1 Kɔrɩntɩ Nɩaa 4:4 - WƖA TENIŊ

⁴ Mɩ tʋɔbɩɩnaa kala chese nɛ. Ama mɩ saa bɩ jaŋ wuo bʋl arɩ mɩ bɩ wɩɩ cheye. La Tɩɩna Wɩa nɛ jaŋ dagɛ arɩ mɩ cheye nɛ koo mɩ bɩ cheye.

1 Kɔrɩntɩ Nɩaa 4:4 ပူးပေါင်းရင်းမြစ်များ

JOB 15:14

Nuhuobiine nɛ kʋbɛɛ, a jaŋ wuo ŋaa nɩpʋla, nuhuobiine jaŋ wuo ŋaa tʋɔpʋl tɩɩna?

JOB 25:4

Ɛɛ nɛ saa nuhuobiine jaŋ wuo ŋaa tʋɔpʋl tɩɩna Wɩa sɩpaaŋ? Nʋʋ sɩ pɩŋ haala tʋɔŋ lɩɩ jaŋ wuo ŋaa nɩpʋlaa?

JOB 27:6

Mɩ jaŋ kɛŋ mɩ tʋɔpʋla, mɩ bɩ jaŋ leŋ dɩ ʋ fori mɩ nɩsɩŋ lɛ. Mɩ tʋɔbɩɩnaa bɩ jaŋ joŋ cheeriŋ pɩmɛ mɩ mɩɩsɩŋ kala lɛ.

JOB 40:4

“Mɩ bɩ kʋŋkala ŋaa, wʋbɛɛ nɛ mɩ jaŋ wuo laa bʋl ŋ niiŋ lɛ? Mɩ tɔ mɩ niiŋ nɛ, mɩ bɩ jaŋ bʋl wɩɩkala.

JOB 9:20

Dɩ mɩ nɛ paala bɩ wɩɩ jɩŋ ma, mɩ niiŋ wʋbʋlaa jaŋ cheimi. Dɩ mɩ nɛ paala bɩ wʋcheeli kala kɛnɛ ma, ʋ ha jaŋ joŋ cheeriŋ pɩmɛ.

WƖA YƖƖLAA 130:3

La TƖƖNA, dɩ ŋ nɛ sɩ ŋ dɩɩsɛ la wʋbɔŋŋɔɔ, nʋʋkala bɩ jaŋ ka.

WƖA YƖƖLAA 143:2

Mɩ ŋaa ŋ tɩntɩnnʋ nɛ, sɩ́ mɩ sarɩya dii, bɛɛ wɩaa nʋʋkala bɩ tʋɔpʋl tɩɩna ŋaa ŋ sɩpaaŋ.

WƖA YƖƖLAA 19:12

La kʋŋkala bɩ la wʋcheelee wuo jɩŋ. Dɩ mɩ nɛ ŋaa wʋbɔŋ aŋ bɩ jɩŋ, joŋo chɛmɛ.

WƖA YƖƖLAA 26:12

La Tɩɩna, mɩ-na chɩna nɛ kpaŋkpaŋ. Dɩ ŋ nɩaa nɛ hilime a yʋgɛ, mɩ jaŋ dɛnnɩŋ ba tʋɔŋ.

WƖA YƖƖLAA 50:6

Wɩa-nyuŋ kɩaa ka dagɛ ʋ tʋɔpʋl wɩaa nɛ, Wɩa tɩtɩa nɛ sarɩya diire.

NAMAGABA 21:2

Nuhuobiine yie bɩɩnɛ arɩ ʋ ŋaa wɩɩkala ʋ bʋa lɛ nɛ, ama La Tɩɩna yie kɛŋ nʋʋkala tʋɔbɩɩnaa jeŋise na nɛ.

NAMAGABA 29:26

Nʋʋkala yie chɩchɛ dɩ nɩbalɩŋ cho ʋ wɩaa nɛ, ama La Tɩɩna teeŋ nɛ nʋʋkala yie na wʋtɩtɩɩ.

Jɔɔŋ 21:17

Ŋɩɩ nɛ Yesu bɩra pɩɛsʋ torimuŋ, “Jɔɔŋ nanʋala Saamɔŋ, ŋ chomi nɛɛ?” Yesu sɩ pɩɛsʋ torimuŋ lɛ ŋɩɩ, ʋ tʋɔŋ chei. Ŋɩɩ nɛ Pɩɩta bʋla pʋ, “Mɩ Tɩɩna, ŋ jɩŋ wɩɩkala nɛ, ŋ jɩma arɩ mɩ choŋ nɛ.” Ŋɩɩ nɛ Yesu bɩra bʋla pʋ, “Beŋ mɩ nɩaa nyuŋ, arɩ pie-daara sɩ yie beŋ ʋ piesee nyuŋ ŋɩɩ.

Tɩntɩŋŋaa 23:1

Pɔɔl fa sɩ chɩŋ ŋɩɩ, ʋ chaarɛ ʋ sɩaa pɛ nɩalɩŋ fa sɩ yie hilime vʋvʋʋrɛ wɩaa lɛ aŋ bʋla pɩba, “Mɩ naambiiriŋ, mɩ to Wɩa mɩ mɩɩsɩŋ kala lɛ nɛ. Mɩ sɩ tou, mɩ tʋɔbɩɩnaa kala yie chesi nɛ a kaa kɔ tapʋlʋŋ deeŋ.”

Rom Tɩŋŋaa 2:13

Nɩalɩŋ sɩ nɩɩ wɩalɩŋ Mosis sɩ ŋmʋnsa bil dɩ nɩaa tuto, ʋ ŋɩɩ bɩ jaŋ ŋaa dɩ ba kɛŋ tʋɔpʋla Wɩa teeŋ. Ama nɩalɩŋ sɩɩ to wɩalɩŋ Mosis sɩ ŋmʋnsa bil dɩ nɩaa tuto, ba nɛ jaŋ kɛŋ tʋɔpʋla Wɩa sɩpaaŋ.

Rom Tɩŋŋaa 4:2

Dɩ Wɩa nɛ fa leŋe ʋ kɛŋ tʋɔpʋla ʋ sɩpaaŋ a tɩŋ ʋ wʋzɔmɔ-la ʋ sɩ ŋaa lɛ, ʋ fa jaŋ wuo bibigisi ʋ tɩtɩa lɛ, ama Wɩa teeŋ dee.

1 Kɔrɩntɩ Nɩaa 4:3

Mɩ sɩpaa tuo dɩ ma nɩɩ bʋl mɩ teeŋ koo dɩ nɩa nɛ dɔsɛ a mʋ tɩgɛ wɩalɩŋ mɩ sɩɩ dagɛ lɛ. Mɩ paala bɩ cheeriŋ joŋo pɩ mɩ tɩtɩa a mʋ tɩgɛ wɩalɩŋ lɛ.

1 Kɔrɩntɩ Nɩaa 4:5

Ŋɩɩ wɩaa, má sɩ́ cheeriŋ joŋo pɩ nʋʋkala, dɩ tapʋlɩɩ-la La Tɩɩna sɩ jaŋ kɔ a dii la sarɩya ha bɩ yie. Dɩ ʋ nɛ mɩɩra kɔ, wʋbɔmɔ-la kala nɩaa sɩ ŋaa birimiŋ tʋɔŋ, ba kala jaŋ kʋ lɩɩ pʋlʋmʋŋ. Nɩaa tʋɔbɩɩnaa kala ba sɩ kɛnɛ jaŋ kʋ lɩɩ pʋlʋmʋŋ. Bʋa-la lɛ Wɩa jaŋ bɛsɛ nʋʋkala lɛ a mʋ tɩgɛ wɩalɩŋ ʋ sɩ ŋaa.

2 Kɔrɩntɩ Nɩaa 1:12

Lɛɛlɛ la jaŋ wuo bigisi la tɩtɩa lɛ, bɛɛ wɩaa la tʋɔbɩɩnaa daga arɩ la wʋŋaalaa kala zɔmɔ nʋʋkala teeŋ nɛ dʋnɩa deeŋ lɛ. Wɩɩkala la sɩ ŋaa ma teeŋ, la ŋaa wɩalɩŋ sɩɩ to Wɩa wombiiŋ nɛ aŋ pɛ ŋaa wʋtɩtɩɩ-la Wɩa sɩɩ chɛ. Nuhuobiine wʋjɩmɩŋ lɛ dee la to a ŋɩŋaa wɩalɩŋ, ama Wɩa doluŋ lɛ nɛ la ŋaaba.

2 Kɔrɩntɩ Nɩaa 5:10

bɛɛ wɩaa la kala jaŋ mʋ chɩŋ Kirisito sɩpaaŋ dɩ ʋ dii la sarɩya. Kirisito jaŋ tiŋ nʋʋkala magɛ ŋɩɩ ʋ sɩ tɩma magɛ dʋnɩa deeŋ lɛ. Dɩ ŋ nɛ faa ŋaa wʋzɔŋŋɔɔ, ʋ jaŋ joŋ wʋzɔŋŋɔɔ timiŋ. Dɩ ŋ nɛ faa ŋaa wʋbɔŋŋɔɔ ma, ʋ jaŋ joŋ wʋbɔŋŋɔɔ timiŋ.