1 Kɔrɩntɩ Nɩaa 2:8 - WƖA TENIŊ

⁸ Nɩalɩŋ kala sɩɩ beŋ dʋnɩa deeŋ bɩ wɩaa deemba bʋbʋɔŋ jɩŋ. Dɩ ba nɛ fa jɩmba, ba fa bɩ jaŋ kpaasɛ La Tɩɩna sɩ kɛŋ tʋla a mɛrɛ daagɛsɛ nyuŋ.

1 Kɔrɩntɩ Nɩaa 2:8 ပူးပေါင်းရင်းမြစ်များ

Matiu 11:25

Bʋa-la tɩtɩa lɛ Yesu guu yɩrɛ, “Mɩ Nyɩmma, ŋ nɛ ŋaa wɩa-nyuŋ arɩ tinteeŋ kala Tɩɩna. Mɩɩ lɔllʋŋ arɩ ŋ sɩ kɛŋ wɩalɩŋ ŋ sɩ joŋo faa a dagɛ nɩalɩŋ sɩ bɩ wɩaa jɩŋ, aŋ bɩ joŋo dagɛ nɩalɩŋ sɩ kɛŋ wʋjɩmɩŋ.

Matiu 13:22

Kɩalɩŋ sɩ tel sɔsʋŋ tʋɔŋ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ, ama dʋnɩa wɩaa arɩ dʋnɩa kɩaa wɩaa wʋwalɩmɛba, ba cho dɩ ba jige aa chɛ kʋŋkala. A tɩŋ wɩaa deemba, ba bɩ sɛɩ dɩ ba to wɩalɩŋ. Wɩalɩŋ bɩ doho kɛnɛ ba teeŋ.

Luuk 23:34

Ŋɩɩ nɛ Yesu chʋɔlɛ Wɩa a bʋl, “Mɩ Nyɩmma, joŋ wɩɩ-la ba sɩ ŋaa a chɛba, bɛɛ wɩaa ba bɩ jɩŋ wɩɩ-la kala ba sɩɩ ŋaa.” Ŋɩɩ nɛ ba tɔnsɛ a kɛŋ Yesu gɛnnɩŋ kpaa.

Jɔɔŋ 16:3

Ba jaŋ ŋaa wɩaa deemba kala a tɩŋ ba sɩ́ bɩ mɩ Nyɩmma jɩŋ, a bɩ mɩ ma jɩŋ.

Jɔɔŋ 7:48

Ma ha nɩa arɩ la kʋhɩasɩŋ tʋɔŋ koo la Farisii tɩŋŋaa tʋɔŋ kʋbala laa ʋ wɩaa dii?

Jɔɔŋ 8:19

Ŋɩɩ nɛ ba pɩɛsʋ, “Nɩɩ nɛ ŋ nyɩmma hɛ?” Yesu bʋl, “Ma bɩ mɩ jɩŋ, ŋɩɩ wɩaa ma bɩ mɩ Nyɩmma ma jɩŋ. Dɩ ma nɛ fa jɩmmɛ, ma fa jaŋ jɩŋ mɩ Nyɩmma ma.”

Tɩntɩŋŋaa 13:27

Yesu sɩ kɔ, nɩalɩŋ sɩ hɛ Jerusalɛm lɛ arɩ ba kʋhɩasɩŋ fa bɩ jɩŋ arɩ ʋ nɛ ŋaa la Laataara. Ba bɩ Wɩa wʋlaabʋllaa wʋbʋlɩɩ-la bʋbʋɔŋ jɩŋ, wɩalɩŋ ba sɩ yie karɩmɛ chɛ-wiesii-la chɛɛŋ kala. Ama ba ha leŋe Wɩa wʋlaabʋllaa niiŋ wɩalɩŋ kʋ ŋaa wʋtɩtɩɩ, a kpʋ Yesu.

Tɩntɩŋŋaa 7:2

Sɩtɩɩvɩŋ bʋl, “Mɩ nyɩmmaba arɩ mɩ naambiiriŋ, má jegile nɩɩ mɩ teeŋ. Wɩa sɩ kɛŋ tʋla fa kɛŋ ʋ tɩtɩa kʋ dagɛ la naabalɩma Abɩraham, bʋa-la lɛ ʋ fa sɩ hɔŋ Mesopotemia tinteeŋ lɛ nɛ, dɩ ʋ ha bɩ taŋ-la ba sɩɩ yɩrɛ Haraŋ lɛ mʋ hɔŋ.

1 Kɔrɩntɩ Nɩaa 1:20

Dɩ ŋɩɩ nɛ ŋaa, nɩɩ nɛ wʋjɩnna-la jaŋ hɛ? Wʋjɩŋ kɩŋkɛŋ tɩmma-la, nɩɩ nɛ ba jaŋ hɛ? Teŋ-jɩnnɩ babiibala-la ba ma jaŋ hɛ nɩɩ? Wɩa daga arɩ dʋnɩa deeŋ wʋjɩmɩŋ ŋaa nɩyaarɩ wʋjɩmɩɩ nɛ.

1 Kɔrɩntɩ Nɩaa 2:6

Ama nɩalɩŋ sɩ waa Wɩa wɩaa lɛ, la yie dɩdagɛba wʋjɩmɩŋ nɛ. Wʋjɩmɩŋ deeŋ la sɩɩ dagʋ tuo dʋnɩa deeŋ nɩaa wʋjɩmɩŋ, dʋnɩa deeŋ nɩduoruŋ wʋjɩmɩŋ ma dee. Nɩduoruŋ deemba wʋjɩmɩŋ jaŋ dɛrɛ.

2 Kɔrɩntɩ Nɩaa 3:14

Ama Iziral tɩŋŋaa tʋɔbɩɩnaa fa tuo Wɩa wombiiŋ lɛ. Ŋɩɩ wɩaa arɩ jɩnɩŋ kala, dɩ ba nɛ karɩmɛ wɩalɩŋ Wɩa fa sɩ joŋo pɩ Mosis bumbuŋ-la dɩ nɩaa tuto, ba bɩ ba bʋbʋɔŋ jɩŋ. Ʋ naga arɩ kʋ-la Mosis fa sɩ joŋo tɔ ʋ sɩaa dɩ Iziral tɩŋŋaa sɩ́ ʋ sɩaa na, kʋ-la ha tɔ ba sɩaa nɛ dɩ ba sɩ́ Wɩa tʋla na. Ama Yesu Kirisito nɛ jaŋ wuo kɛŋ kʋ-la suri, dɩ ba wuo na Wɩa tʋla.

Ɛfɛsɩs Nɩaa 1:17

Mɩ yie sʋl Wɩa, La Tɩɩna Yesu Kirisito Nyɩmma, Nɩɩ-la sɩ kɛŋ yɩrɩŋ, dɩ ʋ pɩma wʋjɩmɩŋ, a bɩra kɛŋ ʋ tɩtɩa ma kaa dagɛma ʋ Dɩŋ-zɔmʋŋ doluŋ lɛ dɩ ma wuo jɩmʋ.

Ɛfɛsɩs Nɩaa 4:18

Birimiŋ tɔ ba wʋjɩmɩŋ nɛ. Ba bɩ jaŋ wuo na mɩɩsɩ-la Wɩa sɩ joŋo pɩ nɩaa, bɛɛ wɩaa ba bɩ wɩɩkala jɩŋ, ba dɩgɩlaa ma bɩ wɩaa ka nɩɩ.

1 Timoti 1:13

Bumbuŋ kala nɛ mɩ paala bʋl wʋbɔŋŋɔɔ ʋ lɛ a to naasɩŋ dɔgɩsʋ a tʋʋsʋ ma. Ka Kirisito ha fá mɩ nenige a lɩɩsɛmɛ dɩ mɩ tɩmaa pʋ. Bʋa-la kala lɛ mɩ fa sɩɩ ŋaa ŋɩɩ, mɩ fa bɩ jɩŋ wɩɩ-la mɩ sɩɩ ŋaa. Mɩ fa bɩ ʋ wɩaa laa dii maa.

Jeems 2:1

Mɩ naambiiriŋ, lɛɛlɛ ma laa La Tɩɩna Yesu Kirisito wɩaa dii nɛ, ʋ-na yɩrɩ-balɩŋ Tɩɩna. Ŋɩɩ wɩaa ʋ bɩ maga dɩ ma zizil nɩaa dɔnsʋŋ aŋ ka ma sɩɩŋ bɩ dɔnsʋŋ ka su.