1 Kɔrɩntɩ Nɩaa 3:8 - WƖA TENIŊ

⁸ Nɩɩ-la sɩ duu kʋdoho-la arɩ nɩɩ-la sɩ ŋaa lɩɩŋ mɩsɛ, ba kala tɩma magɛ dɔŋɔ nɛ. Wɩa jaŋ tiŋ nʋʋkala a magɛ ŋɩɩ ʋ sɩ tɩŋ ʋ tɩntɩmɩɩ-la magɛ.

1 Kɔrɩntɩ Nɩaa 3:8 ပူးပေါင်းရင်းမြစ်များ

WƖA YƖƖLAA 62:12

chonuŋ ma ŋaa ʋ-na La Tɩɩna kʋŋ. Wʋtɩtɩɩ, ŋ jaŋ tiŋ nʋʋkala a magɛ ŋɩɩ ʋ sɩ tɩma magɛ.

NAMAGABA 27:18

Nɩɩ-la kala sɩ chɔnsɛ tɩa-la nɛnɛɛ ba sɩɩ dii a beŋ ʋ nyuŋ, ʋ jaŋ dii ʋ nɛnɛɛ. Nɩɩ-la kala sɩ beŋ ʋ nɩhɩaŋ nyuŋ woruŋ, nɩaa jaŋ zilu.

DANƖƐL 12:3

Nɩalɩŋ sɩ kɛŋ wʋjɩmɩŋ jaŋ tʋtʋl a nagɛ wɩa-nyuŋ kɩaa. Nɩalɩŋ ma sɩ dagɛ nɩaa ba joŋ tʋɔpʋla wombiiŋ jaŋ nagɛ chɛnwʋlaa a kaa mʋ wuu.

Matiu 16:27

Mɩ-na Nuhuobiine Bie jaŋ kɔ arɩ mɩ Nyɩmma tʋla, a pɛ mɩ tɩndaaraa lɛ. Dɩ la nɛ kɔ, Wɩa jaŋ tiŋ nʋʋkala a magɛ ŋɩɩ ʋ sɩ tɩma.

Luuk 19:19

Ŋɩɩ nɛ ʋ kʋhɩaŋ-la bʋla pʋ dɩ ʋ jaŋ bibeŋ tasɩŋ banɔŋ.

Rom Tɩŋŋaa 2:6

Ʋ jaŋ tiŋ nʋʋkala a magɛ ŋɩɩ ʋ sɩ tɩma magɛ.

1 Kɔrɩntɩ Nɩaa 15:58

Ŋɩɩ wɩaa mɩ naambiiriŋ, má chɩŋ wɩalɩŋ ma sɩ laa dii lɛ kpaŋ kpaŋ. Má sɩ́ leŋe dɩ kʋŋkala kɛmma begili. Má fɩɛsɛ sɩɩŋ a tɩŋ La Tɩɩna tɩntɩŋŋaa woruŋ. Ma jɩma arɩ Wɩa tɩntɩmɩɩ-la ma sɩɩ tɩŋ bɩ jaŋ kɔ dɩ ʋ ŋaa pɛɩ.

1 Kɔrɩntɩ Nɩaa 3:14

Dɩ nyiŋ-la nɛ kɔ aŋ bɩ wuo dii kɩalɩŋ nʋʋkala sɩ kaa saa dɩa-la, ʋ tɩɩna jaŋ laa ʋ time.

1 Kɔrɩntɩ Nɩaa 3:7

Nɩɩ-la sɩ duu kʋ-la arɩ nɩɩ-la sɩ ŋaa lɩɩŋ mɩsɛ kala bɩ sɩɩfɩaŋ wɩɩ ŋaa. Wɩa nɛ kɩɩ ba kala, bɛɛ wɩaa ʋ nɛ leŋe ʋ waa.

1 Kɔrɩntɩ Nɩaa 3:9

La kala ŋaa tɩntɩnnɩ-dɔsɛ nɛ a pɛ Wɩa lɛ laa tɩŋ. Ma saa nagɛ Wɩa baga nɛ, a bɩra nagɛ Wɩa dɩa.

1 Kɔrɩntɩ Nɩaa 4:15

Dɩ ma nɛ kɛŋ sɩpaalaaraa sɩɩ dagɛma Kirisito wɩaa, dɩ ba nɛ ŋaa bʋɩ fii ma, ma nyɩmmaba dee ŋɩɩ. Mɩ nɛ ŋaa ma nyɩmma Yesu Kirisito lɛ, bɛɛ wɩaa mɩ nɛ bʋl Wɩa wʋzɔmɔ-la a pɩma.

1 Kɔrɩntɩ Nɩaa 9:7

Laalɩyuori bɛɛ nɛ yie chɛ ʋ tɩtɩa tɩntɩnnɩ kɩaa a kaa tɩtɩŋ? Paarɩ bɛɛ nɛ bɩ ʋ tɩtɩa baga kɩaa ka dii? Nɛ-daarɩ bɛɛ nɛ bɩ ʋ tɩtɩa nayɩlɩŋ ka nyʋa?

Galiisia Nɩaa 6:4

Nʋʋkala maga ʋ beŋ ʋ tɩtɩa wʋŋaalaa lɛ a na dɩ ba tʋʋla nɛ koo ba bɩ tʋʋla. Dɩ ba nɛ tʋʋla, ʋ jaŋ wuo bigisi ʋ tɩtɩa lɛ a tɩŋ ʋ wʋŋaalɩa-la wɩaa, aŋ sɩ́ ʋ tɩtɩa kaa magɩsɛ ʋ dɔnsʋŋ tɩŋŋaa,

Galiisia Nɩaa 6:5

bɛɛ wɩaa nʋʋkala maga dɩ ʋ chʋŋ ʋ tɩtɩa chʋga nɛ.

Hiburu TƖŊŊAA 6:10

Wɩa kɛŋ wʋtɩtɩɩ, ʋ bɩ jaŋ yʋ tɩntɩmɩɩ-la ma sɩ tɩma pʋ arɩ chono-la ma sɩ daga pʋ a pɛ ʋ nɩaa lɛ aŋ ha pɩpɛ ba lɛ.

1 Pɩɩta 5:4

Dɩ ma nɛ ŋaa ŋɩɩ, tapʋlɩɩ-la Yesu Kirisito sɩ jaŋ mɩɩra kɔ, Nɩɩ-la sɩ ŋaa Pie-daaraa kala Kʋhɩaŋ, ʋ jaŋ joŋ kʋ-la sɩ zɔmɔ a kɩɩ kʋŋkala pɩma. Ʋ-na bɩ jaŋ chei.

2 Jɔɔŋ 1:8

Má pɔ ma tɩtɩa lɛ a sɩ́ leŋe dɩ tɩntɩmɩɩ-la ma sɩ tɩma, sɩ́ pɛɩ ŋaa. Ama má tɩŋ ŋɩɩ sɩ maga dɩ Wɩa wuo joŋ ma time kala a pɩma.

Jɔɔŋ Wʋnaalaa 2:23

Mɩ jaŋ ŋmoo ʋ harɩ-tooroo kala kpʋ. Dɩ mɩ nɛ ŋaa ŋɩɩ, nɩalɩŋ kala sɩ laa Yesu wɩaa dii aa hilimi jaŋ jɩŋ arɩ mɩ jɩŋ nʋʋkala tʋɔbɩɩnaa nɛ. Nʋʋkala sɩ tɩma magɛ ŋɩɩ, ŋɩɩ nɛ mɩ jaŋ timu magɛ.

Jɔɔŋ Wʋnaalaa 22:12

Yesu sɩ, “Má bee na, mɩ jaŋ kɔ lɛɛlɛ, mɩ jaŋ kʋ tiŋ nʋʋkala. Nʋʋkala sɩ tɩma magɛ ŋɩɩ, ŋɩɩ tɩtɩa nɛ ʋ jaŋ laa ʋ time.