1 Kɔrɩntɩ Nɩaa 8:4 - WƖA TENIŊ

⁴ Ŋɩɩ wɩaa aŋ ka vʋɩŋ kʋdiile-la wɩaa. La jɩma arɩ vʋɩŋ bɩ ku-wei ŋaa. La bɩra jɩma arɩ Wɩɩ-bala dʋndʋŋ nɛ hɛ nɩmɛ.

1 Kɔrɩntɩ Nɩaa 8:4 ပူးပေါင်းရင်းမြစ်များ

WƖA YƖƖLAA 86:10

Ŋ dʋndʋŋa nɛ Wɩa a kɛŋ doluŋ, a ŋɩŋaa wʋkpuŋkperisiŋ.

AZAAYA 37:16

“La TƖƖNA doluŋ kala Tɩɩna, Iziral tɩŋŋaa Wɩa, ŋ sɩ hɔŋ ŋ kuoru kpasa-la sɩ hɛ kɩalɩŋ sɩ kɛŋ kɩŋkɛnsɩŋ a nagɛ Wɩa tɩndaaraa pɛgɛ, ŋ dʋndʋŋa nɛ Wɩa, a bibeŋ tinteye-la kala sɩ hɛ dʋnɩa lɛ. Ŋ nɛ ŋaa wɩa-nyuŋ arɩ tinteeŋ.

AZAAYA 37:20

La TƖƖNA Wɩa, laala ta Asiiria tɩŋŋaa nɩsɩŋ lɛ dɩ dʋnɩa kuoroo arɩ ba nɩaa kala jɩŋ arɩ ŋ dʋndʋŋa nɛ Wɩa.”

AZAAYA 41:24

Ama ma bɩ kɩa kala ŋaa, ma wʋŋaalaa ma bɩ bʋbʋɔ kɛnɛ. Nɩalɩŋ kala sɩɩ toma ŋaa disiŋ tɩmma nɛ.

AZAAYA 44:24

Wɩɩ-la La TƖƖNA, ma Laataara, Nɩɩ-la sɩ ŋaama sɩ bʋla nɛ ŋ-la: “Mɩ nɛ ma TƖƖNA, mɩ nɛ ŋaa kʋŋkala. Mɩ dʋndʋŋa nɛ ŋaa wɩa-nyuŋ arɩ tinteeŋ.

AZAAYA 44:6

La TƖƖNA doluŋ kala Tɩɩna sɩ ŋaa Iziral tɩŋŋaa kuoro arɩ ba Laataara sɩ, “Mɩ nɛ dɩ-suomuŋ arɩ dɩ-dɛrɩŋ, Wɩa dɔŋ kala tuo a pɛ mɩ lɛ.

AZAAYA 45:14

Wɩɩ-la La TƖƖNA sɩ bʋla pɩ Iziral tɩŋŋaa nɛ ŋ-la: “Ijipiti tɩŋŋaa arɩ Kus tɩŋŋaa bayal kɩaa jaŋ ŋaa ma kɩaa. Sɛba tɩŋŋaa bawayiile-la kala jaŋ ŋaa ma yosi. Ma jaŋ hɛba chɔrʋmɔɔ, dɩ baa to ma harɩŋ. Ba jaŋ kpirimi ma sɩpaaŋ a suri ba niiŋ bʋl, ‘Wɩa sɩ chɩŋ ma harɩŋ nɛ sɛnɛ ŋaa Wɩa, kʋŋ dɔŋ tuo.’ ”

AZAAYA 45:5

Mɩ nɛ ma TƖƖNA, mɩ dɔŋ tuo. Mɩ nɛ Wɩa, Wɩa dɔŋ bɩra tuo. Arɩ ŋ sɩ bɩ mɩ jɩŋ ma kala, mɩ ha jaŋ pɩŋ doluŋ.

JƐRƖMAAYA 10:10

Ama La TƖƖNA nɛ ŋaa Wɩɩ-tɩtɩɩ. Ʋ nɛ Wɩa sɩ weye. Ʋ nɛ kuoru-bal-la sɩ hɛ nɩmɛ a kaa mʋ deeŋ deeŋ. Dɩ ʋ nɛ na baanɩŋ, tinteeŋ yie zigili nɛ. Dɩ ʋ baanɩŋ nɛ sie, tinteyee bɩ jaŋ wuo chɩŋ.

JƐRƖMAAYA 10:14

Nʋʋkala chʋʋla nɛ a bɩ wʋjɩmɩŋ kɛnɛ. Hɩɩsɩŋ dii nɩalɩŋ sɩ kɛŋ sɛlɩmɛ libi vʋɩyaa nɛ, bɛɛ wɩaa ba vʋɩya-la bɩ wʋtɩtɩɩ kɛnɛ, ba bɩ wiese ma kɛnɛ.

Maak 12:29

Yesu bʋl, “Ba tʋɔŋ sɩɩfɩaŋ wɩɩŋ nɛ ŋ-la, Iziral tɩmma, má jegile nɩɩ: ‘La Tɩɩna Wɩa ŋaa kʋbala nɛ.

Tɩntɩŋŋaa 14:15

“Nandɔmba, bɛɛ nɛ tɩɩ maa ŋaa ŋ-la? La ma ŋaa nuhuobiinee nɛ a nagɛ ma. La kɔ dɩ la bʋl La Tɩɩna Yesu wʋzɔmɔ-la nɛ a pɩma, dɩ ma wuo leŋ ma vʋɩyaa sɩ ŋaa kʋpɛɩba aŋ bɩrɩma to Wɩa sɩ weye. Ʋ nɛ ŋaa wɩa-nyuŋ, arɩ tinteeŋ, mʋgʋ-balaa arɩ fuonuŋ, arɩ kʋŋkala sɩ hɛ ba lɛ.

Tɩntɩŋŋaa 15:20

Ama má leŋ dɩ la ŋmʋnsɛ teniŋ pɩba a bʋla pɩba dɩ ba bɩra sɩ́ vʋɩyaa kɩaa dii, a sɩ wʋlɩɩlɩŋ ŋaa, a sɩ́ pʋsʋŋ sɩ sʋʋ pimee dii, a sɩ́ pʋsʋŋ chalɩŋ ma dii.

Tɩntɩŋŋaa 19:26

Ma tɩtɩa nɩa nɛ a nɩna wɩalɩŋ ma Pɔɔl sɩɩ bʋl. Ʋ sɩ: Vʋɩya-la nuhuobiinee sɩɩ libu, ba bɩ wɩa ŋaa. Ʋ saa wuo kɛŋ nɩ-daŋ nyusuŋ bɩrɩmɛ ba sɛɩ wɩɩ-la. Ʋ ŋaa ŋɩɩ Ɛfɛsɩs deeŋ arɩ Esia tinteeŋ jesiŋ kala lɛ nɛ.

1 Kɔrɩntɩ Nɩaa 8:1

Ma sɩ pɩɛsɛmɛ wɩaa dɔnsʋŋ a mʋ tɩgɛ vʋɩŋ kʋdiilee lɛ, mɩɩ chɛ dɩ mɩ bʋl wɩaa a mʋ tɩgɛ ba lɛ nɛ. Ʋ ŋaa wʋtɩtɩɩ nɛ arɩ la kala jɩŋ wɩaa nɛ. Wʋjɩmɩŋ saa yie kɛŋ ʋ tɩɩna bibigisi ʋ tɩtɩa lɛ nɛ. Ama nɩalɩŋ sɩ cho nɩaa yie pɛ ba lɛ nɛ dɩ ba chɩŋ wɩalɩŋ ba sɩ laa dii lɛ woruŋ.

1 Kɔrɩntɩ Nɩaa 8:10

Ma nɩalɩŋ sɩ waa Wɩa wɩaa lɛ, dɩ ma dɔnsʋŋ nɛ jʋʋ vʋɩŋ dɩa a hɔnɔ didii kɩaa, dɩ nɩalɩŋ sɩ bɩ waa Wɩa wɩaa lɛ nɛ nama dɩ maa dii kʋdiilee deemba, ma bɩ jɩŋ arɩ ba ma jaŋ to ma lɛ a didii kɩaa deemba?

1 Kɔrɩntɩ Nɩaa 8:11

A tɩŋ ma wʋjɩmɩŋ deeŋ, ma naambie sɩ bɩ Wɩa wɩaa lɛ chɩna tele nɛ, nɩɩ-la wɩaa Kirisito sɩ sʋba.

Galiisia Nɩaa 4:8

Faafaa-la, ma sɩ bɩ Wɩa jɩŋ, ma faa to vʋɩyaa nɛ a ŋaa ba yosi.

Ɛfɛsɩs Nɩaa 4:6

Wɩɩ-bala dʋndʋŋ nɛ hɛ nɩmɛ, a ŋaa la kala Nyɩmma. Ʋ nɛ kɩɩ kʋŋkala. Ʋ kɛŋ la kʋŋkala tɩtɩŋ nɛ, a hɛ la kala tʋɔŋ lɛ.

MOSIS BƖRA WULLI WƖA WOMBIIŊ 3:24

“Mɩ Tɩɩna Wɩɩjarɩbakɔ, ŋ dagɛmɛ ŋ doluŋ sɩ magɛ ŋɩɩ nɛ, veŋ bɛɛ ma nɛ hɛ wɩa-nyuŋ koo tinteeŋ a jaŋ wuo pagɩsɩŋ a ŋaa wʋduoru-la ŋ sɩɩ ŋaa?

MOSIS BƖRA WULLI WƖA WOMBIIŊ 32:39

Má bee na, mɩ-na nɛ Wɩa, Wɩa dɔŋ bɩra tuo. Mɩ yie kpʋ nɛ aŋ bɩra chɩsɛ, a pɩrɛ aŋ vaarɛ, nʋʋkala bɩ jaŋ wuo laa nʋʋ ta mɩ nɩsɩŋ lɛ.

MOSIS BƖRA WULLI WƖA WOMBIIŊ 4:35

La TƖƖNA ŋaa wɩaa deemba kala dɩ ʋ dagɛma nɛ, dɩ ma jɩŋ arɩ ʋ dʋndʋŋa nɛ ŋaa Wɩa, wɩa dɔŋ bɩra tuo.

MOSIS BƖRA WULLI WƖA WOMBIIŊ 4:39

Ma jɩŋ woruŋ jɩnɩŋ a sɩ́ yʋ, La TƖƖNA nɛ ŋaa wɩa-nyuŋ arɩ tinteeŋ kala Wɩa, wɩa dɔŋ bɩra tuo.

MOSIS BƖRA WULLI WƖA WOMBIIŊ 6:4

Iziral tɩmma, má jɩŋ arɩ La TƖƖNA Wɩa ŋaa kʋbala nɛ.

1 Timoti 1:17

Má leŋ dɩ la dɛnnɛ la Nyɩmma Wɩa aŋ pɛ zilu a kaa mʋ wuu. Ʋ nɛ kuoro a kaa mʋ deeŋ deeŋ. Ʋ-na bɩ sʋʋ, nɩaa ma bɩ ʋ ka na. Ʋ dʋndʋŋa nɛ ŋaa Wɩa. Amɩɩ.

1 Timoti 2:5

Wɩa ŋaa kʋbala nɛ. Nɩbala ma nɛ hɛ Wɩa arɩ nuhuobiine pɛgɛ dɩ ʋ kɛmba kaa hɛ dɔŋɔ lɛ. Nɩɩ-la nɛ ŋaa Kirisito Yesu.

Juud 1:25

Ʋ dʋndʋŋa nɛ ŋaa Wɩa, ʋ nɛ to La Tɩɩna Yesu Kirisito lɛ a laala ta. Má dɛnnʋ a leŋ dɩ ʋ yɩrɩŋ yɩrɛ, ʋ nɛ kɛŋ doluŋ a tɩɩ kʋŋkala aa bemba ma, a lɩɩ dɩ-suomuŋ kʋkɔ lɛɛlɛ a kaa mʋ deeŋ deeŋ. Amɩɩ.