1 Kɔrɩntɩ Nɩaa 2:7 - WƖA TENIŊ

⁷ Wʋjɩmɩɩ-la wɩaa mɩ sɩɩ bʋl, ʋ lɩɩ Wɩa teeŋ nɛ a ŋaa wʋfaalɩɩ nɩaa teeŋ. Wʋjɩmɩɩ-la faa nɛ Wɩa teeŋ, ka dʋnɩa-na suomi. Wɩa lɩɩsɛla dɩ la kɛŋ wʋjɩmɩŋ deeŋ nɛ a wuo kɛŋ tʋla ʋ teeŋ.

1 Kɔrɩntɩ Nɩaa 2:7 ပူးပေါင်းရင်းမြစ်များ

WƖA YƖƖLAA 78:2

Mɩ jaŋ magɛ namagaba a dagɛ wɩalɩŋ fa sɩ faa, a chɩŋ dʋnɩa dɩ-suomuŋ.

Matiu 11:25

Bʋa-la tɩtɩa lɛ Yesu guu yɩrɛ, “Mɩ Nyɩmma, ŋ nɛ ŋaa wɩa-nyuŋ arɩ tinteeŋ kala Tɩɩna. Mɩɩ lɔllʋŋ arɩ ŋ sɩ kɛŋ wɩalɩŋ ŋ sɩ joŋo faa a dagɛ nɩalɩŋ sɩ bɩ wɩaa jɩŋ, aŋ bɩ joŋo dagɛ nɩalɩŋ sɩ kɛŋ wʋjɩmɩŋ.

Matiu 13:35

Ʋ ŋaa ŋɩɩ dɩ wɩalɩŋ Wɩa wʋlaabʋlla sɩ bʋla kʋ ŋaa wʋtɩtɩɩ nɛ. Ʋ fa sɩ, “Dɩ mɩ nɛ bʋl wɩaa pɩpɩ nɩaa, mɩ jaŋ magɛ namagaba, mɩ jaŋ bʋl wɩaa sɩ faa a chɩŋ dʋnɩa dɩ-suomuŋ a pɩba.”

Rom Tɩŋŋaa 11:25

Mɩ naambiiriŋ, wɩaa nɛ hɛ nɩmɛ Wɩa fa joŋo faama, mɩɩ chɛ dɩ ma jɩŋ. Wɩɩ-la jaŋ ŋaa dɩ ma sɩ́ bɩɩna bʋl arɩ ma kɛŋ wʋjɩmɩŋ a bibigisi ma tɩtɩa lɛ. Wɩɩ-la nɛ ŋ-la: Iziral tɩŋŋaa sɩ kɛŋ nyu-duo-la, ba bɩ jaŋ kɛnʋ wuu. Bʋa-la lɛ dɩ nɩalɩŋ sɩ bɩ Juu tɩŋŋaa ŋaa nɛ kʋ yʋgɛ a laa Wɩa wɩaa dii, Iziral tɩŋŋaa nyu-duo-la jaŋ dɛrɛ.

Rom Tɩŋŋaa 8:29

Nɩalɩŋ Wɩa sɩ laa sɩpaaŋ lɩɩsɛ, ʋ lɩɩsɛba dɩ ʋ kɛmba bɩrɩmɛ dɩ ba nagɛ ʋ tɩtɩa Bie nɛ, a leŋ ʋ Bie ŋaa ba kala kʋhɩaŋ.

Rom Tɩŋŋaa 8:30

Wɩa yɩrɛ nɩalɩŋ ʋ fa sɩ laa sɩpaaŋ lɩɩsɛ dɩ ba ŋaa ʋ nɩaa nɛ. Ʋ sɩ yɩrɛba ŋɩɩ, ʋ leŋ ba kɛŋ tʋɔpʋla ʋ sɩpaaŋ. Nɩalɩŋ ma sɩ kɛŋ tʋɔpʋla ʋ sɩpaaŋ, ʋ leŋ ba ma pɛ laa ʋ yɩrɩŋ.

1 Kɔrɩntɩ Nɩaa 2:1

Mɩ naambiiriŋ, mɩ sɩ kɔ ma teeŋ dɩ mɩ bʋl Wɩa wʋzɔmɔ-la a pɩma, mɩ bɩ wʋduduosi bʋla a nagɛ mɩ kɛŋ wʋjɩmɩŋ.

Ɛfɛsɩs Nɩaa 1:4

Ka dɩ ʋ-na suomo ŋaa dʋnɩa, ʋ to Kirisito lɛ nɛ a lɩɩsɛla, dɩ la kɛŋ tʋɔpʋla, a sɩ́ cheeri kala kɛŋ ʋ sɩpaaŋ. A tɩŋ Wɩa sɩ chola wɩaa,

Ɛfɛsɩs Nɩaa 3:10

Wɩa ka chɛ dɩ ʋ to nɩalɩŋ sɩ laa Yesu wɩaa dii aa hilimi lɛ, a leŋ Wɩa bii-zɔŋŋɔɔ arɩ Wɩa bii-bɔŋŋɔɔ kala sɩ hɛ wɩa-nyuŋ kʋ jɩŋ Wɩa sɩ kɛŋ wʋjɩmɩŋ ŋɩɩ kɩŋkɛŋ.

2 Timoti 1:9

Wɩa nɛ laala ta a yɩrɛla dɩ la ŋaa ʋ nɩaa. Ʋ bɩ naga Wɩa to la wʋzɔŋŋɔɔ lɛ nɛ a laala ta. Ama ʋ tɩtɩa tʋɔtɔrʋŋ lɛ nɛ ʋ fá la nenige a laala ta. Yesu Kirisito lɛ nɛ ʋ to a ŋaa ŋɩɩ pɩla. Ʋ jɩma arɩ ʋ jaŋ ŋaa ŋɩɩ pɩla faafaa kala nɛ, ka dʋnɩa-na suomi.

Hiburu TƖŊŊAA 1:2

Ama lɛɛlɛ dʋnɩa dɩdɛrɩŋ deeŋ lɛ, ʋ to ʋ Bie lɛ nɛ a bʋl wɩaa pɩla. Wɩa to ʋ Bie lɛ nɛ a ŋaa dʋnɩa, a joŋ kʋŋkala hɛ ʋ nɩsɩŋ lɛ.

Hiburu TƖŊŊAA 11:3

La laa Wɩa wɩaa dii nɛ, ŋɩɩ nɛ tɩɩ la jɩŋ arɩ Wɩa suri ʋ niiŋ nɛ a bʋl wɩaa kʋŋkala hɛ nɩmɛ dʋnɩa lɛ. Kɩalɩŋ la sɩ bɩ na tʋɔŋ nɛ kɩalɩŋ la sɩɩ na lɩɩ.

1 Pɩɩta 1:11

Yesu Kirisito Dɩŋ-zɔmʋŋ fa sɩ hɛ ba lɛ, ʋ nɛ bʋla pɩba ŋɩɩ Kirisito sɩ jaŋ na hɛɛŋ, ka dɩ nɩaa-na zizilu. Ŋɩɩ nɛ ba nɩnɛrɩgɛ dɩ ba na bʋa-la lɛ wɩaa deemba sɩ jaŋ ŋaa arɩ ŋɩɩ ba sɩ jaŋ ŋaa.

1 Pɩɩta 5:1

Mɩ kɛŋ wɩɩ nɛ dɩ mɩ bʋla pɩ ma nɩalɩŋ sɩ ŋaa Wɩa nɩaa nɩhɩasɩŋ. Mɩ ma ŋaa Wɩa nɩaa nɩhɩaŋ dɔŋɔ nɛ. Mɩ tɩtɩa sɩɩŋ na hɛɛ-la Kirisito sɩ na nɛ. Ŋɩɩ tɩtɩa nɛ mɩ ma jaŋ na tʋla-la Kirisito sɩ jaŋ na bʋa-la lɛ ʋ sɩ jaŋ mɩɩra kɔ. Ŋ-la nɛ tɩɩ mɩɩ sʋlma

1 Pɩɩta 5:10

Hɛɛŋ deeŋ ma sɩɩ na bɩ jaŋ dieni. Ʋ ŋɩɩ harɩŋ lɛ, Wɩa sɩ kɛŋ zile kɩŋkɛŋ kɩŋkɛŋ a yɩrɛma dɩ ma ma na tʋla-la Kirisito sɩ kɛnɛ a kaa mʋ wuu. Ʋ nɛ jaŋ kɛmma wasa kɩɩ, a leŋ dɩ ma chaasa chɩŋ arɩ doluŋ.

2 Pɩɩta 1:3

Wɩa doluŋ lɛ, ʋ pɩla kʋŋkala la sɩɩ chɛ la mɩɩsɩŋ lɛ, dɩ la wuo kaa ŋaa wɩalɩŋ kala sɩɩ to ʋ wombiiŋ, dɩ la wuo jɩŋ ʋ-na Wɩa, Nɩɩ-la sɩ yɩrɛla dɩ la wuo na ʋ tʋla arɩ ʋ zɔmʋŋ kala.

Jɔɔŋ Wʋnaalaa 13:8

Nɩɩ-la kala yɩrɩŋ sɩ tuo mɩɩsɩŋ teŋ-la lɛ a lɩɩ dʋnɩa dɩ-suomuŋ, jaŋ dɛnnɛ baga kʋ-la. Pie-bie-la ba sɩ kpʋa nɛ tɩɩ teŋ-la.