1 Kɔrɩntɩ Nɩaa 3:18 - WƖA TENIŊ

¹⁸ Nʋʋkala sɩ́ ʋ tɩtɩa nyɩsʋ. Dɩ nʋʋ nɛ hɛ ma tʋɔŋ a bɩɩnɛ arɩ ʋ kɛŋ wʋjɩmɩŋ dʋnɩa deeŋ lɛ, ʋ maga dɩ ʋ bɩrɩmɛ nɩyaarɩ nɛ a wuo kɛŋ wʋjɩmɩɩ-la sɩ lɩɩ Wɩa teeŋ.

1 Kɔrɩntɩ Nɩaa 3:18 ပူးပေါင်းရင်းမြစ်များ

NAMAGABA 26:12

Dɩ ŋ nɛ na nʋʋ sɩ bɩɩna ʋ jɩŋ wɩɩkala nɛ aŋ bɩ wɩɩ jɩŋ, nɩyaarɩŋ nɛ kpɩaʋ.

NAMAGABA 3:5

Laa La Tɩɩna dii arɩ ŋ tʋɔŋ kala, aŋ sɩ́ ŋ tɩtɩa tʋɔbɩɩnaa lɛ to.

NAMAGABA 3:7

Sɩ́ ŋ tɩtɩa joŋ arɩ ŋ ŋaa wʋjɩnnʋ, fá La Tɩɩna aŋ lɩɩsɛ ŋ tɩtɩa wʋbɔŋ kala lɛ.

NAMAGABA 5:7

Lɛɛlɛ, mɩ biiri, ma jegile nɩɩ mɩ teeŋ, má pʋpɔ ma sɩ́ wɩalɩŋ mɩ sɩ bʋla lɛ begilu.

AZAAYA 44:20

Ɛɛ nɛ nɩa yaara magɛ, a sii joŋ ʋ yɩɛlaa hɛ kʋŋ sɩ jaŋ wuo dii a bɩrɩmɛ tʋɔrʋŋ lɛ? Nʋʋkala bɩ jaŋ wuo to ŋ-la a laa ʋ tɩtɩa ta. Ba bɩ jaŋ wuo jɩma pɩ ba tɩtɩa arɩ kʋ-la ba sɩ koro bɩ wʋtɩtɩɩ kɛnɛ.

AZAAYA 5:21

Wɩɩŋ puu ma nɩalɩŋ sɩ bɩɩna dɩ ba kɛŋ wʋjɩmɩŋ nɛ, a na ba tɩtɩa arɩ ba nɛ ŋaa wʋjɩnnaa.

JƐRƖMAAYA 37:9

Wɩɩ-la mɩ-na ma TƖƖNA sɩ bʋla nɛ ŋ-la: Má sɩ́ ma tɩtɩa nyɩsʋ a bʋl, ‘Babɩlɔŋ tɩmma-la jaŋ lenla.’ Ba bɩ jaŋ lemma.

JƐRƖMAAYA 8:8

Ɛɛ nɛ ma jaŋ wuo bʋl, ‘La ŋaa wʋjɩnna nɛ, bɛɛ wɩaa la kɛŋ La TƖƖNA wombii-la ʋ sɩ bile dɩ la tuto nɛ.’ Ka nɩalɩŋ sɩɩ ŋmʋnsɛ tenniŋ kɛŋ wɩalɩŋ kaa bɩrɩmɛ wʋnyɩɛrɩŋ?

Matiu 13:22

Kɩalɩŋ sɩ tel sɔsʋŋ tʋɔŋ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ, ama dʋnɩa wɩaa arɩ dʋnɩa kɩaa wɩaa wʋwalɩmɛba, ba cho dɩ ba jige aa chɛ kʋŋkala. A tɩŋ wɩaa deemba, ba bɩ sɛɩ dɩ ba to wɩalɩŋ. Wɩalɩŋ bɩ doho kɛnɛ ba teeŋ.

Matiu 18:4

Nɩɩ-la sɩ kɛŋ ʋ tɩtɩa muuri a nagɛ hambie, ʋ nɛ kɩɩ ʋ dɔnsʋŋ tɩŋŋaa Wɩa kuorii-la tʋɔŋ.

Maak 10:15

Wʋtɩtɩɩ nɛ mɩ bʋlaa pɩma, dɩ ŋ bɩ Wɩa to a nagɛ hambie sɩ yie to ʋ nyɩmma arɩ ʋ naaŋ ŋɩɩ, ŋ bɩ jaŋ wuo jʋʋ Wɩa kuorii-la tʋɔŋ.”

Luuk 18:17

Ʋ bɩra bʋla pɩ nɩaa a bʋl, “Wʋtɩtɩɩ nɛ mɩ bʋlaa pɩma, nɩɩ-la kala sɩ bɩ Wɩa to a nagɛ hambie sɩ yie to ʋ nyɩmma arɩ ʋ naaŋ ŋɩɩ, ʋ bɩ jaŋ wuo jʋʋ Wɩa kuorii-la tʋɔŋ.”

Luuk 21:8

Ŋɩɩ nɛ Yesu bʋla pɩba, “Má kɛŋ ma tɩtɩa woruŋ dɩ nʋʋkala sɩ́ ma nyɩsʋ,” a bɩra bʋl, “Nɩaa jaŋ yʋgɛ a kɔ a joŋ mɩ yɩrɩŋ hɛ arɩ ba nɛ ŋaa Kirisito, a bʋl dɩ bʋa-la dʋnɩa sɩ jaŋ dɛrɛ kpaga nɛ. Ama má sɩ́ ba harɩŋ to.

Rom Tɩŋŋaa 11:25

Mɩ naambiiriŋ, wɩaa nɛ hɛ nɩmɛ Wɩa fa joŋo faama, mɩɩ chɛ dɩ ma jɩŋ. Wɩɩ-la jaŋ ŋaa dɩ ma sɩ́ bɩɩna bʋl arɩ ma kɛŋ wʋjɩmɩŋ a bibigisi ma tɩtɩa lɛ. Wɩɩ-la nɛ ŋ-la: Iziral tɩŋŋaa sɩ kɛŋ nyu-duo-la, ba bɩ jaŋ kɛnʋ wuu. Bʋa-la lɛ dɩ nɩalɩŋ sɩ bɩ Juu tɩŋŋaa ŋaa nɛ kʋ yʋgɛ a laa Wɩa wɩaa dii, Iziral tɩŋŋaa nyu-duo-la jaŋ dɛrɛ.

Rom Tɩŋŋaa 12:16

Má chɩl dɔŋɔba wɩaa, má sɩ́ ma tɩtɩa kaa yʋgɛ. Má kɛŋ ma tɩtɩa mɛrɛ nɩalɩŋ sɩ bɩ nɩbala ŋaa lɛ. Má sɩ́ bɩɩna arɩ ma kɛŋ wʋjɩmɩŋ.

1 Kɔrɩntɩ Nɩaa 15:33

Ama ma sɩ́ ma tɩtɩa nyɩsʋ. Dɩ ŋ nɛ ŋaa nɩzɔŋ aŋ tuto nɩbɔŋŋɔɔ harɩŋ, ŋ ma jaŋ kʋ ŋaa nɩbɔŋ.

1 Kɔrɩntɩ Nɩaa 3:17

Ŋɩɩ wɩaa, dɩ nʋʋkala nɛ chei Wɩa dɩa-la, Wɩa ma jaŋ chei ʋ tɩɩna. Wɩa dɩa bɩ disiniŋ kɛnɛ. Ma nɛ saa ŋaa dɩa-la.

1 Kɔrɩntɩ Nɩaa 4:10

A tɩŋ Kirisito wɩaa, la ŋaa nɩyaara nɛ, ka ma-na kɛŋ wʋjɩmɩŋ Kirisito teeŋ. La-na ŋaa puwuolo nɛ, aŋ ka ma-na ŋaa nɩduori. Nɩaa mʋmɔŋ la lɛ aŋ zizilma.

1 Kɔrɩntɩ Nɩaa 6:9

Ma bɩ jɩŋ arɩ nɩbɔŋŋɔɔ bɩ jaŋ wuo jʋʋ Wɩa kuorii-la tʋɔŋ? Má sɩ́ ma tɩtɩa nyɩsʋ. Nɩalɩŋ sɩɩ ŋaa wʋlɩɩlɩŋ arɩ nɩalɩŋ sɩɩ kpaarɛ vʋɩyaa, arɩ bachɔrʋmɔɔ arɩ hachɔrʋmɔɔ, arɩ baalaa koo haalaa balɩa sɩ jaa dɔŋɔ, arɩ baala-la koo haala-la sɩ gɔllɛ lee-kala a ŋɩŋaa ba-lɩɩlɩ koo hachɔrʋŋ wɩaa,

Galiisia Nɩaa 6:3

Dɩ nʋʋ nɛ bɩɩna arɩ ʋ ŋaa nʋʋ nɛ, aŋ bɩ nʋʋ ŋaa, ʋʋ nyɩsɛ ʋ tɩtɩa nɛ.

Galiisia Nɩaa 6:7

Má sɩ́ ma tɩtɩa nyɩsʋ. Nʋʋkala bɩ Wɩa wuo mɔŋ. Kʋ-la ŋ sɩ duo, ʋ tɩtɩa nɛ ŋ jaŋ kʋŋ.

Ɛfɛsɩs Nɩaa 5:6

Má sɩ́ leŋe dɩ nʋʋkala kɛŋ wʋnyɩɛrɩŋ a nyɩsɛma. Wɩaa deemba nɛ leŋe Wɩa baanɩŋ sisii nɩalɩŋ sɩ bɩ ʋ niiŋ ka to nyuŋ.

2 Timoti 3:13

Ama nɩbɔŋŋɔɔ arɩ nɩalɩŋ sɩ gɔllɔɔ nyɩsɛ nɩaa jaŋ wasa ŋɩŋaa wʋbɔŋŋɔɔ. Ba jaŋ nyɩsɛ nɩaa aŋ pɛ nyɩnyɩsɛ ba tɩtɩa maa.

Taatɩs 3:3

La ma tɩtɩa fa ŋaa nɩyaara nɛ, a fa bɩ Wɩa niiŋ to, wʋbɔŋŋɔɔ fa leŋ la yeŋŋi. La fa to la tʋɔtɔrɛ wʋŋaalaa harɩŋ nɛ a bɩrɩmɛ ba yosi. La fa cho dɩ nɩaa jʋʋ wʋbɔŋŋɔɔ a fa kɛŋ yarɩ-bieriŋ dɔŋɔ lɛ. Nɩaa fa bɛrɛla, la ma fa bɛrɛba.

Jeems 1:22

Ʋ maga dɩ ma ŋɩŋaa wɩalɩŋ Wɩa sɩ sɩ ma ŋɩŋaa nɛ. Ʋ bɩ maga dɩ ma nɩnɩɩ wɩalɩŋ dʋndʋŋ. Dɩ ma nɩ́ɩ nɩɩ wɩalɩŋ aŋ bɩbaa ŋaa, maa nyɩsɛ ma tɩtɩa nɛ.

Jeems 1:26

Dɩ nʋʋ nɛ joŋ ʋ tɩtɩa arɩ ʋʋ to Wɩa nɛ, aŋ bɩ ʋ tɩtɩa kɛnɛ arɩ wɩalɩŋ ʋ sɩɩ bʋl lɛ, ʋʋ nyɩsɛ ʋ tɩtɩa nɛ. Ʋ Wɩɩ-chʋɔlʋŋ ŋaa pɛɩ nɛ.

1 Jɔɔŋ 1:8

Dɩ la nɛ sɩ la bɩ wʋbɔŋŋɔɔ ŋaa, laa nyɩsɛ la tɩtɩa nɛ. La bɩ wʋtɩtɩɩ kɛnɛ.