1 Kɔrɩntɩ Nɩaa 5:9 - WƖA TENIŊ

⁹ Teŋ-la mɩ sɩ ŋmʋnsa pɩma tʋɔŋ, mɩ bʋla pɩma dɩ ma lɩɩsɛ ma tɩtɩa nɩalɩŋ sɩɩ ŋaa wʋlɩɩlɩŋ tʋɔŋ.

1 Kɔrɩntɩ Nɩaa 5:9 ပူးပေါင်းရင်းမြစ်များ

NAMAGABA 9:6

Má leŋ nɩalɩŋ sɩ bɩ wɩaa jɩŋ wombiiŋ aŋ kɛŋ mɩɩsɩŋ, má to wombii-la sɩ jaŋ leŋ dɩ ma jɩŋ wɩaa sɩaa.

1 Kɔrɩntɩ Nɩaa 5:10

Mɩ saa bɩ bʋla arɩ ma sɩ́ dʋnɩa nɩaa sɩɩ ŋaa wʋlɩɩlɩŋ, koo nɩalɩŋ sɩ kɛŋ tʋɔ-luŋuŋ, koo gaaraa, koo vʋɩ-kpaaraa tʋɔŋ guolu. Dɩ ma nɩɩ chɛ dɩ ma sɩ́ ba tʋɔŋ guolu, ŋɩɩ-na ma bɩ jaŋ hɛ dʋnɩa lɛ.

1 Kɔrɩntɩ Nɩaa 5:2

Ɛɛ nɛ saa ma jaŋ wuo ŋaa a bigisi ma tɩtɩa lɛ? Ʋ maga dɩ ma tʋɔŋ chei nɛ, ka dɩ ma lɩɩsɛ nɩɩ-la sɩ ŋaa ŋɩɩ a ta ma tʋɔŋ.

1 Kɔrɩntɩ Nɩaa 5:7

Má joŋ sɩ-bʋrʋ-bɩnɩɩ-la sɩ ŋaa wʋbɔŋ a ta. Dɩ ma nɛ ŋaa ŋɩɩ, ma jaŋ wuo ŋaa tʋɔpʋl tɩmma, a wuo nagɛ boroboro muŋ-falɩɩ-la ba ha sɩ bɩ sɩbʋrʋŋ hɛ. Ma saa jɩma arɩ ma bɩ wʋbɔŋ kɛnɛ. La kɛŋ la tɩtɩa hɛ dɔŋɔ dɩ la gbieli dɩɩsɩŋ kiele bal gbiele-la nɛ. Kirisito nɛ ŋaa Pie-bie-la ba sɩ kpʋa dɩ la kaa dii la dɩɩsɩŋ kiele bal gbiele-la.

2 Kɔrɩntɩ Nɩaa 6:14

Má sɩ́ ma tɩtɩa kaa mɛrɛ nɩalɩŋ sɩ bɩ Yesu wɩaa laa dii lɛ. Tʋɔpʋl tɩŋŋaa arɩ nɩbɔŋŋɔɔ bɩ dɔŋɔ lɛ wuo mɛrɛ. Pʋlʋmʋŋ arɩ birimiŋ bɩ jaŋ wuo guoli dɔŋɔ lɛ.

2 Kɔrɩntɩ Nɩaa 6:17

Ŋɩɩ wɩaa má lɩɩsɛ ma tɩtɩa nɩalɩŋ sɩ bɩ Yesu wɩaa laa dii tʋɔŋ, a hɔŋ ma dʋndʋŋ. Má sɩ́ kɩalɩŋ sɩ kɛŋ disiniŋ digu. Dɩ ma nɛ lɩɩsɛ ma tɩtɩa wɩaa deemba lɛ, mɩ jaŋ laa ma.

Ɛfɛsɩs Nɩaa 5:11

Má lɩɩsɛ ma tɩtɩa birimiŋ tʋɔŋ wɩalɩŋ nɩaa sɩɩ ŋaa lɛ. Má joŋ ba bʋbʋɔŋ ta, a leŋ dɩ nɩaa jɩŋ wɩalɩŋ ba sɩɩ ŋaa bɩ zɔŋ.

2 Tɛsalonaaka Nɩaa 3:14

Dɩ nʋʋ nɛ hɛ ma tʋɔŋ a bɩ wɩalɩŋ la sɩ bʋla pɩma teniŋ deeŋ tʋɔŋ ka to, má jɩŋ ʋ tɩɩna a lɩɩsɛ ma tɩtɩa ʋ lɛ, a leŋ dɩ hɩɩsɩŋ kɛnʋ.

2 Tɛsalonaaka Nɩaa 3:6

Mɩ naambiiriŋ, La Tɩɩna Yesu Kirisito doluŋ lɛ, la bʋla pɩpɩma dɩ ma lɩɩsɛ ma tɩtɩa nɩalɩŋ sɩ hɛ ma tʋɔŋ a kɛŋ yarɩwɩɩŋ lɛ, nɩalɩŋ sɩ bɩ wɩalɩŋ la sɩ bʋla pɩma ka to.