1 Kɔrɩntɩ Nɩaa 4:7 - WƖA TENIŊ

⁷ Kʋbɛɛ nɛ ŋaa ma yʋga kɩɩ ma dɔnsʋŋ? Wɩa dee bɩ kɩalɩŋ ma sɩ kɛnɛ joŋo pɩmaa? Dɩ Wɩa nɛ saa joŋo pɩma, bɛɛ nɛ tɩɩ ma bibigisi ma tɩtɩa lɛ arɩ ʋ dee bɩ joŋo pɩma?

1 Kɔrɩntɩ Nɩaa 4:7 ပူးပေါင်းရင်းမြစ်များ

NAMAGABA 2:6

La Tɩɩna nɩɩ pa wʋjɩmɩŋ. Ʋ niiŋ lɛ nɛ ŋ yie to a kɛŋ wʋjɩmɩŋ a pɛ jɩŋ wɩaa bʋbʋɔŋ.

ƐZƖKƖƐL 29:3

Bʋla pʋ, Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Mɩ chɩŋ ŋ-na Ijipiti tinteeŋ kuoro lɛ nɛ. Ŋ nagɛ peribanyeŋŋu nɛ a pɩŋ ŋ fuonaasɩŋ lɛ. Ŋ sɩ, ‘Mɩ nɛ tɩɩ Naayɩl fuo-la, mɩ-na nɛ luu a pɩ mɩ tɩtɩa.’

DANƖƐL 5:18

Kuoro, Wɩa sɩ kɩɩ kʋŋkala pɩ ŋ nyɩmma Nebukadineza doluŋ nɛ, a leŋ ʋ ŋaa nɩbal, ba zizilu ʋ kɛŋ yɩrɩŋ.

DANƖƐL 5:23

Ŋ mɩɩra kɛŋ ŋ tɩtɩa yʋgɛ arɩ ŋ nɛ kɩɩ La TƖƖNA sɩ hɛ Wɩa jaŋ lɛ. Ŋ ŋaa ba paa ʋ dɩɩ-balɩŋ nyʋnyʋalʋ-la kaa kʋ pɩŋ nɛ, ŋ dɩ ŋ nɩhɩasɩŋ, ŋ haalaa arɩ haala-la ŋ sɩ bile aŋ bɩ jaa kaa nyʋa sɩnɩŋ. Ŋ dɛnnɛ vesi-la ba sɩ kɛŋ sɛlɩmɛ arɩ hɔpʋla, kɔlɩɩŋ, hɔɔŋ, daaŋ arɩ tabɩaa a ŋaa nɛ, kɩalɩŋ sɩ bɩ na, a bɩ wɩaa ka nɩɩ, a bɩ wɩaa ma jɩŋ, aŋ vɩa dɩ ŋ zil Wɩa, nɩɩ-la nɩsɩŋ lɛ ŋ mɩɩsɩŋ arɩ ŋ wɩɩ wɩɩkala sɩ hɛ.

Luuk 19:13

Ka dɩ ʋ-na mʋ, ʋ yɩrɛ ʋ dɩa tɩntɩnnaa fii, a joŋ siidi bʋɩ a pɩ kʋŋkala, a bʋl dɩ ba kaa bɩbɩrɩmɛ dɩ ʋ mʋ aŋ kɔ.

Jɔɔŋ 1:16

Kʋ-la kala ʋ sɩ kɛnɛ, la ma na kpaalɩŋ ʋ tʋɔŋ nɛ. Ʋ yie fá la nenige aa pɛ la lɛ bʋa na-kala.

Jɔɔŋ 3:27

Ŋɩɩ nɛ Jɔɔŋ bʋl, “Nʋʋkala bɩ jaŋ wuo kɛŋ kʋŋkala, see dɩ Wɩa joŋo pʋ.

Rom Tɩŋŋaa 1:5

Ʋ lahɔrɩmɔ lɛ Wɩa leŋe mɩ ŋaa ʋ nanzɔɔ nɛ a bʋl ʋ wʋzɔmɔ-la wɩaa a pɩ dʋnɩa nɩaa kala, dɩ ba laa dii a to Yesu niiŋ a wuo zil ʋ yɩrɩŋ.

Rom Tɩŋŋaa 12:3

Wɩa sɩ kɛŋ zile ŋɩɩ mɩ teeŋ, mɩɩ sʋl ma kʋŋkala dɩ ma sɩ́ ma tɩtɩa kaa yʋgɛ a kɩɩ ŋɩɩ ma sɩ maga. Má leŋ dɩ ma sɩaa fɩɛlɛ. Wɩa pɩ nʋʋkala laa diiniŋ nɛ. Ama ba kɩɩ dɔŋɔ nɛ. Nʋʋkala maga dɩ ʋ bɩɩnɛ ʋ nyuŋ lɛ a magɛ ŋɩɩ Wɩa sɩ leŋe ʋ kɛŋ laa diiniŋ.

Rom Tɩŋŋaa 12:6

Wɩa pɩla kʋŋkala doluŋ nɛ dɩ la kaa tɩŋ tɩntɩŋ dabaŋ dabamba. Ʋ saa lɩɩ ŋɩɩ lɛ Wɩa sɩ dii zile la lɛ nɛ. Dɩ Wɩa nɛ pɩ nʋʋ doluŋ dɩ ʋ wuo bʋl ʋ wɩaa pɩpɩ nɩaa ʋ Dɩŋ-zɔmʋŋ doluŋ lɛ, má leŋ dɩ ʋ magɛ laa diine-la Wɩa sɩ joŋo pʋ lɛ.

1 Kɔrɩntɩ Nɩaa 15:10

Ama Wɩa dii zile mɩ lɛ woruŋ. Ʋ nɛ leŋe mɩ ŋaa nʋʋ lɛɛlɛ, ʋ zile ma bɩ pɛɩ ŋaa, ama mɩ nɛ faasa tɩŋ kɩŋkɛŋ, a kɩɩ ba kala. Mɩ tɩtɩa doluŋ lɛ dee mɩ wuo tɩtɩŋ, ama Wɩa dol-la ʋ sɩ joŋo pɩmɛ nɛ tɩɩ.

1 Kɔrɩntɩ Nɩaa 3:5

Kʋbɛɛ nɛ Apɔlɔs? Kʋbɛɛ nɛ Pɔɔl? La ŋaa Wɩa tɩntɩnnaa nɛ. La nɛ bʋl Wɩa wɩaa pɩma ma laa dii. La kʋŋkala tɩŋ tɩntɩmɩɩ-la La Tɩɩna Wɩa sɩ joŋo pɩla dɩ la tɩŋ nɛ.

1 Kɔrɩntɩ Nɩaa 5:6

Ma sɩɩ bigisi ma tɩtɩa lɛ ŋɩɩ, ʋ ŋɩɩ bɩ zɔŋ. Ma bɩ jɩŋ arɩ sɩbʋrʋŋ mʋa nɛ ba yie joŋo hɛ boroboro munuŋ lɛ, ka ʋ sii pʋɔrɛ a yʋgɛɛ?

1 Kɔrɩntɩ Nɩaa 7:7

Wʋtɩtɩɩ nɛ, mɩ fa jaŋ cho dɩ ma kʋŋkala nagɛmɛ a bɩ haala jaa, ama nʋʋ ma kala arɩ ʋ wɩɩ Wɩa sɩ joŋo pʋ nɛ. Wɩa yie joŋ wɩɩŋ deeŋ a pɩ nɩa dɔŋɔ a joŋ wɩɩ dɔŋ a pɩ dɔŋɔ ma.

Jeems 1:17

Kʋzɔŋ-na kala lɩɩ Wɩa teeŋ nɛ. Ʋ nɛ ta kɩalɩŋ kala sɩ hɛ wɩa-nyuŋ lɛ a chaanɛ. Ama dɩ ba nɛ jʋa, birimiŋ yie hɛ nɩmɛ. Wɩa tɩtɩa bɩ ŋɩɩ naga. Ʋ bɩ bɩrɩmɛ.

1 Pɩɩta 4:10

Wɩa joŋ doluŋ pɩ nɩaa dɩ ba kaa tɩŋ tɩntɩŋ-dosunuŋ nɛ. Ŋɩɩ wɩaa nʋʋkala kɛŋ wɩɩ-la Wɩa sɩ joŋo pʋ a kaa pɩpɛ ʋ dɔnsʋŋ tɩŋŋaa lɛ.