1 Kɔrɩntɩ Nɩaa 9:5 - WƖA TENIŊ

⁵ Ʋ bɩ wombiiŋ kɛnɛ dɩ la ma jaa haalaa sɩ laa Yesu wɩaa dii, dɩ ba to la harɩŋ a mʋmʋ lere-la la sɩɩ bʋl Wɩa wɩaa, koo? Wɩa nanzɔɔba dɔnsʋŋ arɩ La Tɩɩna Yesu ŋaanaa arɩ Pɩɩta ba sɩɩ yɩrɛ Kɩɩfas yie ŋaa ŋɩɩ nɛ.

1 Kɔrɩntɩ Nɩaa 9:5 ပူးပေါင်းရင်းမြစ်များ

SOLOMOŊ YƖƖL-SƖMƖŊ 4:12

Mɩ hɩɩla, mɩ ha-falɩŋ, ŋ nagɛ lɩga ba sɩ lɩga nɛ mɩ teeŋ. Ŋ nagɛ lɩɩ-bulo ba sɩ gɩba nɛ.

Matiu 13:55

Josɛf, kapɩnta-la bie dee ŋɩɩ? Mɛɛrɩ dee bɩ ʋ naaŋ ŋaa? Jeems arɩ Josɛf arɩ Saamɔŋ arɩ Judas, ʋ naambiiriŋ dee ŋɩɩ?

Matiu 8:14

Ŋɩɩ nɛ Yesu mʋ Pɩɩta dɩa. Ʋ sɩ jʋa, ʋ na dɩ ʋ hɩɩlɩ-haala pɩna a wʋwɩɩlɛ, ʋ yaraa kala lɩŋ.

Maak 1:30

Ba mʋa dɩ Saamɔŋ hɩɩlɩ-haala pɩna a wʋwɩɩlɛ, ʋ yaraa kala lɩŋ. Yesu sɩ kɔ ŋɩɩ, ba bʋla pʋ.

Maak 6:3

Kapɩnta-la dee ŋɩɩ? Mɛɛrɩ nanʋala dee? Jeems arɩ Josɛf arɩ Judas arɩ Saamɔŋ naambie dee? Ʋ dɩhaalaa na dee bɩ la tʋɔŋ hɛ ŋ-laa?” Ŋɩɩ nɛ ba vɩaʋ.

Luuk 6:15

arɩ Matiu arɩ Tɔmas arɩ Alɩfɩyas bie Jeems, arɩ Saamɔŋ Zɛlɔt,

Luuk 8:20

Ŋɩɩ nɛ nʋʋ bʋla pɩ Yesu, “Ŋ naaŋ arɩ ŋ ŋaanaa nɛ chɩŋ jeeŋ harɩŋ a chɩchɛ dɩ ba naŋ.”

Jɔɔŋ 1:42

Ʋ kɛŋ Saamɔŋ kaa kɔ Yesu teeŋ. Ŋɩɩ nɛ Yesu benu aŋ bʋla pʋ, “Ŋ nɛ Jɔɔŋ bie Saamɔŋ. Ama lɛɛlɛ ba jaŋ yɩyɩrɩŋ Sefas.” Sefas arɩ Pɩɩta fa ŋaa yɩrɩ-bala nɛ, ʋ bʋbʋɔŋ nɛ bʋŋ.

Jɔɔŋ 2:12

A lɩɩ gbiele-la harɩŋ, Yesu arɩ ʋ naaŋ arɩ ʋ ŋaanaa arɩ ʋ harɩ-tooroo sii mʋ Kapɛnam tinteeŋ a hɛ nɩmɛ tapʋlaa baŋmɛnɛ.

Tɩntɩŋŋaa 1:14

Ba dɩ haalaa dɔnsʋŋ arɩ Yesu naaŋ Mɛɛrɩ arɩ Yesu ŋaanaa, ba kala fa ŋaa nii-bala nɛ aa hilimi nɩmɛ, a fɩɛsɛ sɩɩŋ a chʋchʋɔlɛ Wɩa.

Rom Tɩŋŋaa 16:1

Mɩɩ chɛ mɩ kɛŋ la dɩhaala Foobi dagɛma nɛ. Ʋ nɛ ŋaa nɩalɩŋ sɩ laa Yesu wɩaa dii aa hilimi sɩpaalaara, a hɛ Keŋkiriya lɛ.

1 Kɔrɩntɩ Nɩaa 1:12

Wɩɩ-la mɩ sɩ nɩa nɛ ŋ-la: Ma dɔŋɔ yie bʋl dɩ ʋʋ to Pɔɔl harɩŋ nɛ, ka dɔŋɔ ma sɩ dɩ ʋʋ to Apɔlɔs harɩŋ nɛ. Dɔŋɔ ma sɩ ʋʋ to Pɩɩta harɩŋ nɛ, ka dɔŋɔ ma sɩ ʋʋ to Kirisito harɩŋ nɛ.

1 Kɔrɩntɩ Nɩaa 7:15

Baal koo haal, dɩ ba tʋɔŋ nɩɩ-la sɩ bɩ Wɩa ka chʋɔlɛ nɩɩ chɛ dɩ nɩɩ-la ʋ sɩ jaa viiri, ʋ maga dɩ ʋ viiri. Dɩ ʋ nɛ viire, nɩɩ-la sɩɩ chʋɔlɛ Wɩa bɩ wɩɩ ŋaa chei. Wɩa yie chɩchɛ dɩ ma hɔŋ sɔm nɛ.

1 Kɔrɩntɩ Nɩaa 7:39

Haala sɩ kɛŋ bala, dɩ ʋ bala nɛ hɛ ʋ mɩɩsɩŋ lɛ, ʋ bala-la nɛ tɩɩʋ. Ama dɩ ʋ bala nɛ sʋba, ʋ kɛŋ wombiiŋ dɩ ʋ bɩra jaa baal dɔŋ ʋ sɩ cho. Ama ʋ maga dɩ ʋ jaa nɩɩ-la sɩ cho La Tɩɩna nɛ.

1 Kɔrɩntɩ Nɩaa 7:7

Wʋtɩtɩɩ nɛ, mɩ fa jaŋ cho dɩ ma kʋŋkala nagɛmɛ a bɩ haala jaa, ama nʋʋ ma kala arɩ ʋ wɩɩ Wɩa sɩ joŋo pʋ nɛ. Wɩa yie joŋ wɩɩŋ deeŋ a pɩ nɩa dɔŋɔ a joŋ wɩɩ dɔŋ a pɩ dɔŋɔ ma.

1 Kɔrɩntɩ Nɩaa 7:8

Mɩɩ chɛ dɩ mɩ bʋl bonjoŋŋoo arɩ ha-bonjoŋŋoo arɩ ma yo-haalaa wɩaa nɛ. Ʋ jaŋ ŋaa wʋzɔŋ dɩ ma ma nɛ nagɛmɛ a bɩ baala koo haala jaa.

Galiisia Nɩaa 1:19

Mɩ sɩ hɔŋ nɩmɛ, mɩ bɩ Yesu nanzɔɔ kala na see Jeems, La Tɩɩna Yesu ŋaana.

1 Timoti 3:2

Ŋɩɩ wɩaa dɩ nʋʋ nɛ ŋaa Wɩa nɩaa nɩhɩaŋ, ʋ tɩɩna maga dɩ ʋ wʋŋaalaa kala zɔŋ nɛ. Ʋ maga dɩ ʋ kɛŋ ha-bala dʋndʋŋ nɛ. Ʋ maga dɩ ʋ sɩaa fɩɛlɛ, a wuo kɛŋ ʋ tɩtɩa woruŋ dɩ nɩaa zizilu. Ʋ maga dɩ ʋ wuo laa nʋhʋɔraa ma bibil ʋ dɩa lɛ a wuo dɩdagɛ Wɩa nɩaa woruŋ.

1 Timoti 4:3

Nɩdosunu-la yie dagɛ arɩ ʋ bɩ maga dɩ nɩaa jɩjaa haalaa, a bɩra kɩkɩsɛ kʋdiilee dɔnsʋŋ ma arɩ nammɩɩ-dosunuŋ. Ama Wɩa nɛ ta nammɩa arɩ kʋdiilee deemba dɩ nɩaa didii. Nɩalɩŋ sɩ laa Yesu wɩaa dii a jɩŋ wʋtɩtɩɩ-la maga dɩ ba laa sɩpaaŋ lɔllʋ aŋ-na dii.

1 Timoti 5:2

Kɛŋ hanɩhɩasɩŋ ma woruŋ arɩ ba ŋaa ŋ naamba nɛ, a kɛŋ hantolibiisiŋ ma woruŋ arɩ ba ŋaa ŋ dɩhaalaa nɛ. Dɩ ŋ nɩɩ ŋaa ŋɩɩ, pɔ dɩ disiniŋ sɩ́ ma pɛgɛ hɛ.

Taatɩs 1:6

Wɩa nɩaa nɩhɩaŋ maga dɩ ʋ sɩ́ wʋcheeli kala kɛŋ nɩaa teeŋ. Ʋ maga dɩ ʋ kɛŋ ha-bala nɛ, ka ʋ biiriŋ ma kala laa Wɩa wɩaa dii, dɩ nɩaa sɩ́ bʋl arɩ ba tɛrɛ, a bɩ kʋhɩasɩŋ ma niiŋ ka to.

Hiburu TƖŊŊAA 13:4

Ma nɩalɩŋ sɩ jaa dɔŋɔ, má kɛŋ dɔŋɔ woruŋ a sɩ́ wʋlɩɩlɩŋ ŋaa, bɛɛ wɩaa Wɩa jaŋ dii nɩalɩŋ sɩɩ ŋaa bachɔrʋŋ arɩ hachɔrʋŋ wɩaa sarɩya, a pɛ nɩalɩŋ sɩɩ ŋaa wʋlɩɩlɩŋ lɛ.