1 Kɔrɩntɩ Nɩaa 3:10 - WƖA TENIŊ

¹⁰ Tɩntɩmɩɩ-la mɩ sɩɩ tɩŋ, Wɩa nɛ joŋ doluŋ pɩmɛ. Mɩ nagɛ dɩɩ-saara sɩ jɩŋ dɩa saanɩŋ woruŋ nɛ a bil Wɩa dɩa-la gentine. Nʋʋ ma dɔŋ nɛ saa dɩa-la ʋ jɩl. Nʋʋkala saa fɩɛlɛ ʋ sɩaa ŋɩɩ ʋ sɩɩ saa dɩa-la.

1 Kɔrɩntɩ Nɩaa 3:10 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 2:12

Ʋ bɩra bʋl: “Má dɛnnɛ La TƖƖNA Iziral tɩŋŋaa Wɩa sɩ ŋaa wɩa-nyuŋ arɩ tinteeŋ. Ʋ joŋ hambolibie sɩ kɛŋ wʋjɩmɩŋ, a jɩŋ wɩaa sɩaa woruŋ a pɩ Devit dɩ ʋ nɛ saa dɩa a pɩ La TƖƖNA arɩ ʋ tɩtɩa kuoru dɩa.

MOSIS KƐŊ IZIRAL TƖŊŊAA LƖƖ 36:4

Ŋɩɩ nɛ nɩalɩŋ kala sɩ kɛŋ jɩma aa tɩŋ Wɩa dɩ-zɔŋ-la tɩntɩŋŋaa leŋ ba tɩntɩŋŋaa,

NAMAGABA 12:8

Dɩ nʋʋ nɛ kɛŋ wʋjɩmɩŋ, nɩaa jaŋ bɛsɛ ʋ lɛ. Ama dɩ nʋʋ nɛ yaara, nɩaa sɩaa bɩ ʋ ka su.

NAMAGABA 9:1

Wʋjɩmɩŋ saa ʋ dɩa nɛ a hɛ jebii duduosuŋ balɩpɛ.

TƖƖCHA 12:9

Nɩɩ-la sɩɩ dagɛ nɩaa fa kɛŋ wʋjɩmɩŋ nɛ woruŋ, a joŋ wɩalɩŋ ʋ sɩ jɩma a dagɛ nɩaa. Ʋ chaasa hɔnɔ bɩɩnɛ wɩaa nɛ aŋ magɛ namagaba ba lɩɩ aŋ ka pɩ dɔŋɔ.

DANƖƐL 12:3

Nɩalɩŋ sɩ kɛŋ wʋjɩmɩŋ jaŋ tʋtʋl a nagɛ wɩa-nyuŋ kɩaa. Nɩalɩŋ ma sɩ dagɛ nɩaa ba joŋ tʋɔpʋla wombiiŋ jaŋ nagɛ chɛnwʋlaa a kaa mʋ wuu.

ZƐKARƖYA 4:9

Ʋ sɩ, “Zerubabɛl nɛ bil mɩ dɩɩ-balɩŋ deeŋ gentine. Ʋ nɛ saa jaŋ saaʋ dɛrɛ ma, dɩ ŋɩɩ nɛ ŋaa, mɩ nɩaa jaŋ jɩŋ arɩ ba TƖƖNA doluŋ kala Tɩɩna nɛ tɩmmɛ ba teeŋ.

Matiu 24:45

Ŋɩɩ nɛ La Tɩɩna Yesu mɩɩra pɩɛsɛba, “Kʋbɛɛ nɛ saa ŋaa tɩntɩnnɩ-tɩtɩɩ-la sɩ jɩŋ wɩaa? Ʋ nɛ nɩɩ-la ʋ kʋhɩaŋ sɩ yie lɩɩsɛ dɩ ʋ bibeŋ ʋ dɩa, aŋ pɛ pɩpɩ ʋ tɩntɩnnɩ-dɔsʋŋ ma kʋdiilee bʋa-la lɛ sɩ maga.

Matiu 7:24

Yesu bɩra sɩ, “Nɩɩ-la kala sɩ kɔ mɩ teeŋ a jegile nɩɩ mɩ niiŋ wɩaa deemba mɩ sɩ bʋla pɩma a tutoba, mɩ jaŋ dagɛma ŋɩɩ ʋ sɩ naga. Ʋ nagɛ wʋjɩnna sɩ saa ʋ dɩa nɛ. Ʋ saaʋ kpagɩnyɩlɩŋ nyuŋ nɛ.

Luuk 11:35

Má pɔ dɩ pʋlʋŋ-la ma sɩ kɛnɛ sɩ́ birimiŋ bɩrɩmʋ.

Luuk 21:8

Ŋɩɩ nɛ Yesu bʋla pɩba, “Má kɛŋ ma tɩtɩa woruŋ dɩ nʋʋkala sɩ́ ma nyɩsʋ,” a bɩra bʋl, “Nɩaa jaŋ yʋgɛ a kɔ a joŋ mɩ yɩrɩŋ hɛ arɩ ba nɛ ŋaa Kirisito, a bʋl dɩ bʋa-la dʋnɩa sɩ jaŋ dɛrɛ kpaga nɛ. Ama má sɩ́ ba harɩŋ to.

Tɩntɩŋŋaa 18:27

Ŋɩɩ nɛ Apɔlɔs chɩchɛ dɩ ʋ mʋ Giriisi tinteeŋ. Nɩalɩŋ sɩ laa Yesu wɩaa dii Ɛfɛsɩs lɛ pɛ ʋ lɛ a ŋmʋnsɛ teniŋ a pɩ nɩalɩŋ sɩ laa Yesu wɩaa dii Giriisi lɛ, a bʋla pɩba dɩ ʋ nɛ kɔ, ba kɛnʋ woruŋ. Ʋ sɩ mʋ yi nɩmɛ, nɩalɩŋ sɩ laa Yesu wɩaa dii Wɩa lahɔrɩmɔ lɛ, ʋ chaasa pɛ ba lɛ.

Rom Tɩŋŋaa 1:5

Ʋ lahɔrɩmɔ lɛ Wɩa leŋe mɩ ŋaa ʋ nanzɔɔ nɛ a bʋl ʋ wʋzɔmɔ-la wɩaa a pɩ dʋnɩa nɩaa kala, dɩ ba laa dii a to Yesu niiŋ a wuo zil ʋ yɩrɩŋ.

Rom Tɩŋŋaa 12:3

Wɩa sɩ kɛŋ zile ŋɩɩ mɩ teeŋ, mɩɩ sʋl ma kʋŋkala dɩ ma sɩ́ ma tɩtɩa kaa yʋgɛ a kɩɩ ŋɩɩ ma sɩ maga. Má leŋ dɩ ma sɩaa fɩɛlɛ. Wɩa pɩ nʋʋkala laa diiniŋ nɛ. Ama ba kɩɩ dɔŋɔ nɛ. Nʋʋkala maga dɩ ʋ bɩɩnɛ ʋ nyuŋ lɛ a magɛ ŋɩɩ Wɩa sɩ leŋe ʋ kɛŋ laa diiniŋ.

Rom Tɩŋŋaa 15:15

Ama teniŋ deeŋ tʋɔŋ mɩ kɛŋ nyuduoŋ nɛ dɩ mɩ wuo liisima wɩaa dɔnsʋŋ lɛ a tɩŋ dol-la Wɩa sɩ pɩmɛ wɩaa,

Rom Tɩŋŋaa 15:20

Mɩ kɛŋ mɩ tʋɔŋ lɛ bʋa na-kala dɩ mɩ mʋ bʋl Wɩa wʋzɔmɔ-la lee-na kala nɩaa ha sɩ bɩ Kirisito wɩaa nɩa. Mɩ bɩ chɛ dɩ mɩ mʋ lee-la nɩaa sɩ laa sɩpaaŋ mʋ a bʋl Wɩa wɩaa.

1 Kɔrɩntɩ Nɩaa 3:11

Wɩa laa sɩpaaŋ nɛ a joŋ Yesu Kirisito dɩ ʋ ŋaa ʋ dɩa-la gentine. Nʋʋkala bɩra bɩ jaŋ wuo bil dɩa-la gentine doho.

1 Kɔrɩntɩ Nɩaa 9:2

Dɩ nɩaa dɔnsʋŋ nɛ paala bɩ laa dii arɩ mɩ ŋaa Wɩa nanzɔɔ, ma-na teeŋ mɩ ŋaa nɛ. Mɩɩsɩ-la ma sɩ kɛnɛ La Tɩɩna Kirisito lɛ daga arɩ mɩ ŋaa ʋ nanzɔɔ nɛ a tɩma pʋpʋ.

2 Kɔrɩntɩ Nɩaa 10:15

La bɩ la tɩtɩa lɛ bigise a tɩŋ tɩntɩmɩɩ-la nɩaa dɔnsʋŋ sɩ tɩma kieli ŋɩɩ Wɩa sɩ kere pɩla lɛ. La kɛŋ yɩɛlaa arɩ ma jaŋ waa wɩalɩŋ ma sɩ laa dii lɛ, dɩ tɩntɩmɩɩ-la la sɩɩ tɩŋ ma teeŋ ma pʋŋa pɛ. Ama la jaŋ tɩma magɛ ŋɩɩ Wɩa sɩ kere pɩla.

Ɛfɛsɩs Nɩaa 2:20

Ma nagɛ tie-biee Wɩa sɩ kaa sɩsaa ʋ dɩa nɛ. Wɩa nanzɔɔba arɩ Wɩa wʋlaabʋllaa nɛ ŋaa dɩa-la gentine. Kirisito Yesu tɩtɩa nɛ ŋaa tie-bii-duo-la ba sɩ kaa bil dɩa-la gentine.

Koloosi Nɩaa 1:29

Ŋɩɩ wɩaa mɩ faasa hɛ mɩ doluŋ kala nɛ a tɩtɩŋ, arɩ Wɩa sɩ joŋ ʋ dol-bal-la pɩmɛ dɩ mɩ kaa tɩtɩŋ ŋɩɩ.

Koloosi Nɩaa 4:17

Má bʋla pɩ Akɩpas dɩ ʋ hɛ doluŋ aŋ tɩŋ Wɩa tɩntɩmɩɩ-la kala ʋ sɩ joŋo pʋ dɩ ʋ tɩŋ.

1 Tɛsalonaaka Nɩaa 3:2

La tɩŋ la naambie Timoti dɩ ʋ kʋ nama. Ʋ ŋaa la naambii nɛ, a ŋaa la tɩntɩnnɩ dɔŋ ma, a bʋl Wɩa wʋzɔmɔ-la sɩ tɩgɛ Kirisito lɛ a pɩpɩ nɩaa. La tɩmʋ dɩ ʋ kʋ bʋl wɩaa a nyaasɛ ma nyuŋ dɩ ma chɩŋ wɩalɩŋ ma sɩ laa dii lɛ woruŋ,

1 Timoti 4:16

Kɛŋ ŋ tɩtɩa a mʋ tɩgɛ ŋ mɛlɛ arɩ wɩalɩŋ ŋ sɩɩ dagɛ lɛ. Chɩŋ wɩalɩŋ lɛ woruŋ, bɛɛ wɩaa dɩ ŋ nɛ ŋaa ŋɩɩ, ŋ jaŋ laa ŋ tɩtɩa arɩ nɩalɩŋ sɩ jegilee nɩɩ ŋ teeŋ ta.

2 Timoti 2:15

Hɛ ŋ doluŋ kala dɩ Wɩa wuo na arɩ ŋ ŋaa tɩntɩnnɩ-tɩtɩɩ nɛ, sɩ bɩ hɩɩsɩŋ ka fá, a bɩra leŋ dɩ ʋ wuo na arɩ ŋ dagɛ wɩalɩŋ sɩ ŋaa wʋtɩtɩɩba nɛ woruŋ.

Jeems 3:1

Mɩ naambiiriŋ, ma tʋɔŋ, ma jesiŋ sɩ́ chɩchɛ dɩ ma ŋaa nɩa sɩɩ dagɛ ma dɔnsʋŋ tɩmma-la sɩ laa Yesu wɩaa dii, bɛɛ wɩaa ma jɩma dɩ ba nɩɩ dii dʋnɩa nɩaa sarɩya, ba jaŋ faasa dii la nɩalɩŋ sɩɩ dagɛ nɩaa sarɩya nɛ a kɩɩ la dɔnsʋŋ tɩŋŋaa.

1 Pɩɩta 4:11

Dɩ Wɩa nɛ pɩ nʋʋkala doluŋ dɩ ʋ wuo bʋbʋl Wɩa wɩaa, ʋ maga dɩ ʋ bʋl wɩalɩŋ Wɩa doluŋ lɛ nɛ. Dɩ nʋʋ nɛ tɩma pɩpɩ nɩaa, ʋ kɛŋ dol-la Wɩa sɩ joŋo pʋ a tɩma pɩpɩba. Má ŋaa ŋɩɩ dɩ nɩaa wuo to Yesu Kirisito lɛ a dɛnnɛ Wɩa, dɩ ʋ yɩrɩŋ yɩrɛ wɩɩ-na kala lɛ. Ʋ nɛ Nɩɩ-la sɩ kɛŋ doluŋ arɩ yɩrɩŋ a kaa mʋ wuu. Amɩɩ.

2 Pɩɩta 3:15

Mɩ naambiiriŋ, ʋ maga dɩ ma jɩŋ arɩ La Tɩɩna Yesu kɛŋ kenyiri nɛ. Ʋ ŋaa ŋɩɩ dɩ ʋ wuo laama ta nɛ. Wɩaa deemba tɩtɩa nɛ la naambii-chooluŋ Pɔɔl ma ŋmʋnsa pɩma. Wɩa nɛ pʋ wʋjɩmɩŋ deeŋ ʋ kaa bʋl wɩalɩŋ.

Jɔɔŋ Wʋnaalaa 21:14

Kɛrɛ-la gentine lɛ, ba bil tabɩaa fii arɩ balɩa nɛ. Tabɩa-la lɛ nɛ ba ŋmʋnsɛ Pie-bie-la nanzɔɔba fii arɩ balɩa-la yɩraa hɛ.

Jɔɔŋ Wʋnaalaa 21:19

Tabal-la kɛrɛ-la gentine tabɩaa kala ŋaa tabɩɩ-zɔmɔ nɛ ba kaa kpɩɛrɛ. Bumbuŋ kʋa yɩrɩŋ nɛ jasɩpa, lɩamɩŋ kʋa ma yɩrɩŋ nɛ safɩya, torimuŋ kʋa ma yɩrɩŋ nɛ agɛtɩ, nɛsɩmɩŋ kʋa ma yɩrɩŋ nɛ ɛmɛral,