1 Kɔrɩntɩ Nɩaa 7:30 - WƖA TENIŊ

³⁰ Nɩalɩŋ sɩɩ yel maga dɩ ba nagɛ arɩ ba tʋɔŋ bɩ cheye, ka nɩalɩŋ sɩɩ mɔŋ maga dɩ ba naga arɩ ba tʋɔŋ bɩ tɔrɔ. Nɩalɩŋ sɩɩ yɔɔ kɩaa maga dɩ ba nagɛ arɩ ba bɩ kɩalɩŋ ba sɩɩ yɔɔ tɩɩ.

1 Kɔrɩntɩ Nɩaa 7:30 ပူးပေါင်းရင်းမြစ်များ

WƖA YƖƖLAA 30:5

Dɩ ʋ baanɩŋ nɛ sie, ʋ bɩ dieni. Ama ʋ chonuŋ-na bɩ dɛrɛ. Ŋ jaŋ wuo yel tɩtaŋɩŋ, ama taŋ jaŋ pʋpʋl dɩ tʋɔtɔrʋŋ bɩra kɔ.

TƖƖCHA 3:4

Bʋa-la lɛ nɩaa sɩ jaŋ yel arɩ bʋa-la lɛ ba sɩ jaŋ mɔŋ. Bʋa-la lɛ ba sɩ jaŋ ŋmoo niiŋ arɩ bʋa-la lɛ ba sɩ jaŋ gbieli.

AZAAYA 25:8

La TƖƖNA Wɩɩjarɩbakɔ jaŋ giri sʋʋŋ ta a kaa mʋ wuu, aŋ fɩɩsɛ nʋʋkala sɩlɩɩrɩŋ ta. Hɩɩsɩ-la kala ʋ nɩaa fa sɩ die dʋnɩa lɛ, ʋ jaŋ lɩɩsʋ ta. La TƖƖNA nɛ bʋla.

AZAAYA 30:19

Ma Zaayɔŋ nɩaa, nɩalɩŋ sɩ hɛ Jerusalɛm lɛ, ma yele jaŋ dɛrɛ. La TƖƖNA jaŋ fá ma nenige. Dɩ ma nɛ yele pʋ, ʋ jaŋ nɩɩ a guu pɛ ma lɛ.

ƐZƖKƖƐL 7:12

Bʋa-la yie nɛ, tapʋlɩɩ-la kɔ nɛ. Nɩalɩŋ sɩ yɔɔ kɩaa, má sɩ́ leŋe dɩ ma tʋɔŋ tɔrɛ, nɩalɩŋ ma sɩɩ yallɛ kɩaa, má ma sɩ́ leŋe dɩ ma tʋɔŋ chei, bɛɛ wɩaa Wɩa baanɩŋ sii ma kala nyuŋ nɛ.

Luuk 16:25

Ŋɩɩ nɛ Abɩraham bʋla pʋ, ‘Mɩ bii, liise mʋ yi ŋ fa sɩ hɛ ŋ mɩɩsɩŋ lɛ, ŋ faa nɩɩ sɩma nɛ woruŋ, aŋ ka Lazarɔs fa nɩna hɛɛŋ. Ama lɛɛlɛ Lazarɔs maa nɩɩ sɩma daha, aŋ ka ŋ ma hɛ hɛɛŋ tʋɔŋ.

Luuk 6:21

Ma ma nɩalɩŋ losuŋ sɩ kɛnɛ lɛɛlɛ, Wɩa jaŋ pɛ ma lɛ. Ʋ jaŋ pɩma kʋdiilee dɩ ma dii a vɔgɛ. Ma nɩalɩŋ sɩɩ yel lɛɛlɛ, Wɩa ma jaŋ pɛ ma lɛ, bɛɛ wɩaa Wɩa jaŋ ŋaa ma mɔŋ.

Luuk 6:25

Ma nɩalɩŋ sɩ vɔgɔ lɛɛlɛ, ma ma jaŋ na hɛɛŋ. Losuŋ jaŋ kɛmma. Ma nɩalɩŋ sɩɩ mɔŋ lɛɛlɛ, ma jaŋ na hɛɛŋ. Ma tʋɔŋ jaŋ chei, dɩ ma yel.

Jɔɔŋ 16:22

Ŋɩɩ nɛ saa ʋ jaŋ nagɛ ma ma lɛ. Lɛɛlɛ ma tʋɔŋ cheye nɛ, ama mɩ jaŋ bɩra nama dɩ ma tʋɔŋ kala tɔrɛ. Bʋa-la lɛ nʋʋkala bɩ jaŋ wuo ŋaa dɩ ma tʋɔŋ bɩra chei.

1 Kɔrɩntɩ Nɩaa 7:29

Mɩ naambiiriŋ, wɩɩ-la mɩ sɩɩ bʋl nɛ ŋ-la: La bɩ jaŋ dieni dʋnɩa deeŋ lɛ. Ŋɩɩ wɩaa, nɩalɩŋ sɩ kɛŋ haalaa, maga dɩ ba nagɛ arɩ ba bɩ haalaa kɛnɛ nɛ.

1 Kɔrɩntɩ Nɩaa 7:31

Bayalaa ma maga dɩ ba nagɛ arɩ ba bɩ kɩaa yallɛ, bɛɛ wɩaa dʋnɩa deeŋ nagɩŋ ʋ sɩ nagɛ, ʋ bɩ jaŋ dieni kɩŋkɛŋ.

Jɔɔŋ Wʋnaalaa 18:7

Má dɔgɩsɛba dɩ ba na hɛɛŋ, a magɛ ŋɩɩ ba sɩ bigisi ba tɩtɩa lɛ arɩ ŋɩɩ ba sɩ nɩɩ sɩma. Ba yie bɩɩnɛ ba kuoro nɛ, ba tʋɔŋ bɩ jaŋ chei a nagɛ yo-haala. Ba yie bʋl arɩ ba bɩ jaŋ kɔ dɩ ba yele.

Jɔɔŋ Wʋnaalaa 7:17

Wɩɩkala bɩ jaŋ ŋaaba, bɛɛ wɩaa Pie-bie-la sɩ chɩŋ Wɩa kuoru kpasa-la sɩpaaŋ nɛ jaŋ bibeŋ ba nyuŋ, a nagɛ pie-daara. Ʋ nɛ jaŋ kɛmba kaa mʋ lɩɩ-bulo leriŋ, lɩɩ-la sɩɩ pɩ nɩaa mɩɩsɩŋ. Wɩa ma jaŋ fɩɩsɛ sɩ-lɩɩrɩ kala sɩ hɛ ba sɩaa lɛ ta.”