1 Kɔrɩntɩ Nɩaa 9:7 - WƖA TENIŊ

⁷ Laalɩyuori bɛɛ nɛ yie chɛ ʋ tɩtɩa tɩntɩnnɩ kɩaa a kaa tɩtɩŋ? Paarɩ bɛɛ nɛ bɩ ʋ tɩtɩa baga kɩaa ka dii? Nɛ-daarɩ bɛɛ nɛ bɩ ʋ tɩtɩa nayɩlɩŋ ka nyʋa?

1 Kɔrɩntɩ Nɩaa 9:7 ပူးပေါင်းရင်းမြစ်များ

NAMAGABA 27:18

Nɩɩ-la kala sɩ chɔnsɛ tɩa-la nɛnɛɛ ba sɩɩ dii a beŋ ʋ nyuŋ, ʋ jaŋ dii ʋ nɛnɛɛ. Nɩɩ-la kala sɩ beŋ ʋ nɩhɩaŋ nyuŋ woruŋ, nɩaa jaŋ zilu.

NAMAGABA 27:27

Ŋ jaŋ na bʋ-yɩlɩŋ yʋgɛ, a kaa beŋ ŋ dɩa nɩaa, dɩ haala-la sɩɩ tɩŋ ŋ dɩa lɛ ma na dii.

SOLOMOŊ YƖƖL-SƖMƖŊ 8:12

Ama mɩ nɛ tɩɩ mɩ tɩtɩa girep tɩɩsɩŋ baga, Solomoŋ, mɩ joŋ warɩpʋla bʋɩ nɛ aa pɩŋ, aŋ joŋ warɩpʋla zɔɔ-balɩa aa pɩ nɩalɩŋ ma sɩɩ tɔrɛ tɩɩnɛnɛ-la.

AZAAYA 7:22

ama a tɩŋ pʋsʋŋ deemba sɩ jaŋ kɛŋ yɩlɩŋ yʋgɛ ŋɩɩ wɩaa, ʋ jaŋ na nɛyɩl-dɩndɛrɩŋ a didii. Nɩalɩŋ kala sɩ bɩ sʋba aŋ ka tintee-la lɛ jaŋ dii nɛyɩl-dɩndɛrɩŋ arɩ tʋʋŋ.

Tɩntɩŋŋaa 20:28

Má beŋ ma tɩtɩa nyuŋ woruŋ, aŋ pɛ beŋ nɩalɩŋ maa ʋ Dɩŋ-zɔmʋŋ sɩ joŋo hɛ ma nɩsɩŋ lɛ. Má beŋ nɩalɩŋ sɩ laa Yesu wɩaa dii a hihilimi nyuŋ, a nagɛ pie-daara sɩ yie beŋ ʋ piesee nyuŋ ŋɩɩ. Wɩa nɛ joŋ ʋ tɩtɩa bie chalɩŋ yɔɔba.

MOSIS BƖRA WULLI WƖA WOMBIIŊ 18:8

Ʋ dɩ ʋ dɔnsʋ-la kala kpaalɩŋ jaŋ magɛ dɔŋɔ. Kpaalɩŋ deeŋ-na bɩ ʋ nyɩmma dʋa kpaalɩŋ ʋ sɩ laa lɛ pɛ.

MOSIS BƖRA WULLI WƖA WOMBIIŊ 20:6

Ma kʋŋ hɛ nɩmɛ a chɔnsɛ tɩɩsɩŋ baga, aŋ ha bɩ ba nɛnɛɛ die? Ʋ tɩɩna mɩɩra mʋ dɩa, dɩ ŋɩɩ dee ʋ jaŋ wuo sʋʋ laalɩŋ lɛ, ka dɩ nʋʋ dɔŋ mɩɩra dii tɩɩnɛnɛ-la.

1 Timoti 1:18

Mɩ bii, Timoti, mɩɩ chɛ dɩ mɩ bʋl wɩɩ nɛ a pɩŋ. Wɩa wʋlaabʋllaa fa bʋl wɩaa a tɩgɛ ŋ lɛ nɛ. Ŋ nagɛ laalɩyuoru nɛ. Leŋ dɩ wɩalɩŋ ba sɩ bʋla tɩgɛ ŋ lɛ ŋaa ŋ laalɩyuori kɩaa, dɩ ŋ kaa yuo laalɩŋ woruŋ.

1 Timoti 6:12

Yuo laal-la woruŋ a mʋ tɩgɛ wɩalɩŋ ŋ sɩ laa dii lɛ. Hɛ doluŋ a wuo laa mɩɩsɩ-la sɩ bɩ dɛrɛ, ʋ wɩaa nɛ Wɩa yɩrɩŋ bʋa-la lɛ ŋ sɩ suri ŋ niiŋ a bʋl nɩ-daŋ sɩpaaŋ arɩ ŋ laa Wɩa dii nɛ.

2 Timoti 4:7

Mɩ yuo laalɩ-zɔŋ-la nɛ woruŋ. Mɩ fá mɩ fanɩŋ dɛrɛ nɛ. Mɩ chɩŋ wɩalɩŋ mɩ sɩ laa dii lɛ nɛ.

1 Pɩɩta 5:2

dɩ ma beŋ Wɩa nɩalɩŋ ʋ sɩ joŋo hɛ ma nɩsɩŋ lɛ, arɩ pie-daaraa sɩɩ beŋ ba piesee nyuŋ ŋɩɩ. Má sɩ́ leŋe dɩ ʋ nagɛ arɩ baa fʋgɛma nɛ dɩ ma bemba, ama má bemba ma tɩtɩa tʋɔtɔrʋŋ lɛ arɩ Wɩa sɩɩ chɛ ŋɩɩ. Má cho tɩntɩmɩɩ-la, aŋ sɩ́ naga arɩ moribiee nɛ maa chɛ.