1 Kɔrɩntɩ Nɩaa 3:11 - WƖA TENIŊ

¹¹ Wɩa laa sɩpaaŋ nɛ a joŋ Yesu Kirisito dɩ ʋ ŋaa ʋ dɩa-la gentine. Nʋʋkala bɩra bɩ jaŋ wuo bil dɩa-la gentine doho.

1 Kɔrɩntɩ Nɩaa 3:11 ပူးပေါင်းရင်းမြစ်များ

AZAAYA 28:16

Wɩɩ-la La TƖƖNA Wɩɩjarɩbakɔ sɩ bʋla nɛ ŋ-la, “Má bee na, mɩ joŋ tabɩɩŋ mɩ sɩ magɩsa a jɩŋ ʋ maŋŋaa nɛ a bil Zaayɔŋ lɛ, ʋ ŋaa je-gʋnʋŋ tabɩɩ-zɔŋ nɛ sɩ jaŋ leŋ dɩ Zaayɔŋ gentine chɩŋ kpaŋkpaŋ. Dɩ nʋʋ nɛ laa tabɩɩ-la wɩaa dii, hɩɩsɩŋ bɩ jaŋ dii tɩɩna.

Matiu 16:18

Ŋɩɩ wɩaa Pɩɩta, mɩ bʋlaa pɩŋ arɩ ŋ nagɛ bʋŋ nɛ. Bʋŋ-la nyuŋ nɛ mɩ jaŋ saa nɩalɩŋ sɩ laa mɩ wɩaa dii dɩa. Sʋʋŋ ma bɩ jaŋ wuo yigi dɩa-la lo.

1 Kɔrɩntɩ Nɩaa 3:10

Tɩntɩmɩɩ-la mɩ sɩɩ tɩŋ, Wɩa nɛ joŋ doluŋ pɩmɛ. Mɩ nagɛ dɩɩ-saara sɩ jɩŋ dɩa saanɩŋ woruŋ nɛ a bil Wɩa dɩa-la gentine. Nʋʋ ma dɔŋ nɛ saa dɩa-la ʋ jɩl. Nʋʋkala saa fɩɛlɛ ʋ sɩaa ŋɩɩ ʋ sɩɩ saa dɩa-la.

1 Kɔrɩntɩ Nɩaa 3:12

Dɩ nʋʋ nɛ joŋ sɛlɩmɛ kaa saa dɩa-la, koo hɔpʋla, koo tabɩɩ-zɔŋŋɔɔ nɛ, koo daa-borusuŋ, koo mɔsʋŋ, koo kaha,

Ɛfɛsɩs Nɩaa 2:20

Ma nagɛ tie-biee Wɩa sɩ kaa sɩsaa ʋ dɩa nɛ. Wɩa nanzɔɔba arɩ Wɩa wʋlaabʋllaa nɛ ŋaa dɩa-la gentine. Kirisito Yesu tɩtɩa nɛ ŋaa tie-bii-duo-la ba sɩ kaa bil dɩa-la gentine.

2 Timoti 2:19

Ama dɩa gentiŋ-duo-la Wɩa sɩ bile pɩ ʋ nɩaa, ʋ bɩ jaŋ wuo jigisi. Wɩalɩŋ ba sɩ ŋmʋnsa hɛ ʋ lɛ nɛ ŋ-la: “La Tɩɩna Wɩa jɩŋ nɩalɩŋ sɩ ŋaa ʋ nɩaa nɛ.” Ba bɩra ŋmʋnsa arɩ ʋ maga dɩ nɩɩ-la kala sɩ sɩ ʋ ŋaa Wɩa nʋʋ nɛ, dɩ ʋ leŋ wʋbɔŋŋɔɔ ŋaanɩŋ.

1 Pɩɩta 2:4

Ŋɩɩ wɩaa, má kʋ kpagɛ La Tɩɩna Kirisito, Nɩɩ-la sɩ nagɛ tabɩɩ-la sɩ kɛŋ mɩɩsɩŋ. Nɩaa vɩaʋ ta nɛ, ama Wɩa nɛ lɩɩsʋ ʋ ŋaa kʋzɔŋ ʋ teeŋ.