1 Kɔrɩntɩ Nɩaa 9:1 - WƖA TENIŊ

¹ Ma sɩ namɛ ŋɩɩ, mɩ bɩ mɩ tɩtɩa tɩɩ? Mɩ bɩ Wɩa nanzɔɔ ŋaa? Mɩ ha bɩ Yesu La Tɩɩna naa? Ma sɩ laa wɩalɩŋ dii bɩ daga arɩ mɩ tɩma pɩ La Tɩɩna nɛɛ?

1 Kɔrɩntɩ Nɩaa 9:1 ပူးပေါင်းရင်းမြစ်များ

Tɩntɩŋŋaa 13:2

Nɩaa deemba fa sɩ chʋɔlɛ Wɩa a vʋvɔɔ niiŋ, ŋɩɩ nɛ Wɩa Dɩŋ-zɔmʋŋ bʋla pɩba, “Má lɩɩsɛ Banabas arɩ Sɔɔl pɩmɛ dɩ ba tɩŋ tɩntɩmɩɩ-la mɩ sɩ yɩrɛba dɩ ba tɩŋ.”

Tɩntɩŋŋaa 14:14

Banabas arɩ Pɔɔl sɩ nɩɩ wɩɩ-la ba sɩɩ chɛ ba ŋaa, ba kɛŋ ba gɛnnɩŋ kɩɛsɛ, aa dagɛ arɩ ba bɩ sɛyɛ, aŋ fá jʋʋ nɩalɩŋ tʋɔŋ a faasa bʋl,

Tɩntɩŋŋaa 14:4

Nɩalɩŋ fa sɩ hɛ tabal-la lɛ kpaa balɩa. Dɔnsʋŋ tuto Juu tɩŋŋaa, dɔnsʋŋ ma tuto Yesu nanzɔɔba-la.

Tɩntɩŋŋaa 23:11

Ʋ taŋ sɩ bire, tɩtaŋ-la tɩtɩa La Tɩɩna Yesu kɔ Pɔɔl teeŋ, a chɩna kpagʋ, a bʋla pʋ, “Nyɩrɛ ŋ bɔyɛ. Ʋ maga dɩ ŋ ŋaa nɩɩ-la sɩ pɛ na mɩ wɩaa nɛ bʋlba Rom lɛ arɩ ŋ sɩ bʋl mɩ wɩaa ŋɩɩ Jerusalɛm lɛ.”

Tɩntɩŋŋaa 9:15

La Tɩɩna Yesu bʋla pɩ Ananɩas, “Sii mʋ, mɩ nɛ lɩɩsʋ dɩ ʋ tɩma pɩpɩmɛ. Ʋ jaŋ mʋ bʋl mɩ wɩaa pɩ nɩalɩŋ sɩ bɩ Juu tɩŋŋaa ŋaa, arɩ ba kuoroo, arɩ Iziral nɩaa teeŋ.

Tɩntɩŋŋaa 9:17

Ŋɩɩ nɛ Ananɩas sii mʋ dɩa-la Sɔɔl sɩ jʋa. Ʋ jʋʋ a joŋ ʋ nɩsaa daŋ Sɔɔl lɛ aŋ bʋl, “Mɩ naambie Sɔɔl, La Tɩɩna Yesu-la ŋ sɩ na wombiiŋ lɛ ŋ sɩɩ kɔ daha, ʋ nɛ tɩmmɛ. Ʋ tɩmmɛ dɩ mɩ kɔ dɩ ŋ sɩaa wuo suri, ka dɩ Wɩa Dɩŋ-zɔmʋŋ ma hɛŋ lɛ.”

Tɩntɩŋŋaa 9:3

Sɔɔl sɩ lɩɩ joŋ wombiiŋ a mʋmʋ Damasɩkʋs a kʋ kpagɛ taŋ-la, pʋlʋmʋŋ guu lɩɩ wɩa-nyuŋ a faasa chaana hɛ ʋ lɛ.

Tɩntɩŋŋaa 9:5

Ŋɩɩ nɛ Sɔɔl pɩɛsɛ, “Kʋbɛɛ nɛ tɩɩna?” Yikoro-la bʋl, “Mɩ nɛ ŋaa Yesu, nɩɩ-la ŋ sɩ to naasɩŋ a dʋdɔgɩsɛ.

Rom Tɩŋŋaa 1:1

Mɩ-na Pɔɔl sɩ ŋaa Yesu Kirisito tɩntɩnna, mɩ nɛ ŋmʋnsɛ teniŋ deeŋ a pɩpɩ ma Rom tɩŋŋaa. Wɩa nɛ yɩrɛmɛ mɩ ŋaa ʋ nanzɔɔ. Ʋ lɩɩsɛmɛ dɩ mɩ bʋl ʋ wʋzɔmɔ-la a pɩ nɩaa nɛ.

Rom Tɩŋŋaa 1:5

Ʋ lahɔrɩmɔ lɛ Wɩa leŋe mɩ ŋaa ʋ nanzɔɔ nɛ a bʋl ʋ wʋzɔmɔ-la wɩaa a pɩ dʋnɩa nɩaa kala, dɩ ba laa dii a to Yesu niiŋ a wuo zil ʋ yɩrɩŋ.

Rom Tɩŋŋaa 11:13

Ma nɩalɩŋ sɩ bɩ Juu tɩŋŋaa ŋaa nɛ mɩ lɛɛlɛ chɩchɛ dɩ mɩ bʋl wɩaa pa. Wɩa nɛ tɩmmɛ dɩ mɩ ŋaa nɩalɩŋ sɩ bɩ Juu tɩŋŋaa ŋaa nanzɔɔ. Mɩ joŋ tɩntɩmɩŋ deeŋ ʋ ŋaa tɩntɩŋ-fɩaŋ nɛ.

1 Kɔrɩntɩ Nɩaa 1:1

Mɩ-na Pɔɔl, arɩ la naambie Sɔsɩtɛnɩs nɛ ŋmʋnsɛ teniŋ deeŋ pɩpɩma. Wɩa tʋɔtɔrʋŋ lɛ nɛ ʋ lɩɩsɛmɛ dɩ mɩ ŋaa Yesu Kirisito nanzɔɔ.

1 Kɔrɩntɩ Nɩaa 10:29

Sɩ́ ŋ tʋɔbɩɩnaa lɛ to a dii, to nɩɩ-la sɩ bʋla pɩŋ tʋɔbɩɩnaa lɛ a sɩ́ dii. Dɩ mɩ nɛ jɩma arɩ mɩ kɛŋ wombiiŋ dɩ mɩ ŋaa wɩɩ, bɛɛ nɛ saa tɩɩ nʋʋ dɔŋ tʋɔbɩɩnaa jaŋ wuo pɔ dɩ mɩ sɩ́ wɩɩ-la ŋaa?

1 Kɔrɩntɩ Nɩaa 10:30

Dɩ mɩ nɛ lɔllɛ Wɩa aŋ-na dii kʋdiil-na kala, ɛɛ nɛ saa nʋʋ dɔŋ jaŋ wuo bʋl arɩ mɩ cheye nɛ a tɩŋ kʋdiile-la mɩ sɩ die wɩaa?

1 Kɔrɩntɩ Nɩaa 11:16

Dɩ nʋʋ nɛ saa chɛ dɩ ʋ kɛŋ wɩɩŋ deeŋ kaalɛrɛ, mɩ jaŋ bʋl arɩ wɩɩ-la nɛ la tuto. Wɩɩ dɔŋ kala tuo. Nɩalɩŋ sɩ laa Yesu wɩaa dii aa hilimi ma ka to ŋɩɩ nɛ.

1 Kɔrɩntɩ Nɩaa 3:6

Wɩa wɩalɩŋ la sɩ bʋla pɩma nagɛ kʋdoho nɛ la duu. Mɩ nɛ duu kʋdoho-la, Apɔlɔs ma nɛ ŋaa lɩɩŋ a mɩsɛ, ama Wɩa nɛ leŋe ʋ waa.

1 Kɔrɩntɩ Nɩaa 9:19

Mɩ nɛ tɩɩ mɩ tɩtɩa, mɩ tuo nʋʋkala yoŋ. Ama mɩ kɛŋ mɩ tɩtɩa bɩrɩmɛ nʋʋkala yoŋ nɛ dɩ mɩ na nɩaa yʋgɛ dɩ ba kʋ to Wɩa.

2 Kɔrɩntɩ Nɩaa 10:7

Maa beŋ kɩaa jambaa nɛ. Dɩ nʋʋ nɛ bɩɩna arɩ ʋ ŋaa Kirisito nʋʋ nɛ, ʋ tɩɩna maga dɩ ʋ jɩŋ arɩ la ma ŋaa Kirisito nɩaa nɛ.

2 Kɔrɩntɩ Nɩaa 11:5

Mɩ bɩɩna nɩaa deemba sɩ joŋ ba tɩtɩa arɩ ba nɛ ŋaa Yesu nanzɔɔba a kɩɩ nʋʋkala, ba bɩ mɩ lɛ kpɩa.

2 Kɔrɩntɩ Nɩaa 6:1

Tɩntɩmɩɩ-la la sɩɩ tɩŋ, la dɩ Wɩa kala nɩɩ tɩŋ. Ŋɩɩ wɩaa laa sʋlma, má sɩ́ leŋe dɩ Wɩa lahɔrɩmɔ-la ʋ sɩ kɛnɛ ma teeŋ ŋaa wʋpɛɩba.

Galiisia Nɩaa 1:1

Mɩ-na Pɔɔl sɩ ŋaa Yesu Kirisito nanzɔɔ nɛ ŋmʋnsɛ teniŋ deeŋ aa pɩ ma nɩalɩŋ sɩ laa Yesu wɩaa dii aa hilimi Galiisia tinteeŋ lɛ. Yesu Kirisito arɩ ʋ Nyɩmma Wɩa sɩ chɩsʋ sʋʋŋ lɛ nɛ lɩɩsɛmɛ a tɩmmɛ, nuhuobiinee dee bɩ mɩ lɩɩsa.

Galiisia Nɩaa 5:1

Kirisito laala ta nɛ dɩ la tɩɩ la tɩtɩa. Má saa chɩŋ kpaŋ kpaŋ, a pɔ dɩ nʋʋkala bɩra sɩ́ ma kaa ŋaa yosi.

1 Tɛsalonaaka Nɩaa 2:6

La bɩ ma teeŋ kɔ dɩ ma nɩaa koo nɩaa dɔnsʋŋ zizilla. La sɩ ŋaa Kirisito nanzɔɔba ŋɩɩ, la fa jaŋ wuo joŋ wɩaa nyagɛma.

1 Timoti 2:7

Ŋɩɩ nɛ tɩɩ Wɩa lɩɩsɛmɛ dɩ mɩ ŋaa ʋ nanzɔɔ a wuo heele bʋl wɩaa deemba a pɩ nɩalɩŋ sɩ bɩ Juu tɩŋŋaa ŋaa, aŋ pɛ dagɛba dɩ ba laa wɩalɩŋ dii a jɩŋ wʋtɩtɩɩ. Wʋtɩtɩɩ nɛ mɩɩ bʋl, mɩ bɩ wɩaa nyɩa.

2 Timoti 1:11

Yesu wʋzɔmɔ-la wɩaa nɛ tɩɩ Wɩa lɩɩsɛmɛ dɩ mɩ ŋaa ʋ nanzɔɔ, a leŋ mɩ bʋl wɩaa deemba a pɩpɩ nɩaa a dɩdagɛba.