩɩ chɛ ʋ lɩɩsɛ nuhuobiine wʋbɔŋŋɔɔ lɛ, ʋ ta ʋ tɩtɩa Bie nɛ ʋ kʋ tuu. Ʋ yaraa nagɛ la yaraa, dɩ ʋ laa la wʋbɔŋŋɔɔ ta. Ʋ sɩ ŋaa ŋɩɩ, Wɩa lɩɩsɛ wʋbɔŋŋɔɔ doluŋ nuhuobiine lɛ nɛ.

Galiisia Nɩaa 4:4

Ama bʋa-la tɩtɩa sɩ yie, Wɩa tɩŋ ʋ bie nɛ. Haal nɛ lʋlʋ. Ʋ ma faa to Juu tɩŋŋaa naabalɩmaba wombii-la nɛ,

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

2 Timoti 1:10

Lɛɛlɛ la Laataara Kirisito Yesu sɛnɛ kɔ dʋnɩa nɛ. Ʋ sɩ kɔ ŋɩɩ, la wuo na Wɩa zile wɩaa sɩ nagɛ ŋɩɩ nɛ. Kirisito sɩ kɔ, ʋ kpʋ sʋʋŋ doluŋ kala nɛ. Ʋ bʋl wʋzɔmɔ-la pɩla a to ŋɩɩ lɛ a dagɛla arɩ ʋ nɛ pɩla mɩɩsɩŋ, a bɩra dagɛla dɩ la nɛ sʋba ma, la jaŋ bɩra sii a kɛŋ mɩɩsɩ-la sɩ bɩ dɛrɛ.

Taatɩs 1:2

Nɩalɩŋ sɩɩ to Wɩa wombiiŋ deeŋ, baa yɩɛlɛ arɩ ba jaŋ kɛŋ mɩɩsɩ-la sɩ bɩ dɛrɛ. Wɩa fa bʋl wɩaa a tɩgɛ mɩɩsɩŋ deeŋ lɛ faafaa kala nɛ, ka dʋnɩa-na suomi. Wɩa bɩ wɩaa ka nyɩɛ, ʋ jaŋ ŋaa wɩɩ-la.

1 Pɩɩta 5:1

Mɩ kɛŋ wɩɩ nɛ dɩ mɩ bʋla pɩ ma nɩalɩŋ sɩ ŋaa Wɩa nɩaa nɩhɩasɩŋ. Mɩ ma ŋaa Wɩa nɩaa nɩhɩaŋ dɔŋɔ nɛ. Mɩ tɩtɩa sɩɩŋ na hɛɛ-la Kirisito sɩ na nɛ. Ŋɩɩ tɩtɩa nɛ mɩ ma jaŋ na tʋla-la Kirisito sɩ jaŋ na bʋa-la lɛ ʋ sɩ jaŋ mɩɩra kɔ. Ŋ-la nɛ tɩɩ mɩɩ sʋlma

1 Jɔɔŋ 1:1

Mɩ-na Jɔɔŋ nɛ ŋmʋnsɛ teniŋ deeŋ pɩpɩma a tɩgɛ wɩɩ kʋbala lɛ. Wɩɩ-la fa hɛ nɩmɛ bumbuŋ kala nɛ a kɛŋ mɩɩsɩŋ. La nɩɩ ʋ yikoro a kɛŋ la sɩaa ma naʋ a chaasa benu, a kɛŋ la nɩsaa ma digu.

1 Jɔɔŋ 2:25

Wɩɩ-la Kirisito tɩtɩa sɩ bʋla dɩ ʋ jaŋ ŋaa pɩla nɛ ŋ-la: Ʋ sɩ ʋ jaŋ joŋ mɩɩsɩ-la sɩ bɩ dɛrɛ a pɩla.

1 Jɔɔŋ 3:5

Ma kala jɩma arɩ Kirisito kɔ dɩ ʋ laa la wʋbɔŋŋɔɔ ta nɛ. Ʋ-na bɩ wʋbɔŋ kala ŋaa.

1 Jɔɔŋ 3:8

Ama nɩɩ-la kala ha sɩɩ ŋaa wʋbɔŋŋɔɔ, ʋ ŋaa Sɩtaanɩ nʋʋ nɛ. Sɩtaanɩ ŋaa wʋbɔŋŋɔɔ bumbuŋ kala nɛ a kaa kɔ arɩ jɩnɩŋ kala. Wɩɩ-la sɩ tɩɩ Wɩa Bie kɔ dʋnɩa nɛ ŋ-la: Ʋ kɔ dɩ ʋ chei Sɩtaanɩ tɩntɩŋŋaa nɛ.

1 Jɔɔŋ 4:14

La tɩtɩa na nɛ a laa dii arɩ Wɩa ta ʋ Bie dɩ ʋ kʋ tuu ŋaa dʋnɩa nɩaa Laataara nɛ.

1 Jɔɔŋ 4:2

Ŋ-la lɛ nɛ ma jaŋ to a wuo jɩŋ dɩ nʋʋ nɛ kɛŋ Wɩa Dɩŋ-zɔmʋŋ doluŋ: Nɩɩ-la kala sɩ laa Yesu wɩaa dii a sɛɩ dɩ ʋ nɛ ŋaa Kirisito, nɩɩ-la Wɩa sɩ lɩɩsa, a bɩra sɛɩ dɩ ʋ kʋ ŋaa nuhuobiiŋ nɛ a kʋ tuu dʋnɩa, ʋ tɩɩna nɛ sɛnɛ kɛŋ Wɩa Dɩŋ-zɔmʋŋ doluŋ.

1 Jɔɔŋ 5:11

Wɩɩ-la Wɩa sɩ bʋla nɛ ŋ-la: dɩ ʋ pɩla mɩɩsɩ-la sɩ bɩ dɛrɛ nɛ. Mɩɩsɩ-la hɛ ʋ Bie teeŋ nɛ.

1 Jɔɔŋ 5:13

Mɩ ŋmʋnsɛ wɩɩŋ deeŋ pɩpɩma dɩ ma nɩalɩŋ sɩ laa Wɩa Bie wɩaa dii ma wuo jɩŋ arɩ ma kɛŋ mɩɩsɩ-la sɩ bɩ dɛrɛ nɛ.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.