1 Kɔrɩntɩ Nɩaa 4:8 - WƖA TENIŊ

⁸ Ma bɩɩna ma kɛŋ kʋŋkala ma sɩɩ chɛ nɛ, a ŋaa kɩa tɩmma, a dii kuoruŋ aŋ ka la-na bɩ kɩaa deemba kʋŋkala kɛnɛ. Wʋtɩtɩɩ, la fa cho dɩ ma dii kuoruŋ nɛ, dɩ la dɩ ma kala ŋaa kuoroo.

1 Kɔrɩntɩ Nɩaa 4:8 ပူးပေါင်းရင်းမြစ်များ

NAMAGABA 13:7

Nɩa dɔŋɔ yie ŋɩŋaa wɩaa arɩ ʋ kɛŋ kɩaa nɛ aŋ bɩ kʋŋ kɛnɛ, dɔŋɔ ma nagɛ arɩ ʋ bɩ kʋŋ kɛnɛ aŋ kɛŋ kɩaa woruŋ.

NAMAGABA 25:14

Nɩalɩŋ sɩ yie hɛ niiŋ pɩ nɩaa arɩ ba jaŋ ŋaa wɩɩ pɩba aŋ bɩ ŋaa, ba nagɛ duonuŋ sɩ tɩna aŋ ŋaa peliŋ a bɩ nɩa nɛ.

AZAAYA 5:21

Wɩɩŋ puu ma nɩalɩŋ sɩ bɩɩna dɩ ba kɛŋ wʋjɩmɩŋ nɛ, a na ba tɩtɩa arɩ ba nɛ ŋaa wʋjɩnnaa.

JƐRƖMAAYA 28:6

Ʋ sɩ, “Amɩɩ, a leŋ dɩ La TƖƖNA ŋaa ŋɩɩ. A leŋ dɩ La TƖƖNA ŋaa dɩ wɩalɩŋ ŋ sɩ bʋla a tɩgɛ ʋ dɩa kɩaa mɩɩra kaa kɔɔnʋŋ lɛ ŋaa wʋtɩtɩɩ, a pɛ nɩalɩŋ kala ba sɩ kaa mʋ yoŋ-baga Babɩlɔŋ tinteeŋ lɛ.

NAMBABA 11:29

Ŋɩɩ nɛ Mosis pɩɛsʋ, “Mɩ wɩaa ka wɩɩŋ nɛɛ? Mɩ-na tʋɔtɔrʋŋ nɛ dɩ La TƖƖNA fa joŋ ʋ Dɩma-la a hɛ ʋ nɩaa kala lɛ dɩ ba ŋaa ʋ wʋlaabʋllaa.”

Matiu 5:1

Yesu sɩ na dɩ nɩaa yʋga ŋɩɩ, ʋ jɩl peeliŋ nyuŋ a hɔŋ nɩmɛ. Ʋ sɩ hɔnɔ, ʋ harɩ-tooroo kɔ ʋ teeŋ. Ʋ suomo bʋl wɩaa a dɩdagɛba aa bʋl,

Luuk 6:25

Ma nɩalɩŋ sɩ vɔgɔ lɛɛlɛ, ma ma jaŋ na hɛɛŋ. Losuŋ jaŋ kɛmma. Ma nɩalɩŋ sɩɩ mɔŋ lɛɛlɛ, ma jaŋ na hɛɛŋ. Ma tʋɔŋ jaŋ chei, dɩ ma yel.

Tɩntɩŋŋaa 26:29

Ŋɩɩ nɛ Pɔɔl bʋl, “Ʋ ŋaa lɛɛlɛ koo ʋ dieni mʋa, mɩ Wɩɩsʋlʋŋ nɛ dɩ ŋ dɩ nɩkaana-la kala sɩɩ jegile mɩ teeŋ jɩnɩŋ deeŋ, dɩ ma kʋ laa Yesu wɩaa dii a nagɛmɛ. Ama mɩ bɩ chɛ dɩ ma nagɛmɛ arɩ ba sɩ vɔɔmɛ arɩ chɔrʋmɔɔ ŋ-la.”

Rom Tɩŋŋaa 12:3

Wɩa sɩ kɛŋ zile ŋɩɩ mɩ teeŋ, mɩɩ sʋl ma kʋŋkala dɩ ma sɩ́ ma tɩtɩa kaa yʋgɛ a kɩɩ ŋɩɩ ma sɩ maga. Má leŋ dɩ ma sɩaa fɩɛlɛ. Wɩa pɩ nʋʋkala laa diiniŋ nɛ. Ama ba kɩɩ dɔŋɔ nɛ. Nʋʋkala maga dɩ ʋ bɩɩnɛ ʋ nyuŋ lɛ a magɛ ŋɩɩ Wɩa sɩ leŋe ʋ kɛŋ laa diiniŋ.

1 Kɔrɩntɩ Nɩaa 1:5

Wɩɩ-na kala lɛ, Wɩa to Yesu lɛ nɛ a pɛ ma lɛ woruŋ, ma kɛŋ wʋjɩmɩŋ, a jɩŋ wɩaa bʋlʋŋ ma.

1 Kɔrɩntɩ Nɩaa 4:18

Ma dɔnsʋŋ bɩrɩmɛ deŋgiŋ tɩmma nɛ a bɩɩnɛ arɩ mɩ bɩ jaŋ kʋ nama.

1 Kɔrɩntɩ Nɩaa 5:6

Ma sɩɩ bigisi ma tɩtɩa lɛ ŋɩɩ, ʋ ŋɩɩ bɩ zɔŋ. Ma bɩ jɩŋ arɩ sɩbʋrʋŋ mʋa nɛ ba yie joŋo hɛ boroboro munuŋ lɛ, ka ʋ sii pʋɔrɛ a yʋgɛɛ?

2 Kɔrɩntɩ Nɩaa 11:1

Mɩɩ sʋlma dɩ ma dii kenyiri mɩ teeŋ. Dɩ mɩɩ bʋl nɩyaarɩ wɩɩ ma, má jegile nɩɩ.

2 Kɔrɩntɩ Nɩaa 13:9

Dɩ la nɛ bɩ doluŋ kɛnɛ ma, la yie jʋjʋɔsɛ nɛ a tɩŋ dol-la ma sɩ kɛnɛ wɩaa. Wɩɩ-la la sɩ sʋl Wɩa chɩchɛ nɛ, dɩ ŋɩɩ ma laa Kirisito wɩaa dii wasa dol.

Galiisia Nɩaa 6:3

Dɩ nʋʋ nɛ bɩɩna arɩ ʋ ŋaa nʋʋ nɛ, aŋ bɩ nʋʋ ŋaa, ʋʋ nyɩsɛ ʋ tɩtɩa nɛ.

Fɩlɩpa Nɩaa 1:27

Wɩɩ-la sɩ ŋaa sɩɩfɩɛsɩŋ nɛ, má leŋ dɩ ma wʋŋaalaa tuto Kirisito wʋzɔmɔ-la mɩ sɩ bʋla pɩma. Dɩ ma nɩɩ ŋaa ŋɩɩ, dɩ mɩ nɛ hɛ ma teeŋ koo dɩ mɩ tuo, mɩ jaŋ wuo nɩɩ arɩ ma faasa chɩŋ nɛ kpaŋ kpaŋ a kɛŋ nii-bala, a leŋ ma tʋɔbɩɩnaa ŋaa kʋbala, a faasa hɛ doluŋ a pɩpɛ dɔŋɔ lɛ a mʋ tɩgɛ Wɩa wʋzɔmɔ-la ma sɩ laa dii lɛ.

Fɩlɩpa Nɩaa 2:12

Ŋɩɩ wɩaa mɩ naambii-chooloo, má tuto mɩ niiŋ arɩ ma fa sɩɩ to ŋɩɩ bʋa-la lɛ mɩ fa sɩ hɛ ma teeŋ. Lɛɛlɛ mɩ tuo ma teeŋ, arɩ ŋɩɩ kala ma ha to mɩ niiŋ. Wɩa laama ta nɛ, ŋɩɩ wɩaa má fáʋ, aŋ kɛŋ ma tɩtɩa muuri a tɩtɩŋ, a na kʋ-la ʋ sɩ sɩ ʋ jaŋ joŋo pɩma.

Jɔɔŋ Wʋnaalaa 3:17

Ma yie bigisi ma tɩtɩa lɛ arɩ ma kɛŋ kɩaa nɛ, ma bɩra bɩ kʋŋkala ka chɛ. Ama ma bɩ jɩŋ arɩ ma wɩɩŋ kɛŋ hɛɛŋ nɛ, ma ŋaa nisusu tɩmma, a ŋaa summo, a ŋaa nyʋlɩma aŋ kɛŋ yarɩ-biree.

Jɔɔŋ Wʋnaalaa 5:10

Ŋ leŋe nɩalɩŋ ŋ sɩ yɔbɔ, dii kuoruŋ nɛ a laa nɩaa nyuŋ a tɩma pɩpɩ Wɩa. Ba jaŋ beŋ tinteeŋ kala.”