1 Kɔrɩntɩ Nɩaa 8:8 - WƖA TENIŊ

⁸ Kʋdiilee bɩ jaŋ wuo leŋ dɩ Wɩa arɩ nuhuobiinee pɛgɛ zɔŋ. Dɩ ŋ nɛ dii kʋdiilee dɔnsʋŋ aŋ vɩvɩa dɔnsʋŋ, ʋ tuo wɩɩkala Wɩa teeŋ.

1 Kɔrɩntɩ Nɩaa 8:8 ပူးပေါင်းရင်းမြစ်များ

Matiu 25:15

Ʋ kɛŋ kɩalɩŋ kaa kpaaba a magɛ ŋɩɩ nʋʋkala sɩ jaŋ wuo beŋ nɛ. Ʋ joŋ warɩpʋla bʋɩ zɔɔ-balɩa a pɩ dɔŋɔ dɩ ʋ bibeŋ, a joŋ warɩpʋla bʋɩ mahɩŋ banɛsɛ a pɩ dɔŋɔ ma, aŋ joŋ warɩpʋla bʋɩ mahɩŋ balɩa a pɩ dɔŋɔ ma. Ŋɩɩ nɛ ka ʋ vɛŋ ʋ wombii-la.

Rom Tɩŋŋaa 14:17

Kʋdiile-la la sɩɩ dii arɩ kɩalɩŋ la sɩɩ nyʋa bɩ sɩɩfɩaŋ wɩɩ ŋaa Wɩa kuorii-la tʋɔŋ. Wɩalɩŋ sɩ ŋaa sɩɩfɩaŋ wɩaa nɛ ŋ-la: Dɩ la kɛŋ tʋɔpʋla Wɩa sɩpaaŋ, a kɛŋ nii-bala, aŋ pɛ kɛŋ tʋɔtɔrʋŋ ma Wɩa Dɩŋ-zɔmʋŋ doluŋ lɛ.

1 Kɔrɩntɩ Nɩaa 6:13

Nʋʋ hɛ nɩmɛ a ma jaŋ bʋl, Wɩa nɛ ŋaa kʋdiilee ba dii hɩhɛ luoruŋ lɛ, ka luoruŋ ma laa kʋdiile-la bibil. Wʋtɩtɩɩ nɛ, ama Wɩa jaŋ leŋ dɩ kʋdiilee arɩ luoru-la kala pʋa. Wɩa bɩ nuhuobiine ŋaa dɩ ʋ kɛŋ ʋ yaraa ŋɩŋaa wʋlɩɩlɩŋ, ama dɩ ʋ kɛŋ ʋ yaraa tɩma pʋpʋ. Wɩa nɛ tɩɩ yara-la ma.

Hiburu TƖŊŊAA 13:9

Má sɩ́ leŋe dɩ nɩaa dɔnsʋŋ kɛŋ wʋtanɩa kʋ dagɛma dɩ ma yeŋŋi. Wɩa lahɔrɩmɔ lɛ nɛ la jaŋ wuo kɛŋ doluŋ a ŋaa wɩalɩŋ Wɩa sɩɩ chɛ, kʋdiilee kɩsɩnɩŋ lɛ dee. Nɩalɩŋ tɩtɩa sɩɩ to kʋdiilee kɩsɩnɩ-la ŋɩɩ bɩ ba lɛ ka pɛ.