1 Kɔrɩntɩ Nɩaa 4:1 - WƖA TENIŊ

¹ Ma sɩɩ benla ŋɩɩ, ʋ maga dɩ nʋʋkala jɩŋ arɩ la ŋaa Kirisito tɩntɩnnaa nɛ. Wɩa joŋ ʋ wɩalɩŋ fa sɩ faa a hɛ la nɩsɩŋ lɛ nɛ.

1 Kɔrɩntɩ Nɩaa 4:1 ပူးပေါင်းရင်းမြစ်များ

Matiu 13:11

Ŋɩɩ nɛ Yesu bʋla pɩba, “Ma nɩaa deemba nɛ Wɩa dagɛ ʋ kuorii-la wɩaa sɩ faa bʋbʋɔŋ pɩpa, ama nɩ-daŋ kala dee.

Matiu 24:45

Ŋɩɩ nɛ La Tɩɩna Yesu mɩɩra pɩɛsɛba, “Kʋbɛɛ nɛ saa ŋaa tɩntɩnnɩ-tɩtɩɩ-la sɩ jɩŋ wɩaa? Ʋ nɛ nɩɩ-la ʋ kʋhɩaŋ sɩ yie lɩɩsɛ dɩ ʋ bibeŋ ʋ dɩa, aŋ pɛ pɩpɩ ʋ tɩntɩnnɩ-dɔsʋŋ ma kʋdiilee bʋa-la lɛ sɩ maga.

Maak 4:11

Ŋɩɩ nɛ ʋ bʋla pɩba, “Ma nɩaa deemba nɛ Wɩa dagɛ wɩalɩŋ sɩ faa ʋ kuorii-la lɛ a pɩpa. Ama nɩalɩŋ sɩ hɛ dɩ-jalɩŋ, namagaba nɛ ʋ yie maga pɩba.

Luuk 1:2

Ba ŋmʋnsɛ wɩalɩŋ kala nɩaa sɩ bʋla pɩla nɛ. Ba nɛ na wɩaa deemba kala a suomi bumbuŋ kala, a ma bʋl Wɩa niiŋ wɩaa a pɩpɩ nɩaa.

Luuk 12:42

Ŋɩɩ nɛ La Tɩɩna mɩɩra pɩɛsɛba, “Kʋbɛɛ nɛ saa ŋaa tɩntɩnnɩ-tɩtɩɩ-la sɩ jɩŋ wɩaa? Ʋ nɛ nɩɩ-la ʋ kʋhɩaŋ sɩ yie lɩɩsɛ dɩ ʋ bibeŋ ʋ dɩa, aŋ pɛ pɩpɩ ʋ tɩntɩnnɩ-dɔsʋŋ ma kʋdiilee bʋa-la sɩ magɛ lɛ.

Luuk 8:10

Yesu bʋla pɩba, “Ma nɩaa deemba nɛ Wɩa dagɛ ʋ kuorii-la bʋbʋɔŋ pa. Ama nɩ-daŋ kala, namagaba nɛ ʋ yie kaa dɩdagɛba. Ba yie nyilimi nyilimi aŋ bɩ kʋŋkala wuo na, a bɩra jegili jegili aŋ bɩ ba bʋbʋɔŋ wuo jɩŋ.

Rom Tɩŋŋaa 11:25

Mɩ naambiiriŋ, wɩaa nɛ hɛ nɩmɛ Wɩa fa joŋo faama, mɩɩ chɛ dɩ ma jɩŋ. Wɩɩ-la jaŋ ŋaa dɩ ma sɩ́ bɩɩna bʋl arɩ ma kɛŋ wʋjɩmɩŋ a bibigisi ma tɩtɩa lɛ. Wɩɩ-la nɛ ŋ-la: Iziral tɩŋŋaa sɩ kɛŋ nyu-duo-la, ba bɩ jaŋ kɛnʋ wuu. Bʋa-la lɛ dɩ nɩalɩŋ sɩ bɩ Juu tɩŋŋaa ŋaa nɛ kʋ yʋgɛ a laa Wɩa wɩaa dii, Iziral tɩŋŋaa nyu-duo-la jaŋ dɛrɛ.

Rom Tɩŋŋaa 16:25

Má leŋ dɩ la dɛnnɛ Wɩa. Ʋ nɛ leŋe ma chɩŋ ma wʋtɩtɩɩ lɛ a tɩŋ Wɩa wʋzɔmɔ-la mɩ sɩ bʋla pɩma a tɩgɛ Yesu Kirisito lɛ. Wɩa fa joŋ wɩalɩŋ faa nɛ faafaa kala,

1 Kɔrɩntɩ Nɩaa 2:7

Wʋjɩmɩɩ-la wɩaa mɩ sɩɩ bʋl, ʋ lɩɩ Wɩa teeŋ nɛ a ŋaa wʋfaalɩɩ nɩaa teeŋ. Wʋjɩmɩɩ-la faa nɛ Wɩa teeŋ, ka dʋnɩa-na suomi. Wɩa lɩɩsɛla dɩ la kɛŋ wʋjɩmɩŋ deeŋ nɛ a wuo kɛŋ tʋla ʋ teeŋ.

1 Kɔrɩntɩ Nɩaa 3:5

Kʋbɛɛ nɛ Apɔlɔs? Kʋbɛɛ nɛ Pɔɔl? La ŋaa Wɩa tɩntɩnnaa nɛ. La nɛ bʋl Wɩa wɩaa pɩma ma laa dii. La kʋŋkala tɩŋ tɩntɩmɩɩ-la La Tɩɩna Wɩa sɩ joŋo pɩla dɩ la tɩŋ nɛ.

1 Kɔrɩntɩ Nɩaa 4:13

Dɩ ba nɛ chei la yɩrɩŋ, la-na yie bʋl wʋzɔŋŋɔɔ nɛ a tɩgɛ ba lɛ. Naabʋɔsʋŋ deemba lɛ, la ŋaa kʋtɔɔnɩ nɛ, dʋnɩa nɩsʋrʋŋ nɛ paala kpɩala.

1 Kɔrɩntɩ Nɩaa 4:2

Ʋ saa maga dɩ tɩntɩnnʋ kala kɛŋ wʋtɩtɩɩ a tɩtɩŋ ʋ tɩntɩŋŋaa.

2 Kɔrɩntɩ Nɩaa 11:23

Ba ŋaa Kirisito tɩntɩnna nɛɛ? Mɩɩ bʋl wɩaa arɩ mɩ nyuŋ tuo nɛ. Mɩ ma ŋaa dɔŋɔ nɛ, a paala kɩɩba. Mɩ nɛ paala fɩɛsɛ sɩɩŋ a tɩŋ kɩŋkɛŋ. Ba kɛmmɛ tɔ dɩa a yʋgɛ nɛ. Ba sɩ ŋmoomi kɩŋkɛŋ mɩ ka mʋa dɩ mɩ sʋba, mɩ bɩ ʋ ma niiŋ jɩŋ.

2 Kɔrɩntɩ Nɩaa 12:6

Dɩ mɩ nɩɩ chɛ dɩ mɩ bigisi mɩ tɩtɩa lɛ ma, mɩ bɩ jaŋ bʋl nɩyaarɛ wɩaa. Mɩ jaŋ bʋl wʋtɩtɩɩba. Ama mɩ bɩ jaŋ bigisi mɩ tɩtɩa lɛ, dɩ nʋʋkala sɩ́ wuo na wombiiŋ a bɩɩnɛ arɩ mɩ kɩɩ ŋɩɩ mɩ sɩ maga nɛ, a tɩŋ wɩalɩŋ ba sɩ na mɩ teeŋ, koo a tɩŋ wɩalɩŋ ba sɩ nɩa dɩ mɩɩ bʋl lɛ.

2 Kɔrɩntɩ Nɩaa 4:5

Wɩalɩŋ la sɩɩ bʋl, ʋ bɩ naga la tɩtɩa wɩaa nɛ la bʋbʋl, ama Yesu Kirisito wɩaa nɛ la bʋbʋl, Nɩɩ-la sɩ tɩɩ nʋʋkala. Ʋ wɩaa nɛ tɩɩ la tɩma pɩpɩma.

2 Kɔrɩntɩ Nɩaa 6:4

Ŋɩɩ wɩaa wɩɩ-na kala la sɩɩ ŋaa lɛ, la yie dagɛ arɩ la ŋaa Wɩa tɩntɩnnaa nɛ. Wʋwalɩmaa yie jʋʋla, la nɩna hɛɛŋ, la tʋɔŋ faasa chei, ama la yie faasa nyalɩmɛ nɛ.

Ɛfɛsɩs Nɩaa 1:9

Ʋ tʋɔtɔrʋŋ lɛ nɛ ʋ leŋ la jɩŋ ʋ wɩalɩŋ kala fa sɩ faa, wɩalɩŋ ʋ sɩɩ chɛ dɩ ʋ to Kirisito lɛ a ŋaa pɩla.

Ɛfɛsɩs Nɩaa 6:19

Má sʋl Wɩa pɩ mɩ ma dɩ mɩ nɛ suri mɩ niiŋ dɩ Wɩa dagɛmɛ wɩɩ-la mɩ sɩ jaŋ bʋl, a sɩ́ nʋʋkala fá, aŋ bʋl Yesu wʋzɔmɔ-la fa sɩ faa a pɩ nɩaa.

Koloosi Nɩaa 2:2

Mɩɩ chɛ dɩ ba kɛŋ bɔɩ-duoŋ a kɛŋ nii-bala a cho dɔŋɔ, a wuo jɩŋ wɩaa sɩaa woruŋ a mʋ dɛrɛ, a jɩŋ wɩɩ-la Wɩa sɩ joŋo faa bʋbʋɔŋ, wɩɩ-la nɛ ŋaa Kirisito.

Koloosi Nɩaa 4:3

Má pɛ chʋɔlɛ Wɩa pɩpɩ la ma, dɩ Wɩa wuo suri wombiiŋ pɩla dɩ la wuo bʋl Kirisito wɩalɩŋ fa sɩ faa. Ba wɩaa nɛ tɩɩ ba kɛmmɛ tɔ dɩa.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

1 Timoti 3:6

Dɩ nʋʋ nɛ laa Yesu wɩaa dii ʋ bɩ dieni, ʋ bɩ maga dɩ tɩɩna ŋaa Wɩa nɩaa nɩhɩaŋ. Dɩ tɩɩna nɛ ŋaa Wɩa nɩaa nɩhɩaŋ, ʋ jaŋ dagɛ ʋ tɩtɩa. Dɩ ʋ nɛ ŋaa ŋɩɩ, ʋ jaŋ tel arɩ Sɩtaanɩ sɩ tele ŋɩɩ.

1 Timoti 3:9

Ʋ maga dɩ ba kɛŋ tʋɔbɩɩŋ zɔŋŋɔɔ a laa Wɩa niiŋ wɩaa dii. Wɩalɩŋ fa faa nɛ, ka lɛɛlɛ Wɩa joŋo dagɛla.

Taatɩs 1:7

Nɩɩ-la sɩɩ beŋ Wɩa nɩaa ŋaa Wɩa tɩntɩnnɩ-hɩaŋ nɛ. Ʋ bɩ maga dɩ ʋ kɛŋ wʋcheelee nɩaa teeŋ. Ʋ bɩra bɩ maga dɩ ʋ dɩdagɛ ʋ tɩtɩa, a sɩ́ baaŋ tɩɩna koo sɩ-nyʋarʋ koo nii-jɩgɩ tɩɩna koo nɩɩ-la sɩ cho moribiee kɩŋkɛŋ ŋaa.

1 Pɩɩta 4:10

Wɩa joŋ doluŋ pɩ nɩaa dɩ ba kaa tɩŋ tɩntɩŋ-dosunuŋ nɛ. Ŋɩɩ wɩaa nʋʋkala kɛŋ wɩɩ-la Wɩa sɩ joŋo pʋ a kaa pɩpɛ ʋ dɔnsʋŋ tɩŋŋaa lɛ.