1 Kɔrɩntɩ Nɩaa 3:6 - WƖA TENIŊ

⁶ Wɩa wɩalɩŋ la sɩ bʋla pɩma nagɛ kʋdoho nɛ la duu. Mɩ nɛ duu kʋdoho-la, Apɔlɔs ma nɛ ŋaa lɩɩŋ a mɩsɛ, ama Wɩa nɛ leŋe ʋ waa.

1 Kɔrɩntɩ Nɩaa 3:6 ပူးပေါင်းရင်းမြစ်များ

WƖA YƖƖLAA 127:1

Dɩ La Tɩɩna nɛ bɩ nʋʋ lɛ pɛ dɩ ʋ saa dɩa, ka dɩ tɩɩna tɩtɩa saa dɩa-la ʋ doluŋ lɛ, tɩɩna lɔlʋŋ jaŋ ŋaa pɛɩ. Dɩ La TƖƖNA nɛ bɩ taŋ pɔ, nɩalɩŋ sɩ pɔ bibeŋ taŋ-la ka beŋ pɛɩ nɛ.

WƖA YƖƖLAA 62:11

Wɩa bʋl wʋbala nɛ ka mɩ nɩɩ wɩaa balɩa: Ʋ sɩ doluŋ kala ŋaa ʋ-na Wɩa kʋŋ nɛ,

WƖA YƖƖLAA 62:9

Nuhuobiine kala nagɛ peliŋ nɛ, la nɩbalaa arɩ nɩbiisiŋ kala bɩ kɩa kala ŋaa. Dɩ ŋ nɛ jomba a hɛ sanɩa lɛ a magɩsɛ, ba bɩ yuŋ kala kɛnɛ.

NAMAGABA 11:25

Dɩ ŋ nɛ ŋaa nʋʋ sɩ bɩ ŋ dʋndʋŋa ka dii, wɩaa jaŋ vɛŋ woruŋ a pɩŋ. Dɩ ŋ nɛ ŋaa lɩɩŋ pɩ nɩaa dɩ ba nyʋa, nɩaa ma jaŋ ŋaa lɩɩŋ pɩŋ dɩ ŋ ma nyʋa.

AZAAYA 61:11

a nagɛ kʋdoho sɩ yie nyʋ lɩɩ tinteeŋ a waa ŋɩɩ baga lɛ, ŋɩɩ tɩtɩa nɛ La TƖƖNA Wɩɩjarɩbakɔ jaŋ laa ʋ nɩaa ta dɩ tinteyee nɩaa kala na a dɛnnʋ.

Tɩntɩŋŋaa 11:18

Ba sɩ nɩɩ wɩɩŋ deeŋ, ba bɩra bɩ wɩɩkala wuo bʋl aŋ dɛnnɛ Wɩa a bʋl, “Wɩa paala pɩ nɩalɩŋ ma sɩ bɩ Juu tɩŋŋaa ŋaa wombiiŋ nɛ dɩ ba wuo bɩrɩma lɩɩ ba wʋbɔŋŋɔɔ lɛ aŋ kɛŋ mɩɩsɩŋ.”

Tɩntɩŋŋaa 14:27

Ba sɩ kɔ Antɩɔk, ba yɩrɛ nɩalɩŋ kala sɩ laa Yesu wɩaa dii a hilimi, a bʋl wʋzɔmɔ-la kala Wɩa sɩ to ba lɛ a ŋaa pɩba, a dagɛba ŋɩɩ Wɩa sɩ wuo suri wombiiŋ a pɩ nɩalɩŋ sɩ bɩ Juu tɩŋŋaa ŋaa, ba ma wuo laa Yesu wɩaa dii.

Tɩntɩŋŋaa 16:14

Haala-la sɩ jegile nɩɩ wɩalɩŋ tʋɔŋ dɔŋɔ yɩrɩŋ nɛ fa Lidia. Ʋ lɩɩ Taataya tinteeŋ nɛ, a biri gɛnnɩŋ yɩyallɛ. Ʋ faa chʋɔlɛ Wɩa nɛ woruŋ. Ʋ sɩ nɩɩ wɩalɩŋ Pɔɔl fa sɩɩ bʋl, Wɩa suri ʋ tʋɔŋ, ʋ laa wɩalɩŋ dii.

Tɩntɩŋŋaa 18:24

Juu tɩɩna ma nɛ fa hɛ nɩmɛ, baa yɩrɛ Apɔlɔs, ʋ lɩɩ Alɛkɩzandɩrɩa nɛ. Ʋ sii kɔ Ɛfɛsɩs. Ʋ fa jɩŋ wɩaa bʋlʋŋ nɛ woruŋ, a jɩŋ Wɩa teniŋ ma woruŋ.

Tɩntɩŋŋaa 19:1

Apɔlɔs fa sɩ hɛ Kɔrɩntɩ lɛ ŋɩɩ, Pɔɔl bɩra gɔllɛ ŋɩɩ a kɔ Ɛfɛsɩs, a na nɩaa dɔnsʋŋ sɩ laa Yesu wɩaa dii.

Tɩntɩŋŋaa 21:19

Ŋɩɩ nɛ Pɔɔl chʋɔlɛba aŋ bʋla pɩba ŋɩɩ kala Wɩa sɩ pɛ ʋ lɛ ʋ tɩŋ tɩntɩŋŋaa nɩalɩŋ sɩ bɩ Juu tɩŋŋaa ŋaa tʋɔŋ.

Rom Tɩŋŋaa 15:18

Mɩ bɩ nyuduoŋ kɛnɛ dɩ mɩ bʋl wɩɩ dɔŋ kala, see tɩntɩmɩɩ-la Kirisito sɩ pɛ mɩ lɛ mɩ tɩŋ, a wuo leŋ nɩalɩŋ sɩ bɩ Juu tɩŋŋaa ŋaa kʋ to Wɩa niiŋ. Wɩalɩŋ mɩ sɩ bʋla arɩ wɩalɩŋ mɩ sɩ ŋaa,

1 Kɔrɩntɩ Nɩaa 1:12

Wɩɩ-la mɩ sɩ nɩa nɛ ŋ-la: Ma dɔŋɔ yie bʋl dɩ ʋʋ to Pɔɔl harɩŋ nɛ, ka dɔŋɔ ma sɩ dɩ ʋʋ to Apɔlɔs harɩŋ nɛ. Dɔŋɔ ma sɩ ʋʋ to Pɩɩta harɩŋ nɛ, ka dɔŋɔ ma sɩ ʋʋ to Kirisito harɩŋ nɛ.

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

1 Kɔrɩntɩ Nɩaa 3:22

Ma nɛ tɩɩ Pɔɔl, a tɩɩ Apɔlɔs, a tɩɩ Pɩɩta, a tɩɩ dʋnɩa, a tɩɩ mɩɩsɩŋ, a tɩɩ sʋʋŋ ma, a tɩɩ lɛɛlɛ arɩ maachie. Ma nɛ tɩɩ ba kala.

1 Kɔrɩntɩ Nɩaa 3:7

Nɩɩ-la sɩ duu kʋ-la arɩ nɩɩ-la sɩ ŋaa lɩɩŋ mɩsɛ kala bɩ sɩɩfɩaŋ wɩɩ ŋaa. Wɩa nɛ kɩɩ ba kala, bɛɛ wɩaa ʋ nɛ leŋe ʋ waa.

1 Kɔrɩntɩ Nɩaa 9:1

Ma sɩ namɛ ŋɩɩ, mɩ bɩ mɩ tɩtɩa tɩɩ? Mɩ bɩ Wɩa nanzɔɔ ŋaa? Mɩ ha bɩ Yesu La Tɩɩna naa? Ma sɩ laa wɩalɩŋ dii bɩ daga arɩ mɩ tɩma pɩ La Tɩɩna nɛɛ?

Ɛfɛsɩs Nɩaa 3:17

Mɩ bɩra sʋlʋ dɩ ma wuo laa Kirisito wɩaa dii woruŋ, dɩ ʋ hɛ ma tʋɔŋ lɛ a leŋ dɩ ma chɩŋ kpaŋ kpaŋ a cho nɩaa.

1 Tɛsalonaaka Nɩaa 1:5

Bʋa-la lɛ la sɩ bʋl Wɩa wʋzɔmɔ-la a pɩma, ʋ bɩ naga arɩ wʋbʋlʋŋ dʋndʋŋa nɛ la kʋ bʋla pɩma. La sɩ hɛ ma teeŋ, Wɩa wʋzɔmɔ-la fa kɛŋ doluŋ, Wɩa Dɩŋ-zɔmʋŋ ma fa hɛ la teeŋ, ka wɩalɩŋ ma sɩ nɩa ma jʋʋ ma dɩgɩlaa woruŋ. La sɩ hɛ ma teeŋ, ma na la mɛlɛ fa sɩ nagɛ ŋɩɩ nɛ. Ma wɩaa nɛ tɩɩ la kɛŋ la tɩtɩa woruŋ ŋɩɩ.