1 Kɔrɩntɩ Nɩaa 3:9 - WƖA TENIŊ

⁹ La kala ŋaa tɩntɩnnɩ-dɔsɛ nɛ a pɛ Wɩa lɛ laa tɩŋ. Ma saa nagɛ Wɩa baga nɛ, a bɩra nagɛ Wɩa dɩa.

1 Kɔrɩntɩ Nɩaa 3:9 ပူးပေါင်းရင်းမြစ်များ

WƖA YƖƖLAA 118:22

Tie-bii-la dɩɩ-saaraa sɩ vɩa ta nɛ kʋ ŋaa tie-bii-duoŋ ba sɩ joŋo bil dɩa gentine.

WƖA YƖƖLAA 72:16

Leŋ dɩ kʋdiilee pʋrɩgɛ tintee-la kala lɛ, dɩ mɩaa su dundolluŋ nyuŋ. Leŋ dɩ kʋdiile-la pʋrɩgɛ a nagɛ Lɛbanɔŋ peel-la kɩaa. Leŋ dɩ mɩa-la chaasa bɩɩ woruŋ a nagɛ yaŋ.

NAMAGABA 9:1

Wʋjɩmɩŋ saa ʋ dɩa nɛ a hɛ jebii duduosuŋ balɩpɛ.

AZAAYA 32:20

ma tʋɔŋ jaŋ tɔrɛ ma kʋduuloo lɛ a tɩŋ duoŋ zɔmʋŋ sɩ jaŋ nɩɩ pɩma, dɩ ma kakusuŋ arɩ ma nɛsɩŋ ma na yaŋ dii wɩaa.

AZAAYA 61:11

a nagɛ kʋdoho sɩ yie nyʋ lɩɩ tinteeŋ a waa ŋɩɩ baga lɛ, ŋɩɩ tɩtɩa nɛ La TƖƖNA Wɩɩjarɩbakɔ jaŋ laa ʋ nɩaa ta dɩ tinteyee nɩaa kala na a dɛnnʋ.

AZAAYA 61:3

Tʋɔ-chei-la nɩalɩŋ sɩ hɛ Zaayɔŋ lɛ sɩ kɛnɛ, ʋ jaŋ leŋ dɩ ba mɩɩra kɛŋ tʋɔtɔrʋŋ, dɩ tʋɔ-chei-la lɛl. Ba tʋɔŋ fa sɩ chei ŋɩɩ, ba jaŋ mɩɩra yɩɩ tʋɔtɔrɛ yɩɩlaa. Ba kala jaŋ nagɛ tɩɩsɩŋ La TƖƖNA tɩtɩa sɩ chɔnsɔ. Ba jaŋ ŋaa wɩalɩŋ sɩ zɔmɔ a leŋ dɩ La TƖƖNA yɩrɩŋ yɩrɛ.

AZAAYA 61:5

Nʋhʋɔraa jaŋ dɩdaa ma pʋsʋŋ, nɩwogusuŋ jaŋ pɩpɛrɛ ma bagɩsɩŋ arɩ ma girep tɩɩsɩŋ bagɩsɩŋ a pɩpɩma.

JƐRƖMAAYA 2:21

Mɩ fa leŋe ma chɩŋ nɛ a nagɛ girep tɩa naakeliŋ sɩ chaasa zɔŋ ba kere chɔnsɛ. Bɛɛ nɛ saa tɩɩ ma mɩɩra chɩŋ mɩ lɛ a nagɛ girep tɩa sɩ yalɩba a bɩ bʋbʋɔ kɛnɛ?

Matiu 15:13

Ŋɩɩ nɛ ʋ bʋla pɩba, “Tɩa-la kala mɩ Nyɩmma sɩ hɛ Wɩa-jaŋ sɩ yie bɩ chɔnsɔ, ba jaŋ kaa churo ta.

Matiu 16:18

Ŋɩɩ wɩaa Pɩɩta, mɩ bʋlaa pɩŋ arɩ ŋ nagɛ bʋŋ nɛ. Bʋŋ-la nyuŋ nɛ mɩ jaŋ saa nɩalɩŋ sɩ laa mɩ wɩaa dii dɩa. Sʋʋŋ ma bɩ jaŋ wuo yigi dɩa-la lo.

Matiu 9:37

Ŋɩɩ nɛ ʋ bʋla pɩ ʋ harɩ-tooroo, “Baga kɩaa yʋga nɛ a magɛ dɩ ba ŋaa, ama tɩntɩnnaa bɩ yʋgɛ.

Maak 16:20

Ŋɩɩ nɛ ʋ harɩ-tooroo sii lɩɩ a mʋ lee na-kala a bʋbʋl Wɩa wɩaa. La Tɩɩna Wɩa pɛ ba lɛ ba ŋɩŋaa wʋmagɩlaa, dɩ nɩaa jɩŋ arɩ wɩalɩŋ ba sɩɩ bʋl ŋaa wʋtɩtɩɩ nɛ. Amɩɩ.

Tɩntɩŋŋaa 4:11

Yesu wɩaa nɛ ba ŋmʋnsɛ Wɩa teniŋ tʋɔŋ a bʋl, ‘Tie-bii-la dɩɩ-saaraa sɩ vɩa, ʋ nɛ kʋ ŋaa tie-bii-duoŋ ba sɩ joŋo bil dɩa gentine.’

1 Kɔrɩntɩ Nɩaa 3:16

Ma bɩ jɩŋ arɩ ma ŋaa Wɩa dɩa nɛ Wɩa Dɩŋ-zɔŋ-la jʋjʋʋ?

1 Kɔrɩntɩ Nɩaa 3:6

Wɩa wɩalɩŋ la sɩ bʋla pɩma nagɛ kʋdoho nɛ la duu. Mɩ nɛ duu kʋdoho-la, Apɔlɔs ma nɛ ŋaa lɩɩŋ a mɩsɛ, ama Wɩa nɛ leŋe ʋ waa.

1 Kɔrɩntɩ Nɩaa 6:19

Ma bɩ jɩŋ arɩ ma yaraa ŋaa Wɩa Dɩŋ-zɔŋ-la ʋ sɩ joŋo pɩma dɩa nɛɛ? Ma dee bɩ ma tɩtɩa tɩɩ. Wɩa nɛ tɩɩma.

2 Kɔrɩntɩ Nɩaa 6:1

Tɩntɩmɩɩ-la la sɩɩ tɩŋ, la dɩ Wɩa kala nɩɩ tɩŋ. Ŋɩɩ wɩaa laa sʋlma, má sɩ́ leŋe dɩ Wɩa lahɔrɩmɔ-la ʋ sɩ kɛnɛ ma teeŋ ŋaa wʋpɛɩba.

2 Kɔrɩntɩ Nɩaa 6:16

La ŋaa Wɩa-la sɩ weye dɩa nɛ, ʋ hɛ la lɛ. Ŋ bɩ jaŋ wuo jʋʋ Wɩa dɩa a kpaarɛ vʋɩyaa nɩmɛ. Ŋ-la nɛ Wɩa tɩtɩa bʋl ʋ teniŋ tʋɔŋ. Ʋ sɩ, “Mɩ jaŋ hɛ mɩ nɩaa tʋɔŋ a gʋgɔllɛ. Mɩ nɛ jaŋ ŋaa ba Wɩa, dɩ ba ma ŋaa mɩ nɩaa.

Ɛfɛsɩs Nɩaa 2:10

Wɩa nɛ ŋaala. Ʋ ŋaala dɩ la dɩ Kirisito Yesu ŋaa kʋbala nɛ a ŋɩŋaa wʋzɔŋŋɔɔ. Ʋ ŋaa wʋzɔŋŋɔɔ deemba bil la lɛ faa faa kala nɛ dɩ la ŋɩŋaaba.

Koloosi Nɩaa 2:7

Má leŋ dɩ ma naapoloo sʋʋsa jʋʋ-ʋ woruŋ, dɩ ma wuo gʋnnɛ ʋ wɩaa a waa ba lɛ a chɩŋ wɩalɩŋ ma sɩ laa dii lɛ, arɩ ba sɩ dagɛ ma ŋɩɩ. Má faasa lʋlɔllɛ Wɩa woruŋ.

1 Timoti 3:15

dɩ mɩ nɛ ka diene ma, dɩ ma ha wuo jɩŋ ŋɩɩ Wɩa nɩaa mɛlɛ sɩ maga dɩ ʋ nagɛ. Ba nɛ ŋaa nɩalɩŋ sɩ laa Wɩa-la sɩ weye wɩaa dii aa hilimi. Ba nɛ chagɛ wʋtɩtɩɩ-la Wɩa sɩ daga kɩɩ a nagɛ dɩa gentine arɩ jebiiŋ sɩ yie chagɛ dɩa kɩɩ ŋɩɩ.

Hiburu TƖŊŊAA 3:6

Ama Kirisito-na fa ŋaa Wɩa Bii nɛ, a kɛŋ wʋtɩtɩɩ a bibeŋ Wɩa nɩaa. Dɩ la ma nɛ kɛŋ bɔɩ-duoŋ a tɩŋ kɩalɩŋ la sɩɩ yɩɛlʋ wɩaa, la jaŋ wuo ŋaa ʋ nɩaa.

1 Pɩɩta 2:5

Ma ma nagɛ tabɩɩ-la sɩ kɛŋ mɩɩsɩŋ nɛ. Ŋɩɩ wɩaa, má leŋ dɩ Wɩa kɛmma saa ʋ dɩa, a leŋ dɩ ma ŋaa nɩa sɩ́ bɩ disiniŋ kɛnɛ a laa nɩaa nyuŋ a tɩma pʋpʋ, a nagɛ Wɩɩsʋllɩ sɩpaalaaraa. Wɩa chɛ dɩ ma to Yesu Kirisito lɛ nɛ a ŋaa Wɩɩsʋlɩɩ-la sɩ maga a pʋ.

3 Jɔɔŋ 1:8

Ʋ maga dɩ la nɩalɩŋ sɩ laa Wɩa wɩaa dii nɛ pɛ nɩaa deemba lɛ. Dɩ la nɛ ŋaa ŋɩɩ, ʋ naga la ma pɛ ba lɛ nɛ ŋɩɩ wʋtɩtɩɩ wombii-la tɩntɩŋŋaa lɛ.