1 Kɔrɩntɩ Nɩaa 2:4 - WƖA TENIŊ

⁴ Nuhuobiine wʋjɩmɩŋ dee mɩ kaa bʋbʋl Wɩa wʋzɔmɔ-la, aŋ pɛ dɩdagɛ ma ma. Ama ŋɩɩ mɩ sɩɩ bʋl wɩaa daga arɩ Wɩa Dɩŋ-zɔmʋŋ doluŋ hɛ mɩ lɛ nɛ.

1 Kɔrɩntɩ Nɩaa 2:4 ပူးပေါင်းရင်းမြစ်များ

NAMAGABA 20:19

Zɛmbɛ tɩɩna joŋ nɩaa yɩyallɛ nɛ, ŋɩɩ wɩaa sɩ́ leŋe ŋ dɩ wʋbʋl kɩŋkɛŋ tɩɩna pɛ wɩɩ.

NAMAGABA 7:21

Ʋ kɛŋ nii-sɩma a bʋl wɩaa a ŋaa ʋ nandaasɩŋ yʋɔrɛ, ʋ kɛŋ ʋ nii-sɩma ŋɩɩ a nyɩnyɩsʋ.

JƐRƖMAAYA 20:10

Mɩ nɩa dɩ nɩaa yʋga a munso bʋbʋl, “Fawʋllʋŋ hɛ lee-kala nɛ. Má wuoli ʋ bʋbʋɔŋ. Má leŋ la wuoli ʋ bʋbʋɔŋ.” Mɩ nandɔnsʋŋ kala nɩɩ gbɛrɛ dɩ mɩ tel a bʋbʋl, “Kapo la jaŋ wuo nyɩsʋ a yuo diiu a joŋ la baanɩŋ fɩɩsɛ ʋ lɛ.”

ƐZƖKƖƐL 13:6

Wɩalɩŋ ba sɩ na a nagɛ duosoo tʋɔŋ, arɩ ba vʋgʋrʋ wɩaa ŋaa wʋnyɩɛrɩŋ nɛ. Ba sɩ, ‘La TƖƖNA nɛ bʋla,’ ka mɩ-na ma TƖƖNA bɩ ba tɩma, ka ba ha bɩɩnɛ arɩ wɩalɩŋ ba sɩ bʋla jaŋ kʋ ŋaa wʋtɩtɩɩ.

Tɩntɩŋŋaa 20:27

bɛɛ wɩaa mɩ bʋl wɩalɩŋ kala Wɩa sɩɩ chɛ nɛ a pɩma.

Tɩntɩŋŋaa 26:28

Ŋɩɩ nɛ kuoro Agɩrɩpa pɩɛsɛ Pɔɔl, “Ŋ bɩɩna lɛɛlɛ-bie deeŋ ŋ jaŋ wuo leŋ dɩ mɩ laa Yesu wɩaa dii a tutou koo?”

Rom Tɩŋŋaa 15:13

Wɩa nɛ yie leŋ la kɛŋ yɩɛlaa. Mɩɩ sʋlʋ dɩ ʋ leŋ dɩ ma kɛŋ tʋɔtɔrʋŋ arɩ yarɩfɩɛlaa a tɩŋ ma sɩ laaʋ dii, dɩ ŋɩɩ leŋ dɩ ma yɩɛlaa wasa yʋgɛ Wɩa Dɩŋ-zɔmʋŋ doluŋ lɛ.

Rom Tɩŋŋaa 15:19

wʋkpuŋkperisi-la arɩ wʋmagɩla-la mɩ sɩ ŋaa Wɩa Dɩŋ-zɔŋ-la doluŋ lɛ. Mɩ chaasa bʋl Kirisito wʋzɔmɔ-la, a suomi Jerusalɛm lɛ a gɔllɛ ŋɩɩ a mʋ yi Iliirikam.

Rom Tɩŋŋaa 16:18

Nɩaa deemba bɩ La Tɩɩna Kirisito tɩntɩŋŋaa ka tɩŋ, ama ba tɩtɩa wʋchooloo nɛ baa ŋaa. Ba yie kɛŋ nii-sɩma a nyɩsɛ nɩalɩŋ sɩ bɩ wɩaa jɩŋ.

1 Kɔrɩntɩ Nɩaa 1:17

Kirisito bɩ mɩ tɩma dɩ mɩ kʋ fo nɩaa Wɩɩchʋɔlɛ lɩɩŋ. Ʋ tɩmmɛ dɩ mɩ kʋ bʋl Wɩa wʋzɔmɔ-la nɛ. Nuhuobiine wʋjɩmɩŋ dee ʋ joŋo pɩmɛ mɩ kaa bʋbʋl wɩalɩŋ. Ʋ ŋaa ŋɩɩ dɩ dol-la sɩ lɩɩ Kirisito lɛ, a tɩŋ ʋ sɩ sʋʋ daagɛsɛ nyuŋ, sɩ́ pɛɩ ŋaa nɛ.

1 Kɔrɩntɩ Nɩaa 2:1

Mɩ naambiiriŋ, mɩ sɩ kɔ ma teeŋ dɩ mɩ bʋl Wɩa wʋzɔmɔ-la a pɩma, mɩ bɩ wʋduduosi bʋla a nagɛ mɩ kɛŋ wʋjɩmɩŋ.

1 Kɔrɩntɩ Nɩaa 2:13

La yie bʋl kɩaa deemba wɩaa a pɩ nɩaa nɛ. Dʋnɩa deeŋ wʋjɩmɩŋ dee la kaa bʋbʋl wɩaa. Ama Wɩa Dɩŋ-zɔŋ-la nɛ dagɛla ŋɩɩ la sɩ jaŋ bʋl wɩalɩŋ. Ʋ yie dagɛ ʋ tɩtɩa wɩaa bʋbʋɔŋ a pɩ nɩalɩŋ lɛ ʋ sɩ hɛ, dɩ ba ma jɩŋ ba bʋbʋɔŋ.

1 Kɔrɩntɩ Nɩaa 4:20

bɛɛ wɩaa, Wɩa kuorii-la bɩ nuhuobiine wʋbʋlaa lɛ nɛ chɩna, ama Wɩa doluŋ lɛ nɛ ʋ chɩŋ.

2 Kɔrɩntɩ Nɩaa 6:6

La yie dagɛ arɩ la ŋaa Wɩa tɩntɩnnaa nɛ, bɛɛ wɩaa la bɩ disiniŋ kɛnɛ. La jɩŋ wɩaa nɛ, a kɛŋ kenyiri, a kɛŋ zile, a kɛŋ Wɩa Dɩŋ-zɔmʋŋ ma, a cho nɩaa arɩ wʋtɩtɩɩ.

Galiisia Nɩaa 1:10

Ma bɩɩna arɩ mɩ bʋl wɩɩŋ deeŋ a chɩchɛ dɩ mɩ laa yɩrɩŋ nɩaa teeŋ nɛɛ? Wɩa teeŋ nɛ mɩ chɩchɛ mɩ laa yɩrɩŋ. Ma bɩɩna mɩɩ chɛ dɩ nɩaa nɛ zizilmii? Dɩ mɩ nɛ faa chɛ dɩ nɩaa zizilmi, mɩ fa bɩ jaŋ ŋaa Kirisito tɩntɩnnʋ.

Koloosi Nɩaa 2:4

Mɩ bʋl ŋɩɩ pɩpɩma dɩ nʋʋkala sɩ́ wuo nyɩsɛma arɩ nii-sɩma.

1 Tɛsalonaaka Nɩaa 1:5

Bʋa-la lɛ la sɩ bʋl Wɩa wʋzɔmɔ-la a pɩma, ʋ bɩ naga arɩ wʋbʋlʋŋ dʋndʋŋa nɛ la kʋ bʋla pɩma. La sɩ hɛ ma teeŋ, Wɩa wʋzɔmɔ-la fa kɛŋ doluŋ, Wɩa Dɩŋ-zɔmʋŋ ma fa hɛ la teeŋ, ka wɩalɩŋ ma sɩ nɩa ma jʋʋ ma dɩgɩlaa woruŋ. La sɩ hɛ ma teeŋ, ma na la mɛlɛ fa sɩ nagɛ ŋɩɩ nɛ. Ma wɩaa nɛ tɩɩ la kɛŋ la tɩtɩa woruŋ ŋɩɩ.

1 Pɩɩta 1:12

Wɩa joŋo dagɛba arɩ ma wɩaa nɛ tɩɩ ba faa bʋl wɩaa deemba, ba tɩtɩa wɩaa dee. Lɛɛlɛ nɩalɩŋ sɩ bʋl Wɩa wʋzɔmɔ-la pɩpɩma, ba dagɛma bumbuŋ wɩaa deemba kala nɛ. Wɩa Dɩŋ-zɔmʋŋ sɩ lɩɩ Wɩa-jaŋ kʋ tuu hɛba lɛ nɛ pɩba doluŋ deeŋ. Wɩa tɩndaaraa ma fa cho dɩ ba na wɩaa deemba nɛ.

2 Pɩɩta 1:16

La bʋla pɩma ŋɩɩ La Tɩɩna Yesu Kirisito sɩ kɔ dʋnɩa arɩ doluŋ. Wɩɩ-la la sɩ bʋla pɩma bɩ nagɛ sʋnsɔgʋlɔɔ wʋjɩnnaa sɩ sɔgʋlɔ. La tɩtɩa sɩɩŋ nɛ na Yesu Kirisito tʋla.

2 Pɩɩta 2:18

Ba yie bʋbʋl babiibal wɩaa sɩ bɩ bʋbʋɔŋ kɛnɛ. Ba yie kɛŋ nii-sɩma a nyɩnyɩsɛ nɩalɩŋ sɩ bumo lɩɩsɛ ba tɩtɩa nɩalɩŋ sɩ bɩ wʋtɩtɩɩ jɩŋ lɛ.

SƖPAALAARAA 14:15

Tapʋl nɛsɛ chɛɛŋ, bapʋɔsɛ biisi-la bʋla pɩ Samɩsɩŋ haala, “Nyɩsɛ ŋ bala dɩ ʋ dagɛ namaga-la bʋbʋɔŋ a pɩla, dɩ ŋɩɩ dee, la jaŋ nyɩgɛ ŋ dɩ ŋ nyɩmma dɩa nɩaa kala dɩ ma sʋʋ. Ma yɩrɛla kaa kɔ daha dɩ ma laa la kɩaa nɛɛ?”

SƖPAALAARAA 16:5

Fɩlɩsɩtɩa tɩŋŋaa kuoroo mʋ a bʋla pɩ haal-la, “Nyɩsɛ Samɩsɩŋ dɩ ʋ dagɩŋ ŋɩɩ ʋ sɩ ŋaa a faasa kɛŋ doluŋ arɩ ŋɩɩ la sɩ jaŋ wuo to a kɛnʋ vɔɔ a laa ʋ doluŋ. Dɩ ŋ nɛ ŋaa ŋɩɩ, la kʋŋkala jaŋ pɩŋ warɩpʋla bʋɩ arɩ zɔlɔ.”