1 Kɔrɩntɩ Nɩaa 4:9 - WƖA TENIŊ

⁹ Ʋ naga mɩ-na teeŋ arɩ Wɩa joŋ la nɩalɩŋ sɩ ŋaa ʋ nanzɔɔba la nagɛ dansarɩkaba ba sɩ lɩɩsa nɩaa tʋɔŋ ba pʋɔla tuto harɩŋ dɩ ba kaa mʋ kpʋ nɛ. Ba tʋɔsɛla a kaa kʋ lɩɩ, dɩ dʋnɩa nɩaa arɩ Wɩa tɩndaaraa nala a huurila nɛ.

1 Kɔrɩntɩ Nɩaa 4:9 ပူးပေါင်းရင်းမြစ်များ

WƖA YƖƖLAA 44:22

Tapʋlɩɩ kala nɛ la sʋsʋʋ ŋ wɩaa. La nagɛ piesee ba sɩ kaa lɩɩ dɩ ba kpʋ nɛ.

WƖA YƖƖLAA 71:7

Nɩaa yʋga nɛ aa to mɩ naabʋɔsʋŋ, bɛɛ wɩaa ŋ nɛ ŋaa mɩ dɩ-duoŋ mɩ yuori.

JƐRƖMAAYA 20:18

Bɛɛ nɛ paala tɩɩ mɩ kʋ lɩɩ mɩ naaŋ luoruŋ tʋɔŋ, a nɩna wʋwalɩmaa arɩ tʋɔ-cheeŋ ka dɩ mɩ tapʋlaa kala ma dɛrɛ arɩ hɩɩsɩŋ?

Tɩntɩŋŋaa 19:29

Ŋɩɩ nɛ ba kɛŋ taŋ-la kala hosi. Nɩ-daŋ-la kɛŋ Gayas arɩ Arɩsɩtakʋs sɩ lɩɩ Masidoonia a tuto Pɔɔl harɩŋ. Ba lɛrɛba kaa mʋ lee-la taŋ-la nɩaa sɩ yie hihilimi.

Tɩntɩŋŋaa 19:31

Esia tinteeŋ kʋhɩasɩŋ dɔnsʋŋ sɩ dii Pɔɔl nandɔnsʋŋ tɩŋ dɩ ba sʋlʋ dɩ ʋ sɩ́ nɩalɩŋ tʋɔŋ jʋʋ.

Rom Tɩŋŋaa 8:36

Ba ŋmʋnsɛ Wɩa teniŋ tʋɔŋ a bʋl ŋ-la nɛ: “A tɩŋ ŋ wɩaa, laa gbɛrɛ sʋʋŋ nɛ tapʋlɩɩ-na kala. Ba yie benla arɩ la nagɛ piesee nɛ ba sɩ kaa lɩɩ dɩ ba kpʋ.”

1 Kɔrɩntɩ Nɩaa 15:19

Dɩ la yɩɛlaa sɩ hɛ Kirisito lɛ jaŋ dɛrɛ dʋnɩa deeŋ lɛ, ŋɩɩ-na la wɩɩŋ kɛŋ nenige kɩŋkɛŋ nɛ a kɩɩ dʋnɩa nɩaa kala.

2 Kɔrɩntɩ Nɩaa 11:23

Ba ŋaa Kirisito tɩntɩnna nɛɛ? Mɩɩ bʋl wɩaa arɩ mɩ nyuŋ tuo nɛ. Mɩ ma ŋaa dɔŋɔ nɛ, a paala kɩɩba. Mɩ nɛ paala fɩɛsɛ sɩɩŋ a tɩŋ kɩŋkɛŋ. Ba kɛmmɛ tɔ dɩa a yʋgɛ nɛ. Ba sɩ ŋmoomi kɩŋkɛŋ mɩ ka mʋa dɩ mɩ sʋba, mɩ bɩ ʋ ma niiŋ jɩŋ.

2 Kɔrɩntɩ Nɩaa 6:9

Nuhuobiinee bɩ la jɩŋ, ama Wɩa-na jɩŋ-la nɛ. Nɩaa bɩɩna arɩ la sʋba nɛ, ama Wɩa teeŋ la weye nɛ. Baa dɔgɩsɛla nɛ, ama ba bɩ la kpʋa.

1 Tɛsalonaaka Nɩaa 3:3

ŋɩɩ jaŋ leŋ dɩ nʋʋkala bɔyɛ sɩ́ joŋ a mʋ tɩgɛ wʋwalɩmɩa-la sɩɩ puuma lɛ. Wɩa nɛ lɩɩsɛla dɩ wɩaa deemba puula.

Hiburu TƖŊŊAA 1:14

Wɩa tɩndaara-la kala ŋaa Wɩa tɩntɩnnaa nɛ. Wɩa yie tɩmba ba mʋ pɛ nɩalɩŋ ʋ sɩɩ chɛ ʋ laa ta lɛ nɛ.

Hiburu TƖŊŊAA 10:33

Bʋa dɔŋɔ ba yie tʋʋsɛma a dɔgɩsɛma nɩaa tʋɔŋ. Bʋa dɔŋɔ ma ma yie chɩna gbɛrɛ nɩalɩŋ ba sɩɩ dɔgɩsʋ.

Hiburu TƖŊŊAA 11:36

Dʋnɩa nɩaa mɔŋ dɔnsʋŋ nɛ. Ba vɩɩrɛ dɔnsʋŋ ma ba yaraa bɩɛlɛ. Ba vɔɔ dɔnsʋŋ ma arɩ chɔrʋmɔɔ aŋ kɛmba tɔ dɩa.