1 Kɔrɩntɩ Nɩaa 8:3 - WƖA TENIŊ

³ Ama dɩ nʋʋ nɛ cho Wɩa, Wɩa jɩŋ ʋ tɩɩna nɛ.

1 Kɔrɩntɩ Nɩaa 8:3 ပူးပေါင်းရင်းမြစ်များ

1 KUOROO 3:3

Solomoŋ fa cho La TƖƖNA nɛ, a tuto wɩalɩŋ ʋ nyɩmma Devit sɩ daga, ama ʋ ma kpʋ pʋsʋŋ a ŋɩŋaa Wɩɩsʋlʋŋ lere-la ba sɩɩ kpaarɛ vesiŋ nɛ, a nyɩnyɩgɛ kʋsʋɔrʋsʋŋ nɩmɛ.

WƖA YƖƖLAA 1:6

Wɩa jɩŋ tʋɔpʋl tɩŋŋaa wombiiŋ wɩaa nɛ aa pɔba, ama nɩbɔŋŋɔɔ-na wombiiŋ jaŋ cheiba.

WƖA YƖƖLAA 17:3

Ŋ jɩŋ mɩ tʋɔŋ nɛ. Ŋ kɔ mɩ teeŋ nɛ tɩtaŋɩŋ a bemmi woruŋ a na dɩ mɩ bɩ wɩɩkala jɩŋ. Mɩ kɛŋ mɩ tʋɔŋ lɛ nɛ arɩ mɩ bɩ jaŋ bʋbʋl wʋbɔŋŋɔɔ.

MOSIS KƐŊ IZIRAL TƖŊŊAA LƖƖ 33:12

Ŋɩɩ nɛ Mosis bʋla pɩ La TƖƖNA, “Ŋ bʋla pɩmɛ arɩ mɩ laa nɩaa deemba sɩpaaŋ a kɛmba mʋ tintee-la ŋ sɩɩ chɛ ŋ joŋo pɩba, ama ŋ bɩ leŋe mɩ jɩŋ mɩ dɩ nɩɩ-la ŋ sɩ jaŋ tɩŋ, aŋ bʋl ŋ jɩŋ mɩ yɩrɩŋ nɛ, dɩ ŋ tʋɔŋ tɔrɛ mɩ nyuŋ.

MOSIS KƐŊ IZIRAL TƖŊŊAA LƖƖ 33:17

Ŋɩɩ nɛ La TƖƖNA bʋla pɩ Mosis, “Wɩɩŋ deeŋ ŋ sɩ pɩɛsaa chɛ, mɩ jaŋ ŋaaʋ, bɛɛ wɩaa mɩ jɩmɩŋ nɛ, mɩ tʋɔŋ tɔrɛ ŋ nyuŋ.”

JƐRƖMAAYA 1:5

“Ka dɩ mɩ-na ŋaaŋ a hɛ ŋ naaŋ luoruŋ tʋɔŋ, mɩ jɩmɩŋ nɛ. Ka dɩ ba-na lʋlʋŋ, mɩ lɩɩsɩŋ nɛ a leŋ ŋ ŋaa mɩ wʋlaabʋllʋ a pɩ tinteyee nɩaa.”

AMƆS 3:2

Ʋ sɩ, “Tinteye-la kala sɩ hɛ dʋnɩa lɛ, ma dʋndʋŋa nɛ mɩ lɩɩsɛ. Ŋɩɩ wɩaa nɛ tɩɩ mɩ jaŋ dɔgɩsɛma a tɩŋ ma wʋbɔŋŋɔɔ wɩaa.

NAHUM 1:7

La TƖƖNA wɩaa zɔmɔ, ʋ nɛ nɩaa yie mʋ yuori dɩ wɩaa nɛ jʋʋba. Ʋʋ beŋ nɩalɩŋ kala sɩ laaʋ dii nyuŋ nɛ,

Matiu 7:23

Ama mɩ jaŋ bʋla pɩba: Mɩ paala bɩ ma jɩŋ. Ma wʋbɔŋ ŋɩŋaaraa, má sʋrɩsa lɩɩ mɩ teeŋ.”

Jɔɔŋ 10:14

Mɩ nɛ ŋaa pie-daarɩ-zɔmʋŋ. Mɩ jɩŋ mɩ piesee, mɩ piesee ma jɩmmɛ.

Jɔɔŋ 21:17

Ŋɩɩ nɛ Yesu bɩra pɩɛsʋ torimuŋ, “Jɔɔŋ nanʋala Saamɔŋ, ŋ chomi nɛɛ?” Yesu sɩ pɩɛsʋ torimuŋ lɛ ŋɩɩ, ʋ tʋɔŋ chei. Ŋɩɩ nɛ Pɩɩta bʋla pʋ, “Mɩ Tɩɩna, ŋ jɩŋ wɩɩkala nɛ, ŋ jɩma arɩ mɩ choŋ nɛ.” Ŋɩɩ nɛ Yesu bɩra bʋla pʋ, “Beŋ mɩ nɩaa nyuŋ, arɩ pie-daara sɩ yie beŋ ʋ piesee nyuŋ ŋɩɩ.

Rom Tɩŋŋaa 11:2

Wɩa bɩ ʋ nɩaa vɩa, nɩalɩŋ ʋ sɩ laa sɩpaaŋ lɩɩsɛ. Ma bɩ wɩalɩŋ ba sɩ ŋmʋnsa Wɩa teniŋ tʋɔŋ ka liisii? Wɩalɩŋ ba sɩ ŋmʋnsa a tɩgɛ Ɩlaaja lɛɛ? Ba ŋmʋnsa arɩ Ɩlaaja fa bʋl Iziral tɩŋŋaa wɩaa pɩ Wɩa a tɩŋ ba wʋbɔŋŋɔɔ wɩaa.

1 Kɔrɩntɩ Nɩaa 13:12

Lɛɛlɛ la sɩ hɛ dʋnɩa deeŋ lɛ, ʋ naga laa beŋ Kirisito liigu liigu nɛ, a nagɛ nɩaa sɩ beŋ beenantɩrɛ lɛ a na kʋa liigu. La bɩ Kirisito chaasa nɩna woruŋ, ama maachie la sɩaa jaŋ na dɔŋɔ. Lɛɛlɛ mɩ jɩmʋ mʋa nɛ, ama maachie mɩ jaŋ chaasa jɩmʋ woruŋ, arɩ Wɩa sɩ jɩmmɛ ŋɩɩ.

1 Kɔrɩntɩ Nɩaa 2:9

Ba ŋmʋnsɛ Wɩa teniŋ tʋɔŋ a bʋl, “Kʋ-la nuhuobiine ha sɩ bɩ na, kʋ-la wɩaa ʋ ha sɩ bɩ nɩa, arɩ kʋ-la wɩaa ha sɩ bɩ nuhuobiine tʋɔbɩɩnaa jʋa, kɩalɩŋ tɩtɩa nɛ Wɩa wasa bil nɩalɩŋ sɩ chou lɛ.”

Galiisia Nɩaa 4:9

Ama lɛɛlɛ ma sɩ jɩŋ Wɩa ŋɩɩ, koo mɩ jaŋ bʋl Wɩa sɩ jɩmma ŋɩɩ, bɛɛ nɛ saa tɩɩ ma cho dɩ ma mɩɩrɛ harɩŋ a mʋ tuto dʋnɩa wʋkɛnɛɛ, wɩalɩŋ sɩ bɩ doluŋ kɛnɛ dɩ ba laama ta? Bɛɛ nɛ tɩɩ ma saa cho dɩ ma bɩra tutoba a bɩrɩmɛ ba yosuŋ?

2 Timoti 2:19

Ama dɩa gentiŋ-duo-la Wɩa sɩ bile pɩ ʋ nɩaa, ʋ bɩ jaŋ wuo jigisi. Wɩalɩŋ ba sɩ ŋmʋnsa hɛ ʋ lɛ nɛ ŋ-la: “La Tɩɩna Wɩa jɩŋ nɩalɩŋ sɩ ŋaa ʋ nɩaa nɛ.” Ba bɩra ŋmʋnsa arɩ ʋ maga dɩ nɩɩ-la kala sɩ sɩ ʋ ŋaa Wɩa nʋʋ nɛ, dɩ ʋ leŋ wʋbɔŋŋɔɔ ŋaanɩŋ.

Jeems 1:12

Wɩa jaŋ pɛ nɩɩ-la wɩɩŋ sɩ jʋa lɛ, aŋ ka ʋ wuo nyalɩmɛ a chɩŋ. Ʋ sɩ wuo nyalɩmɛ ŋɩɩ, Wɩa jaŋ joŋ mɩɩsɩ-la sɩ bɩ dɛrɛ a timu, mɩɩsɩ-la ʋ sɩ sɩ ʋ jaŋ joŋo pɩ nɩalɩŋ kala sɩ chou.

Jeems 2:5

Mɩ naambii-kpɩanaba, má jegile nɩɩ mɩ teeŋ. Nɩalɩŋ sɩ ŋaa summoo dʋnɩa deeŋ lɛ, Wɩa tʋɔsɛba nɛ dɩ ba laa ʋ wɩaa dii woruŋ a jʋʋ ʋ kuorii-la, lee-la ʋ sɩ sɩ ʋ jaŋ joŋo pɩ nɩalɩŋ sɩ chou.

1 Pɩɩta 1:8

Arɩ ma ha sɩ bɩ Yesu Kirisito na ma kala, ma ha chou nɛ. Ma ha sɩ bɩ ʋ na lɛɛlɛ ma, ma laa ʋ wɩaa dii nɛ. Ma tʋɔŋ tɔrɛ nɛ woruŋ, ma paala bɩ jaŋ wuo dagɛ ŋɩɩ ma tʋɔŋ sɩ tɔrɛ magɛ.

1 Jɔɔŋ 4:19

Wɩa nɛ laa sɩpaaŋ chola. Ŋɩɩ nɛ tɩɩ la ma wuo cho Wɩa arɩ nɩaa.

1 Jɔɔŋ 4:7

Mɩ bii-chooloo, má leŋ dɩ la cho dɔŋɔ. Dɩ la nɛ cho dɔŋɔ, ʋ lɩɩ Wɩa teeŋ nɛ. Nɩɩ-la kala sɩ cho nɩaa ŋaa Wɩa bii-lʋlɩɩ nɛ a jɩŋ Wɩa.

Jɔɔŋ Wʋnaalaa 2:13

Mɩ jɩŋ lee-la ma sɩ hɛ nɛ, nɩmɛ nɛ Sɩtaanɩ dii kuoruŋ. Ama ma ha kɛŋ wʋtɩtɩɩ nɛ a mʋ tɩgɛ mɩ yɩrɩŋ lɛ. Ma bɩ wɩalɩŋ ma sɩ laa dii joŋo ta bʋa-la lɛ ba sɩ kpʋ Antɩpas sɩ ŋaa wʋtɩtɩɩ tɩɩna a bʋl wɩaa a tɩgɛ mɩ lɛ. Ba kpʋʋ ma tabalɩŋ lɛ nɛ, lee-la Sɩtaanɩ sɩ hɛ.

Jɔɔŋ Wʋnaalaa 2:19

Bʋla pɩba dɩ mɩ jɩŋ wɩalɩŋ kala ba sɩɩ ŋaa nɛ. Mɩ jɩŋ ŋɩɩ ma sɩ cho nɩaa nɛ, arɩ ŋɩɩ ma sɩ laa Wɩa dii, arɩ ŋɩɩ ma sɩɩ pɛ nɩaa lɛ, arɩ ŋɩɩ ma sɩ kɛŋ kenyiri. Lɛɛlɛ ma paala ŋaa wɩaa deemba aa kɩɩ ŋɩɩ ma fa sɩɩ ŋaa nɛ bumbuŋ-la.

Jɔɔŋ Wʋnaalaa 2:9

Mɩ jɩŋ wɩalɩŋ sɩɩ walɩmɛma nɛ, a jɩŋ ŋɩɩ ma sɩ summo, ama Wɩa teeŋ, ma ŋaa kuoroo nɛ. Nɩaa dɔnsʋŋ hɛ nɩmɛ aa chei ma yɩrɩŋ. Nɩaa deemba joŋ ba tɩtɩa arɩ ba ŋaa Juu tɩmma nɛ aŋ bɩ Juu tɩmma ŋaa. Baa to Sɩtaanɩ harɩŋ nɛ.