1 Kɔrɩntɩ Nɩaa 6:1 - WƖA TENIŊ

¹ Ma nɩalɩŋ sɩ ŋaa Wɩa nɩaa, dɩ wɩɩ nɛ kʋ hɛ ma balɩa pɛgɛ, dɔŋɔ yie kɛŋ wɩɩ-la kaa mʋ nɩalɩŋ sɩ bɩ Wɩa ka chʋɔlɛ teeŋ nɛ, dɩ ba bʋl wɩɩ-la a wasɛ. Bɛɛ nɛ tɩɩ ma yie bɩ leŋe Wɩa nɩaa bʋl wɩɩ-la wʋwasɛ?

1 Kɔrɩntɩ Nɩaa 6:1 ပူးပေါင်းရင်းမြစ်များ

Matiu 5:45

Dɩ ma nɛ ŋaa ŋɩɩ, ma jaŋ wuo ŋaa ma Nyɩmma Wɩa sɩ hɛ Wɩa-jaŋ biiriŋ. Ʋ leŋe Wɩa pɔsɛ hɩhɛ nɩbɔŋŋɔɔ arɩ nɩzɔŋŋɔɔ kala lɛ nɛ a leŋ duonuŋ nɩɩ pɩpɩ nɩzɔŋŋɔɔ arɩ nɩbɔŋŋɔɔ kala.

Tɩntɩŋŋaa 19:38

Dɩ Dɛmɩɩtɩas arɩ ʋ tɩntɩnnɩ dɔnsʋŋ nɛ kɛŋ wɩɩ arɩ nʋʋ, sarɩya kɛŋ ʋ tapʋl-diilii nɛ, ma taŋ kʋhɩasɩŋ ma hɛ nɩmɛ dɩ ba dii sarɩya. Má leŋ dɩ ba mʋ nɩmɛ bʋl wɩalɩŋ ba sɩ kɛnɛ.

1 Kɔrɩntɩ Nɩaa 1:2

La ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi Kɔrɩntɩ taŋ-la lɛ nɛ, nɩalɩŋ Wɩa sɩ to Kirisito lɛ a pɩɩsɛ ba disiniŋ ta, dɩ ba ŋaa tʋɔpʋl tɩmma ʋ sɩpaaŋ, a saa pɛ nɩalɩŋ kala sɩɩ chʋɔlɛ Yesu Kirisito a hɛ dʋnɩa sɛmɛ-na kala. Yesu Kirisito ŋaa la dɩ ma kala Tɩɩna nɛ.

1 Kɔrɩntɩ Nɩaa 14:33

bɛɛ wɩaa Wɩa bɩ chɛ dɩ maa ŋaa wɩaa vʋgʋma vʋgʋma, ama ʋʋ chɛ dɩ la wɩaa vɩvɛŋ woruŋ nɛ. Nɩalɩŋ sɩ laa Yesu wɩaa dii aa hilimi tʋɔŋ lee-na kala,

1 Kɔrɩntɩ Nɩaa 16:1

Lɛɛlɛ mɩɩ chɛ dɩ mɩ bʋl wɩaa a mʋ tɩgɛ moribie-la ma sɩɩ chɛ dɩ ma kɩɛsɛ, dɩ ba kaa mʋ pɩ Wɩa nɩalɩŋ sɩ hɛ Judiya tinteeŋ lɛ nɛ. Mɩ laa sɩpaaŋ dagɛ nɩalɩŋ sɩ laa Yesu wɩaa dii aa hilimi a hɛ Galiisia tinteeŋ lɛ, ŋɩɩ ba sɩ jaŋ ŋaa a kɩɛsɛ moribie-la. Ma ma ŋaa ŋɩɩ tɩtɩa.

1 Kɔrɩntɩ Nɩaa 16:15

Mɩ naambiiri, ma jɩŋ baal kʋbala ba sɩɩ yɩrɛ Sɩtɛfanas nɛ. Ʋ dɩ ʋ dɩa nɩaa nɛ laa sɩpaaŋ laa Wɩa wɩaa dii Akaaya tinteeŋ lɛ. Ba pɛ Wɩa nɩaa lɛ nɛ woruŋ, a joŋ ba tɩtɩa kala a hɛ ŋɩɩ lɛ. Mɩɩ sʋlma, mɩ naambiiri,

1 Kɔrɩntɩ Nɩaa 5:12

Mɩ tɩntɩmɩŋ dee dɩ mɩ laa nɩalɩŋ sɩ bɩ Yesu laa dii wɩaa jɩŋ. Ama ma-na saa maga dɩ ma laa dɔŋɔba wɩaa jɩjɩŋ nɛ.

1 Kɔrɩntɩ Nɩaa 6:5

Ma hɩɩsɛ nɛ. Nɩbala paala tuo ma tʋɔŋ sɩ kɛŋ wʋjɩmɩŋ, dɩ wɩɩ nɛ kʋ hɛ Wɩa nɩaa balɩa pɛgɛ, dɩ ʋ wuo bʋl a wasɛɛ?