1 Kɔrɩntɩ Nɩaa 2:14 - WƖA TENIŊ

¹⁴ Nɩɩ-la kala sɩ bɩ Wɩa Dɩŋ-zɔmʋŋ kɛnɛ bɩ jaŋ laa kɩalɩŋ Wɩa sɩ joŋo pɩ nɩalɩŋ sɩ kɛŋ ʋ Dɩŋ-zɔŋ-la. Ʋ tɩɩna bɩ jaŋ wuo jɩmba. Ba yie ŋaa kʋpɛɩba nɛ ʋ teeŋ, bɛɛ wɩaa nʋʋ bɩ jaŋ wuo jɩmba, see dɩ ʋ kɛŋ Wɩa Dɩŋ-zɔŋ-la.

1 Kɔrɩntɩ Nɩaa 2:14 ပူးပေါင်းရင်းမြစ်များ

NAMAGABA 14:6

Babii-balɩŋ yie chɩchɛ wʋjɩmɩŋ nɛ, aŋ bɩ jaŋ wuo na, ama nɩɩ-la sɩ jɩŋ wɩaa sɩaa, jaŋ naʋ mɔlɩɩ.

Matiu 16:23

Ŋɩɩ nɛ Yesu mɩɩra chaasɛ Pɩɩta a bʋla pʋ, “Sɩtaanɩ, mʋ nɩmɛ! Ŋŋ chɛ ŋ nyɩsɛmɛ dɩ mɩ vɩa wɩɩ-la sɩ maga dɩ mɩ ŋaa nɛ. Wɩalɩŋ ŋ sɩɩ bʋl, nuhuobiine wombiiŋ nɛ, Wɩa wombiiŋ dee.”

Jɔɔŋ 10:20

Ba jesiŋ sɩ, “Bɛɛ nɛ tɩɩ ma jijegili ʋ wɩaa? Jɩŋ-bɔŋŋɔɔ nɛ kɛnʋ ʋ nyɩnyaasɛ.”

Jɔɔŋ 12:37

Ʋ sɩ ŋaa wʋmagɩla-la kala ba na, arɩ ŋɩɩ kala, ba ha bɩ ʋ wɩaa laa dii.

Jɔɔŋ 14:17

Ʋ jaŋ dɩdagɛma wʋtɩtɩɩ. Dʋnɩa nɩaa bɩ ʋ jɩŋ. Ba bɩ jaŋ wuo naʋ, ŋɩɩ nɛ tɩɩ ʋ bɩ jaŋ wuo hɛ ba lɛ. Ama ma-na jɩmʋ nɛ. Ʋ hɛ ma teeŋ nɛ. Ʋ saa jaŋ hɛ ma lɛ.

Jɔɔŋ 14:26

Ama mɩ Nyɩmma jaŋ leŋ dɩ ʋ Dɩŋ-zɔmʋŋ kʋ tuu a hɛ ma lɛ mɩ yɩrɩŋ lɛ. Ʋ jaŋ pɛ ma lɛ a wuo dagɛma wɩɩkala, a leŋ dɩ ma liisi wɩalɩŋ kala mɩ sɩ bʋla pɩma.

Jɔɔŋ 15:26

Ama mɩ jaŋ leŋ dɩ Wɩa Dɩŋ-zɔmʋŋ lɩɩ mɩ Nyɩmma teeŋ a kʋ tuu hɛ ma lɛ. Ʋ jaŋ pɛ ma lɛ a dagɛma wʋtɩtɩɩ. Ʋ nɛ jaŋ bʋl mɩ wɩaa pɩma.

Jɔɔŋ 5:44

Ma cho dɩ nɩaa bɛsɛ ma lɛ nɛ, ama ma bɩ chɛ dɩ Wɩa nɛ bɛsɛ ma lɛ. Ɛɛ nɛ saa ma jaŋ wuo laa mɩ wɩaa dii?

Jɔɔŋ 8:43

Bɛɛ nɛ saa tɩɩ ma bɩ wɩalɩŋ mɩ sɩ bʋla bʋbʋɔŋ jɩŋ? Ma bɩ chɛ dɩ ma jegile nɩɩ wɩalɩŋ mɩ sɩɩ bʋl. Ŋɩɩ nɛ tɩɩ ma bɩ ba bʋbʋɔŋ jɩŋ.

Tɩntɩŋŋaa 16:14

Haala-la sɩ jegile nɩɩ wɩalɩŋ tʋɔŋ dɔŋɔ yɩrɩŋ nɛ fa Lidia. Ʋ lɩɩ Taataya tinteeŋ nɛ, a biri gɛnnɩŋ yɩyallɛ. Ʋ faa chʋɔlɛ Wɩa nɛ woruŋ. Ʋ sɩ nɩɩ wɩalɩŋ Pɔɔl fa sɩɩ bʋl, Wɩa suri ʋ tʋɔŋ, ʋ laa wɩalɩŋ dii.

Tɩntɩŋŋaa 17:18

Kerichiba-la dɔnsʋŋ sɩɩ to Epikuuras wombiiŋ arɩ Sɩtɔɩk kerichiba dɔnsʋŋ ma kʋ naʋ a kɛŋ wɩaa lɩlɛrɛ ʋ teeŋ. Ba dɔnsʋŋ pɩɛsɛ, “Bɛɛ kɩaa wɩaa nɛ nɩyaarɩŋ deeŋ ma chɩnaa bʋl?” Dɔnsʋŋ ma sɩ, “Ʋ naga veŋ-falɩɩ wɩaa nɛ ʋ bʋbʋl.” Pɔɔl sɩ yie bʋl Yesu wɩaa arɩ ʋ sii sʋʋŋ lɛ nɛ tɩɩ ba bʋl ŋɩɩ.

Tɩntɩŋŋaa 17:32

Nɩalɩŋ sɩ nɩa arɩ Pɔɔl bʋl sʋʋŋ siiniŋ lɛ wɩaa, ba dɔnsʋŋ mʋmɔmʋ, ama dɔnsʋŋ ma sɩ, “La jaŋ cho dɩ ŋ maachie bɩra bʋl wɩɩŋ deeŋ pɩla.”

Tɩntɩŋŋaa 18:15

Ama ʋ sɩ ŋaa wʋbʋlɩɩ nɛ ma kaa lɛrɛ arɩ yɩraa wɩaa, arɩ ma tɩtɩa wombiee ma sɩɩ to wɩaa nɛ, ʋ maga dɩ ma tɩtɩa kaa mʋ bʋla wasɛ nɛ dɩa lɛ. Mɩ bɩ jaŋ wuo laa wɩɩŋ deeŋ jɩŋ.”

Tɩntɩŋŋaa 25:19

Wɩɩ-la ba sɩ bʋla ŋaa wʋkaalɛrɩɩ nɛ ba kaa lɛrɛ a mʋ tɩgɛ ba Wɩɩ-chʋɔlʋŋ lɛ. Baal kʋbala nɛ sʋba, baa yɩrɛ Yesu, Pɔɔl yie bʋbʋl arɩ ʋ sii sʋʋŋ lɛ nɛ a hɛ ʋ mɩɩsɩŋ lɛ.

1 Kɔrɩntɩ Nɩaa 1:18

La bʋla arɩ Kirisito sʋʋ daagɛsɛ nyuŋ, ŋɩɩ bɩ bʋbʋɔ kɛnɛ nɩalɩŋ sɩ lɛlɛ teeŋ. Ama la nɩalɩŋ Wɩa sɩ laa ta, wɩalɩŋ nɛ ŋaa Wɩa doluŋ la teeŋ.

1 Kɔrɩntɩ Nɩaa 1:21

Wɩa sɩ kɛŋ wʋjɩmɩŋ, ŋɩɩ nɛ tɩɩ ʋ wuo ŋaa dɩ nuhuobiine sɩ́ ʋ tɩtɩa wʋjɩmɩŋ lɛ to a jɩŋ ʋ-na Wɩa. Nɩaa sɩ dɩ Wɩa wʋzɔmɔ-la la sɩɩ bʋl ŋaa wʋtɔɔnʋ nɛ, ama Wɩa to wɩalɩŋ lɛ nɛ a laa nɩalɩŋ sɩ laa wɩalɩŋ dii a ta.

1 Kɔrɩntɩ Nɩaa 1:23

Ama Kirisito sɩ sʋʋ daagɛsɛ nyuŋ wɩaa nɛ la bʋbʋl. Kirisito sɩ sʋʋ daagɛsɛ nyuŋ leŋe Juu tɩŋŋaa baanɩŋ sisii, aŋ ka nɩalɩŋ sɩ bɩ Juu tɩŋŋaa ŋaa ma teeŋ ʋ ŋaa wʋpɛɩ nɛ.

1 Kɔrɩntɩ Nɩaa 1:25

Ʋ maga dɩ ma jɩŋ arɩ wɩɩ-la sɩ lɩɩ Wɩa teeŋ, ka nɩaa bʋl arɩ ʋ ŋaa nɩyaarɩ wɩɩ nɛ, ʋ nɛ paala kpɩa nuhuobiine wʋjɩmɩŋ. Wɩɩ-la ma sɩ lɩɩ Wɩa teeŋ, ka nuhuobiine sɩ ʋ ŋaa wʋpʋgʋ nɛ, ʋ kɛŋ doluŋ a kɩɩ nuhuobiine.

1 Kɔrɩntɩ Nɩaa 15:44

Yara-la ba sɩ jaŋ joŋo hugi nɛ la kɛŋ dʋnɩa deeŋ lɛ ŋɩɩ. Ama yara-la sɩ jaŋ sii sʋʋŋ lɛ ŋaa yara-la Wɩa wiese-la ʋ sɩ jaŋ joŋo pɩla nɛ. Dɩ la nɛ kɛŋ dʋnɩa deeŋ yaraa, ʋ maga dɩ la kɛŋ Wɩa jaŋ yaraa ma nɛ.

1 Kɔrɩntɩ Nɩaa 15:46

Ʋ bɩ naga Wɩa wiese-la ʋ sɩ joŋo hɛ la lɛ nɛ laa sɩpaaŋ kɔ, ama yara-la la sɩ kɛnɛ dʋnɩa deeŋ lɛ nɛ laa sɩpaaŋ kɔ, ka Wɩa wiese-la ʋ sɩ joŋo hɛ la lɛ ma to harɩŋ kɔ.

1 Kɔrɩntɩ Nɩaa 2:12

La laa Wɩa Dɩŋ-zɔŋ-la nɛ. Ʋ tuo dʋnɩa deeŋ kʋŋ. Wɩa joŋ ʋ Dɩŋ-zɔŋ-la a pɩla nɛ dɩ la wuo jɩŋ kɩalɩŋ kala ʋ sɩ joŋo dii zile la lɛ.

1 Kɔrɩntɩ Nɩaa 3:1

Mɩ naambiiriŋ, mɩ bɩ wuo bʋl wɩaa ma teeŋ a nagɛ ma ŋaa nɩa sɩ kɛŋ Wɩa Dɩŋ-zɔŋ-la nɛ. Ama mɩ bʋl wɩaa ma teeŋ a nagɛ ma haa ŋaa dʋnɩa wɩaa nɛ. Ma ha ŋaa hambiisiŋ nɛ Kirisito wɩaa lɛ.

Jeems 3:15

Wʋjɩmɩŋ deeŋ doho bɩ Wɩa teeŋ lɩa. Ʋ ŋaa dʋnɩa wɩɩ nɛ a lɩɩ dʋnɩa nɩaa tʋɔbɩɩnaa lɛ arɩ Sɩtaanɩ teeŋ.

1 Jɔɔŋ 2:20

Ama ma-na jɩŋ wʋtɩtɩɩ nɛ, bɛɛ wɩaa Kirisito joŋ ʋ Dɩŋ-zɔmʋŋ hɛ ma lɛ nɛ.

1 Jɔɔŋ 2:27

Ama Kirisito joŋ ʋ Dɩŋ-zɔŋ-la hɛ ma lɛ nɛ. Ʋ Dɩŋ-zɔŋ-la sɩ hɛ ma lɛ ŋɩɩ, ma bɩra bɩ nʋʋ ka chɛ dɩ ʋ dagɛma. Ʋ Dɩŋ-zɔŋ-la sɩ hɛ ma lɛ ka dagɛma wɩɩkala nɛ. Wɩalɩŋ kala ʋ sɩɩ dagɛma ŋaa wʋtɩtɩɩba nɛ, wʋnyɩɛrɩ dee. Má to wɩalɩŋ ʋ Dɩŋ-zɔmʋŋ sɩ dagɛma, a leŋ ma dɩ Kirisito ŋaa kʋbala.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

Juud 1:19

Nɩdosunuŋ deemba jaŋ kɛmma pɔrɛ dɔŋɔ lɛ a ŋɩŋaa wɩaa arɩ dʋnɩa nɩaa sɩɩ ŋaa ŋɩɩ. Wɩa Dɩŋ-zɔmʋŋ tuo ba lɛ.