1 Kɔrɩntɩ Nɩaa 7:22 - WƖA TENIŊ

²² Yoŋ-na kala La Tɩɩna Kirisito sɩ yɩra, ʋ tɩɩna tɩɩ ʋ tɩtɩa nɛ Kirisito teeŋ. Ŋɩɩ tɩtɩa nɛ nɩɩ-la sɩ tɩɩ ʋ tɩtɩa aŋ ka Kirisito yɩrʋ, ŋaa Kirisito yoŋ nɛ.

1 Kɔrɩntɩ Nɩaa 7:22 ပူးပေါင်းရင်းမြစ်များ

1 Pɩɩta 2:16

Ma tɩɩ ma tɩtɩa nɛ, ŋɩɩ wɩaa má hɔŋ a nagɛ nɩaa sɩ tɩɩ ba tɩtɩa, aŋ sɩ́ leŋe dɩ ŋɩɩ ŋaa dɩ ma ŋaa wʋbɔŋŋɔɔ. Ama má ŋaa wɩalɩŋ sɩ jaŋ dagɛ arɩ ma ŋaa Wɩa tɩntɩnnaa nɛ.

Fɩlɩmɔŋ 1:16

Oniisimɔs fa ŋaa ŋ yomo nɛ, ama lɛɛlɛ ʋ kɩɩ yomo. Ʋ ŋaa la naambii-tɩtɩɩ sɩ laa Yesu wɩaa dii nɛ. Mɩ chou nɛ woruŋ, mɩ jɩma ŋ ma jaŋ chou, ʋ sɩ ŋaa ŋ yomo arɩ ŋ naambie kala La Tɩɩna Yesu teeŋ.

Galiisia Nɩaa 5:13

Ka ma-na mɩ naambiiriŋ, Wɩa yɩrɛma nɛ dɩ ma tɩɩ ma tɩtɩa. Ma saa sɩ tɩɩ ma tɩtɩa ŋɩɩ, má sɩ́ ŋɩɩ joŋ a to ma tɩtɩa tʋɔtɔrɛ wʋŋaalaa lɛ. Ama má cho dɔŋɔ a tɩma pɩpa dɔŋɔ.

Galiisia Nɩaa 5:1

Kirisito laala ta nɛ dɩ la tɩɩ la tɩtɩa. Má saa chɩŋ kpaŋ kpaŋ, a pɔ dɩ nʋʋkala bɩra sɩ́ ma kaa ŋaa yosi.

WƖA YƖƖLAA 116:16

La Tɩɩna, mɩ ŋaa ŋ tɩntɩnnʋ nɛ, mɩ chaasa tɩma pɩpɩŋ a nagɛ mɩ naaŋ sɩ tɩma pɩŋ ŋɩɩ nɛ. Ŋ laamɛ ta sʋʋŋ nɩsɩŋ lɛ nɛ.

Juud 1:1

Mɩ-na Juud nɛ ŋmʋnsɛ teniŋ deeŋ. Mɩ ŋaa Yesu Kirisito tɩntɩnnʋ nɛ a ŋaa Jeems naambii ma. Mɩ ŋmʋnsɛ teniŋ deeŋ a pɩpɩ nɩalɩŋ Wɩa sɩ yɩra, nɩalɩŋ la Nyɩmma Wɩa sɩ cho, nɩalɩŋ Yesu Kirisito sɩɩ pɔ.

2 Pɩɩta 1:1

Mɩ-na Saamɔŋ Pɩɩta nɛ ŋmʋnsɛ teniŋ deeŋ pɩpɩma. Mɩ ŋaa Yesu Kirisito tɩntɩnnʋ nɛ a ŋaa ʋ nanzɔɔ ma. Mɩ ŋmʋnsɛ teniŋ deeŋ pɩpɩ ma nɩalɩŋ ma sɩ laa Yesu Kirisito wɩaa dii arɩ la ma sɩ laa ʋ wɩaa dii ŋɩɩ. La dɩ ma kala ŋaa tʋɔpʋl tɩmma nɛ a tɩŋ Wɩa arɩ la Laataara Yesu Kirisito wɩaa.

Koloosi Nɩaa 4:12

Ɛpafɩras ma sɩ lɩɩ ma jaŋ ka chʋɔlɛma. Ʋ ma ŋaa Yesu Kirisito tɩntɩnna-la dɔŋɔ nɛ aa tɩŋ ʋ tɩntɩŋŋaa. Ʋ yie chʋɔlɛ Wɩa pɩpɩma arɩ sɩɩfɩɛsɩŋ, dɩ ma waa dɛrɛ Wɩa wɩaa lɛ a jɩŋ woruŋ wɩalɩŋ kala Wɩa sɩɩ chɛ dɩ ma ŋaa.

Galiisia Nɩaa 1:10

Ma bɩɩna arɩ mɩ bʋl wɩɩŋ deeŋ a chɩchɛ dɩ mɩ laa yɩrɩŋ nɩaa teeŋ nɛɛ? Wɩa teeŋ nɛ mɩ chɩchɛ mɩ laa yɩrɩŋ. Ma bɩɩna mɩɩ chɛ dɩ nɩaa nɛ zizilmii? Dɩ mɩ nɛ faa chɛ dɩ nɩaa zizilmi, mɩ fa bɩ jaŋ ŋaa Kirisito tɩntɩnnʋ.

1 Kɔrɩntɩ Nɩaa 9:19

Mɩ nɛ tɩɩ mɩ tɩtɩa, mɩ tuo nʋʋkala yoŋ. Ama mɩ kɛŋ mɩ tɩtɩa bɩrɩmɛ nʋʋkala yoŋ nɛ dɩ mɩ na nɩaa yʋgɛ dɩ ba kʋ to Wɩa.

Rom Tɩŋŋaa 1:1

Mɩ-na Pɔɔl sɩ ŋaa Yesu Kirisito tɩntɩnna, mɩ nɛ ŋmʋnsɛ teniŋ deeŋ a pɩpɩ ma Rom tɩŋŋaa. Wɩa nɛ yɩrɛmɛ mɩ ŋaa ʋ nanzɔɔ. Ʋ lɩɩsɛmɛ dɩ mɩ bʋl ʋ wʋzɔmɔ-la a pɩ nɩaa nɛ.

1 Kɔrɩntɩ Nɩaa 7:21

Dɩ ŋ nɛ fa ŋaa yoŋ aŋ ka Wɩa yɩrɩŋ, sɩ́ leŋe dɩ ʋ ŋaa wɩɩkala. Ama dɩ ŋ nɛ na wombiiŋ ŋ sɩ jaŋ wuo tɩɩ ŋ tɩtɩa, ʋ maga dɩ ŋ tɩɩ ŋ tɩtɩa nɛ.

1 Kɔrɩntɩ Nɩaa 9:21

Ŋɩɩ tɩtɩa nɛ, dɩ mɩ dɩ nɩalɩŋ sɩ bɩ Juu tɩŋŋaa ŋaa nɛ hɔnɔ, mɩ yie kɛŋ mɩ tɩtɩa bɩrɩmɛ ba dɔŋɔ nɛ, dɩ mɩ wuo na dɩ dɔnsʋŋ kʋ to Wɩa. Wɩɩŋ deeŋ bɩ naga arɩ mɩ bɩ wɩalɩŋ Wɩa sɩ bile dɩ la tuto ka to. Ama mɩ sɛnɛ tuto wɩalɩŋ Kirisito sɩ bʋla nɛ.