1 Kɔrɩntɩ Nɩaa 2:10 - WƖA TENIŊ

¹⁰ Ama Wɩa to ʋ Dɩŋ-zɔmʋŋ lɛ nɛ a kɛŋ wɩaa deemba fa sɩ faa kaa dagɛla. Wɩa Dɩŋ-zɔmʋŋ yie gbilli wɩɩkala nɛ, a paala jɩŋ Wɩa wɩɩ-wɩɩkala sɩ faa.

1 Kɔrɩntɩ Nɩaa 2:10 ပူးပေါင်းရင်းမြစ်များ

JOB 12:22

Ʋ nɛ yie kɛŋ kʋŋkala sɩ faa kaa kʋ lɩɩ pʋlʋmʋŋ, aŋ leŋ lere-la sɩ chaasa biri pʋllɛ.

AZAAYA 48:16

Má kʋ kpagɛmɛ a nɩɩ wɩɩŋ deeŋ: Faafaa kala mɩ bɩ lʋara bʋl wɩaa, mɩ heele nɛ. Bʋa-la ma lɛ wɩalɩŋ sɩɩ ŋaa, mɩ fa hɛ nɩmɛ nɛ.” Lɛɛlɛ ma TƖƖNA Wɩɩjarɩbakɔ joŋ ʋ Dɩma hɛ mɩ-na Azaaya lɛ nɛ, aŋ tɩmmɛ.

AZAAYA 59:21

La TƖƖNA bɩra sɩ, “Mɩ bil niiŋ nɛ mɩ dɩ ma pɛgɛ, mɩ joŋ mɩ Dɩma hɛ ma lɛ nɛ, a joŋ mɩ niiŋ wɩaa kala ma a hɛ ma niiree lɛ, wɩalɩŋ bɩ jaŋ lɛl ma niiree lɛ. Má joŋo dagɛ ma biiriŋ arɩ ma doho nɩaa kala sɩ jaŋ to harɩŋ kɔ dɩ wɩalɩŋ hɛ nɩmɛ a kaa mʋ wuu. Mɩ-na ma TƖƖNA nɛ bʋla.”

DANƖƐL 2:22

Ʋ nɛ yie joŋ wɩalɩŋ sɩ kpere arɩ wɩalɩŋ sɩ faa a dagɛ nɩaa. Ʋ nɛ jɩŋ wɩalɩŋ sɩ hɛ birimiŋ tʋɔŋ, ʋ lɛ nɛ pʋlʋmʋŋ hɛ.

AMƆS 3:7

Wɩɩ na-kala mɩ-na ma Tɩɩna Wɩɩjarɩbakɔ sɩ bɩɩna dɩ ma ŋaa, mɩ yie leŋ mɩ tɩntɩnna-la sɩ ŋaa mɩ wʋlaabʋllaa jɩŋ nɛ.

Matiu 13:11

Ŋɩɩ nɛ Yesu bʋla pɩba, “Ma nɩaa deemba nɛ Wɩa dagɛ ʋ kuorii-la wɩaa sɩ faa bʋbʋɔŋ pɩpa, ama nɩ-daŋ kala dee.

Matiu 16:17

Ŋɩɩ nɛ Yesu bʋl, “Saamɔŋ, Jɔɔŋ bie, Wɩa jaŋ pɛ ŋ lɛ, wʋjɩmɩŋ deeŋ bɩ naga nuhuobiine nɛ pɩŋ. Ama mɩ Nyɩmma sɩ hɛ Wɩa-jaŋ nɛ pɩŋ.

Luuk 10:21

Bʋa-la tɩtɩa lɛ Yesu tʋɔŋ tɔrɛ Wɩa Dɩŋ-zɔmʋŋ doluŋ lɛ ʋ bʋl, “Mɩ Nyɩmma, ŋ nɛ ŋaa wɩa-nyuŋ arɩ tinteeŋ kala Tɩɩna. Mɩɩ lɔllʋŋ arɩ ŋ sɩ kɛŋ wɩalɩŋ ŋ sɩ joŋo faa a dagɛ nɩalɩŋ sɩ bɩ wɩaa jɩŋ, aŋ bɩ joŋo dagɛ nɩalɩŋ sɩ kɛŋ wʋjɩmɩŋ. Mɩ Nyɩmma, mɩɩ lɔllʋŋ. Ŋ tɩtɩa tʋɔtɔrʋŋ lɛ nɛ ŋ ŋaa ŋɩɩ.”

Luuk 2:26

Wɩa Dɩŋ-zɔmʋŋ fa bʋla pʋ arɩ ʋ bɩ jaŋ sʋʋ see dɩ ʋ na Kirisito, Nɩɩ-la Wɩa sɩ jaŋ lɩɩsɛ dɩ ʋ kɔ.

Jɔɔŋ 14:26

Ama mɩ Nyɩmma jaŋ leŋ dɩ ʋ Dɩŋ-zɔmʋŋ kʋ tuu a hɛ ma lɛ mɩ yɩrɩŋ lɛ. Ʋ jaŋ pɛ ma lɛ a wuo dagɛma wɩɩkala, a leŋ dɩ ma liisi wɩalɩŋ kala mɩ sɩ bʋla pɩma.

Jɔɔŋ 16:13

Ama dɩ Wɩa Dɩŋ-zɔŋ-la nɛ kɔ, ʋ jaŋ dagɛma wʋtɩtɩɩ kala. Ʋ bɩ jaŋ bʋbʋl wɩaa ʋ tɩtɩa doluŋ lɛ, ama wɩalɩŋ kala ʋ sɩ nɩa mɩ Nyɩmma niiŋ lɛ nɛ ʋ jaŋ bʋl. Ʋ jaŋ dagɛma wɩalɩŋ kala sɩ jaŋ ŋaa.

1 Kɔrɩntɩ Nɩaa 14:30

Dɩ Wɩa nɛ joŋ wɩɩ dagɛ ma nɩalɩŋ sɩ hilime tʋɔŋ dɔŋɔ dɩ ʋ bʋla pɩma, nɩɩ-la sɩɩ bʋl wɩaa maga ʋ tɔrɛ ʋ niiŋ ka dɩ ʋ bʋl wɩɩ-la.

1 Kɔrɩntɩ Nɩaa 2:11

Nuhuobiiŋ bɛɛ nɛ jaŋ wuo jɩŋ wɩɩ-la ʋ dɔŋɔ sɩɩ bɩɩnʋ? Nʋʋkala bɩ wuo jɩŋ, see ʋ tɩɩna tɩtɩa sɩɩ bɩɩnʋ wɩɩ-la. Ŋɩɩ tɩtɩa nɛ nʋʋkala bɩ jaŋ wuo jɩŋ wɩalɩŋ Wɩa sɩɩ bɩɩnʋ, see Wɩa Dɩŋ-zɔŋ-la dʋndʋŋa.

Galiisia Nɩaa 1:12

Nuhuobiinee dee bɩ joŋo pɩmɛ, nuhuobiinee dee bɩ mɩ daga. Ama Yesu Kirisito nɛ joŋ wɩalɩŋ dagɛmɛ.

Ɛfɛsɩs Nɩaa 3:3

Teŋ-la mɩ fa sɩ ŋmʋnsa pɩpɩma mɩ bʋl wɩaa mʋa, a dagɛ ŋɩɩ Wɩa sɩ kɛŋ wɩalɩŋ fa sɩ faa a kaa dagɛmɛ nɛ.

Ɛfɛsɩs Nɩaa 3:5

Wɩa fa bɩ leŋe nʋʋkala jɩŋ wɩaa deemba, ama lɛɛlɛ ʋ to ʋ Dɩŋ-zɔmʋŋ lɛ nɛ a joŋ wɩalɩŋ dagɛ ʋ nanzɔɔba-la sɩ kɛŋ tʋɔpʋla arɩ ʋ wʋlaabʋllaa.

1 Timoti 4:1

Wɩa Dɩŋ-zɔmʋŋ paala chaasa bʋl arɩ dʋnɩa dɩdɛrɩŋ deeŋ lɛ la sɩ hɛ, nɩaa dɔnsʋŋ jaŋ joŋ wɩalɩŋ ba sɩ laa dii ta. Ba jaŋ tuto jɩŋ-bɔŋŋɔɔ harɩŋ a nyɩsɛ nɩaa aa dagɛba Sɩtaanɩ wombiiŋ.

1 Pɩɩta 1:12

Wɩa joŋo dagɛba arɩ ma wɩaa nɛ tɩɩ ba faa bʋl wɩaa deemba, ba tɩtɩa wɩaa dee. Lɛɛlɛ nɩalɩŋ sɩ bʋl Wɩa wʋzɔmɔ-la pɩpɩma, ba dagɛma bumbuŋ wɩaa deemba kala nɛ. Wɩa Dɩŋ-zɔmʋŋ sɩ lɩɩ Wɩa-jaŋ kʋ tuu hɛba lɛ nɛ pɩba doluŋ deeŋ. Wɩa tɩndaaraa ma fa cho dɩ ba na wɩaa deemba nɛ.

1 Jɔɔŋ 2:20

Ama ma-na jɩŋ wʋtɩtɩɩ nɛ, bɛɛ wɩaa Kirisito joŋ ʋ Dɩŋ-zɔmʋŋ hɛ ma lɛ nɛ.

1 Jɔɔŋ 2:27

Ama Kirisito joŋ ʋ Dɩŋ-zɔŋ-la hɛ ma lɛ nɛ. Ʋ Dɩŋ-zɔŋ-la sɩ hɛ ma lɛ ŋɩɩ, ma bɩra bɩ nʋʋ ka chɛ dɩ ʋ dagɛma. Ʋ Dɩŋ-zɔŋ-la sɩ hɛ ma lɛ ka dagɛma wɩɩkala nɛ. Wɩalɩŋ kala ʋ sɩɩ dagɛma ŋaa wʋtɩtɩɩba nɛ, wʋnyɩɛrɩ dee. Má to wɩalɩŋ ʋ Dɩŋ-zɔmʋŋ sɩ dagɛma, a leŋ ma dɩ Kirisito ŋaa kʋbala.

Jɔɔŋ Wʋnaalaa 1:1

Wɩaa deemba nɛ Wɩa joŋo pɩ Yesu Kirisito dɩ ʋ joŋo dagɛ ʋ tɩntɩnnaa, dɩ ba jɩŋ wɩalɩŋ sɩ jaŋ ŋaa lɛɛlɛ. Wɩa tɩŋ ʋ tɩndaara ʋ kɔ ʋ tɩntɩnna Jɔɔŋ teeŋ a bʋl wɩalɩŋ pʋ.

Jɔɔŋ Wʋnaalaa 2:24

Ama ma nɩalɩŋ dɔnsʋŋ sɩ hɛ Taataya lɛ a bɩ wɩalɩŋ haala deeŋ sɩɩ dagʋ ka to, a bɩ Sɩtaanɩ wʋbisi-la gʋnna, mɩ bɩ jaŋ joŋ wʋyuŋŋii kala daŋ ma lɛ. Wɩɩŋ deeŋ dʋndʋŋ nɛ mɩɩ chɛ dɩ mɩ bʋla pɩma: