1 Kɔrɩntɩ Nɩaa 2:3 - WƖA TENIŊ

³ Ŋɩɩ wɩaa, mɩ sɩ hɛ ma teeŋ, mɩ fa nagɛ nɩpʋgʋ nɛ. Fawʋllʋŋ fa kɛmmɛ, mɩ chichel.

1 Kɔrɩntɩ Nɩaa 2:3 ပူးပေါင်းရင်းမြစ်များ

AZAAYA 19:16

Tapʋlɩɩ-la La TƖƖNA sɩ jaŋ dɔgɩsɛ Ijipiti tɩŋŋaa, ba kala jaŋ nagɛ haalaa. Fawʋllʋŋ jaŋ jʋʋba dɩ ba chichel, dɩ ba nɛ na La TƖƖNA doluŋ kala Tɩɩna dɩ ʋ je ʋ nɩsɩŋ ba lɛ.

Tɩntɩŋŋaa 17:1

Ba sɩɩ viiri ŋɩɩ, ba mʋ to taŋ kʋbala baa yɩrɛ Amfiipolis, a bɩra sii nɩmɛ a to taŋ dɔŋɔ maa baa yɩrɛ Apoloonia, a lɩɩ nɩmɛ a mʋ taŋ kʋbala baa yɩrɛ Tɛsalonaaka. Juu tɩŋŋaa Wɩɩchʋɔlɛ dɩa fa hɛ nɩmɛ.

Tɩntɩŋŋaa 18:1

Ŋɩɩ harɩŋ nɛ Pɔɔl sii Atɛŋ lɛ a mʋ taŋ kʋbala baa yɩrɛ Kɔrɩntɩ.

Tɩntɩŋŋaa 18:12

Bʋa-la lɛ baal kʋbala baa yɩrɛ Galio nɛ fa chɩŋ Rom kuoru balɩŋ naasɩŋ lɛ aa beŋ Giriisi tinteeŋ. Ŋɩɩ nɛ Juu tɩŋŋaa sii hɛ dɔŋɔ a kɛŋ Pɔɔl kaa mʋ ba sarɩya dɩ-diiliŋ.

Tɩntɩŋŋaa 18:6

Ŋɩɩ nɛ Juu tɩmma-la lɩɩ Pɔɔl harɩŋ aŋ tʋʋsʋ. Ba sɩ ŋaa ŋɩɩ, ʋ kpesi ʋ gɛnnɩŋ kʋŋkɔlʋŋ hɛ ba lɛ aŋ bʋla pɩba, “Ma wʋbɔŋŋɔɔ jaŋ nyʋa ma nyuŋ lɛ. Mɩ wɩɩ dee. A lɩɩ jɩnɩŋ mɩ jaŋ mʋ a bʋl Wɩa wɩaa pɩ nɩalɩŋ sɩ bɩ Juu tɩŋŋaa ŋaa.”

2 Kɔrɩntɩ Nɩaa 10:1

Mɩ-na Pɔɔl tɩtɩa nɩɩ chɛ dɩ mɩ bʋl wɩɩ pɩma. Mɩɩ sʋlma a tɩŋ Kirisito wɩaa, nɩɩ-la sɩaa sɩ fɩɛla, ka ʋ kɛŋ kenyiri ma. Nɩaa dɔnsʋŋ sɩ, dɩ mɩ nɛ hɛ ma teeŋ, mɩ yie pʋɩ nɛ gbɛlɛ gbɛlɛ, ama dɩ mɩ tuo ma teeŋ, mɩ nyuŋ duori weŋgem.

2 Kɔrɩntɩ Nɩaa 10:10

Ma dɔnsʋŋ yie bʋl dɩ wɩalɩŋ mɩ sɩ yie ŋmʋnsɛ mɩ tenniŋ tʋɔŋ a pɩma, ba dolie nɛ aŋ pɛ hɛɩ, ka mɩ tɩtɩa bɩ sɩɩ ka su. Mɩ wʋbʋlaa ma bɩ sɩŋ.

2 Kɔrɩntɩ Nɩaa 13:4

Ba kpaasʋ mɛrɛ daagɛsɛ nyuŋ a nagɛ arɩ ʋ fa bɩ doluŋ kɛnɛ. Ama Wɩa doluŋ lɛ ʋ sie nɛ a kɛŋ mɩɩsɩŋ. La hɛ Kirisito lɛ nɛ a bɩ doluŋ kɛnɛ la tɩtɩa lɛ. Kirisito sɩ weye ŋɩɩ a kɛŋ mɩɩsɩŋ Wɩa doluŋ lɛ, ŋɩɩ tɩtɩa nɛ la ma jaŋ kɛŋ mɩɩsɩŋ Wɩa doluŋ lɛ a tɩma pɩma.

2 Kɔrɩntɩ Nɩaa 13:9

Dɩ la nɛ bɩ doluŋ kɛnɛ ma, la yie jʋjʋɔsɛ nɛ a tɩŋ dol-la ma sɩ kɛnɛ wɩaa. Wɩɩ-la la sɩ sʋl Wɩa chɩchɛ nɛ, dɩ ŋɩɩ ma laa Kirisito wɩaa dii wasa dol.

2 Kɔrɩntɩ Nɩaa 4:1

Wɩa nɛ fá la nenige a joŋ tɩntɩmɩŋ deeŋ pɩla dɩ la tɩtɩŋ, ŋɩɩ wɩaa la nandaasɩŋ bɩ yʋɔrɛ.

2 Kɔrɩntɩ Nɩaa 4:16

A tɩŋ wɩɩŋ deeŋ wɩaa la nandaasɩŋ bɩ yʋɔrɛ. Yara-la la sɩ kɛnɛ la mɩɩsɩŋ deeŋ lɛ, ʋʋ hɩɛsɛ nɛ, ama la dɩnsɩŋ-na wasa zʋzɔŋ nɛ tapʋlɩɩ kala.

2 Kɔrɩntɩ Nɩaa 6:4

Ŋɩɩ wɩaa wɩɩ-na kala la sɩɩ ŋaa lɛ, la yie dagɛ arɩ la ŋaa Wɩa tɩntɩnnaa nɛ. Wʋwalɩmaa yie jʋʋla, la nɩna hɛɛŋ, la tʋɔŋ faasa chei, ama la yie faasa nyalɩmɛ nɛ.

2 Kɔrɩntɩ Nɩaa 7:15

Dɩ Taatɩs nɛ liisi ŋɩɩ ma sɩɩ to Wɩa niiŋ wɩalɩŋ a chagɛ laaʋ a zilu woruŋ, ŋɩɩ ʋ sɩ choma yie pʋŋaa pɛ nɛ.

2 Kɔrɩntɩ Nɩaa 7:5

La sɩ paala kʋ jʋʋ Masidoonia tinteeŋ, la bɩ wiesee na. Wɩaa jʋʋla nɛ. Nɩaa kɛnla yuo yuosuŋ, fawʋllʋŋ jʋʋla.

Ɛfɛsɩs Nɩaa 6:5

Ma yosuŋ, má tuto nɩalɩŋ sɩ tɩɩma niiŋ. Má zizilba a fɩfába. Má kɛŋ wʋtɩtɩɩ a tutoba arɩ ŋɩɩ ma sɩ jaŋ to Kirisito.