1 Kɔrɩntɩ Nɩaa 5:3 - WƖA TENIŊ

³ Mɩ-na, mɩ hɛ dɩ-bolii nɛ, ama mɩ dɩma guoli ma tʋɔŋ nɛ. Mɩ paala joŋ cheeriŋ pɩ nɩɩ-la sɩ ŋaa wʋlɔrʋŋ deeŋ nɛ a nagɛ mɩ hɛ ma teeŋ nɛ.

1 Kɔrɩntɩ Nɩaa 5:3 ပူးပေါင်းရင်းမြစ်များ

1 Kɔrɩntɩ Nɩaa 5:12

Mɩ tɩntɩmɩŋ dee dɩ mɩ laa nɩalɩŋ sɩ bɩ Yesu laa dii wɩaa jɩŋ. Ama ma-na saa maga dɩ ma laa dɔŋɔba wɩaa jɩjɩŋ nɛ.

2 Kɔrɩntɩ Nɩaa 10:1

Mɩ-na Pɔɔl tɩtɩa nɩɩ chɛ dɩ mɩ bʋl wɩɩ pɩma. Mɩɩ sʋlma a tɩŋ Kirisito wɩaa, nɩɩ-la sɩaa sɩ fɩɛla, ka ʋ kɛŋ kenyiri ma. Nɩaa dɔnsʋŋ sɩ, dɩ mɩ nɛ hɛ ma teeŋ, mɩ yie pʋɩ nɛ gbɛlɛ gbɛlɛ, ama dɩ mɩ tuo ma teeŋ, mɩ nyuŋ duori weŋgem.

2 Kɔrɩntɩ Nɩaa 10:11

Ʋ maga dɩ nɩdosunuŋ-la jɩŋ arɩ la sɩ yie bɩ kpaga aŋ bʋl wɩalɩŋ tenniŋ tʋɔŋ, dɩ la nɛ kpaga ma, wɩalɩŋ tɩtɩa nɛ la jaŋ bʋl.

2 Kɔrɩntɩ Nɩaa 13:2

Mɩ sɩ kɔ ma teeŋ lɩamɩŋ lɛ, mɩ kpʋrɩsɛ nɩalɩŋ sɩ ŋaa wʋbɔŋŋɔɔ arɩ nɩalɩŋ dɔnsʋŋ kala dɩgɩlaa nɛ. Lɛɛlɛ mɩ tuo ma teeŋ, ama mɩ bɩra kpʋrɩsɛ ma dɩgɩlaa nɛ arɩ mɩ nɛ kɔ ma teeŋ torimuŋ lɛ, mɩ bɩ jaŋ taba.

Koloosi Nɩaa 2:5

Mɩ tuo ma teeŋ, ama mɩɩ bɩɩnɛ ma wɩaa nɛ, a nagɛ mɩ hɛ ma teeŋ. Mɩ tʋɔŋ tɔrɔ nɛ ma sɩ laa Yesu dii a fɩɛlɛ ma yaraa a chɩŋ kpaŋ kpaŋ.

1 Tɛsalonaaka Nɩaa 2:17

Mɩ naambiiri, la pɔrɛ dɔŋɔ lɛ ʋ bɩ diene, ama la tʋɔbɩɩnaa-na ha hɛ ma lɛ nɛ. La sɩ bɩ maa na ŋɩɩ, ŋɩɩ nɛ la faa chɛ la kʋ nama arɩ sɩɩfɩɛsɩŋ.