1 Kɔrɩntɩ Nɩaa 3:12 - WƖA TENIŊ

¹² Dɩ nʋʋ nɛ joŋ sɛlɩmɛ kaa saa dɩa-la, koo hɔpʋla, koo tabɩɩ-zɔŋŋɔɔ nɛ, koo daa-borusuŋ, koo mɔsʋŋ, koo kaha,

1 Kɔrɩntɩ Nɩaa 3:12 ပူးပေါင်းရင်းမြစ်များ

WƖA YƖƖLAA 119:72

Wombii-la ŋ sɩ bile dɩ la tuto kɛŋ nyʋʋrʋŋ mɩ teeŋ, a kɩɩ moribie-la kala sɩ hɛ dʋnɩa lɛ.

WƖA YƖƖLAA 19:10

Ba nɛ yuŋŋie kɩɩ sɛlɩmɛ, ba nɛ zɔmɔ kɩɩ sɛlɩmɛ sɩ chaasa zɔŋ. Ba nɛ sɩma ma a kɩɩ tʋʋŋ, ba nɛ sɩma kɩɩ tʋʋ-pɛɛŋ.

MOSIS KƐŊ IZIRAL TƖŊŊAA LƖƖ 5:12

Ŋɩɩ nɛ nɩalɩŋ pɩsɛ Ijipiti tinteeŋ kala lɛ a gɔllɔ chɩchɛ viri-yaŋ.

NAMAGABA 16:16

Ŋ sɩ kɛŋ wʋjɩmɩŋ nɛ kpɩa ŋ sɩ kɛŋ sɛlɩmɛ, ŋ sɩ jɩŋ wɩaa sɩaa ma nɛ kpɩa ŋ sɩ kɛŋ hɔpʋla.

NAMAGABA 30:6

Pʋpɔ ŋ sɩ́ wɩɩ kaa pɛ ʋ niiŋ wɩaa lɛ. Dɩ ŋ ŋaa ŋɩɩ, ʋ jaŋ kɛnɩŋ tʋra kɩɩ a leŋ dɩ ŋ jɩŋ arɩ ŋ ŋaa wʋnyɩɛrʋ nɛ.”

NAMAGABA 8:10

Má joŋ wɩalɩŋ mɩ sɩɩ dagɛma aŋ leŋ hɔpʋla. Má cho wʋjɩmɩŋ a kɩɩ sɛlɩmɛ.

AZAAYA 60:17

Mɩ jaŋ joŋ sɛlɩmɛ pɩŋ aŋ leŋ kɔlɩɩŋ, a joŋ hɔpʋla ma pɩŋ aŋ leŋ hɔ-bine, a joŋ kɔlɩɩŋ pɩŋ aŋ leŋ daasɩŋ, aŋ joŋ hɔ-bine pɩŋ aŋ leŋ tabɩaa. Mɩ jaŋ leŋ dɩ nɩalɩŋ sɩɩ beniŋ kɛnɩŋ hɔŋ sɔm, ŋ sɩpaalaaraa jaŋ ŋaa tʋɔpʋl tɩmma.

JƐRƖMAAYA 23:28

Leŋ dɩ wʋnyɩɛrɩ wʋlaabʋlla-la sɩ kɛŋ duosoo wɩaa ba bʋbʋl, ama nɩalɩŋ ma sɩ kɛŋ mɩ wɩaa, ba bʋlba arɩ wʋtɩtɩɩ. Sekeliŋ arɩ mɩɩ-biiŋ bɩ dɔŋɔ maga, La TƖƖNA nɛ bʋla.

Tɩntɩŋŋaa 20:30

Nɩaa jaŋ paala lɩɩ ma tʋɔŋ ma a kɛŋ wɩalɩŋ kaa bɩrɩmɛ, a nyɩsɛ nɩalɩŋ sɩ laa Yesu wɩaa dii dɩ ba mɩɩrɛ harɩŋ a toba.

Rom Tɩŋŋaa 16:17

Mɩɩ sʋlma nɛ mɩ naambiiriŋ dɩ ma kɛŋ ma tɩtɩa arɩ nɩalɩŋ sɩ yie kɛŋ nɩaa pʋpɔrɛ lɛ a leŋ ma yiyeŋŋi wombii-la la sɩ dagɛma ma tuto lɛ. Má lɩɩsɛ ma tɩtɩa ba lɛ.

1 Kɔrɩntɩ Nɩaa 3:11

Wɩa laa sɩpaaŋ nɛ a joŋ Yesu Kirisito dɩ ʋ ŋaa ʋ dɩa-la gentine. Nʋʋkala bɩra bɩ jaŋ wuo bil dɩa-la gentine doho.

1 Kɔrɩntɩ Nɩaa 3:13

dɩ Kirisito nɛ mɩɩra kɔ tapʋlɩɩ-la, kɩalɩŋ nʋʋkala sɩ kaa saa dɩa-la, ba jaŋ naʋ. Nyiniŋ nɛ jaŋ dagɛ kʋ-la ba sɩ kaa saa nagɩsɩŋ. Ba jaŋ to ŋɩɩ lɛ a jɩŋ tɩntɩmɩɩ-la nʋʋkala sɩ tɩma.

2 Kɔrɩntɩ Nɩaa 2:17

Nɩaa yʋga nɛ a gɔllɔ bʋbʋl Wɩa niiŋ wɩaa a lɩlaa moribiee, ama la-na bɩ ŋɩɩ ŋaa. La-na ŋaa nɩtɩtɩɩba nɛ. Wɩa nɛ lɩɩsɛla dɩ la tɩŋ tɩntɩmɩŋ deeŋ. Kirisito doluŋ lɛ nɛ laa bʋl Wɩa wɩaa.

2 Kɔrɩntɩ Nɩaa 4:2

Hɩɩsɩ wɩalɩŋ arɩ wʋkaa-faalɩɩ-la nɩaa sɩ lʋara ŋɩŋaa, la-na vɩaba ta nɛ faafaa kala. La bɩra bɩ nʋʋ nyɩsɛ. La bɩ wɩaa nyɩɛ pɩpɛ Wɩa niiŋ wɩalɩŋ lɛ. Ama Wɩa sɩpaaŋ la chaasa bʋl wɩaa, dɩ nʋʋkala tʋɔbɩɩnaa jɩŋ arɩ wʋtɩtɩɩ nɛ la bʋbʋl.

Koloosi Nɩaa 2:8

Má sɩ́ leŋe dɩ nʋʋkala nyɩsa kɛsɛma dɩ ma tou. Baa dagɛma nuhuobiine wʋjɩmɩŋ nɛ, aa nyɩsɛma arɩ wɩalɩŋ sɩ bɩ bʋbʋɔ kɛnɛ. Ba to nuhuobiinee naabalɩma wɛnɩŋ nɛ a dagɛ dɩ-suomuŋ wɩaa dʋnɩa nɩaa sɩɩ to. Wɩaa deemba bɩ Kirisito teeŋ lɩa.

1 Timoti 6:3

Nɩɩ-la kala sɩ bɩ wʋtɩtɩɩba-la La Tɩɩna Yesu Kirisito sɩ bʋla daga aŋ dagɛ wʋtanɩɩ, wɩalɩŋ sɩ bɩ la Wɩɩchʋɔlɛ wombiiŋ ka to,

2 Timoti 2:20

Nɩaa nagɛ gbansɩ-la sɩ hɛ nɩaa dɩɩsɩŋ lɛ nɛ. Dɔnsʋŋ ŋaa sɛlɩmɛ gbansɩŋ, dɔnsʋŋ ŋaa taasɩ-gbansɩŋ, dɔnsʋŋ ma ŋaa daaŋ gbansɩŋ, dɔnsʋŋ ma ŋaa hɛnsɩŋ. Dɔnsʋŋ ba yie joŋo bil nɛ a kaa didii kɩaa chɛ-zɔŋŋɔɔ, aŋ kɛŋ dɔnsʋŋ ma kaa didii kɩaa tapʋlɩɩ na-kala.

2 Timoti 3:13

Ama nɩbɔŋŋɔɔ arɩ nɩalɩŋ sɩ gɔllɔɔ nyɩsɛ nɩaa jaŋ wasa ŋɩŋaa wʋbɔŋŋɔɔ. Ba jaŋ nyɩsɛ nɩaa aŋ pɛ nyɩnyɩsɛ ba tɩtɩa maa.

2 Timoti 3:7

Haalaa deemba yie cho wʋfalaa gʋnnʋŋ ama ba bɩ wʋtɩtɩɩ-la wuo jɩŋ.

2 Timoti 4:3

Ŋaa ŋɩɩ, bɛɛ wɩaa bʋa kʋbala jaŋ yi, nɩaa bɩ jaŋ jegili Wɩa wʋtɩtɩɩ-la ba sɩ jaŋ dagɛba. Ama ba jaŋ to ba tɩtɩa tʋɔtɔrʋŋ lɛ a chɛ kɛsɛ kerichiba yʋgɛ sɩ jaŋ dɩdagɛba wɩalɩŋ ba sɩ cho dɩ ba nɩa.

Hiburu TƖŊŊAA 13:9

Má sɩ́ leŋe dɩ nɩaa dɔnsʋŋ kɛŋ wʋtanɩa kʋ dagɛma dɩ ma yeŋŋi. Wɩa lahɔrɩmɔ lɛ nɛ la jaŋ wuo kɛŋ doluŋ a ŋaa wɩalɩŋ Wɩa sɩɩ chɛ, kʋdiilee kɩsɩnɩŋ lɛ dee. Nɩalɩŋ tɩtɩa sɩɩ to kʋdiilee kɩsɩnɩ-la ŋɩɩ bɩ ba lɛ ka pɛ.

1 Pɩɩta 1:7

Wɩaa deemba jʋʋma dɩ ba magɩsɛ ŋɩɩ ma sɩ laa Wɩa dii nɛ, a leŋ nɩaa wuo na arɩ ʋ sɛnɛ ŋaa wʋtɩtɩɩ nɛ. Ʋ nagɛ sɛlɩmɛ ba sɩ joŋo chɔ a yʋgɩlɛ dɩ ba na ʋ sɛnɛ ŋaa sɛlɩmɛ nɛɛ? Ba sɩ joŋ sɛlɩmɛ chɔ ŋɩɩ ma kala, ʋ bɩ dieni ka dɩ ʋ chei. Ma Wɩa laa diiniŋ nɛ yuŋŋie a kɩɩ sɛlɩmɛ. Ba sɩ magɩsɛma na ŋɩɩ, tapʋlɩɩ-la Yesu Kirisito sɩ jaŋ mɩɩra kɔ, nɩaa jaŋ dɛnnɛ Wɩa a zizilu dɩ ʋ yɩrɩŋ yɩrɛ a tɩŋ wɩalɩŋ ma sɩ laa dii wɩaa.

Jɔɔŋ Wʋnaalaa 2:14

Ma ŋaa kukeri nɛ, ama wɩaa baŋmɛnɛ nɛ ma ŋaa chei. Nɩaa dɔnsʋŋ hɛ ma tʋɔŋ a tuto wɩalɩŋ baal-la ba sɩɩ yɩrɛ Balam fa sɩɩ dagʋ. Ʋ nɛ dagɛ kuoru kʋbala baa yɩrɛ Balak dɩ ʋ nyɩsɛ Iziral tɩŋŋaa dɩ ba didii vʋɩyaa kɩaa aŋ pɛ ŋɩŋaa wʋlɩɩlɩŋ.

Jɔɔŋ Wʋnaalaa 21:18

Ba kɛŋ tabɩa-la ba sɩɩ yɩrɛ jasɩpa nɛ kaa saa kɛrɛ-la, aŋ ka tabal-la kala ŋaa sɛlɩmɛ, a kala chaanɛ pɩrr a nagɛ beenantɩrɛ.

Jɔɔŋ Wʋnaalaa 3:18

Ŋɩɩ wɩaa mɩ bʋlaa pɩma dɩ ma yɔɔ sɛlɩmɛ-la ba sɩ chɛsɛ mɩ teeŋ, a ma wuo kɛŋ kɩaa, a yɔɔ gɛrɩ-pʋllʋŋ ma a laala tɔ ma yarɩ-biree, dɩ hɩɩsɩŋ sí ma kɛŋ. Má yɔɔ nʋʋŋ ma a hɛ ma sɩaa a wuo nɩna.