1 Kɔrɩntɩ Nɩaa 4:12 - WƖA TENIŊ

¹² La faasa tɩtɩŋ nɛ dɩ la pɛ la tɩtɩa lɛ. Dɩ nɩaa nɛ ŋmɩɛsa hɛ la lɛ, la-na yie sʋl Wɩa pɩba nɛ, dɩ ba nɛ to naasɩŋ dʋdɔgɩsɛla, la yie nyalɩmɛ nɛ.

1 Kɔrɩntɩ Nɩaa 4:12 ပူးပေါင်းရင်းမြစ်များ

Matiu 5:11

Dɩ nɩaa nɛ tʋʋsɛma aŋ pɛ to naasɩŋ dʋdɔgɩsɛma aŋ nyɩɛ wɩaa pɩpɩma a tɩŋ ma sɩ ŋaa mɩ harɩ-tooroo wɩaa, Wɩa ma jaŋ pɛ ma lɛ.

Matiu 5:44

Ama lɛɛlɛ mɩ jaŋ bʋla pɩma, má cho ma dʋndɔŋŋɔɔ a chʋɔlɛ Wɩa pɩpɩ nɩalɩŋ sɩ to naasɩŋ dɔgɩsɛma.

Luuk 23:34

Ŋɩɩ nɛ Yesu chʋɔlɛ Wɩa a bʋl, “Mɩ Nyɩmma, joŋ wɩɩ-la ba sɩ ŋaa a chɛba, bɛɛ wɩaa ba bɩ jɩŋ wɩɩ-la kala ba sɩɩ ŋaa.” Ŋɩɩ nɛ ba tɔnsɛ a kɛŋ Yesu gɛnnɩŋ kpaa.

Luuk 6:28

Ʋ maga dɩ ma sʋl Wɩa dɩ ʋ pɛ nɩalɩŋ sɩɩ bʋl wʋbɔŋŋɔɔ ma lɛ a chʋɔlɛ Wɩa pɩ nɩalɩŋ sɩɩ dɔgɩsɛma.

Jɔɔŋ 15:20

Mɩ laa sɩpaaŋ bʋla pɩma arɩ tɩntɩnnʋ bɩ ʋ kʋhɩaŋ kɩɩ. Má liisi wɩɩŋ deeŋ. Ba sɩ dɔgɩsɛmɛ ŋɩɩ, ba jaŋ dɔgɩsɛ ma ma ŋɩɩ. Dɩ ba nɛ fa sɛɩ mɩ niiŋ wɩaa, ba fa jaŋ sɛɩ ma ma niiŋ wɩaa.

Tɩntɩŋŋaa 18:3

Ʋ mʋ jʋʋ ba dɩa a chʋchʋa nɩmɛ, bɛɛ wɩaa ba kala tɩŋ tɩntɩŋ-bala nɛ. Ba fa kɛŋ teniŋ yɛrɛ lɛŋŋɛɛ nɛ aa yallɛ.

Tɩntɩŋŋaa 20:34

Ma tɩtɩa jɩma mɩ tɩma nɛ woruŋ, a na kɩalɩŋ kala mɩ dɩ mɩ toori dɔnsʋŋ sɩɩ chɛ.

Tɩntɩŋŋaa 7:60

Ʋ tuu kpirimi a faasa ŋmoo niiŋ a bʋl, “Mɩ Tɩɩna Yesu, mɩɩ sʋlʋŋ, sɩ́ wʋbɔmʋŋ deeŋ ba sɩ ŋaa chɩmɩŋ joŋo tiŋ ba lɛ.” Ʋ fa bʋl ŋɩɩ nɛ aŋ sʋʋ.

Rom Tɩŋŋaa 12:14

Má sʋl Wɩa dɩ ʋ pɛ nɩalɩŋ sɩ to naasɩŋ dʋdɔgɩsɛma lɛ, aŋ sɩ́ kalɩba hɛ ba lɛ.

Rom Tɩŋŋaa 12:20

“Ama dɩ losuŋ nɛ kɛŋ ŋ dʋndɔmɔ, ŋaa kʋdiilee pʋ, dɩ lɩɩnyʋasʋŋ ma nɛ kɛnʋ, ŋaa lɩɩŋ pʋ dɩ ʋ nyʋa. Dɩ ŋ nɛ wuo ŋaa ŋɩɩ, hɩɩsɩŋ jaŋ kɛnʋ kɩŋkɛŋ.”

Rom Tɩŋŋaa 8:35

Kirisito sɩ chola ŋɩɩ, bɛɛ kʋŋ nɛ jaŋ bɩra ŋaa dɩ Kirisito sɩ́ la cho? Wahala koo wʋjʋʋlaa, koo dɩ ba to naasɩŋ dʋdɔgɩsɛla, koo dɩ losuŋ kpʋla, koo dɩ la bɩ gɛnnɩŋ kɛnɛ dɩ la laalɛ, koo dɩ wʋbɔŋ nɛ gbɛrɛla, koo dɩ la nɛ jaŋ sʋʋ? Wɩaa deemba kʋŋkala bɩ jaŋ wuo ŋaa dɩ Kirisito bɩra sɩ́ la cho.

1 Kɔrɩntɩ Nɩaa 9:6

Ma bɩɩna mɩ dɩ Banabas dʋndʋŋa nɛ maga dɩ la bʋl Wɩa wɩaa aŋ pɛ tɩma pɛ la tɩtɩa lɛɛ?

2 Kɔrɩntɩ Nɩaa 11:8

Mɩ fa sɩ hɛ ma teeŋ bʋa-la lɛ a tɩtɩŋ, nɩalɩŋ sɩ laa Yesu wɩaa dii aa hilimi a hɛ tasɩŋ dɔnsʋŋ lɛ nɛ faa pɩmɛ kɩalɩŋ mɩ sɩɩ chɛ. Mɩ jaŋ wuo bʋl mɩ fa gʋrɛba nɛ ŋɩɩ a pɩpɩma.

Ɛfɛsɩs Nɩaa 4:28

Nɩɩ-la kala fa sɩɩ gaa, ʋ maga dɩ ʋ leŋ gaarɩŋ, aŋ kɛŋ ʋ nɩsaa faasa tɩŋ tɩntɩŋ-zɔŋŋɔɔ a wuo na kʋ-la kala ʋ sɩɩ chɛ ʋ tɩtɩa lɛ, aŋ wuo pɛ summoo ma lɛ.

1 Tɛsalonaaka Nɩaa 2:9

La naambiiriŋ, ma jɩŋ ŋɩɩ la fa sɩ faasa tɩŋ a na hɛɛŋ bʋa-la lɛ la fa sɩ bʋl Wɩa wʋzɔmɔ-la aa pɩma. La tɩŋ wɩɩhɛyɛ arɩ tɩtaŋɩŋ kala nɛ, dɩ la sɩ́ ma nyuŋ hɔŋ a gbɛrɛma.

2 Tɛsalonaaka Nɩaa 3:8

La fa bɩ nʋʋkala kʋdiilee die dɩ la bɩ tɩɩna time. La tɩma nɛ woruŋ a suoli wɩɩhɛyɛ arɩ tɩtaŋɩŋ kala dɩ la wuo nɩna la kʋchɛɛlɛɛ, dɩ la sɩ́ hɔnɔ gbɛrɛ ma kʋŋkala aa chɛ kɩaa ma teeŋ.

1 Timoti 4:10

Laa yɩɛlɛ Wɩa sɩ weye lɛ nɛ. Ŋɩɩ nɛ tɩɩ laa loo a faasaa tɩŋ woruŋ. Wɩa nɛ ŋaa nʋʋkala Laataara, a saa wasanyaŋ nɩalɩŋ sɩ laa ʋ wɩaa dii.

1 Pɩɩta 2:23

Arɩ nɩaa sɩ tʋʋsʋ ma kala, ʋ bɩ laa tʋʋsɛ. Ba sɩ dɔgɩsʋ kala ma, ʋ bɩ bʋla arɩ ʋ ma jaŋ dɔgɩsɛba. Ʋ ta joŋ wɩɩkala a hɛ Wɩa nɩsɩŋ lɛ nɛ, nɩɩ-la sɩ jaŋ kɛŋ wʋtɩtɩɩ a dii nɩaa sarɩya.

1 Pɩɩta 3:14

Ama dɩ ba nɩɩ dɔgɩsɛma a tɩŋ ma tʋɔpʋl wʋŋaalaa wɩaa, Wɩa jaŋ pɛ ma lɛ. Ŋɩɩ wɩaa, má sɩ́ nɩalɩŋ sɩ dɔgɩsɛma fá, a sɩ́ leŋe dɩ wɩɩkala wʋwalɩmɛ ma.

1 Pɩɩta 3:9

Má sɩ́ wʋbɔŋ joŋo tiŋ wʋbɔmʋŋ chɩmɩŋ. Dɩ nʋʋ nɛ tʋʋsɛma, má sɩ́ tʋʋsa tiŋ, ama má sʋl Wɩa dɩ ʋ pɛ tɩɩna lɛ, bɛɛ wɩaa Wɩa ma lɩɩsɛma nɛ dɩ ʋ pɛ ma lɛ.

1 Pɩɩta 4:19

Ŋɩɩ wɩaa, nɩalɩŋ sɩɩ na hɛɛŋ a tɩŋ Wɩa tʋɔtɔrɛ wɩaa ŋaanɩŋ lɛ, ʋ maga dɩ ba joŋ ba tɩtɩa kala a hɛ Wʋtɩtɩɩ Tɩɩna-la sɩ ŋaaba nɩsɩŋ lɛ aŋ ha ŋɩŋaa wʋzɔŋŋɔɔ.

Juud 1:9

Ama bʋa-la lɛ Wɩa tɩndaaraa kʋhɩaŋ ba sɩɩ yɩrɛ Maakɩl, arɩ Sɩtaanɩ fa sɩ kɛŋ Mosis kʋsʋʋŋ wɩaa yuyuo dɔŋɔ, Maakɩl bɩ wɩɩkala bʋla chei Sɩtaanɩ tʋɔŋ, ama ʋ ta bʋl nɛ arɩ La Tɩɩna Wɩa jaŋ dɔgɩsʋ.