1 Kɔrɩntɩ Nɩaa 6:9 - WƖA TENIŊ

⁹ Ma bɩ jɩŋ arɩ nɩbɔŋŋɔɔ bɩ jaŋ wuo jʋʋ Wɩa kuorii-la tʋɔŋ? Má sɩ́ ma tɩtɩa nyɩsʋ. Nɩalɩŋ sɩɩ ŋaa wʋlɩɩlɩŋ arɩ nɩalɩŋ sɩɩ kpaarɛ vʋɩyaa, arɩ bachɔrʋmɔɔ arɩ hachɔrʋmɔɔ, arɩ baalaa koo haalaa balɩa sɩ jaa dɔŋɔ, arɩ baala-la koo haala-la sɩ gɔllɛ lee-kala a ŋɩŋaa ba-lɩɩlɩ koo hachɔrʋŋ wɩaa,

1 Kɔrɩntɩ Nɩaa 6:9 ပူးပေါင်းရင်းမြစ်များ

WƖAA DƖ-SUOMUŊ 19:5

Ŋɩɩ nɛ baala-la yɩrɛ Lɔt a pɩɛsʋ, “Nɩɩ nɛ nʋhʋɔra-la sɩ kɔ ŋ teeŋ tɩtaŋɩŋ deeŋ hɛ? Kɛmba kaa kʋ lɩɩ pɩla dɩ la tʋʋ ba bʋbʋɔ-niiree.”

MOSIS KƐŊ IZIRAL TƖŊŊAA LƖƖ 23:1

Má pɔ ma sɩ́ wɩaa gɔllɔ nyɩnyɩa, má sɩ́ laa bʋla pɛ nɩɩ-la kɩaa sɩ bɩ sɩŋ lɛ.

NAMAGABA 11:1

La Tɩɩna bɛrɛ nɩalɩŋ sɩɩ gɩrɩmɛ nɩaa kɩaa yallɩŋ lɛ nɛ. Ama ʋ tʋɔŋ tɔrɛ nɩalɩŋ sɩɩ yallɛ kɩaa arɩ wʋtɩtɩɩ lɛ nɛ.

NAMAGABA 22:8

Nɩɩ-la kala sɩɩ hɛ wɩaa yie jʋʋ wɩaa nɛ. Ʋ baaŋ-la ʋ sɩ na nɩaa nyuŋ jaŋ ŋaa pɛɩ.

NAMAGABA 7:27

Ʋ dɩa ŋaa sʋʋŋ bʋa wombiiŋ nɛ a mʋmʋ lɛlɛɛ-jaŋ.

AZAAYA 55:7

Nɩbɔŋŋɔɔ, má leŋ wʋbɔmɔ-la ma sɩɩ ŋaa, aŋ bɩrɩmɛ ma tʋɔbɩɩnaa. Má mɩɩra kɔ ma TƖƖNA Wɩa teeŋ, ʋ jaŋ fá ma nenige aŋ joŋ ma wʋbɔŋŋɔɔ chɛma lɩma.

ƐZƖKƖƐL 18:11

ʋ nyɩmma sɩ bɩ ŋaa aŋ ka, a didii vesiŋ kʋdiilee peelee nyuŋ, a kɛŋ ʋ dɔŋɔ tɩɩna haala pɩpɩŋ.

LEVI DOHO NƖAA 18:20

Pʋpɔ ŋ sɩ́ nʋʋ haal kaa pɩŋ a ŋaa disiniŋ hɛ ŋ tɩtɩa lɛ.

LEVI DOHO NƖAA 18:22

Pʋpɔ ŋ sɩ́ ŋ ba-dɔŋɔ kaa pɩŋ, arɩ nɩa sɩ yie kɛŋ haala pɩŋ ŋɩɩ, ʋʋ kɩsɛ nɛ.

LEVI DOHO NƖAA 19:15

Ma pʋpɔ má sɩ́ wʋtɩtɩɩ joŋo faa. Má sɩ́ summo gʋrʋ a tɩŋ ʋ sɩ bɩ kʋŋ kɛnɛ wɩaa, a sɩ́ kɩaa tɩɩna ma lɛ pɛ a tɩŋ ʋ sɩ kɛŋ kɩaa. Má dii nʋʋkala sarɩya arɩ wʋtɩtɩɩ.

LEVI DOHO NƖAA 20:13

Dɩ baal nɛ kɛŋ ʋ ba-dɔŋɔ pɩŋ arɩ ba sɩɩ pɩŋ haala ŋɩɩ, ba ŋaa wɩɩ sɩɩ kɩsʋ nɛ, ʋ maga dɩ ma kpʋba nɛ. Ba tɩtɩa nɛ chɛ ba sʋʋŋ.

ZƐKARƖYA 5:3

Ŋɩɩ nɛ ʋ bʋla pɩmɛ, “Teniŋ deeŋ lɛ nɛ ba ŋmʋnsɛ ŋmɩaŋ-la sɩ jaŋ tɩtɩŋ tintee-la kala lɛ a hɛ. Teŋ-la sɛmɛ dɔŋɔ lɛ ba ŋmʋnsa hɛ a bʋl arɩ ba jaŋ lɩɩsɛ gaaraa kala ta. Teŋ-la sɛmɛ dɔŋɔ ma ba bʋl arɩ nʋʋkala sɩ nyɩɛ wɩaa aŋ ŋmɩɛsɛ, ba jaŋ lɩɩsʋ ta.

Matiu 19:29

Bɩra, nɩɩ-la kala sɩ leŋ ʋ dɩɩsɩŋ koo ʋ naambiiriŋ koo ʋ nyɩmma koo ʋ naaŋ koo ʋ biiriŋ koo ʋ bagɩsɩŋ a tɩŋ mɩ wɩaa, ʋ tɩɩna jaŋ bɩra na kɩaa deemba naansɩɩŋ zɔlɔ, aŋ pɛ kɛŋ mɩɩsɩ-la sɩ bɩ dɛrɛ.

Matiu 25:34

Ŋɩɩ nɛ mɩ-na Kuoro jaŋ bʋla pɩ nɩalɩŋ sɩ chɩŋ mɩ nadiiŋ, ‘Má kɔ. Mɩ Nyɩmma Wɩa nɛ pɛ ma lɛ. Má kʋ dii Wɩa kuorii-la ba sɩ wasa bil ma lɛ dʋnɩa dɩ-suomuŋ,

Luuk 21:8

Ŋɩɩ nɛ Yesu bʋla pɩba, “Má kɛŋ ma tɩtɩa woruŋ dɩ nʋʋkala sɩ́ ma nyɩsʋ,” a bɩra bʋl, “Nɩaa jaŋ yʋgɛ a kɔ a joŋ mɩ yɩrɩŋ hɛ arɩ ba nɛ ŋaa Kirisito, a bʋl dɩ bʋa-la dʋnɩa sɩ jaŋ dɛrɛ kpaga nɛ. Ama má sɩ́ ba harɩŋ to.

Tɩntɩŋŋaa 20:32

Mɩ lɛɛlɛ jomma hɛ Wɩa nɩsɩŋ lɛ nɛ. Wɩa wʋzɔmɔ-la lahɔrɩmɔ lɛ ʋ jaŋ pɛ ma lɛ. Ʋ jaŋ wuo pɛ ma lɛ dɩ ma kɛŋ doluŋ a chɩŋ wɩalɩŋ ma sɩ laa dii lɛ. Ʋ jaŋ leŋ dɩ ma wuo dii kɩalɩŋ ʋ sɩ ŋaa bil nɩaa lɛ.

Tɩntɩŋŋaa 24:25

Ama Pɔɔl sɩ mʋ bʋl wɩaa a tɩgɛ tʋɔpʋla lɛ arɩ ŋɩɩ ŋ sɩ jaŋ wuo kɛŋ ŋ tɩtɩa lɛ, a bɩra bʋl tapʋlɩɩ-la Wɩa sɩ jaŋ dii dʋnɩa nɩaa sarɩya wɩaa ma, fawʋllʋŋ kɛŋ Fɛlɩs. Ŋɩɩ nɛ ʋ bʋl dɩ ʋ mʋ, ka dɩ ʋ nɛ na chɩnɩŋ ʋ jaŋ bɩra yɩrʋ.

Rom Tɩŋŋaa 1:18

Wɩa baanɩŋ sii nɩbɔŋŋɔɔ arɩ nɩalɩŋ sɩ bɩ ʋ niiŋ wɩaa ka to nyuŋ nɛ, bɛɛ wɩaa ba wʋŋaalaa nyagɛ wʋtɩtɩɩ-la bil nɛ.

1 Kɔrɩntɩ Nɩaa 15:33

Ama ma sɩ́ ma tɩtɩa nyɩsʋ. Dɩ ŋ nɛ ŋaa nɩzɔŋ aŋ tuto nɩbɔŋŋɔɔ harɩŋ, ŋ ma jaŋ kʋ ŋaa nɩbɔŋ.

1 Kɔrɩntɩ Nɩaa 15:50

Mɩ naambiiriŋ, wɩɩ-la mɩ sɩɩ chɛ dɩ mɩ bʋl nɛ ŋ-la: Yara-la ba sɩ kɛŋ tɩarɩŋ mɛ bɩ jaŋ wuo hɛ Wɩa kuorii-la tʋɔŋ. Yara-la ma sɩɩ pʋa bɩ jaŋ wuo hɛ nɩmɛ deeŋ deeŋ a nagɛ yara-la sɩ bɩ pʋa.

1 Kɔrɩntɩ Nɩaa 3:16

Ma bɩ jɩŋ arɩ ma ŋaa Wɩa dɩa nɛ Wɩa Dɩŋ-zɔŋ-la jʋjʋʋ?

1 Kɔrɩntɩ Nɩaa 5:1

Mɩ nɩa arɩ nʋʋ nɛ hɛ ma tʋɔŋ a ŋaa disiniŋ. Ʋ ŋɩɩ lɔrɔ. Nɩalɩŋ sɩ bɩ Wɩa jɩŋ ma paala bɩ ŋɩɩ ka ŋaa. Ba bʋla pɩmɛ arɩ nʋʋ nɛ hɛ ma tʋɔŋ a laa ʋ nyɩmma haala jaa.

1 Kɔrɩntɩ Nɩaa 5:10

Mɩ saa bɩ bʋla arɩ ma sɩ́ dʋnɩa nɩaa sɩɩ ŋaa wʋlɩɩlɩŋ, koo nɩalɩŋ sɩ kɛŋ tʋɔ-luŋuŋ, koo gaaraa, koo vʋɩ-kpaaraa tʋɔŋ guolu. Dɩ ma nɩɩ chɛ dɩ ma sɩ́ ba tʋɔŋ guolu, ŋɩɩ-na ma bɩ jaŋ hɛ dʋnɩa lɛ.

1 Kɔrɩntɩ Nɩaa 5:11

Ama wɩɩ-la mɩ sɩɩ bʋl nɛ ŋ-la: Má sɩ́ ma tɩtɩa kaa mʋ mɛrɛ nɩɩ-la sɩ sɩ ʋ ŋaa nɩalɩŋ sɩ laa Wɩa wɩaa dii dɔŋɔ nɛ aŋ ŋɩŋaa wʋlɩɩlɩŋ, koo ʋ kɛŋ tʋɔ-luŋuŋ, koo ʋ kpaarɛ vʋɩyaa, koo ʋ gɔllɔ chichei nɩaa yɩrɩŋ, koo ʋ ŋaa sɩ-nyʋarʋ, koo ʋ ŋaa gaarʋ. Ma paala sɩ́ leŋe dɩ ma dɩ tɩɩna hɔŋ a dii kʋdiilee ma.

1 Kɔrɩntɩ Nɩaa 6:10

arɩ gaaraa arɩ tʋɔ-luŋ tɩŋŋaa, arɩ sɩ-nyʋaraa, arɩ nɩalɩŋ sɩɩ chei nɩaa yɩrɩŋ, arɩ nɩalɩŋ sɩ gɩrɩma lɩlaa dɔŋɔba kɩaa, nɩaa deemba kʋŋkala bɩ jaŋ wuo jʋʋ Wɩa kuorii-la tʋɔŋ.

1 Kɔrɩntɩ Nɩaa 6:18

Má lɩɩsɛ ma tɩtɩa wʋlɩɩlɩŋ lɛ. Wʋbɔŋ-na kala nuhuobiine sɩ ŋaa bɩ ʋ yaraa ka chei, ama baal-la sɩɩ ŋaa wʋlɩɩlɩŋ yie chei ʋ yaraa kala nɛ.

1 Kɔrɩntɩ Nɩaa 6:19

Ma bɩ jɩŋ arɩ ma yaraa ŋaa Wɩa Dɩŋ-zɔŋ-la ʋ sɩ joŋo pɩma dɩa nɛɛ? Ma dee bɩ ma tɩtɩa tɩɩ. Wɩa nɛ tɩɩma.

1 Kɔrɩntɩ Nɩaa 9:24

Ma kala jɩma arɩ nɩaa nɩɩ fá, fɩfaara-la kala yie fá nɛ. Ama ba tʋɔŋ nɩbala nɛ yie dii. Ŋɩɩ wɩaa, má faasa fá a wuo dii a laa kɩaa.

2 Kɔrɩntɩ Nɩaa 12:21

Mɩ bɔyɛ ka joŋ nɛ dɩ mɩ nɛ bɩra kɔ ma teeŋ, Wɩa jaŋ leŋ dɩ hɩɩsɩŋ kɛmmɛ ma wɩaa, dɩ mɩ yel a tɩŋ ma wʋbɔŋŋɔɔ wɩaa. Nɩaa yʋga a hɛ ma tʋɔŋ a ŋaa wʋbɔŋŋɔɔ, a ŋaa disiniŋ, a ŋaa wʋlɩɩlɩŋ, a gɔllɔ chɛ nɩaa haalaa, aŋ bɩrɩma lɩɩ ba lɛ.

Galiisia Nɩaa 6:7

Má sɩ́ ma tɩtɩa nyɩsʋ. Nʋʋkala bɩ Wɩa wuo mɔŋ. Kʋ-la ŋ sɩ duo, ʋ tɩtɩa nɛ ŋ jaŋ kʋŋ.

MOSIS BƖRA WULLI WƖA WOMBIIŊ 22:22

Dɩ baal nɛ kɛŋ ʋ dɔŋɔ haala pɩŋ dɩ ma kɛnʋ, ʋ maga dɩ ba kpʋ baal-la arɩ haal-la kala nɛ. Ʋ maga dɩ má giri wʋbɔmʋŋ deeŋ ta nɛ Iziral tinteeŋ lɛ.

MOSIS BƖRA WULLI WƖA WOMBIIŊ 22:5

Haala bɩ maga dɩ ʋ laalɛ baalaa gɛnnɩŋ koo baala laalɛ haalaa gɛnnɩŋ. Ma Tɩɩna Wɩa bɛrɛ nɩalɩŋ kala sɩɩ ŋaa ŋɩɩ nɛ.

MOSIS BƖRA WULLI WƖA WOMBIIŊ 23:17

Iziral tɩɩna kala, baal koo haal bɩ maga dɩ ʋ jʋʋ vene kala, dɩ bachɔrʋŋ koo hachɔrʋŋ wɩaa nɛ ŋaa ʋ tɩntɩmɩŋ.

Koloosi Nɩaa 3:5

Ʋ maga dɩ ma kpʋ dʋnɩa wɩalɩŋ kala sɩ hɛ ma lɛ a ta nɛ. Ba nɛ ŋ-la: Wʋlɩɩlɩŋ ŋaanɩŋ, disiniŋ ŋaanɩŋ, yaraa wʋchooloo, wʋbɔŋŋɔɔ bɩɩnɩŋ, tʋɔ-luŋuŋ. Tʋɔ-luŋuŋ-na paala nagɛ vʋɩ-kpaarɩŋ nɛ.

Hiburu TƖŊŊAA 12:14

Má hɛ ma doluŋ kala aŋ loo chɩchɛ dɩ ma dɩ nʋʋkala kɛŋ nii-bala, a bɩra loo chɩchɛ dɩ ma sɩ́ disiniŋ kɛŋ. Dɩ ma nɛ bɩ disiniŋ kɛnɛ, ma jaŋ wuo na Wɩa.

Hiburu TƖŊŊAA 12:16

Má pɔ ma tɩtɩa lɛ dɩ ma tʋɔŋ nʋʋkala sɩ́ lɩɩlʋ koo, dɩ ma tʋɔŋ nʋʋkala sɩ́ nʋʋ sɩ bɩ Wɩa ka fá ŋaa, a nagɛ Ɛsɔ. Ʋ fa ŋaa ʋ nyɩmma bii-hɩaŋ nɛ, aŋ joŋ ʋ hɩasɩŋ lenni kʋdiilee ʋ ŋaana teeŋ.

Hiburu TƖŊŊAA 13:4

Ma nɩalɩŋ sɩ jaa dɔŋɔ, má kɛŋ dɔŋɔ woruŋ a sɩ́ wʋlɩɩlɩŋ ŋaa, bɛɛ wɩaa Wɩa jaŋ dii nɩalɩŋ sɩɩ ŋaa bachɔrʋŋ arɩ hachɔrʋŋ wɩaa sarɩya, a pɛ nɩalɩŋ sɩɩ ŋaa wʋlɩɩlɩŋ lɛ.

Jeems 1:16

Mɩ naambii-kpɩanaba, má sɩ́ ma tɩtɩa nyɩsʋ.

1 Jɔɔŋ 3:7

Mɩ biiriŋ, má sɩ́ leŋe dɩ nʋʋkala nyɩsɛma wɩaa deemba lɛ. Nɩɩ-la kala sɩɩ ŋaa wɩaa ba bʋa lɛ, ʋ tɩɩna ŋaa tʋɔpʋl tɩɩna nɛ, arɩ Kirisito sɩ ŋaa tʋɔpʋl Tɩɩna ŋɩɩ.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”

Jɔɔŋ Wʋnaalaa 22:15

Ama nɩbɔŋŋɔɔ jaŋ chɩŋ taŋ-la jeeŋ harɩŋ. Nɩalɩŋ wʋŋaalaa sɩ nagɛ vasɩŋ, arɩ nɩalɩŋ sɩɩ ŋaa chichiribi wɩaa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ kpʋ nɩaa, arɩ vʋɩ-kpaaraa, arɩ nɩalɩŋ kala sɩ cho wʋnyɩɛrɩŋ aa nyɩɛ wɩaa, ba kala jaŋ chɩŋ taŋ-la jeeŋ harɩŋ.

SƖPAALAARAA 19:22

Ba fa sɩ hɛ dɩa-la lɛ a didii kɩaa arɩ tʋɔtɔrʋŋ ŋɩɩ, taŋ-la nɩbɔŋŋɔɔ dɔnsʋŋ kɔ a golli dɩa-la lɛ ba sɩ hɛ, a ŋmuŋmoo dɩa-la boro, aŋ kpɩa banɩhɩaŋ-la sɩ tɩɩ dɩa-la lɛ a bʋl, “Kɛŋ baal-la sɩ kʋ jʋʋ ŋ dɩa kʋ lɩɩ dɩ la kɛnʋ pɩŋ.”