1 Kɔrɩntɩ Nɩaa 4:10 - WƖA TENIŊ

¹⁰ A tɩŋ Kirisito wɩaa, la ŋaa nɩyaara nɛ, ka ma-na kɛŋ wʋjɩmɩŋ Kirisito teeŋ. La-na ŋaa puwuolo nɛ, aŋ ka ma-na ŋaa nɩduori. Nɩaa mʋmɔŋ la lɛ aŋ zizilma.

1 Kɔrɩntɩ Nɩaa 4:10 ပူးပေါင်းရင်းမြစ်များ

2 KUOROO 9:11

Jehu sɩ mɩɩra mʋ ʋ nɩhɩa-dɔnsʋ-la teeŋ, ba dɔŋɔ pɩɛsʋ, “Ba fɩɛla nɛɛ? Bɛɛ kʋŋ nɛ nyɩnyɛ tɩɩna deeŋ chɩchɛ ŋ teeŋ?” Jehu bʋl, “Ma jɩŋ baala deeŋ arɩ ʋ wʋbʋl dosunuŋ nɛ.”

NAMAGABA 11:12

Nɩɩ-la sɩ bɩ wʋjɩmɩɩ kala kɛnɛ nɛ yie bee gʋʋnɛ ʋ dɔŋɔ tɩɩna, ama nɩɩ-la sɩ jɩŋ wɩaa-na yie kɛŋ ʋ niiŋ nɛ.

AZAAYA 53:3

Nuhuobiinee vɩaʋ nɛ, bɛɛ wɩaa ba sɩɩŋ bɩ ʋ suo. Ʋ ŋaa nʋʋ sɩ kɛŋ tʋɔ-cheeŋ nɛ a mal hɛɛŋ. Nɩaa paala bɩ cho dɩ ba naʋ. Ba bɩ ʋ bene dɩ ʋ ŋaa kʋŋkala, la lɩɩsɛ la jɩa ta ʋ lɛ.

HOSIA 9:7

Bʋa-la lɛ Wɩa sɩ jaŋ dɔgɩsɛ Iziral tɩŋŋaa ka kɔ nɛ, tapʋlɩɩ-la ba sɩ jaŋ na hɛɛŋ kpaga nɛ. Ma Iziral tɩŋŋaa jɩŋ wɩɩŋ deeŋ nɛ. Ma wʋbɔŋŋɔɔ yʋga nɛ kɩŋkɛŋ, ma chaasa tɛrɛ nɛ woruŋ, a joŋ Wɩa wʋlaabʋlla arɩ ʋ ŋaa nɩyaarɩ nɛ, nɩɩ-la Wɩa dɩma-la sɩ hɛ ʋ lɛ arɩ ʋ ŋaa nyɩnyɛ tɩɩna nɛ.

Matiu 24:9

Ba jaŋ kɛsɛma a jomma hɛ nɩaa nɩsɩŋ lɛ dɩ ba dɔgɩsɛma aŋ kpʋ ma dɔnsʋŋ. Tinteyee nɩaa kala jaŋ bɛrɛma a tɩŋ mɩ wɩaa.

Matiu 5:11

Dɩ nɩaa nɛ tʋʋsɛma aŋ pɛ to naasɩŋ dʋdɔgɩsɛma aŋ nyɩɛ wɩaa pɩpɩma a tɩŋ ma sɩ ŋaa mɩ harɩ-tooroo wɩaa, Wɩa ma jaŋ pɛ ma lɛ.

Luuk 10:16

Ŋɩɩ nɛ aŋ ka ʋ bɩra bʋla pɩ ʋ harɩ-tooro-la, “Nɩɩ-la kala sɩ jegile nɩɩ ma teeŋ, ʋ jegile nɩɩ mɩ ma teeŋ nɛ. Nʋʋkala sɩ vɩama, ʋ vɩa mɩ ma nɛ. Nɩɩ-la kala ma sɩ vɩamɛ, ʋ ma vɩa Nɩɩ-la sɩ tɩmmɛ nɛ.”

Luuk 18:9

Yesu bɩra magɛ namaga a pɩ nɩalɩŋ sɩ bɩɩna ba tʋɔŋ lɛ dɩ ba kɛŋ tʋɔpʋla aŋ lileeni ba dɔnsʋŋ tɩŋŋaa. Ʋ bʋla pɩba,

Luuk 6:22

Dɩ nɩaa nɛ bɛrɛma a lɩɩsɛma ta ba tʋɔŋ a tʋtʋʋsɛma a chichei ma yɩrɩŋ a bʋl dɩ ma ŋaa nɩbɔmɔ nɛ, dɩ ba nɛ bʋl ŋɩɩ a tɩŋ ma sɩɩ to mɩ-na Nuhuobiine Bie harɩŋ wɩaa, Wɩa ma jaŋ pɛ ma lɛ.

Tɩntɩŋŋaa 17:18

Kerichiba-la dɔnsʋŋ sɩɩ to Epikuuras wombiiŋ arɩ Sɩtɔɩk kerichiba dɔnsʋŋ ma kʋ naʋ a kɛŋ wɩaa lɩlɛrɛ ʋ teeŋ. Ba dɔnsʋŋ pɩɛsɛ, “Bɛɛ kɩaa wɩaa nɛ nɩyaarɩŋ deeŋ ma chɩnaa bʋl?” Dɔnsʋŋ ma sɩ, “Ʋ naga veŋ-falɩɩ wɩaa nɛ ʋ bʋbʋl.” Pɔɔl sɩ yie bʋl Yesu wɩaa arɩ ʋ sii sʋʋŋ lɛ nɛ tɩɩ ba bʋl ŋɩɩ.

Tɩntɩŋŋaa 17:32

Nɩalɩŋ sɩ nɩa arɩ Pɔɔl bʋl sʋʋŋ siiniŋ lɛ wɩaa, ba dɔnsʋŋ mʋmɔmʋ, ama dɔnsʋŋ ma sɩ, “La jaŋ cho dɩ ŋ maachie bɩra bʋl wɩɩŋ deeŋ pɩla.”

Tɩntɩŋŋaa 26:24

Pɔɔl sɩɩ bʋl wɩaa dɩ ʋ laa ʋ tɩtɩa ŋɩɩ, Fɛsɩtɔs kpɩaʋ lɛ a bʋl, “Pɔɔl, ŋŋ nyaasɛ nɛ. Ŋ wʋjɩŋ kɩŋkɛŋ kɛnɩŋ nyɩnyaasɛ nɛ.”

Tɩntɩŋŋaa 9:16

Mɩ nɛ jaŋ dagʋ hɛɛŋ magɛ ŋɩɩ ʋ sɩ jaŋ na a tɩŋ mɩ wɩaa.”

1 Kɔrɩntɩ Nɩaa 1:21

Wɩa sɩ kɛŋ wʋjɩmɩŋ, ŋɩɩ nɛ tɩɩ ʋ wuo ŋaa dɩ nuhuobiine sɩ́ ʋ tɩtɩa wʋjɩmɩŋ lɛ to a jɩŋ ʋ-na Wɩa. Nɩaa sɩ dɩ Wɩa wʋzɔmɔ-la la sɩɩ bʋl ŋaa wʋtɔɔnʋ nɛ, ama Wɩa to wɩalɩŋ lɛ nɛ a laa nɩalɩŋ sɩ laa wɩalɩŋ dii a ta.

1 Kɔrɩntɩ Nɩaa 1:23

Ama Kirisito sɩ sʋʋ daagɛsɛ nyuŋ wɩaa nɛ la bʋbʋl. Kirisito sɩ sʋʋ daagɛsɛ nyuŋ leŋe Juu tɩŋŋaa baanɩŋ sisii, aŋ ka nɩalɩŋ sɩ bɩ Juu tɩŋŋaa ŋaa ma teeŋ ʋ ŋaa wʋpɛɩ nɛ.

1 Kɔrɩntɩ Nɩaa 1:25

Ʋ maga dɩ ma jɩŋ arɩ wɩɩ-la sɩ lɩɩ Wɩa teeŋ, ka nɩaa bʋl arɩ ʋ ŋaa nɩyaarɩ wɩɩ nɛ, ʋ nɛ paala kpɩa nuhuobiine wʋjɩmɩŋ. Wɩɩ-la ma sɩ lɩɩ Wɩa teeŋ, ka nuhuobiine sɩ ʋ ŋaa wʋpʋgʋ nɛ, ʋ kɛŋ doluŋ a kɩɩ nuhuobiine.

1 Kɔrɩntɩ Nɩaa 10:12

Ŋɩɩ wɩaa nʋʋkala sɩ́ bɩɩna arɩ ʋ chɩŋ woruŋ nɛ wɩalɩŋ ʋ sɩ laa dii lɛ, ʋ maga dɩ ʋ fɩɛlɛ ʋ sɩaa nɛ, dɩ ŋɩɩ dee ʋ jaŋ tel.

1 Kɔrɩntɩ Nɩaa 2:14

Nɩɩ-la kala sɩ bɩ Wɩa Dɩŋ-zɔmʋŋ kɛnɛ bɩ jaŋ laa kɩalɩŋ Wɩa sɩ joŋo pɩ nɩalɩŋ sɩ kɛŋ ʋ Dɩŋ-zɔŋ-la. Ʋ tɩɩna bɩ jaŋ wuo jɩmba. Ba yie ŋaa kʋpɛɩba nɛ ʋ teeŋ, bɛɛ wɩaa nʋʋ bɩ jaŋ wuo jɩmba, see dɩ ʋ kɛŋ Wɩa Dɩŋ-zɔŋ-la.

1 Kɔrɩntɩ Nɩaa 2:3

Ŋɩɩ wɩaa, mɩ sɩ hɛ ma teeŋ, mɩ fa nagɛ nɩpʋgʋ nɛ. Fawʋllʋŋ fa kɛmmɛ, mɩ chichel.

1 Kɔrɩntɩ Nɩaa 3:18

Nʋʋkala sɩ́ ʋ tɩtɩa nyɩsʋ. Dɩ nʋʋ nɛ hɛ ma tʋɔŋ a bɩɩnɛ arɩ ʋ kɛŋ wʋjɩmɩŋ dʋnɩa deeŋ lɛ, ʋ maga dɩ ʋ bɩrɩmɛ nɩyaarɩ nɛ a wuo kɛŋ wʋjɩmɩɩ-la sɩ lɩɩ Wɩa teeŋ.

1 Kɔrɩntɩ Nɩaa 3:2

Wɩalɩŋ mɩ sɩ bʋla ma teeŋ, ba nagɛ yɩlɩŋ nɛ mɩ leŋ ma wasɛ. Mɩ bɩ wʋyuŋi kala bʋla pɩma. Bʋa-la lɛ, ma ha bɩ ma tɩtɩa kaa hɛ dɔŋɔ dɩ ma nɩɩ wʋyuŋi. Arɩ lɛɛlɛ kala ma ha bɩ wʋyuŋi kala wuo nɩɩ.

1 Kɔrɩntɩ Nɩaa 4:8

Ma bɩɩna ma kɛŋ kʋŋkala ma sɩɩ chɛ nɛ, a ŋaa kɩa tɩmma, a dii kuoruŋ aŋ ka la-na bɩ kɩaa deemba kʋŋkala kɛnɛ. Wʋtɩtɩɩ, la fa cho dɩ ma dii kuoruŋ nɛ, dɩ la dɩ ma kala ŋaa kuoroo.

2 Kɔrɩntɩ Nɩaa 10:10

Ma dɔnsʋŋ yie bʋl dɩ wɩalɩŋ mɩ sɩ yie ŋmʋnsɛ mɩ tenniŋ tʋɔŋ a pɩma, ba dolie nɛ aŋ pɛ hɛɩ, ka mɩ tɩtɩa bɩ sɩɩ ka su. Mɩ wʋbʋlaa ma bɩ sɩŋ.

2 Kɔrɩntɩ Nɩaa 11:19

Ma kɛŋ wʋjɩmɩŋ nɛ a wuo sɩsɛɩ wɩalɩŋ nɩyaaraa sɩɩ bʋl.

2 Kɔrɩntɩ Nɩaa 11:29

Dɩ nʋʋ nɛ bɩ doluŋ kɛnɛ, mɩ ma bɩ doluŋ kɛnɛ. Dɩ ba nyɩsɛ nʋʋ dɩ ʋ ŋaa wʋbɔŋ ma, mɩ tʋɔŋ yie faasa chei nɛ.

2 Kɔrɩntɩ Nɩaa 13:9

Dɩ la nɛ bɩ doluŋ kɛnɛ ma, la yie jʋjʋɔsɛ nɛ a tɩŋ dol-la ma sɩ kɛnɛ wɩaa. Wɩɩ-la la sɩ sʋl Wɩa chɩchɛ nɛ, dɩ ŋɩɩ ma laa Kirisito wɩaa dii wasa dol.

2 Kɔrɩntɩ Nɩaa 4:12

Ŋɩɩ wɩaa Wɩa leŋe la sʋʋ nɛ dɩ ma-na kɛŋ mɩɩsɩŋ.

2 Kɔrɩntɩ Nɩaa 6:8

Nɩaa dɔnsʋŋ ka zilla, ka dɔnsʋŋ ma tʋtʋʋsɛla. Nɩaa dɔnsʋŋ bɩbɛsɛ la lɛ, ka dɔnsʋŋ ma bʋl wʋbɔŋŋɔɔ a tɩtɩgɛ la lɛ. Ba bɩɩna arɩ laa nyɩsɛ nɩaa nɛ, ama wʋtɩtɩɩ nɛ la bʋbʋl.

1 Tɛsalonaaka Nɩaa 4:8

Ŋɩɩ wɩaa nɩɩ-la kala sɩ vɩa wɩalɩŋ mɩ sɩ bʋla, nuhuobiine dee tɩɩna vɩa, Wɩa nɛ ʋ vɩa ŋɩɩ, Nɩɩ-la sɩ joŋ ʋ Dɩŋ-zɔŋ-la pɩma.

1 Pɩɩta 4:14

Dɩ ba nɩɩ tʋʋsɛma a tɩŋ Kirisito wɩaa, Wɩa jaŋ pɛ ma lɛ, bɛɛ wɩaa Wɩa Dɩŋ-zɔmʋŋ sɩ kɛŋ doluŋ hɛ ma lɛ nɛ.