1 Kɔrɩntɩ Nɩaa 5:5 - WƖA TENIŊ

⁵ Má joŋ baala deeŋ hɛ Sɩtaanɩ nɩsɩŋ lɛ, dɩ ʋ to ʋ tʋɔtɔrɛ wʋŋaalaa lɛ a dɔgɩsɛ ʋ yaraa, ka dɩ Wɩa laa ʋ dɩma ta tapʋlɩɩ-la La Tɩɩna sɩ jaŋ mɩɩra kɔ.

1 Kɔrɩntɩ Nɩaa 5:5 ပူးပေါင်းရင်းမြစ်များ

JOB 2:6

Ŋɩɩ nɛ La TƖƖNA bʋla pɩ Sɩtaanɩ, “Ʋ zɔmɔ, mɩ joŋu hɛ ŋ nɩsɩŋ lɛ, ama sɩ́ ʋ mɩɩsɩŋ lɩɩsʋ.”

WƖA YƖƖLAA 109:6

Chɛ nɩbɔŋ dɩ ʋ chɩŋ mɩ dʋndɔmɔ lɛ, a bʋl ʋ teeŋ,

NAMAGABA 23:14

Dɔgɩsɛ bie arɩ chɩba, a laaʋ ta sʋʋŋ bʋa lɛ.

LEVI DOHO NƖAA 13:21

Dɩ Wɩɩsʋllɩ sɩpaalaara nɛ beŋ lee-la dɩ ʋ pʋnaa bɩ pʋlla, ka lee-la ma bɩ mʋʋra tuu aŋ nagɛ dɩ ʋ fʋɔra, ʋ maga dɩ ʋ pɔ tɩɩna sɩ́ nɩaa tʋɔŋ guolu tapʋlaa balɩpɛ.

Matiu 4:10

Ŋɩɩ nɛ Yesu bʋla pʋ, “Sɩtaanɩ, mʋ nɩmɛ, Wɩa teniŋ tʋɔŋ ba ŋmʋnsa, ‘Má chʋchʋɔlɛ La Tɩɩna Wɩa dʋndʋŋa a tutou.’ ”

Luuk 22:31

Ŋɩɩ nɛ Yesu bʋla pɩ Saamɔŋ Pɩɩta, “Saamɔŋ, Saamɔŋ, Sɩtaanɩ laa wombiiŋ nɛ dɩ ʋ magɩsɛ ma kala, dɩ ʋ pɔrɛ nɩzɔŋŋɔɔ nɩbɔŋŋɔɔ lɛ, a nagɛ paara sɩ yie chaarɛ mɩɩ-jɔrʋŋ ta, aŋ ka mɩɩ-biiŋ ŋɩɩ.

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

1 Kɔrɩntɩ Nɩaa 1:8

Wɩa ma jaŋ chaasa kɛmma woruŋ dɩ ma sɩ́ wʋbɔŋ ŋaa, a kaa mʋ yi tapʋlɩɩ-la La Tɩɩna Yesu Kirisito sɩ jaŋ mɩɩra kɔ.

1 Kɔrɩntɩ Nɩaa 11:32

Ama dɩ Wɩa nɛ na dɩ la cheye, ʋ yie dɔgɩsɛla nɛ a kɛnla tʋrɛ. Ʋ yie ŋaa ŋɩɩ dɩ ʋ sɩ́ la joŋo pɛ dʋnɩa nɩaa lɛ a cheila.

1 Kɔrɩntɩ Nɩaa 5:13

Nɩalɩŋ sɩ bɩ Yesu jɩŋ-na, Wɩa nɛ jaŋ dii ba sarɩya. Wɩa teniŋ tʋɔŋ ba bʋla, “Má lɩɩsɛ nɩbɔmʋŋ ta ma tʋɔŋ.”

2 Kɔrɩntɩ Nɩaa 10:6

Dɩ ma nɛ sɛnɛ tuto Kirisito niiŋ wɩaa woruŋ, ŋɩɩ-na la jaŋ kɛŋ la tɩtɩa hɛ dɔŋɔ a dɔgɩsɛ nɩalɩŋ sɩ bɩ ʋ niiŋ wɩaa ka to.

2 Kɔrɩntɩ Nɩaa 12:7

Wʋkpuŋkperisi-la kala Wɩa sɩ joŋo dagɛmɛ fa jaŋ wuo ŋaa dɩ mɩ bigisi mɩ tɩtɩa lɛ. Ama dɩ mɩ sɩ́ wuo na wombiiŋ a bigisi mɩ tɩtɩa lɛ, Wɩa joŋ hɛɛ kʋbala hɛ mɩ lɛ. Ʋ wʋwɩɩ a nagɛ sɔɔŋ sɩ tɔmɛ. Hɛɛ-la naga ʋ to Sɩtaanɩ lɛ nɛ a kʋ walɩmɛmɛ dɩ mɩ sɩ́ wuo na wombiiŋ a bigisi mɩ tɩtɩa lɛ.

2 Kɔrɩntɩ Nɩaa 13:10

Lɛɛlɛ mɩ tuo ma teeŋ, ŋɩɩ nɛ tɩɩ mɩ ŋmʋnsɛ teniŋ pɩpɩma. Dɩ mɩ nɛ kɔ ma teeŋ, mɩɩ chɛ dɩ mɩ dagɛ dol-la La Tɩɩna Wɩa sɩ joŋo pɩmɛ ma teeŋ. Ʋ joŋ dol-la pɩmɛ dɩ mɩ kaa pɛ ma lɛ nɛ dɩ ma wasa dol. Ʋ bɩ sɩ dɩ mɩ kaa cheima.

Fɩlɩpa Nɩaa 1:6

Mɩ laa dii arɩ Wɩa sɩ pɛ ma lɛ ma tɩŋ tɩntɩŋ-zɔmɔ-la ŋɩɩ, ʋ jaŋ pɛ ma lɛ dɩ ma tɩma mʋ yi tapʋlɩɩ-la La Tɩɩna Yesu Kirisito sɩ jaŋ kɔ.

1 Timoti 1:20

Haminiiyas arɩ Alɛkɩzanda ma hɛ nɩaa deemba tʋɔŋ nɛ. Ŋɩɩ nɛ mɩ jomba hɛ Sɩtaanɩ nɩsɩŋ lɛ dɩ ʋ dɔgɩsɛba, dɩ ba gʋnnɛ wʋjɩmɩŋ, dɩ ba bɩra sɩ́ Wɩa joŋŋoo tʋʋsʋ.

2 Timoti 1:18

Wɩa jaŋ leŋ dɩ La Tɩɩna Kirisito fá ʋ nenige sarɩya chɛ-diiliŋ. Ŋ ma jɩŋ ŋɩɩ ʋ sɩ faasa pɛ mɩ lɛ nɛ bʋa-la lɛ mɩ fa sɩ hɛ Ɛfɛsɩs lɛ.

2 Pɩɩta 3:12

Ma sɩɩ gbɛrɛ tapʋlɩɩ-la La Tɩɩna Yesu sɩ jaŋ kɔ ŋɩɩ, má pɛ pipesi, dɩ ma ŋaa wɩɩ na-kala ma sɩ jaŋ wuo ŋaa dɩ tapʋlɩɩ-la yima lɩma. Tapʋlɩɩ-la nɛ wɩa-nyuŋ jaŋ ŋmɩɛrɛ nyiniŋ tʋɔŋ a nyɩɩgɛ. Ka kʋŋkala sɩ hɛ wɩa-nyuŋ ma jaŋ ŋmɩɛrɛ nyiniŋ lɛ a lɛl.

1 Jɔɔŋ 5:16

Dɩ nʋʋkala nɛ na ʋ dɔŋɔ tɩɩna dɩ ʋ ŋaa wʋbɔŋ sɩ bɩ jaŋ leŋ dɩ ʋ sʋʋ, ʋ maga dɩ tɩɩna sʋl Wɩa pʋ nɛ dɩ Wɩa joŋ ʋ mɩɩsɩŋ chɛʋ. Mɩ bʋl ŋ-la a tɩgɛ nɩalɩŋ sɩ ŋaa wʋbɔmɔ-la lɛ sɩ bɩ maga dɩ ba sʋʋ lɛ nɛ a tɩŋ ba wʋbɔmɔ-la wɩaa. Wʋbɔŋŋɔɔ dɔnsʋŋ hɛ nɩmɛ, dɩ nʋʋ nɛ ŋaaba, ʋ tɩɩna jaŋ sʋʋ. Dɩ nʋʋ nɛ saa ŋaa wʋbɔŋŋɔɔ deemba, mɩ bɩ sɩ dɩ ma sʋl Wɩa dɩ ʋ joŋ ʋ mɩɩsɩŋ chɛʋ.