1 Kɔrɩntɩ Nɩaa 4:6 - WƖA TENIŊ

⁶ Mɩ naambiiriŋ, ma wɩaa nɛ tɩɩ mɩ joŋ wɩaa deemba mɩ sɩ bʋla a kaa magɩsɛ mɩ dɩ Apɔlɔs sɩ nagɛ ŋɩɩ dɩ ʋ wuo pɛ ma lɛ, dɩ ma wuo gʋnnɛ wɩɩ-la nɩaa sɩɩ bʋl, “Má sɩ́ bee kieli wɩalɩŋ ba sɩ ŋmʋnsa bil.” Ŋɩɩ jaŋ leŋ dɩ ma sɩ́ nʋʋkala beŋ arɩ ʋ nɛ kɩɩ ʋ dɔŋɔ.

1 Kɔrɩntɩ Nɩaa 4:6 ပူးပေါင်းရင်းမြစ်များ

WƖA YƖƖLAA 146:3

Sɩ́ ŋ yɩɛlaa joŋo hɛ kuoroo lɛ, nuhuobiiŋ kala bɩ jaŋ wuo laaŋ ta.

WƖA YƖƖLAA 8:4

mɩ yie bʋl, “Nuhuobiine tuo kʋŋkala, ka ŋ bɩbɩɩnɛ ʋ wɩaa. Nuhuobiine bie tuo kʋŋkala, ka ŋ chɩl ʋ wɩaa.”

AZAAYA 2:22

Má sɩ́ ma yɩɛlaa joŋo hɛ nuhuobiine lɛ. Ʋ bɩ jaŋ dieni aŋ sʋʋ. Ʋ bɩ dol kala kɛnɛ.

Tɩntɩŋŋaa 18:24

Juu tɩɩna ma nɛ fa hɛ nɩmɛ, baa yɩrɛ Apɔlɔs, ʋ lɩɩ Alɛkɩzandɩrɩa nɛ. Ʋ sii kɔ Ɛfɛsɩs. Ʋ fa jɩŋ wɩaa bʋlʋŋ nɛ woruŋ, a jɩŋ Wɩa teniŋ ma woruŋ.

Tɩntɩŋŋaa 19:1

Apɔlɔs fa sɩ hɛ Kɔrɩntɩ lɛ ŋɩɩ, Pɔɔl bɩra gɔllɛ ŋɩɩ a kɔ Ɛfɛsɩs, a na nɩaa dɔnsʋŋ sɩ laa Yesu wɩaa dii.

Rom Tɩŋŋaa 12:3

Wɩa sɩ kɛŋ zile ŋɩɩ mɩ teeŋ, mɩɩ sʋl ma kʋŋkala dɩ ma sɩ́ ma tɩtɩa kaa yʋgɛ a kɩɩ ŋɩɩ ma sɩ maga. Má leŋ dɩ ma sɩaa fɩɛlɛ. Wɩa pɩ nʋʋkala laa diiniŋ nɛ. Ama ba kɩɩ dɔŋɔ nɛ. Nʋʋkala maga dɩ ʋ bɩɩnɛ ʋ nyuŋ lɛ a magɛ ŋɩɩ Wɩa sɩ leŋe ʋ kɛŋ laa diiniŋ.

1 Kɔrɩntɩ Nɩaa 1:12

Wɩɩ-la mɩ sɩ nɩa nɛ ŋ-la: Ma dɔŋɔ yie bʋl dɩ ʋʋ to Pɔɔl harɩŋ nɛ, ka dɔŋɔ ma sɩ dɩ ʋʋ to Apɔlɔs harɩŋ nɛ. Dɔŋɔ ma sɩ ʋʋ to Pɩɩta harɩŋ nɛ, ka dɔŋɔ ma sɩ ʋʋ to Kirisito harɩŋ nɛ.

1 Kɔrɩntɩ Nɩaa 1:19

Wɩa teniŋ tʋɔŋ ba bʋla dɩ Wɩa sɩ ʋ jaŋ leŋ dɩ wʋjɩnnaa wʋjɩmɩɩ-la ŋaa pɛɩ, dɩ wʋjɩŋ kɩŋkɛŋ tɩŋŋaa wʋjɩmɩŋ ma ŋaa pɛɩ.

1 Kɔrɩntɩ Nɩaa 1:31

Wɩa teniŋ tʋɔŋ ba sɩ, “Dɩ nʋʋkala nɩɩ bigisi ʋ tɩtɩa lɛ, ʋ maga dɩ ʋ bigisi a mʋ tɩgɛ wɩɩ-la La Tɩɩna sɩ ŋaa lɛ nɛ.”

1 Kɔrɩntɩ Nɩaa 13:4

Dɩ ŋ nɛ cho nɩaa, ŋ jaŋ kɛŋ kenyiri ba teeŋ a kɛŋ zile ma, ŋ bɩ jaŋ kɛŋ yarɩ-bieriŋ nɩaa teeŋ, ŋ bɩ jaŋ bibigisi ŋ tɩtɩa lɛ ba teeŋ, ŋ bɩ jaŋ ŋɩŋaa sɩɩ-duoŋ ma ba lɛ.

1 Kɔrɩntɩ Nɩaa 3:19

Dʋnɩa nɩaa wʋjɩmɩŋ ŋaa pɛɩ nɛ Wɩa teeŋ. Wɩa teniŋ tʋɔŋ ba bʋla, “Wɩa to dʋnɩa nɩaa wʋjɩmɩŋ lɛ nɛ a bɛrɛ kɛsɛba.”

1 Kɔrɩntɩ Nɩaa 3:21

Ŋɩɩ wɩaa nʋʋkala saa sɩ́ ʋ bɔyɛ lɛ ŋmoo a dagɛ wɩɩ-la nuhuobiine sɩ jaŋ wuo ŋaa. Wʋtɩtɩɩ, ma nɛ tɩɩ kʋŋkala.

1 Kɔrɩntɩ Nɩaa 5:2

Ɛɛ nɛ saa ma jaŋ wuo ŋaa a bigisi ma tɩtɩa lɛ? Ʋ maga dɩ ma tʋɔŋ chei nɛ, ka dɩ ma lɩɩsɛ nɩɩ-la sɩ ŋaa ŋɩɩ a ta ma tʋɔŋ.

1 Kɔrɩntɩ Nɩaa 5:6

Ma sɩɩ bigisi ma tɩtɩa lɛ ŋɩɩ, ʋ ŋɩɩ bɩ zɔŋ. Ma bɩ jɩŋ arɩ sɩbʋrʋŋ mʋa nɛ ba yie joŋo hɛ boroboro munuŋ lɛ, ka ʋ sii pʋɔrɛ a yʋgɛɛ?

1 Kɔrɩntɩ Nɩaa 8:1

Ma sɩ pɩɛsɛmɛ wɩaa dɔnsʋŋ a mʋ tɩgɛ vʋɩŋ kʋdiilee lɛ, mɩɩ chɛ dɩ mɩ bʋl wɩaa a mʋ tɩgɛ ba lɛ nɛ. Ʋ ŋaa wʋtɩtɩɩ nɛ arɩ la kala jɩŋ wɩaa nɛ. Wʋjɩmɩŋ saa yie kɛŋ ʋ tɩɩna bibigisi ʋ tɩtɩa lɛ nɛ. Ama nɩalɩŋ sɩ cho nɩaa yie pɛ ba lɛ nɛ dɩ ba chɩŋ wɩalɩŋ ba sɩ laa dii lɛ woruŋ.

1 Kɔrɩntɩ Nɩaa 9:23

Wɩaa deemba kala mɩ sɩɩ ŋaa, mɩɩ ŋaaba a tɩŋ Wɩa wʋzɔmɔ-la wɩaa nɛ. Mɩ ŋaa ŋɩɩ dɩ mɩ ma wuo na kʋzɔmɔ-la nɩalɩŋ sɩ laa Wɩa wʋzɔmɔ-la dii sɩ jaŋ na Wɩa teeŋ nɛ.

2 Kɔrɩntɩ Nɩaa 10:12

La bɩ chɛ dɩ la joŋ arɩ la dɩ nɩaa dɔnsʋŋ magɛ dɔŋɔ nɛ. La bɩra bɩ chɛ dɩ la kɛŋ la tɩtɩa mɩmagɩsɛ nɩalɩŋ sɩɩ dagɛ ba tɩtɩa ma. Nɩaa deemba nɩɩ pagɩsɛ dɔŋɔ a kɛŋ ba tɩtɩa mɩmagɩsɛ dɔŋɔ, ba bɩ wʋjɩmɩŋ kɛnɛ.

2 Kɔrɩntɩ Nɩaa 10:15

La bɩ la tɩtɩa lɛ bigise a tɩŋ tɩntɩmɩɩ-la nɩaa dɔnsʋŋ sɩ tɩma kieli ŋɩɩ Wɩa sɩ kere pɩla lɛ. La kɛŋ yɩɛlaa arɩ ma jaŋ waa wɩalɩŋ ma sɩ laa dii lɛ, dɩ tɩntɩmɩɩ-la la sɩɩ tɩŋ ma teeŋ ma pʋŋa pɛ. Ama la jaŋ tɩma magɛ ŋɩɩ Wɩa sɩ kere pɩla.

2 Kɔrɩntɩ Nɩaa 10:7

Maa beŋ kɩaa jambaa nɛ. Dɩ nʋʋ nɛ bɩɩna arɩ ʋ ŋaa Kirisito nʋʋ nɛ, ʋ tɩɩna maga dɩ ʋ jɩŋ arɩ la ma ŋaa Kirisito nɩaa nɛ.

2 Kɔrɩntɩ Nɩaa 11:4

Mɩɩ bʋl ŋ-la, bɛɛ wɩaa dɩ nʋʋ dɔŋ nɛ bɩra kɔ ma teeŋ a bʋl wʋtanɩɩ a mʋ tɩgɛ Yesu wɩalɩŋ la sɩ bʋla pɩma lɛ, ma yie laa dii nɛ. Dɩ ba nɛ bɩra bʋl dɩŋ-wogo ma wɩaa sɩ tuo Wɩa Dɩŋ-zɔmʋŋ ma sɩ laa, ma yie sɛɩ nɛ. Dɩ ba nɛ bɩra bʋl wʋwogo ma sɩ tuo Wɩa wʋzɔmɔ-la la sɩ bʋla pɩma, ma yie chagɛ laa nɛ lɩma lɩma.

2 Kɔrɩntɩ Nɩaa 12:19

Wɩalɩŋ kala la sɩɩ bʋl, ma jaŋ bɩɩnɛ arɩ laa bʋl ŋɩɩ dɩ la laa la tɩtɩa ma teeŋ nɛ. Ŋɩɩ dee. La hɛ Kirisito lɛ nɛ aa bʋl wɩalɩŋ Wɩa sɩpaaŋ. Mɩ naambii-kpɩanaba, laa ŋaa wɩaa deemba kala dɩ la wuo pɛ ma lɛ nɛ dɩ ma waa wɩalɩŋ ma sɩ laa dii lɛ.

2 Kɔrɩntɩ Nɩaa 12:20

Fawʋllʋŋ kɛmmɛ nɛ mɩ sɩ jaŋ kɔ ma teeŋ. Ŋ bɩ pɔ mɩ jaŋ kɔ dɩ ma bɩ ŋɩɩ mɩ sɩ cho naga, ma ma jaŋ na dɩ mɩ ma bɩ ŋɩɩ ma sɩ cho naga. Mɩ bɔyɛ ka joŋ arɩ mɩ nɛ kɔ, mɩ jaŋ nama dɩ maa yuo yuosuŋ, a kɛŋ yarɩ-bieriŋ, a nɩna baanɩŋ dɔŋɔ nyuŋ, a kɛŋ dɔŋɔ pʋpɔrɛ, a chichei dɔŋɔba yɩrɩŋ, a gɩgaa dɔŋɔ harɩŋ, a kɛŋ sɩɩ-duoŋ, a bɩ nii-bala kɛnɛ.

2 Kɔrɩntɩ Nɩaa 12:6

Dɩ mɩ nɩɩ chɛ dɩ mɩ bigisi mɩ tɩtɩa lɛ ma, mɩ bɩ jaŋ bʋl nɩyaarɛ wɩaa. Mɩ jaŋ bʋl wʋtɩtɩɩba. Ama mɩ bɩ jaŋ bigisi mɩ tɩtɩa lɛ, dɩ nʋʋkala sɩ́ wuo na wombiiŋ a bɩɩnɛ arɩ mɩ kɩɩ ŋɩɩ mɩ sɩ maga nɛ, a tɩŋ wɩalɩŋ ba sɩ na mɩ teeŋ, koo a tɩŋ wɩalɩŋ ba sɩ nɩa dɩ mɩɩ bʋl lɛ.

2 Kɔrɩntɩ Nɩaa 4:15

Ma wɩaa nɛ tɩɩ wɩaa deemba kala ŋaa, dɩ nɩaa wuo yʋgɛ a jʋʋ Wɩa lahɔrɩmɔ-la lɛ. Ŋɩɩ jaŋ leŋ dɩ nɩaa yʋgɛ a dɛnnɛ Wɩa, dɩ ʋ yɩrɩŋ yɩrɛ.

Koloosi Nɩaa 2:18

Má sɩ́ leŋe dɩ nʋʋkala joŋ cheeriŋ pɩma, nɩalɩŋ sɩ bɩɩna arɩ ba ŋaa nɩbala nɛ a tɩŋ ba sɩɩ na wɩaa a nagɛ duosoo tʋɔŋ a pɛsɛ ma lɛ dɩ ma kɛŋ ma tɩtɩa a muuri, a chʋchʋɔlɛ Wɩa tɩndaaraa. Ba bɩ wɩɩkala kɛnɛ sɩ maga dɩ ba bibigisi ba tɩtɩa lɛ. Ba yie ŋaa ŋɩɩ a tɩŋ ba sɩ yie bɩɩnɛ ba yaraa wɩaa nɛ.

1 Tɛsalonaaka Nɩaa 1:5

Bʋa-la lɛ la sɩ bʋl Wɩa wʋzɔmɔ-la a pɩma, ʋ bɩ naga arɩ wʋbʋlʋŋ dʋndʋŋa nɛ la kʋ bʋla pɩma. La sɩ hɛ ma teeŋ, Wɩa wʋzɔmɔ-la fa kɛŋ doluŋ, Wɩa Dɩŋ-zɔmʋŋ ma fa hɛ la teeŋ, ka wɩalɩŋ ma sɩ nɩa ma jʋʋ ma dɩgɩlaa woruŋ. La sɩ hɛ ma teeŋ, ma na la mɛlɛ fa sɩ nagɛ ŋɩɩ nɛ. Ma wɩaa nɛ tɩɩ la kɛŋ la tɩtɩa woruŋ ŋɩɩ.

2 Timoti 2:10

Mɩ nyalɩma nɛ wɩɩkala lɛ a tɩŋ nɩalɩŋ Wɩa sɩ lɩɩsa wɩaa, dɩ Yesu Kirisito wuo laaba ta dɩ ba na ʋ tʋla a kaa mʋ deeŋ deeŋ.