1 Kɔrɩntɩ Nɩaa 7:32 - WƖA TENIŊ

³² Mɩ bɩ chɛ dɩ wɩaa walɩmɛma. Baal-la sɩ bɩ haala kɛnɛ yie joŋ ʋ nyuŋ kala hɛ La Tɩɩna tɩntɩŋŋaa lɛ nɛ. Ʋ yie chɩchɛ dɩ ʋ tɩma pɩ ʋ Tɩɩna dɩ ʋ tʋɔŋ tɔrɛ nɛ.

1 Kɔrɩntɩ Nɩaa 7:32 ပူးပေါင်းရင်းမြစ်များ

WƖA YƖƖLAA 55:22

Joŋ ŋ wʋwalɩmaa hɛ Wɩa nɩsɩŋ lɛ, ʋ jaŋ beŋ ŋ nyuŋ. Ʋ bɩ jaŋ kɔ dɩ ʋ leŋe dɩ tʋɔpʋl tɩŋŋaa tel.

Matiu 13:22

Kɩalɩŋ sɩ tel sɔsʋŋ tʋɔŋ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ, ama dʋnɩa wɩaa arɩ dʋnɩa kɩaa wɩaa wʋwalɩmɛba, ba cho dɩ ba jige aa chɛ kʋŋkala. A tɩŋ wɩaa deemba, ba bɩ sɛɩ dɩ ba to wɩalɩŋ. Wɩalɩŋ bɩ doho kɛnɛ ba teeŋ.

Maak 4:19

ama dʋnɩa kɩaa wɩaa wʋwalɩmɛba, a nyɩsɛba ba cho dɩ ba jige aa chɛ ba kɛŋ kʋŋkala. A tɩŋ kɩaa deemba wɩaa ba bɩ sɛɩ dɩ ba to wɩalɩŋ. Wɩalɩŋ bɩ doho kɛnɛ ba teeŋ.

Jɔɔŋ 10:13

Ʋ yie fá, bɛɛ wɩaa ʋ daa piese-la, ka ba titimu nɛ. Ʋ sɩpaa kala tuo piese-la lɛ.

1 Kɔrɩntɩ Nɩaa 7:33

Ama baal-la sɩ kɛŋ haala yie bɩbɩɩnɛ dʋnɩa wʋŋaalaa wɩaa nɛ, bɛɛ wɩaa ʋ yie chɩchɛ dɩ ʋ ŋaa wɩaa dɩ ʋ haala tʋɔŋ tɔrɛ nɛ.

Fɩlɩpa Nɩaa 4:6

Má sɩ́ leŋe dɩ kʋŋkala wɩaa wʋwalɩmɛma, ama dɩ ma nɩɩ chɛ kʋŋkala, má sʋl Wɩa a mʋ tɩgɛ kʋ-la lɛ. Má lʋlɔllɛ Wɩa, aŋ joŋ wɩalɩŋ ma sɩɩ chɛ aa bil ʋ sɩpaaŋ.

1 Timoti 5:5

Yo-haal-la chaasa bɩ nʋʋkala kɛnɛ dɩ ʋ benu, ʋ yie joŋ ʋ yɩɛlaa kala hɛ Wɩa lɛ aa sʋlʋ tɩtaŋɩŋ arɩ wɩɩhɛyɛ bʋa na-kala dɩ ʋ pɛ ʋ lɛ.