1 Kɔrɩntɩ Nɩaa 3:5 - WƖA TENIŊ

⁵ Kʋbɛɛ nɛ Apɔlɔs? Kʋbɛɛ nɛ Pɔɔl? La ŋaa Wɩa tɩntɩnnaa nɛ. La nɛ bʋl Wɩa wɩaa pɩma ma laa dii. La kʋŋkala tɩŋ tɩntɩmɩɩ-la La Tɩɩna Wɩa sɩ joŋo pɩla dɩ la tɩŋ nɛ.

1 Kɔrɩntɩ Nɩaa 3:5 ပူးပေါင်းရင်းမြစ်များ

Matiu 25:15

Ʋ kɛŋ kɩalɩŋ kaa kpaaba a magɛ ŋɩɩ nʋʋkala sɩ jaŋ wuo beŋ nɛ. Ʋ joŋ warɩpʋla bʋɩ zɔɔ-balɩa a pɩ dɔŋɔ dɩ ʋ bibeŋ, a joŋ warɩpʋla bʋɩ mahɩŋ banɛsɛ a pɩ dɔŋɔ ma, aŋ joŋ warɩpʋla bʋɩ mahɩŋ balɩa a pɩ dɔŋɔ ma. Ŋɩɩ nɛ ka ʋ vɛŋ ʋ wombii-la.

Luuk 1:2

Ba ŋmʋnsɛ wɩalɩŋ kala nɩaa sɩ bʋla pɩla nɛ. Ba nɛ na wɩaa deemba kala a suomi bumbuŋ kala, a ma bʋl Wɩa niiŋ wɩaa a pɩpɩ nɩaa.

Jɔɔŋ 3:27

Ŋɩɩ nɛ Jɔɔŋ bʋl, “Nʋʋkala bɩ jaŋ wuo kɛŋ kʋŋkala, see dɩ Wɩa joŋo pʋ.

Tɩntɩŋŋaa 18:24

Juu tɩɩna ma nɛ fa hɛ nɩmɛ, baa yɩrɛ Apɔlɔs, ʋ lɩɩ Alɛkɩzandɩrɩa nɛ. Ʋ sii kɔ Ɛfɛsɩs. Ʋ fa jɩŋ wɩaa bʋlʋŋ nɛ woruŋ, a jɩŋ Wɩa teniŋ ma woruŋ.

Tɩntɩŋŋaa 19:1

Apɔlɔs fa sɩ hɛ Kɔrɩntɩ lɛ ŋɩɩ, Pɔɔl bɩra gɔllɛ ŋɩɩ a kɔ Ɛfɛsɩs, a na nɩaa dɔnsʋŋ sɩ laa Yesu wɩaa dii.

Rom Tɩŋŋaa 15:16

dɩ mɩ tɩŋ Yesu Kirisito tɩntɩŋŋaa nɩalɩŋ sɩ bɩ Juu tɩŋŋaa ŋaa tʋɔŋ. Mɩ tɩŋ ba tʋɔŋ a nagɛ Wɩɩsʋllɩ sɩpaalaara nɛ, a bʋl Wɩa wʋzɔmɔ-la pɩba. Mɩ ŋaa ŋɩɩ dɩ Wɩa wuo laa nɩalɩŋ sɩ bɩ Juu tɩŋŋaa ŋaa, a nagɛ Wɩɩsʋlʋŋ kɩaa Wɩa Dɩŋ-zɔŋ-la sɩ ŋaa ba bɩ disiniŋ kɛnɛ dɩ mɩ joŋo pɩ Wɩa dɩ ʋ tʋɔtɔrɛ ba nyuŋ.

1 Kɔrɩntɩ Nɩaa 12:28

Ŋɩɩ nɛ tɩɩ nɩalɩŋ sɩ laa Yesu wɩaa dii aa hilimi tʋɔŋ, Wɩa joŋ ma kala hɛ leree nɛ, nɩalɩŋ sɩ laa sɩpaaŋ nɛ Wɩa nanzɔɔba, nɩalɩŋ sɩ tɩgɛ ba lɛ nɛ ŋaa Wɩa wʋlaabʋllaa, nɩalɩŋ sɩɩ to nɛ ŋaa nɩalɩŋ sɩɩ dagɛ Wɩa wɩaa, arɩ nɩalɩŋ ma sɩɩ ŋaa wʋmagɩlaa arɩ nɩalɩŋ ma Wɩa Dɩŋ-zɔmʋŋ sɩ joŋ doluŋ pa ba vɩvaarɛ nɩaa, arɩ nɩalɩŋ sɩɩ pɛ nɩaa lɛ, arɩ nɩalɩŋ sɩɩ beŋ nɩaa, arɩ nɩalɩŋ sɩɩ bʋl wɩaa yikoro-la Wɩa Dɩŋ-zɔŋ-la sɩ pɛ ba lɛ ba bʋbʋl.

1 Kɔrɩntɩ Nɩaa 16:12

Ma jɩŋ la naambie ba sɩɩ yɩrɛ Apɔlɔs nɛ. Mɩ bʋla pʋ woruŋ arɩ ʋ dɩ la naambiiri-la kʋ nama. Ama ʋ bɩ ʋ tɩtɩa kaa hɛ dɔŋɔ dɩ ʋ kɔ lɛɛlɛ. Ama dɩ ʋ na wombiiŋ, ʋ jaŋ kɔ.

1 Kɔrɩntɩ Nɩaa 3:10

Tɩntɩmɩɩ-la mɩ sɩɩ tɩŋ, Wɩa nɛ joŋ doluŋ pɩmɛ. Mɩ nagɛ dɩɩ-saara sɩ jɩŋ dɩa saanɩŋ woruŋ nɛ a bil Wɩa dɩa-la gentine. Nʋʋ ma dɔŋ nɛ saa dɩa-la ʋ jɩl. Nʋʋkala saa fɩɛlɛ ʋ sɩaa ŋɩɩ ʋ sɩɩ saa dɩa-la.

1 Kɔrɩntɩ Nɩaa 3:22

Ma nɛ tɩɩ Pɔɔl, a tɩɩ Apɔlɔs, a tɩɩ Pɩɩta, a tɩɩ dʋnɩa, a tɩɩ mɩɩsɩŋ, a tɩɩ sʋʋŋ ma, a tɩɩ lɛɛlɛ arɩ maachie. Ma nɛ tɩɩ ba kala.

1 Kɔrɩntɩ Nɩaa 3:7

Nɩɩ-la sɩ duu kʋ-la arɩ nɩɩ-la sɩ ŋaa lɩɩŋ mɩsɛ kala bɩ sɩɩfɩaŋ wɩɩ ŋaa. Wɩa nɛ kɩɩ ba kala, bɛɛ wɩaa ʋ nɛ leŋe ʋ waa.

1 Kɔrɩntɩ Nɩaa 9:17

Dɩ mɩ nɛ faa bʋl Wɩa wʋzɔmɔ-la mɩ tɩtɩa tʋɔtɔrʋŋ lɛ, ŋɩɩ nɛ mɩ fa jaŋ chɩchɛ dɩ mɩ laa time. Ama mɩ tɩtɩa tʋɔtɔrʋŋ lɛ dee mɩ tɩtɩŋ, Wɩa nɛ sɩ mɩ tɩŋ.

2 Kɔrɩntɩ Nɩaa 11:23

Ba ŋaa Kirisito tɩntɩnna nɛɛ? Mɩɩ bʋl wɩaa arɩ mɩ nyuŋ tuo nɛ. Mɩ ma ŋaa dɔŋɔ nɛ, a paala kɩɩba. Mɩ nɛ paala fɩɛsɛ sɩɩŋ a tɩŋ kɩŋkɛŋ. Ba kɛmmɛ tɔ dɩa a yʋgɛ nɛ. Ba sɩ ŋmoomi kɩŋkɛŋ mɩ ka mʋa dɩ mɩ sʋba, mɩ bɩ ʋ ma niiŋ jɩŋ.

2 Kɔrɩntɩ Nɩaa 3:3

Ma nɛ saa chaasa dagɛ arɩ ma ŋaa teŋ-la Kirisito sɩ leŋe la ŋmʋnsɛ. Teniŋ deeŋ, ʋ bɩ naga kʋ-la nɩaa sɩ kaa ŋmʋnsɛ tenniŋ nɛ. Wɩa sɩ weye joŋ ʋ Dɩŋ-zɔmʋŋ nɛ a kaa ŋmʋnsɛ wɩalɩŋ hɛ ma tʋɔŋ. Ba saa bɩra bɩ ŋmʋnsa hɛ tabɩɩ-taala lɛ, ama ba ŋmʋnsa hɛ nuhuobiinee tʋɔŋ lɛ nɛ.

2 Kɔrɩntɩ Nɩaa 3:6

Wɩa tɩtɩa nɛ pɩla doluŋ la ŋaa nii-faalɩɩ-la ʋ sɩ hɛ pɩ nuhuobiinee tɩntɩnnaa. Nii-la bɩ naga ʋ ŋaa wɩɩ ba sɩ ŋmʋnsa bil a tuto, ama nii-falɩɩ-la doluŋ lɩɩ Wɩa Dɩŋ-zɔmʋŋ wɩalɩŋ nɛ. Wɩalɩŋ Mosis sɩ ŋmʋnsa bil dɩ nɩaa tuto bɩ nɩaa mɩɩsɩŋ wuo pa, ama Wɩa wʋzɔmɔ-la sɩ lɩɩ ʋ Dɩŋ-zɔŋ-la teeŋ nɩɩ pa mɩɩsɩŋ.

2 Kɔrɩntɩ Nɩaa 4:1

Wɩa nɛ fá la nenige a joŋ tɩntɩmɩŋ deeŋ pɩla dɩ la tɩtɩŋ, ŋɩɩ wɩaa la nandaasɩŋ bɩ yʋɔrɛ.

2 Kɔrɩntɩ Nɩaa 4:5

Wɩalɩŋ la sɩɩ bʋl, ʋ bɩ naga la tɩtɩa wɩaa nɛ la bʋbʋl, ama Yesu Kirisito wɩaa nɛ la bʋbʋl, Nɩɩ-la sɩ tɩɩ nʋʋkala. Ʋ wɩaa nɛ tɩɩ la tɩma pɩpɩma.

2 Kɔrɩntɩ Nɩaa 4:7

La nagɛ pupoyee nɛ, Wɩa joŋ kʋzɔmʋŋ deeŋ a tʋɔlɛ la tʋɔŋ lɛ. Ŋ-la saa daga arɩ dol-bal-la ŋaa Wɩa kʋŋ nɛ. La dee bɩ ʋ tɩɩ.

2 Kɔrɩntɩ Nɩaa 5:18

Wʋfalaa deemba kala lɩɩ Wɩa teeŋ nɛ. Wɩa to Kirisito lɛ nɛ a leŋ ʋ dɩ nɩaa sɩŋ. Tɩntɩmɩɩ-la Wɩa sɩ joŋo pɩla nɛ ŋ-la: dɩ la mʋ bʋla pɩ nɩaa dɩ ba kɔ, dɩ ba dɩ Wɩa ŋaa sɩma.

2 Kɔrɩntɩ Nɩaa 6:1

Tɩntɩmɩɩ-la la sɩɩ tɩŋ, la dɩ Wɩa kala nɩɩ tɩŋ. Ŋɩɩ wɩaa laa sʋlma, má sɩ́ leŋe dɩ Wɩa lahɔrɩmɔ-la ʋ sɩ kɛnɛ ma teeŋ ŋaa wʋpɛɩba.

2 Kɔrɩntɩ Nɩaa 6:4

Ŋɩɩ wɩaa wɩɩ-na kala la sɩɩ ŋaa lɛ, la yie dagɛ arɩ la ŋaa Wɩa tɩntɩnnaa nɛ. Wʋwalɩmaa yie jʋʋla, la nɩna hɛɛŋ, la tʋɔŋ faasa chei, ama la yie faasa nyalɩmɛ nɛ.

Ɛfɛsɩs Nɩaa 3:7

Wɩa leŋe mɩ ŋaa ʋ tɩntɩnnʋ nɛ, dɩ mɩ bʋl Yesu wʋzɔmɔ-la a pɩ nɩaa. Ʋ lahɔrɩmɔ lɛ nɛ ʋ dii zile mɩ lɛ a joŋ ʋ doluŋ pɩmɛ mɩ kaa tɩtɩŋ.

Koloosi Nɩaa 1:23

Kirisito jaŋ ŋaa wɩalɩŋ pɩma, dɩ ma nɛ chɩŋ wɩalɩŋ ma sɩ laa dii lɛ kpaŋ kpaŋ, aa yɩɛlɛ wɩalɩŋ ba sɩ bʋla Wɩa wʋzɔmɔ-la tʋɔŋ. Ma nɩɩ Wɩa wʋzɔŋŋɔɔ deemba ba sɩ bʋla pɩ nɩaa dʋnɩa lee-kala nɛ. Mɩ-na Pɔɔl ma kʋ ŋaa Wɩa tɩntɩnnaa dɔŋɔ aa bʋl Wɩa wʋzɔŋŋɔɔ deemba.

Koloosi Nɩaa 1:25

Mɩ kʋ ŋaa nɩalɩŋ sɩ laa Yesu wɩaa dii aa hilimi tɩntɩnnʋ nɛ. Wɩa nɛ lɩɩsɛmɛ dɩ mɩ tɩŋ tɩntɩmɩŋ deeŋ, dɩ mɩ bʋl Wɩa niiŋ wɩaa kala a pɩma.

1 Timoti 1:12

Mɩɩ lɔllɛ La Tɩɩna Kirisito Yesu, bɛɛ wɩaa ʋ nɛ bene dɩ mɩ maga dɩ mɩ bʋl ʋ niiŋ wɩaa pɩ nɩaa. Ŋɩɩ nɛ tɩɩ ʋ lɩɩsɛmɛ dɩ mɩ tɩma pʋ. Ʋ nɛ pɩmɛ doluŋ dɩ mɩ wuo tɩtɩŋ tɩntɩmɩŋ deeŋ.

1 Pɩɩta 4:10

Wɩa joŋ doluŋ pɩ nɩaa dɩ ba kaa tɩŋ tɩntɩŋ-dosunuŋ nɛ. Ŋɩɩ wɩaa nʋʋkala kɛŋ wɩɩ-la Wɩa sɩ joŋo pʋ a kaa pɩpɛ ʋ dɔnsʋŋ tɩŋŋaa lɛ.