1 Kɔrɩntɩ Nɩaa 8:9 - WƖA TENIŊ

⁹ Ma nɩalɩŋ sɩ laa Wɩa wɩaa dii a jɩŋ arɩ ma jaŋ wuo dii kʋŋkala, má fɩɛlɛ ma sɩaa, dɩ ŋɩɩ dee ma jaŋ leŋ dɩ nɩalɩŋ ma sɩ laa Wɩa wɩaa dii aŋ bɩ ba lɛ chɩna woruŋ ŋaa wʋbɔŋ.

1 Kɔrɩntɩ Nɩaa 8:9 ပူးပေါင်းရင်းမြစ်များ

AZAAYA 35:3

Bʋl wɩaa a duori nɩalɩŋ kala sɩ bɩ doluŋ kɛnɛ nandaasɩŋ, a leŋ dɩ nɩalɩŋ naadʋsʋŋ sɩ daaga polli.

AZAAYA 57:14

La TƖƖNA sɩ, “Má wasɛ wombiiŋ a leŋ dɩ mɩ nɩaa mɩɩra kɔ mɩ teeŋ, má sɩ́ leŋe dɩ kʋŋkala kɛrɛ ba wombiiŋ.

ƐZƖKƖƐL 14:3

“Nuhuobiiŋ, nɩaa deemba joŋ vʋɩyaa kpaarɩŋ nɛ hɛ ba nyuŋ lɛ, a leŋ nɩbɔŋ wɩaa kɛrɛba. Ɛɛ nɛ saa ba jaŋ pɩɛsɛmɛ dɩ mɩ dagɛba wɩaa?

ƐZƖKƖƐL 44:12

Ama a tɩŋ ba sɩ laa Iziral tɩŋŋaa sɩpaaŋ a kpaarɛ ba vʋɩyaa pɩpɩba, a leŋ Iziral tɩŋŋaa ŋaa wʋbɔŋŋɔɔ, mɩ-na ma TƖƖNA Wɩɩjarɩbakɔ ŋmɩɛsa nɛ arɩ mɩ jaŋ dɔgɩsɛba.

LEVI DOHO NƖAA 19:14

Má fá mɩ-na ma TƖƖNA Wɩa a sɩ́ taŋɩŋ tʋʋsʋ koo a joŋ kʋa bil nyʋlɩma sɩpaaŋ dɩ ʋ gɛrɛ tel.

Matiu 18:10

Ŋɩɩ nɛ Yesu bɩra sɩ, “Má fɩɛlɛ ma sɩaa a sɩ́ bee gʋʋnɛ hambiisiŋ deemba kʋŋkala. Mɩ bʋlaa pɩma, Wɩa ta ʋ tɩndaaraa nɛ dɩ ba bibemba. Ba hɛ Wɩa-jaŋ bʋa na-kala lɛ, mɩ Nyɩmma sɩ hɛ lee-la. [

Rom Tɩŋŋaa 15:1

La nɩalɩŋ sɩ laa Wɩa dii woruŋ, ʋ maga dɩ la pɛ nɩalɩŋ sɩ bɩ ʋ laa dii woruŋ lɛ arɩ wɩalɩŋ ba sɩ bɩ doluŋ kɛnɛ lɛ. Ʋ bɩ maga dɩ la ŋɩŋaa wɩalɩŋ sɩɩ tɔrɛ la dʋndʋŋa tʋɔŋ.

1 Kɔrɩntɩ Nɩaa 10:24

Nʋʋkala bɩ maga dɩ ʋ ŋɩŋaa ʋ dʋndʋŋa tʋɔtɔrɛ wɩaa, ama ʋ maga dɩ ʋ ŋɩŋaa wɩalɩŋ sɩɩ tɔrɛ ʋ dɔnsʋŋ tɩŋŋaa ma tʋɔŋ nɛ.

1 Kɔrɩntɩ Nɩaa 10:28

Ama dɩ nʋʋ nɛ bʋla pɩŋ arɩ kɩalɩŋ ŋ sɩɩ dii ŋaa vʋɩŋ kɩaa nɛ, ʋ naga arɩ nɩɩ-la sɩ bʋla pɩŋ tʋɔbɩɩnaa ka walɩmʋ nɛ a mʋ tɩgɛ kʋdiile-la lɛ. Ŋɩɩ wɩaa sɩ́ dii.

1 Kɔrɩntɩ Nɩaa 10:29

Sɩ́ ŋ tʋɔbɩɩnaa lɛ to a dii, to nɩɩ-la sɩ bʋla pɩŋ tʋɔbɩɩnaa lɛ a sɩ́ dii. Dɩ mɩ nɛ jɩma arɩ mɩ kɛŋ wombiiŋ dɩ mɩ ŋaa wɩɩ, bɛɛ nɛ saa tɩɩ nʋʋ dɔŋ tʋɔbɩɩnaa jaŋ wuo pɔ dɩ mɩ sɩ́ wɩɩ-la ŋaa?

1 Kɔrɩntɩ Nɩaa 10:32

Wɩɩ-na kala ma sɩɩ ŋaa lɛ, má pɔ ma tɩtɩa lɛ. Má sɩ́ leŋe dɩ Juu tɩŋŋaa koo nɩalɩŋ sɩ bɩ Juu tɩŋŋaa ŋaa vɩa Wɩa wombiiŋ. Má sɩ́ leŋe dɩ nɩalɩŋ ma sɩ laa Yesu wɩaa dii aa hilimi, dɩ ba dɔŋɔ ma tel.

1 Kɔrɩntɩ Nɩaa 8:10

Ma nɩalɩŋ sɩ waa Wɩa wɩaa lɛ, dɩ ma dɔnsʋŋ nɛ jʋʋ vʋɩŋ dɩa a hɔnɔ didii kɩaa, dɩ nɩalɩŋ sɩ bɩ waa Wɩa wɩaa lɛ nɛ nama dɩ maa dii kʋdiilee deemba, ma bɩ jɩŋ arɩ ba ma jaŋ to ma lɛ a didii kɩaa deemba?

1 Kɔrɩntɩ Nɩaa 8:12

Ŋɩɩ wɩaa, dɩ kʋdiile-la ma sɩɩ dii nɛ leŋe dɩ ma naambiiriŋ to ŋɩɩ lɛ a ŋaa wʋbɔŋ, maa vʋgʋmɛ ʋ tʋɔbɩɩnaa nɛ ŋɩɩ. Dɩ ma nɛ ŋaa ŋɩɩ, ma ŋaa wʋbɔŋ nɛ Kirisito lɛ.

1 Kɔrɩntɩ Nɩaa 9:22

Dɩ mɩ nɛ mʋ nɩalɩŋ sɩ bɩ waa Wɩa wɩaa lɛ teeŋ, mɩ yie kɛŋ mɩ tɩtɩa a nagɛ ba dɔŋɔ nɛ, dɩ mɩ wuo leŋ dɩ ba kʋ to Wɩa. Mɩ yie kɛŋ mɩ tɩtɩa bɩrɩmɛ a nagɛ nʋʋkala nɛ dɩ mɩ wuo laa dɔnsʋŋ ta, dɩ mɩ nɛ wuolo.

2 Kɔrɩntɩ Nɩaa 11:21

Hɩɩsɩŋ kɛmmɛ nɛ mɩ sɩɩ chɛ dɩ mɩ bʋl wɩɩŋ deeŋ. La-na fa bɩ doluŋ kɛnɛ dɩ la ŋaa wɩaa deemba ma lɛ. Ama mɩ haa bʋl wɩaa arɩ nɩyaarɩ nɛ. Dɩ nʋʋ nɩɩ bigisi ʋ tɩtɩa lɛ a tɩŋ wɩɩ wɩaa, mɩ ma jaŋ wuo bigisi mɩ tɩtɩa lɛ a tɩŋ wɩɩ-la wɩaa.

2 Kɔrɩntɩ Nɩaa 11:29

Dɩ nʋʋ nɛ bɩ doluŋ kɛnɛ, mɩ ma bɩ doluŋ kɛnɛ. Dɩ ba nyɩsɛ nʋʋ dɩ ʋ ŋaa wʋbɔŋ ma, mɩ tʋɔŋ yie faasa chei nɛ.

2 Kɔrɩntɩ Nɩaa 6:3

La bɩ chɛ dɩ la joŋ kʋŋkala gɛrɛ nʋʋkala wombiiŋ lɛ dɩ ba sɩ́ wʋbɔŋ kala bɩɩnʋ a mʋ tɩgɛ tɩntɩmɩɩ-la la sɩɩ tɩŋ lɛ. La ŋaa Wɩa tɩntɩnnaa nɛ.

Galiisia Nɩaa 5:13

Ka ma-na mɩ naambiiriŋ, Wɩa yɩrɛma nɛ dɩ ma tɩɩ ma tɩtɩa. Ma saa sɩ tɩɩ ma tɩtɩa ŋɩɩ, má sɩ́ ŋɩɩ joŋ a to ma tɩtɩa tʋɔtɔrɛ wʋŋaalaa lɛ. Ama má cho dɔŋɔ a tɩma pɩpa dɔŋɔ.

Koloosi Nɩaa 2:8

Má sɩ́ leŋe dɩ nʋʋkala nyɩsa kɛsɛma dɩ ma tou. Baa dagɛma nuhuobiine wʋjɩmɩŋ nɛ, aa nyɩsɛma arɩ wɩalɩŋ sɩ bɩ bʋbʋɔ kɛnɛ. Ba to nuhuobiinee naabalɩma wɛnɩŋ nɛ a dagɛ dɩ-suomuŋ wɩaa dʋnɩa nɩaa sɩɩ to. Wɩaa deemba bɩ Kirisito teeŋ lɩa.

1 Pɩɩta 2:16

Ma tɩɩ ma tɩtɩa nɛ, ŋɩɩ wɩaa má hɔŋ a nagɛ nɩaa sɩ tɩɩ ba tɩtɩa, aŋ sɩ́ leŋe dɩ ŋɩɩ ŋaa dɩ ma ŋaa wʋbɔŋŋɔɔ. Ama má ŋaa wɩalɩŋ sɩ jaŋ dagɛ arɩ ma ŋaa Wɩa tɩntɩnnaa nɛ.

2 Pɩɩta 2:19

Ba yie nyɩnyɩsɛba a bʋl dɩ ba nɛ to ba harɩŋ, ba jaŋ tɩɩ ba tɩtɩa. Ama wʋnyɩɛraa deemba paala bɩ ba tɩtɩa tɩɩ. Ba nɛ wʋbɔŋŋɔɔ yosuŋ, bɛɛ wɩaa dɩ nʋʋkala nɛ leŋe dɩ wɩɩ malʋ, dɩ ʋ nɛ bɩ wɩɩ-la wuo leŋ, ʋ yie kʋ ŋaa wɩɩ-la yoŋ nɛ.

Jɔɔŋ Wʋnaalaa 2:14

Ma ŋaa kukeri nɛ, ama wɩaa baŋmɛnɛ nɛ ma ŋaa chei. Nɩaa dɔnsʋŋ hɛ ma tʋɔŋ a tuto wɩalɩŋ baal-la ba sɩɩ yɩrɛ Balam fa sɩɩ dagʋ. Ʋ nɛ dagɛ kuoru kʋbala baa yɩrɛ Balak dɩ ʋ nyɩsɛ Iziral tɩŋŋaa dɩ ba didii vʋɩyaa kɩaa aŋ pɛ ŋɩŋaa wʋlɩɩlɩŋ.