Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kɔrɩntɩ Nɩaa 8:1 - WƖA TENIŊ

1 Ma sɩ pɩɛsɛmɛ wɩaa dɔnsʋŋ a mʋ tɩgɛ vʋɩŋ kʋdiilee lɛ, mɩɩ chɛ dɩ mɩ bʋl wɩaa a mʋ tɩgɛ ba lɛ nɛ. Ʋ ŋaa wʋtɩtɩɩ nɛ arɩ la kala jɩŋ wɩaa nɛ. Wʋjɩmɩŋ saa yie kɛŋ ʋ tɩɩna bibigisi ʋ tɩtɩa lɛ nɛ. Ama nɩalɩŋ sɩ cho nɩaa yie pɛ ba lɛ nɛ dɩ ba chɩŋ wɩalɩŋ ba sɩ laa dii lɛ woruŋ.

အခန်းကိုကြည့်ပါ။ ကော်ပီ




1 Kɔrɩntɩ Nɩaa 8:1
35 ပူးပေါင်းရင်းမြစ်များ  

Ŋ joŋ ŋ yɩɛlaa hɛ wʋbɔŋŋɔɔ ŋaanɩŋ lɛ nɛ aŋ bʋl, ‘Nʋʋkala bɩ mɩɩ na.’ Ŋ wʋjɩmɩŋ arɩ ŋ kʋjɩma leŋe ŋ yeŋŋi nɛ. Ŋ sɩ ŋ dʋndʋŋa nɛ hɛ nɩmɛ. Kʋŋ dɔŋ bɩra tuo a magɩŋ.


Wɩɩŋ puu ma nɩalɩŋ sɩ bɩɩna dɩ ba kɛŋ wʋjɩmɩŋ nɛ, a na ba tɩtɩa arɩ ba nɛ ŋaa wʋjɩnnaa.


Tolie-la yie kɛmba mʋ ba vʋɩyaa dɩ-kpaarɩŋ, ba pɛ didii ba vʋɩyaa kʋdiilee aŋ kpʋkpaarɛ ba vesi-la.


Bɛɛ nɛ tɩɩ ma joŋ chʋgʋ-balɩŋ aa chʋŋ nɩalɩŋ sɩ bɩ Juu tɩŋŋaa ŋaa aŋ laa Yesu wɩaa dii, aa magɩsɛ Wɩa ŋɩɩ? La dɩ la naabalɩmaba kala, la fa bɩ chʋga deeŋ wuo chʋŋ.


Má sɩ́ vʋɩyaa nammɩa chaŋ, má sɩ́ kʋŋkala chalɩŋ dii, má sɩ́ pʋna-kala sɩ sʋʋ pimee chaŋ, a sɩ́ bachɔrʋŋ arɩ hachɔrʋŋ wɩaa ŋaa. Dɩ ma nɛ lɩɩsɛ ma tɩtɩa wɩaa deemba lɛ, ma ŋaa woruŋ nɛ. Ma jaŋ hɔŋ woruŋ.”


Ama nɩalɩŋ sɩ laa Yesu wɩaa dii aŋ bɩ Juu tɩŋŋaa ŋaa, la ŋmʋnsɛ teniŋ pɩba arɩ la sɛyɛ dɩ ba bɩra sɩ́ vʋɩŋ kɩaa dii, dɩ ba bɩra sɩ́ pʋsʋŋ chalɩŋ ma dii, a sɩ́ pʋsʋŋ sɩ sʋʋ pimee dii, a lɩɩsɛ ba tɩtɩa bachɔrʋŋ arɩ hachɔrʋŋ wʋŋaalaa lɛ.”


Mɩ naambiiriŋ, wɩaa nɛ hɛ nɩmɛ Wɩa fa joŋo faama, mɩɩ chɛ dɩ ma jɩŋ. Wɩɩ-la jaŋ ŋaa dɩ ma sɩ́ bɩɩna bʋl arɩ ma kɛŋ wʋjɩmɩŋ a bibigisi ma tɩtɩa lɛ. Wɩɩ-la nɛ ŋ-la: Iziral tɩŋŋaa sɩ kɛŋ nyu-duo-la, ba bɩ jaŋ kɛnʋ wuu. Bʋa-la lɛ dɩ nɩalɩŋ sɩ bɩ Juu tɩŋŋaa ŋaa nɛ kʋ yʋgɛ a laa Wɩa wɩaa dii, Iziral tɩŋŋaa nyu-duo-la jaŋ dɛrɛ.


Má chɩl dɔŋɔba wɩaa, má sɩ́ ma tɩtɩa kaa yʋgɛ. Má kɛŋ ma tɩtɩa mɛrɛ nɩalɩŋ sɩ bɩ nɩbala ŋaa lɛ. Má sɩ́ bɩɩna arɩ ma kɛŋ wʋjɩmɩŋ.


Bɛɛ nɛ saa tɩɩ ma tʋɔŋ dɔŋɔ bʋbʋl ʋ naambie sɩ laa Yesu wɩaa dii teeŋ a bʋl dɩ ʋ bɩ woruŋ ŋaa? Dɔŋɔ ma bee gʋgʋʋnɛ ʋ naambie sɩ laa Yesu wɩaa dii lɛ. La kala jaŋ chɩŋ Wɩa sɩpaaŋ dɩ ʋ dii la sarɩya.


La Tɩɩna Yesu leŋe mɩ jɩŋ arɩ kʋdiil kala tuo sɩ kɛŋ disiniŋ. Ama nɩaa dɔnsʋŋ bɩɩna arɩ kʋdiilee dɔnsʋŋ kɛŋ disiniŋ nɛ. Dɩ ba nɛ bɩɩnɛ ŋɩɩ, kɩalɩŋ ŋaa kɩsɩŋ nɛ ba teeŋ.


Má saa leŋ dɩ la bɩbɩɩnɛ wɩalɩŋ sɩ jaŋ leŋ dɩ la kɛŋ nii-bala, a wuo pɩpɛ dɔŋɔ lɛ a kɛŋ doluŋ.


Dɩ ŋ nɛ laa dii arɩ wɩɩ nɛ zɔmɔ dɩ ŋ ŋaa, leŋ dɩ ʋ hɛ ma dɩ Wɩa dʋndʋŋa pɛgɛ. Dɩ nʋʋ nɛ ŋaa wɩɩ-la ʋ sɩ laa dii arɩ ʋ zɔmɔ, dɩ ʋ tʋɔbɩɩnaa nɛ bɩ ʋ walɩmɛ arɩ ʋ sɩɩ ŋaa ŋɩɩ, ʋ tʋɔŋ jaŋ tɔrɛ.


Má sɩ́ leŋe dɩ nɩɩ-la sɩɩ dii kʋŋkala mʋmɔŋ nɩɩ-la sɩɩ kɩsɛ kɩalɩŋ lɛ. Má sɩ́ leŋe dɩ nɩɩ-la ma sɩɩ kɩsɛ kʋŋkala, dɩ ʋ bʋl nɩɩ-la sɩɩ dii kʋŋkala teeŋ arɩ ʋ bɩ woruŋ ŋaa, bɛɛ wɩaa Wɩa cho tɩɩna nɛ a leŋ ʋ ŋaa ʋ bii.


Mɩ naambiiriŋ, mɩ chaasa laa dii arɩ maa ŋaa wʋzɔŋŋɔɔ nɛ woruŋ, a jɩŋ wɩaa ma woruŋ, a wuo dɩdagɛ dɔŋɔ.


Wɩɩ-na kala lɛ, Wɩa to Yesu lɛ nɛ a pɛ ma lɛ woruŋ, ma kɛŋ wʋjɩmɩŋ, a jɩŋ wɩaa bʋlʋŋ ma.


Mɩ jɩma dɩ ma kɛŋ wʋjɩmɩŋ nɛ, ŋɩɩ nɛ tɩɩ mɩ bʋl wɩɩŋ deeŋ pɩpɩma. Má bɩɩnɛ wɩɩŋ deeŋ woruŋ.


Ama dɩ nʋʋ nɛ bʋla pɩŋ arɩ kɩalɩŋ ŋ sɩɩ dii ŋaa vʋɩŋ kɩaa nɛ, ʋ naga arɩ nɩɩ-la sɩ bʋla pɩŋ tʋɔbɩɩnaa ka walɩmʋ nɛ a mʋ tɩgɛ kʋdiile-la lɛ. Ŋɩɩ wɩaa sɩ́ dii.


Mɩ naambiiriŋ, má sɩ́ wɩaa bɩɩnʋ a nagɛ hambiisiŋ sɩɩ bɩɩnɛ ŋɩɩ. Ma wʋŋaalaa lɛ, má nagɛ bii-mulluŋ sɩ bɩ wʋbɔŋŋɔɔ jɩŋ, ama má bɩbɩɩnɛ wɩaa a nagɛ kʋhɩasɩŋ sɩɩ bɩɩnɛ ŋɩɩ.


Má sii doŋ lɛ aŋ leŋ wʋbɔŋŋɔɔ ŋaanɩŋ. Ma dɔnsʋŋ wʋŋaalaa naga arɩ ma bɩ Wɩa jɩŋ, mɩ bʋl ŋɩɩ dɩ hɩɩsɩŋ kɛmma nɛ.


A tɩŋ Kirisito wɩaa, la ŋaa nɩyaara nɛ, ka ma-na kɛŋ wʋjɩmɩŋ Kirisito teeŋ. La-na ŋaa puwuolo nɛ, aŋ ka ma-na ŋaa nɩduori. Nɩaa mʋmɔŋ la lɛ aŋ zizilma.


Ma dɔnsʋŋ bɩrɩmɛ deŋgiŋ tɩmma nɛ a bɩɩnɛ arɩ mɩ bɩ jaŋ kʋ nama.


Mɩ naambiiriŋ, ma wɩaa nɛ tɩɩ mɩ joŋ wɩaa deemba mɩ sɩ bʋla a kaa magɩsɛ mɩ dɩ Apɔlɔs sɩ nagɛ ŋɩɩ dɩ ʋ wuo pɛ ma lɛ, dɩ ma wuo gʋnnɛ wɩɩ-la nɩaa sɩɩ bʋl, “Má sɩ́ bee kieli wɩalɩŋ ba sɩ ŋmʋnsa bil.” Ŋɩɩ jaŋ leŋ dɩ ma sɩ́ nʋʋkala beŋ arɩ ʋ nɛ kɩɩ ʋ dɔŋɔ.


Ɛɛ nɛ saa ma jaŋ wuo ŋaa a bigisi ma tɩtɩa lɛ? Ʋ maga dɩ ma tʋɔŋ chei nɛ, ka dɩ ma lɩɩsɛ nɩɩ-la sɩ ŋaa ŋɩɩ a ta ma tʋɔŋ.


Ma sɩɩ bigisi ma tɩtɩa lɛ ŋɩɩ, ʋ ŋɩɩ bɩ zɔŋ. Ma bɩ jɩŋ arɩ sɩbʋrʋŋ mʋa nɛ ba yie joŋo hɛ boroboro munuŋ lɛ, ka ʋ sii pʋɔrɛ a yʋgɛɛ?


Nɩɩ-la sɩ bɩɩna dɩ ʋ jɩŋ wɩaa nɛ, ʋ bɩ wɩɩkala jɩŋ arɩ ʋ sɩ maga dɩ ʋ jɩŋ ŋɩɩ.


Ŋɩɩ wɩaa aŋ ka vʋɩŋ kʋdiile-la wɩaa. La jɩma arɩ vʋɩŋ bɩ ku-wei ŋaa. La bɩra jɩma arɩ Wɩɩ-bala dʋndʋŋ nɛ hɛ nɩmɛ.


Ama nɩaa kala dee bɩ wɩɩŋ deeŋ jɩŋ. Nɩaa dɔnsʋŋ fa kpaarɛ vʋɩyaa a mal nɛ kɩŋkɛŋ, arɩ jɩnɩŋ kala dɩ ba nɩɩ dii vʋɩyaa kʋdiilee, ba yie bɩɩnɛ arɩ ba pɛ nɩalɩŋ sɩɩ kpaarɛ vʋɩyaa lɛ nɛ, ba tʋɔbɩɩnaa bɩ Wɩa wɩaa lɛ woruŋ chɩna. Ba yie bɩbɩɩnɛ kʋdiile-la ŋaa ba kɛŋ disiniŋ nɛ.


Ʋ sɩ ŋaa la kala nyuŋ ŋɩɩ, dɩ nandaasɩ-la kala nɛ mɛrɛ dɔŋɔ lɛ a tɩtɩŋ ba tɩntɩŋŋaa woruŋ, yara-la jaŋ waa a tɩŋ ba sɩ cho dɔŋɔ.


Má sɩ́ leŋe dɩ nʋʋkala joŋ cheeriŋ pɩma, nɩalɩŋ sɩ bɩɩna arɩ ba ŋaa nɩbala nɛ a tɩŋ ba sɩɩ na wɩaa a nagɛ duosoo tʋɔŋ a pɛsɛ ma lɛ dɩ ma kɛŋ ma tɩtɩa a muuri, a chʋchʋɔlɛ Wɩa tɩndaaraa. Ba bɩ wɩɩkala kɛnɛ sɩ maga dɩ ba bibigisi ba tɩtɩa lɛ. Ba yie ŋaa ŋɩɩ a tɩŋ ba sɩ yie bɩɩnɛ ba yaraa wɩaa nɛ.


Ma ŋaa kukeri nɛ, ama wɩaa baŋmɛnɛ nɛ ma ŋaa chei. Nɩaa dɔnsʋŋ hɛ ma tʋɔŋ a tuto wɩalɩŋ baal-la ba sɩɩ yɩrɛ Balam fa sɩɩ dagʋ. Ʋ nɛ dagɛ kuoru kʋbala baa yɩrɛ Balak dɩ ʋ nyɩsɛ Iziral tɩŋŋaa dɩ ba didii vʋɩyaa kɩaa aŋ pɛ ŋɩŋaa wʋlɩɩlɩŋ.


Ma ŋaa kukeri, ama wɩaa baŋmɛnɛ nɛ ma ŋaa chei. Haal kʋbala nɛ hɛ ma tʋɔŋ aa dagɛ wʋbɔŋŋɔɔ, ka ma bɩ ʋ kire. Haal-la ba sɩɩ yɩrɛ Jɛzɛbɛl nɛ ŋɩɩ. Ʋ fa joŋ ʋ tɩtɩa arɩ ʋ ŋaa Wɩa wʋlaabʋllʋ nɛ ama ʋʋ nyɩɛ nɛ. Ʋʋ dagɛ mɩ nɩaa nɛ dɩ ba ŋɩŋaa wʋlɩɩlɩŋ aŋ pɛ didii vʋɩyaa kɩaa ma.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ