1 Kɔrɩntɩ Nɩaa 5:8 - WƖA TENIŊ

⁸ Ŋɩɩ wɩaa, má leŋ dɩ la gbieli la dɩɩsɩŋ kiele bal gbiele-la. Má leŋ dɩ la joŋ boroboro bɩnɩɩ-la sɩ kɛŋ sɩbʋrʋŋ ta. Sɩ-bʋrʋ-la nagɛ wʋbɔmʋŋ arɩ tʋɔbɔmʋŋ nɛ. Má leŋ dɩ la gbieli arɩ boroboro-la sɩ bɩ sɩbʋrʋŋ kɛnɛ. Boroboro deeŋ nagɛ wʋtɩtɩɩ arɩ tʋɔ-bala nɛ.

1 Kɔrɩntɩ Nɩaa 5:8 ပူးပေါင်းရင်းမြစ်များ

WƖA YƖƖLAA 32:2

Nɩalɩŋ wʋbɔŋŋɔɔ La Tɩɩna sɩ bee kieli arɩ nɩalɩŋ sɩ bɩ nɩaa ka nyɩsɛ tʋɔŋ jaŋ tɔrɛ.

WƖA YƖƖLAA 42:4

Mɩ tʋɔŋ yie faasa chei nɛ dɩ mɩ nɛ liise yi faafaa-la mɩ sɩ yie laa Wɩa nɩaa sɩpaaŋ a mʋmʋ Wɩa dɩɩ-balɩŋ la ŋaa goŋ a yɩɩ yɩɩlaa arɩ tʋɔtɔrʋŋ a lʋlɔllɛ Wɩa.

MOSIS KƐŊ IZIRAL TƖŊŊAA LƖƖ 12:15

Ma jaŋ dii boroboro-la sɩ bɩ sɩbʋrʋŋ kɛnɛ tapʋlaa balɩpɛ. Tapʋl-bumbuŋ, má paa sɩ-bʋrʋ-la kala sɩ hɛ ma dɩɩsɩŋ lɛ lɩɩ ta. A lɩɩ tapʋl-bumbuŋ a kaa mʋ tapʋl-pɛɩ chɛɛŋ, dɩ nʋʋkala nɛ dii kʋdiilii sɩ kɛŋ sɩbʋrʋŋ, má lɩɩsʋ ta Iziral tɩŋŋaa tʋɔŋ.

MOSIS KƐŊ IZIRAL TƖŊŊAA LƖƖ 12:19

Tapʋlaa balɩpɛ-la pɛgɛ, nʋʋkala bɩ maga dɩ ʋ leŋ dɩ sɩbʋrʋŋ hɛ ʋ dɩa lɛ. Dɩ nʋʋkala nɛ dii kʋŋ sɩ kɛŋ sɩbʋrʋŋ, má lɩɩsʋ ta Iziral tɩŋŋaa tʋɔŋ, dɩ tɩɩna ŋaa Iziral tɩɩna koo nɩwogo.

MOSIS KƐŊ IZIRAL TƖŊŊAA LƖƖ 12:8

Tɩtaŋ-la tɩtɩa, má wasɛ nammɩa-la arɩ pɩpaa-haarɩŋ, a kɛŋ boroboro-la sɩ bɩ sɩbʋrʋŋ kɛnɛ a dii.

MOSIS KƐŊ IZIRAL TƖŊŊAA LƖƖ 13:6

Ma jaŋ dii boroboro-la sɩ bɩ sɩbʋrʋŋ kɛnɛ tapʋlaa balɩpɛ. Tapʋl-pɛɩ chɛɛŋ, má gbieli gbiele a zil La TƖƖNA.

MOSIS KƐŊ IZIRAL TƖŊŊAA LƖƖ 13:7

Tapʋlaa deemba balɩpɛ ma jaŋ dii boroboro-la sɩ bɩ sɩbʋrʋŋ kɛnɛ, aŋ paala sɩ́ leŋe dɩ sɩbʋrʋŋ koo boroboro-la sɩ kɛŋ sɩbʋrʋŋ kpagɛ lee-la ma sɩ hɛ.

AZAAYA 25:6

Peel-la ba sɩɩ yɩrɛ Zaayɔŋ nyuŋ nɛ La TƖƖNA doluŋ kala Tɩɩna jaŋ yɩrɛ gbiele, a ŋaa kʋdii-zɔŋŋɔɔ arɩ nammɩɩ-zɔmʋŋ arɩ sɩŋ-la sɩ chaasa sɩŋ a pɩ dʋnɩa nɩaa kala.

AZAAYA 30:29

Ma jaŋ yɩɩ yɩɩlɩŋ a nagɛ ma sɩ yie ŋaa ŋɩɩ tɩtaŋɩŋ dɩ ma nɩɩ gbieli gbiele-la sɩ bɩ disiniŋ kɛnɛ. Ma tʋɔŋ jaŋ tɔrɛ a nagɛ nɩaa sɩ ŋmʋʋ ŋmʋlaa a yɩɩ yɩɩlaa a jɩjɩl La TƖƖNA peeliŋ. Ʋ nagɛ bʋŋ nɛ a pɔ Iziral tɩŋŋaa.

LEVI DOHO NƖAA 23:6

Chɛnɛ-la tɩtɩa tʋɔŋ tapʋlaa fii arɩ banɔŋ chɛɛŋ nɛ ba sɩ yie dii boroboro-la sɩ bɩ sɩbʋrʋŋ kɛnɛ gbiele ma jaŋ suomi. Ma jaŋ dii boroboro-la sɩ bɩ sɩbʋrʋŋ kɛnɛ tapʋlaa balɩpɛ.

Matiu 16:12

Ŋɩɩ nɛ ʋ harɩ-tooroo jɩŋ arɩ ʋ bɩ sɩ dɩ ba pɔ ba tɩtɩa lɛ arɩ sɩ-bʋrʋ-la ba sɩ kaa hɩhɛ boroboro lɛ nɛ, ama ʋ sɩ ba pɔ ba tɩtɩa lɛ Farisii tɩŋŋaa arɩ Saduusi tɩŋŋaa wʋbʋlaa lɛ nɛ.

Matiu 16:6

Ŋɩɩ nɛ Yesu bʋla pɩba, “Má kɛŋ ma tɩtɩa woruŋ arɩ Farisii tɩŋŋaa arɩ Saduusi tɩŋŋaa, ba nagɛ sɩbʋrʋŋ nɛ.”

Maak 8:15

Ŋɩɩ nɛ Yesu bʋl arɩ sɩɩfɩɛsɩŋ, “Má pɔ ma tɩtɩa lɛ arɩ Farisii tɩŋŋaa arɩ Hɛrɔd lɛ. Ba nagɛ sɩbʋrʋŋ nɛ, dɩ ŋ joŋo hɛ kʋŋkala lɛ, ʋ yie sii pʋɔrʋ nɛ.”

Luuk 12:1

Nɩalɩŋ fa sɩ kɔ Yesu teeŋ, ba yi nɩaa bʋɩ bʋɩ a yiyigi dɔŋɔ. Ŋɩɩ nɛ Yesu laa sɩpaaŋ a bʋla pɩ ʋ harɩ-tooroo, “Má pɔ ma tɩtɩa lɛ arɩ Farisii tɩŋŋaa. Ba ŋaa kanfugi tɩmma nɛ. Ba nagɛ sɩbʋrʋŋ nɛ.

Jɔɔŋ 1:47

Yesu sɩ na Natanɩal dɩ ʋʋ kɔ ʋ teeŋ, ʋ bʋl, “Nɩa deeŋ ŋaa Iziral tɩɩna tɩtɩɩ nɛ. Ʋ kɛŋ wʋtɩtɩɩ.”

1 Kɔrɩntɩ Nɩaa 3:3

Ma haa ŋaa dʋnɩa wʋŋaalaa nɛ, bɛɛ wɩaa, ma kɛŋ yarɩ-bieriŋ dɔŋɔ lɛ, a yuyuo dɔŋɔ, ma sɩɩ ŋaa wɩaa deemba, dʋnɩa wʋŋaalaa dee ŋɩɩ?

1 Kɔrɩntɩ Nɩaa 5:1

Mɩ nɩa arɩ nʋʋ nɛ hɛ ma tʋɔŋ a ŋaa disiniŋ. Ʋ ŋɩɩ lɔrɔ. Nɩalɩŋ sɩ bɩ Wɩa jɩŋ ma paala bɩ ŋɩɩ ka ŋaa. Ba bʋla pɩmɛ arɩ nʋʋ nɛ hɛ ma tʋɔŋ a laa ʋ nyɩmma haala jaa.

1 Kɔrɩntɩ Nɩaa 5:6

Ma sɩɩ bigisi ma tɩtɩa lɛ ŋɩɩ, ʋ ŋɩɩ bɩ zɔŋ. Ma bɩ jɩŋ arɩ sɩbʋrʋŋ mʋa nɛ ba yie joŋo hɛ boroboro munuŋ lɛ, ka ʋ sii pʋɔrɛ a yʋgɛɛ?

2 Kɔrɩntɩ Nɩaa 1:12

Lɛɛlɛ la jaŋ wuo bigisi la tɩtɩa lɛ, bɛɛ wɩaa la tʋɔbɩɩnaa daga arɩ la wʋŋaalaa kala zɔmɔ nʋʋkala teeŋ nɛ dʋnɩa deeŋ lɛ. Wɩɩkala la sɩ ŋaa ma teeŋ, la ŋaa wɩalɩŋ sɩɩ to Wɩa wombiiŋ nɛ aŋ pɛ ŋaa wʋtɩtɩɩ-la Wɩa sɩɩ chɛ. Nuhuobiine wʋjɩmɩŋ lɛ dee la to a ŋɩŋaa wɩalɩŋ, ama Wɩa doluŋ lɛ nɛ la ŋaaba.

2 Kɔrɩntɩ Nɩaa 2:17

Nɩaa yʋga nɛ a gɔllɔ bʋbʋl Wɩa niiŋ wɩaa a lɩlaa moribiee, ama la-na bɩ ŋɩɩ ŋaa. La-na ŋaa nɩtɩtɩɩba nɛ. Wɩa nɛ lɩɩsɛla dɩ la tɩŋ tɩntɩmɩŋ deeŋ. Kirisito doluŋ lɛ nɛ laa bʋl Wɩa wɩaa.

2 Kɔrɩntɩ Nɩaa 8:8

Mɩ bɩ maa fʋgɛ dɩ ma joŋ kɩaa pɩpɩ nɩaa. Nɩaa dɔnsʋŋ fɩɛsɛ sɩɩŋ nɛ a cho dɩ ba ŋaa kɩaa kpɩkpaa nɩaa. Ŋɩɩ nɛ tɩɩ mɩɩ chɛ dɩ ma ma dagɛ arɩ wʋtɩtɩɩ, ma sɛnɛ cho nɩaa nɛ.

Ɛfɛsɩs Nɩaa 6:24

Nɩalɩŋ sɩ cho La Tɩɩna Yesu Kirisito a kaa mʋ deeŋ deeŋ, Wɩa jaŋ fá nɩaa deemba kala nenige.

MOSIS BƖRA WULLI WƖA WOMBIIŊ 16:16

Jɩna na-kala tʋɔŋ Iziral tɩŋŋaa baalaa kala maga má mʋ ma TƖƖNA sɩpaaŋ naansɩɩŋ butori nɛ, lee-la ʋ sɩ jaŋ dagɛma dɩ ma zizilu, a gbieli gbielee deemba: La TƖƖNA dɩɩsɩŋ kiele bal gbiele, baga kɩaa ŋaanɩŋ gbiele arɩ lɛŋŋɛɛ gbiele. Nʋʋkala bɩ maga dɩ ʋ mʋ La TƖƖNA sɩpaaŋ arɩ na-hɩllɩŋ.

MOSIS BƖRA WULLI WƖA WOMBIIŊ 16:3

Dɩ ma nɩɩ dii gbiele-la kʋdiilee, má sɩ́ boroboro-la sɩ kɛŋ sɩbʋrʋŋ dii. Má dii boroboro-la sɩ bɩ sɩbʋrʋŋ kɛnɛ ŋɩɩ tapʋlaa balɩpɛ, dɩ ʋ liliisima hɛɛ-la ma sɩ na bʋa-la lɛ ma sɩɩ chɛ lɩma lɩma dɩ ma lɩɩ Ijipiti tinteeŋ lɛ.

JOSUA 24:14

Maa fá La TƖƖNA a tutou arɩ ma wʋtɩtɩɩ. Má paa vesi-la ma naabalɩmaba fa sɩɩ kpaarʋ Yufireti fuo-la cholo arɩ Ijipiti lɛ a yuo ta, aŋ tɩma pɩpɩ La TƖƖNA.

1 Pɩɩta 4:2

Ma sɩ hɛ ma mɩɩ-kaanɩŋ deeŋ lɛ, ma bɩra sɩ́ ma tʋɔtɔrɛ wʋŋaalaa lɛ to, ama má tuto Wɩa tʋɔtɔrʋŋ lɛ.