1 Kɔrɩntɩ Nɩaa 4:2 - WƖA TENIŊ

² Ʋ saa maga dɩ tɩntɩnnʋ kala kɛŋ wʋtɩtɩɩ a tɩtɩŋ ʋ tɩntɩŋŋaa.

1 Kɔrɩntɩ Nɩaa 4:2 ပူးပေါင်းရင်းမြစ်များ

2 KUOROO 12:15

Nɩalɩŋ sɩ beŋ tɩntɩnna-la ba wʋwasɛ Wɩa dɩɩ-bal-la kɛŋ wʋtɩtɩɩ, ŋɩɩ wɩaa nʋʋkala bɩ ba pɩɛsa chɩchɛ dɩ ʋ na ŋɩɩ ba sɩ kɛŋ moribie-la tɩtɩŋ.

2 KUOROO 22:7

Ama ʋ bɩ maga dɩ ba ŋmʋnsɛ moribie-la ba sɩ die niiŋ a bibil, bɛɛ wɩaa ba ŋaa nɩtɩtɩɩba nɛ.”

NAMAGABA 13:17

Tɩndaarʋ-la sɩ bɩ wʋtɩtɩɩ kɛnɛ nɩɩ jʋʋ wɩaa, ama tɩndaarʋ-la sɩ kɛŋ wʋtɩtɩɩ yie kɛŋ yarɩfɩɛlaa nɛ kʋ pɩ nɩaa.

NAMBABA 12:7

Ama ŋɩɩ dee mɩ yie bʋl wɩaa mɩ tɩntɩnna Mosis teeŋ. Mɩ laaʋ dii nɛ a joŋ mɩ nɩaa kala hɛ ʋ nɩsɩŋ lɛ.

Matiu 25:21

Ŋɩɩ nɛ ʋ kʋhɩaŋ-la bʋla pʋ, ‘Ŋ ŋaa tɩntɩnnɩ-tɩtɩɩ nɛ. Ŋ hɛ doluŋ nɛ a wuo beŋ kɩaa sɩ bɩ yʋgɛ nyuŋ woruŋ, mɩ jaŋ leŋ dɩ ŋ bibeŋ kʋkɛnɛɛ. Kɔ dɩ mɩ dɩŋ kala nɩnɩɩ sɩma.’

Matiu 25:23

Ŋɩɩ nɛ ʋ bʋla pɩ ʋ ma, ‘Ŋ ma ŋaa tɩntɩnnɩ-tɩtɩɩ nɛ, ŋ ma hɛ doluŋ nɛ a wuo beŋ kɩaa sɩ bɩ yʋgɛ nyuŋ woruŋ, mɩ jaŋ leŋ dɩ ŋ bibeŋ kʋkɛnɛɛ. Kɔ dɩ mɩ dɩŋ kala nɩnɩɩ sɩma.’

Luuk 12:42

Ŋɩɩ nɛ La Tɩɩna mɩɩra pɩɛsɛba, “Kʋbɛɛ nɛ saa ŋaa tɩntɩnnɩ-tɩtɩɩ-la sɩ jɩŋ wɩaa? Ʋ nɛ nɩɩ-la ʋ kʋhɩaŋ sɩ yie lɩɩsɛ dɩ ʋ bibeŋ ʋ dɩa, aŋ pɛ pɩpɩ ʋ tɩntɩnnɩ-dɔsʋŋ ma kʋdiilee bʋa-la sɩ magɛ lɛ.

1 Kɔrɩntɩ Nɩaa 4:1

Ma sɩɩ benla ŋɩɩ, ʋ maga dɩ nʋʋkala jɩŋ arɩ la ŋaa Kirisito tɩntɩnnaa nɛ. Wɩa joŋ ʋ wɩalɩŋ fa sɩ faa a hɛ la nɩsɩŋ lɛ nɛ.

1 Kɔrɩntɩ Nɩaa 4:17

Ŋɩɩ nɛ tɩɩ mɩ tɩŋ Timoti dɩ ʋ kɔ ma teeŋ ŋɩɩ. Ʋ nagɛ mɩ bii-choolii nɛ, a kɛŋ wʋtɩtɩɩ ma La Tɩɩna Kirisito wɩaa lɛ. Ʋ jaŋ liliisima ŋɩɩ mɩ sɩɩ to Kirisito wɩaa, arɩ ŋɩɩ mɩ sɩ yie dagɛba lee-na kala nɩaa sɩ laa Yesu wɩaa dii aa hilimi tʋɔŋ.

1 Kɔrɩntɩ Nɩaa 4:3

Mɩ sɩpaa tuo dɩ ma nɩɩ bʋl mɩ teeŋ koo dɩ nɩa nɛ dɔsɛ a mʋ tɩgɛ wɩalɩŋ mɩ sɩɩ dagɛ lɛ. Mɩ paala bɩ cheeriŋ joŋo pɩ mɩ tɩtɩa a mʋ tɩgɛ wɩalɩŋ lɛ.

1 Kɔrɩntɩ Nɩaa 7:25

Ma sɩ pɩɛsɛmɛ wɩɩ-la a mʋ tɩgɛ nɩalɩŋ ha sɩ bɩ bala koo haala jaa lɛ, Wɩa bɩ wɩɩkala bʋla pɩla a mʋ tɩgɛ ba lɛ, ama Wɩa sɩ fá mɩ nenige ŋɩɩ, ʋ leŋe mɩ ŋaa nɩtɩtɩɩ nɛ, ŋɩɩ wɩaa mɩɩ chɛ dɩ mɩ bʋl wɩɩ-la mɩ sɩ kɛnɛ nɛ a tɩgɛ hatoloo lɛ.

2 Kɔrɩntɩ Nɩaa 2:17

Nɩaa yʋga nɛ a gɔllɔ bʋbʋl Wɩa niiŋ wɩaa a lɩlaa moribiee, ama la-na bɩ ŋɩɩ ŋaa. La-na ŋaa nɩtɩtɩɩba nɛ. Wɩa nɛ lɩɩsɛla dɩ la tɩŋ tɩntɩmɩŋ deeŋ. Kirisito doluŋ lɛ nɛ laa bʋl Wɩa wɩaa.

2 Kɔrɩntɩ Nɩaa 4:2

Hɩɩsɩ wɩalɩŋ arɩ wʋkaa-faalɩɩ-la nɩaa sɩ lʋara ŋɩŋaa, la-na vɩaba ta nɛ faafaa kala. La bɩra bɩ nʋʋ nyɩsɛ. La bɩ wɩaa nyɩɛ pɩpɛ Wɩa niiŋ wɩalɩŋ lɛ. Ama Wɩa sɩpaaŋ la chaasa bʋl wɩaa, dɩ nʋʋkala tʋɔbɩɩnaa jɩŋ arɩ wʋtɩtɩɩ nɛ la bʋbʋl.

Koloosi Nɩaa 1:7

Ma gʋnnɛ wɩaa deemba Ɛpafɩras teeŋ nɛ, la nɩ-choolii-la sɩ ŋaa la tɩntɩnnɩ dɔŋɔ Wɩa tɩntɩŋŋaa lɛ. Ʋ ŋaa Kirisito tɩntɩnnɩ-tɩtɩɩ nɛ la nyuŋ.

Koloosi Nɩaa 4:17

Má bʋla pɩ Akɩpas dɩ ʋ hɛ doluŋ aŋ tɩŋ Wɩa tɩntɩmɩɩ-la kala ʋ sɩ joŋo pʋ dɩ ʋ tɩŋ.

Koloosi Nɩaa 4:7

Takɩkʋs jaŋ bʋl mɩ wɩaa kala pɩma. Ʋ ŋaa la naambii-choolii nɛ, a ŋaa Wɩa tɩntɩnnɩ-tɩtɩɩ, a ŋaa la tɩntɩnnɩ dɔŋ ma Kirisito tɩntɩŋŋaa lɛ.