1 Kɔrɩntɩ Nɩaa 8:6 - WƖA TENIŊ

⁶ la-na jɩŋ Wɩɩ-bala lɛ nɛ. Ʋ nɛ ŋaa la Nyɩmma. Ʋ nɛ ta kʋŋkala sɩ hɛ nɩmɛ. Ʋ lɛ nɛ la to a kɛŋ mɩɩsɩŋ. La Tɩɩna ŋaa kʋbala nɛ. Ʋ nɛ Yesu Kirisito. Ʋ lɛ nɛ Wɩa to a ta kʋŋkala. Ʋ lɛ nɛ la to a kɛŋ mɩɩsɩŋ ma.

1 Kɔrɩntɩ Nɩaa 8:6 ပူးပေါင်းရင်းမြစ်များ

AZAAYA 46:9

Má liliisi wɩalɩŋ sɩ ŋaa faafaa kala, a jɩŋ arɩ mɩ dʋndʋŋa nɛ Wɩa, Wɩa dɔŋ tuo a nagɛmɛ.

JƐRƖMAAYA 10:6

La TƖƖNA, nʋʋkala tuo a nagɩŋ, ŋ nɛ yʋga, ŋ nɛ kɛŋ doluŋ, ŋ yɩrɩŋ ma yʋgɛ.

JƐRƖMAAYA 10:7

Ŋ nɛ tinteyee kala kuoru-balɩŋ kʋbɛɛ nɛ bɩ jaŋ fáŋ? Nʋʋkala maga dɩ ʋ ziliŋ nɛ. Ŋ dʋndʋŋa nɛ maga dɩ nɩaa fá. Tinteyee nɩaa wʋjɩnnaa arɩ ba kuori-gentisiŋ kala tʋɔŋ, nʋʋkala tuo a magɩŋ.

JONA 1:9

Ŋɩɩ nɛ Jona bʋla pɩba, “Mɩ ŋaa Hiburu tɩɩna nɛ, mɩɩ chʋɔlɛ mɩ Tɩɩna Wɩa nɛ, ʋ nɛ ŋaa wɩa-nyuŋ, mʋgʋ-balɩŋ arɩ tinteeŋ.”

MALAKAƖ 2:10

Ma bɩ jɩŋ arɩ la kala nyɩmma ŋaa kʋbala nɛɛ? Wɩɩ-bala-la nɛ ta la kala. Bɛɛ nɛ saa tɩɩ la gʋgʋrɛ dɔŋɔ a chichei nii-la sɩ hɛ Wɩa arɩ la naabalɩmaba pɛgɛ?

Matiu 11:27

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma sɩ naga. Nʋʋkala bɩra bɩ ʋ jɩŋ, see nɩalɩŋ mɩ sɩ cho dɩ mɩ daga pa.”

Matiu 28:18

Yesu kʋ kpagɛba a bʋla pɩba, “Wɩa joŋ doluŋ kala a pɩmɛ nɛ Wɩa-jaŋ arɩ dʋnɩa kala lɛ.

Jɔɔŋ 1:10

Ʋ fa hɛ dʋnɩa-la lɛ Wɩa sɩ to ʋ lɛ ta nɛ, ama dʋnɩa nɩaa bɩ ʋ jɩŋ.

Jɔɔŋ 1:3

Ʋ lɛ nɛ Wɩa to a ta kʋŋkala. Kʋŋkala tuo a hɛ dʋnɩa lɛ, dɩ ʋ dee bɩ ta.

Jɔɔŋ 10:30

Mɩ dɩ mɩ Nyɩmma kala ŋaa kʋbala nɛ.”

Jɔɔŋ 13:13

Ma kɛmmɛ kaa yɩrɛ ma Kʋhɩaŋ arɩ ma Tɩɩna. Ʋ saa kɛŋ wombiiŋ nɛ dɩ ma yɩrɛmɛ ŋɩɩ, bɛɛ wɩaa mɩ nɛ sɛnɛ ŋɩɩ.

Jɔɔŋ 14:20

Tapʋlɩɩ-la Wɩa sɩ jaŋ joŋ ʋ Dɩŋ-zɔmʋŋ hɛ ma lɛ nɛ, ma jaŋ jɩŋ arɩ mɩ hɛ mɩ Nyɩmma lɛ nɛ, ma ma hɛ mɩ lɛ, mɩ ma hɛ ma lɛ.

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Jɔɔŋ 20:17

Ŋɩɩ nɛ Yesu bʋla pʋ, “Sɩ́ mɩ kɛŋ. Mɩ ha bɩ mɩ Nyɩmma teeŋ jɩla. Ama mʋ bʋla pɩ mɩ naambiiriŋ arɩ mɩ jaŋ jɩl mɩ Nyɩmma teeŋ. Ʋ ŋaa ma ma Nyɩmma nɛ a ŋaa mɩ Wɩa, a ŋaa ma ma Wɩa.”

Tɩntɩŋŋaa 17:28

Nʋʋ kʋbala nɛ bʋla arɩ ʋ doluŋ lɛ nɛ la kɛŋ mɩɩsɩŋ a vɩvɛŋ a hɛ nɩmɛ. Ʋ saa ŋaa wʋtɩtɩɩ. Ma gɔgʋ-dɩndɛnnɛɛ dɔnsʋŋ ma fa bʋla arɩ la ŋaa ʋ biiriŋ nɛ.

Tɩntɩŋŋaa 2:36

Ma Iziral tɩŋŋaa, ma jɩŋ ʋ sɛnɛ ŋaa wʋtɩtɩɩ arɩ Yesu deeŋ ma sɩ kaa kpaasɛ daagɛsɛ nyuŋ, ʋ nɛ Wɩa leŋ ʋ ŋaa La Tɩɩna. Ʋ nɛ bɩra Kirisito ma.”

Tɩntɩŋŋaa 5:31

Wɩa chɩsʋ ʋ sii jɩla hɔŋ Wɩa nadiiŋ, nɩduoŋ dɩhɔnʋŋ, dɩ ʋ ŋaa ba Sɩpaalaara arɩ ba Laataara, a leŋ dɩ Iziral tɩŋŋaa bɩrɩma lɩɩ ba wʋbɔŋŋɔɔ lɛ, ka dɩ ʋ joŋ ba wʋbɔŋŋɔɔ chɛba.

Rom Tɩŋŋaa 11:36

Bɛɛ wɩaa Wɩa nɛ ŋaa kʋŋkala. Ʋ doluŋ lɛ nɛ kʋŋkala ma hɛ nɩmɛ. Ʋ nɛ tɩɩ kʋŋkala. Má leŋ dɩ Wɩa yɩrɩŋ yɩrɛ a kaa mʋ wuu. Amɩɩ.

1 Kɔrɩntɩ Nɩaa 1:2

La ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi Kɔrɩntɩ taŋ-la lɛ nɛ, nɩalɩŋ Wɩa sɩ to Kirisito lɛ a pɩɩsɛ ba disiniŋ ta, dɩ ba ŋaa tʋɔpʋl tɩmma ʋ sɩpaaŋ, a saa pɛ nɩalɩŋ kala sɩɩ chʋɔlɛ Yesu Kirisito a hɛ dʋnɩa sɛmɛ-na kala. Yesu Kirisito ŋaa la dɩ ma kala Tɩɩna nɛ.

1 Kɔrɩntɩ Nɩaa 12:3

Mɩɩ chɛ dɩ ma jɩŋ arɩ dɩ nʋʋ nɛ kɛŋ Wɩa Dɩŋ-zɔmʋŋ, ʋ bɩ jaŋ wuo bʋl wʋbɔŋ a tɩgɛ Yesu lɛ. Nʋʋkala bɩ jaŋ wuo bʋl dɩ Yesu nɛ ŋaa La Tɩɩna, see dɩ Wɩa Dɩŋ-zɔmʋŋ hɛ ʋ lɛ.

1 Kɔrɩntɩ Nɩaa 6:13

Nʋʋ hɛ nɩmɛ a ma jaŋ bʋl, Wɩa nɛ ŋaa kʋdiilee ba dii hɩhɛ luoruŋ lɛ, ka luoruŋ ma laa kʋdiile-la bibil. Wʋtɩtɩɩ nɛ, ama Wɩa jaŋ leŋ dɩ kʋdiilee arɩ luoru-la kala pʋa. Wɩa bɩ nuhuobiine ŋaa dɩ ʋ kɛŋ ʋ yaraa ŋɩŋaa wʋlɩɩlɩŋ, ama dɩ ʋ kɛŋ ʋ yaraa tɩma pʋpʋ. Wɩa nɛ tɩɩ yara-la ma.

1 Kɔrɩntɩ Nɩaa 8:4

Ŋɩɩ wɩaa aŋ ka vʋɩŋ kʋdiile-la wɩaa. La jɩma arɩ vʋɩŋ bɩ ku-wei ŋaa. La bɩra jɩma arɩ Wɩɩ-bala dʋndʋŋ nɛ hɛ nɩmɛ.

Ɛfɛsɩs Nɩaa 1:3

Má leŋ dɩ la dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma. La dɩ Kirisito sɩ ŋaa kʋbala nɛ tɩɩ ʋ pɛ la lɛ a joŋ wʋzɔŋ na-kala sɩ lɩɩ ʋ teeŋ a pɩla.

Ɛfɛsɩs Nɩaa 3:14

Dɩ mɩ nɛ bɩɩnɛ wɩalɩŋ Wɩa sɩ ŋaa pɩla, mɩ yie tuu kpirimi la Nyɩmma Wɩa sɩpaaŋ nɛ.

MOSIS BƖRA WULLI WƖA WOMBIIŊ 4:35

La TƖƖNA ŋaa wɩaa deemba kala dɩ ʋ dagɛma nɛ, dɩ ma jɩŋ arɩ ʋ dʋndʋŋa nɛ ŋaa Wɩa, wɩa dɔŋ bɩra tuo.

MOSIS BƖRA WULLI WƖA WOMBIIŊ 4:39

Ma jɩŋ woruŋ jɩnɩŋ a sɩ́ yʋ, La TƖƖNA nɛ ŋaa wɩa-nyuŋ arɩ tinteeŋ kala Wɩa, wɩa dɔŋ bɩra tuo.

MOSIS BƖRA WULLI WƖA WOMBIIŊ 6:4

Iziral tɩmma, má jɩŋ arɩ La TƖƖNA Wɩa ŋaa kʋbala nɛ.

Koloosi Nɩaa 1:6

Wɩa wʋzɔŋŋɔɔ deemba tɩŋ tɩntɩŋ-zɔŋŋɔɔ nɛ leree yʋgɛ dʋnɩa lɛ. Nɩaa yʋga a laaba dii, ba pʋŋ lere-la arɩ ba sɩ pʋŋ ŋɩɩ ma lɛ. Ba pʋŋ ŋɩɩ ma lɛ a suomi bʋa-la lɛ ma sɩ jegile nɩɩ wʋzɔmɔ-la a sɛnɛ jɩŋ ŋɩɩ Wɩa sɩ pɛ ma lɛ ʋ lahɔrɩmɔ lɛ.

1 Pɩɩta 1:21

Ma to ʋ lɛ nɛ a laa Wɩa wɩaa dii. Ʋ nɛ chɩsɛ Yesu sʋʋŋ lɛ a pʋ yɩrɩŋ. Ŋɩɩ wɩaa ma laa diiniŋ arɩ ma yɩɛlaa kala hɛ Wɩa lɛ nɛ.

Jɔɔŋ Wʋnaalaa 1:18

Mɩ nɛ ŋaa Nɩɩ-la sɩ weye. Mɩ fa sʋba nɛ, ama lɛɛlɛ mɩ weye nɛ a kaa mʋ wuu. Mɩ kɛŋ sʋʋŋ arɩ lɛlɛɛ-jaŋ kala doluŋ nɛ.