1 Kɔrɩntɩ Nɩaa 6:3 - WƖA TENIŊ

³ Ma bɩ jɩŋ arɩ la Wɩa nɩaa nɛ jaŋ dii Wɩa tɩndaaraa ma sarɩya? A saa kʋ bibeŋ dʋnɩa deeŋ lɛ wɩaa?

1 Kɔrɩntɩ Nɩaa 6:3 ပူးပေါင်းရင်းမြစ်များ

WƖA YƖƖLAA 17:14

Laamɛ ta nɩalɩŋ time kala sɩ hɛ dʋnɩa deeŋ nɩsɩŋ lɛ. Joŋ hɛɛ-la ŋ sɩ joŋo bil a gbɛrɛba a dɔgɩsɛba. Leŋ dɩ ʋ yi ba biiriŋ, aŋ ka dɩ mʋa ha ka a gbɛrɛ ba nihee ma.

DANƖƐL 7:22

a kaa mʋ yi bʋa-la lɛ Nɩɩ-la sɩ hɛ nɩmɛ faafaa kala sɩ kʋ lɩɩ dii sarɩya a laa pɛ Wɩa sɩ kɩɩ kʋŋkala nɩaa lɛ. Bʋa-la yie nɛ dɩ ba laa kuorii-la dɩ ʋ ŋaa ba kʋŋ.

Matiu 25:41

Ŋɩɩ nɛ mɩ jaŋ bʋla pɩ nɩalɩŋ sɩ hɛ mɩ nagʋa a bʋl, ‘Má sʋrɩsɛ mɩ sɛmɛ, Wɩa ŋmɩaŋ diima nɛ. Má mʋ a jʋʋ nyiŋ-la sɩ bɩ dɩsɛ. Wɩa hɛ nyiŋ-la bil Sɩtaanɩ arɩ ʋ tɩndaaraa lɛ nɛ dɩ ba kʋ jʋʋ,

Luuk 21:34

Má kɛŋ ma tɩtɩa, a sɩ́ wʋtɔɔnʋŋ ŋɩŋaa, a sɩ́ sɩnɩŋ nyʋa bubugi. Má sɩ́ leŋe dɩ dʋnɩa kɩaa wɩaa walɩmɛma. Dɩ wɩaa deemba nɩɩ walɩmɛma, tapʋlɩɩ-la mɩ-na Nuhuobiine Bie sɩ jaŋ kɔ, mɩ jaŋ guu kʋ dɩ-ma lɛ a nagɛ ba sɩ hɛ bɛrɛ́, kɩaa vɛnɛ mʋ jʋʋ aŋ bɩ jɩŋ ŋɩɩ.

Luuk 8:14

Kɩalɩŋ sɩ tel sɔsʋŋ tʋɔŋ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ, ama dʋnɩa kɩaa wɩaa wʋwalɩmɛba, ba cho dɩ ba jige aa chɩchɛ dʋnɩa tʋɔtɔrɛ wʋŋaalaa. A tɩŋ kɩaa deemba wɩaa ba yie to mʋ magɛ ŋɩɩ aŋ bɩra vɩa wɩalɩŋ. Wɩalɩŋ lɛl ba tʋɔŋ.

Rom Tɩŋŋaa 6:16

Ma jɩma dɩ ma nɛ joŋ ma tɩtɩa a pɩ nʋʋ a tuto ʋ niiŋ lɛ, ma ŋaa nɩɩ-la ma sɩɩ to yosuŋ nɛ. Dɩ ma nɛ joŋ ma tɩtɩa a hɛ wʋbɔŋŋɔɔ nɩsɩŋ lɛ a nagɛ yosi, ma dɩdɛrɩŋ nɛ sʋʋŋ. Ama dɩ ma nɛ joŋ ma tɩtɩa pɩ Wɩa a tuto ʋ niiŋ a nagɛ yosi, ʋ jaŋ leŋ dɩ ma kɛŋ tʋɔpʋla ʋ sɩpaaŋ.

1 Kɔrɩntɩ Nɩaa 6:15

Ma bɩ jɩŋ arɩ ma yaraa ŋaa Kirisito yaraa sɛmɛ dɔŋɔ nɛɛ? Ma bɩɩna mɩ jaŋ wuo joŋ Kirisito yaraa sɛmɛ dɔŋɔ a mɛrɛ hachɔrʋmʋŋ yaraa lɛ? Aɩ, mɩ bɩ jaŋ ŋaa ŋɩɩ.

1 Kɔrɩntɩ Nɩaa 6:16

Koo ma bɩ jɩŋ dɩ baala nɛ kɛŋ hachɔrʋŋ-la pɩŋ, ba kala ŋaa kʋbala nɛɛ? Wɩa teniŋ tʋɔŋ ba chaasa bʋl, “Baala arɩ ʋ haala jaŋ mɛrɛ dɔŋɔ lɛ a ŋaa kʋbala.”

1 Kɔrɩntɩ Nɩaa 6:19

Ma bɩ jɩŋ arɩ ma yaraa ŋaa Wɩa Dɩŋ-zɔŋ-la ʋ sɩ joŋo pɩma dɩa nɛɛ? Ma dee bɩ ma tɩtɩa tɩɩ. Wɩa nɛ tɩɩma.

1 Kɔrɩntɩ Nɩaa 6:4

Ŋɩɩ-na saa, dɩ wɩɩ kʋ hɛ ma balɩa pɛgɛ, ma jaŋ kɛŋ wɩɩ-la mʋ nɩalɩŋ sɩ bɩ dɩ-chɩnɩɩ kɛnɛ nɩalɩŋ sɩ laa Yesu wɩaa dii aa hilimi sɩpaaŋ dɩ ba bʋla wasɛ pɩmaa?

2 Timoti 2:4

Laalɩyuoru kala sɩ hɛ ʋ tɩntɩŋŋaa lɛ a tɩtɩŋ, ʋ yie chɩchɛ dɩ ʋ tɩŋ dɩ ʋ kʋ-hɩaŋ tʋɔŋ tɔrɛ nɛ. Ŋɩɩ wɩaa ʋ yie bɩ chɛ dɩ ʋ joŋ ʋ tɩtɩa hɛ wʋwogusuŋ lɛ.

2 Timoti 4:10

bɛɛ wɩaa Dɩmas vɩamɛ nɛ. Ʋ cho dʋnɩa kɩaa nɛ. Ŋɩɩ nɛ tɩɩ ʋ vɩamɛ ta aŋ mʋ Tɛsalonaaka. Kɩrɛsɩsɛŋ ma mʋ Galiisia, Taatɩs ma mʋ Dalɩmatɩa.

2 Pɩɩta 2:4

Bumbuŋ kala nɛ Wɩa tɩndaaraa dɔnsʋŋ fa ŋaa wʋbɔŋŋɔɔ. Ba sɩ ŋaa ŋɩɩ, Wɩa bɩ ba leŋe pɛɩ. Ʋ kɛsɛba a jomba yuo hɛ Wɩa-nyiniŋ tʋɔŋ. Ba kɛŋ chɔrʋmɔɔ vɔɔba a leŋ ba pɩŋ birimiŋ tʋɔŋ. Ba jaŋ hɛ nɩmɛ a kaa mʋ yi tapʋlɩɩ-la Wɩa sɩ jaŋ dii dʋnɩa nɩaa sarɩya.

Juud 1:6

Má sɩ́ yʋ arɩ Wɩa dɔgɩsɛ ʋ tɩndaaraa ma nɛ. Ba fa kɛŋ doluŋ nɛ a bibeŋ leree, ama ba vɩa lere-la ba sɩ hɛ nɛ. Ŋɩɩ nɛ Wɩa kɛmba hɛ chɔrʋmɔɔ a bil birimiŋ tʋɔŋ lim. Ba jaŋ hɛ nɩmɛ a kaa mʋ wuu, see dɩ tapʋlɩɩ-la Wɩa sɩ jaŋ dii nɩaa sarɩya kʋ yi.