1 Kɔrɩntɩ Nɩaa 16:9 - WƖA TENIŊ

⁹ Wɩa pɩmɛ wombii-bal nɛ dɩ mɩ tɩŋ tɩntɩŋ zɔŋ daha, ka nɩalɩŋ sɩ bɩ chɛ dɩ mɩ tɩŋ tɩntɩŋŋaa daha yʋgɛ.

1 Kɔrɩntɩ Nɩaa 16:9 ပူးပေါင်းရင်းမြစ်များ

Tɩntɩŋŋaa 14:27

Ba sɩ kɔ Antɩɔk, ba yɩrɛ nɩalɩŋ kala sɩ laa Yesu wɩaa dii a hilimi, a bʋl wʋzɔmɔ-la kala Wɩa sɩ to ba lɛ a ŋaa pɩba, a dagɛba ŋɩɩ Wɩa sɩ wuo suri wombiiŋ a pɩ nɩalɩŋ sɩ bɩ Juu tɩŋŋaa ŋaa, ba ma wuo laa Yesu wɩaa dii.

1 Kɔrɩntɩ Nɩaa 15:32

La sɩ mʋ Ɛfɛsɩs, nɩaa hoso arɩ baga kɩaa sɩ hoso ŋɩɩ nɛ, a faa chɛ dɩ ba kpʋmɛ. Dɩ mɩ nɛ fa yuo yuosuŋ deeŋ dɩ mɩ laa yɩrɩŋ koo kɩaa nɩaa teeŋ, ʋ bʋbʋɔŋ nɛ bɛɛ? Dɩ Wɩa nɛ bɩ jaŋ chɩsɛ nɩaa sʋʋŋ lɛ, ŋɩɩ-na má leŋ dɩ la dii kɩaa aŋ nyʋa kʋnyʋalaa, bɛɛ wɩaa chie la jaŋ sʋʋ.

2 Kɔrɩntɩ Nɩaa 1:6

Dɩ la nɩɩ na hɛɛŋ, ma pɛnɩŋ arɩ ma laatanɩŋ wɩaa nɛ. Dɩ la nɛ na pɛnɩŋ, ma ma jaŋ na pɛnɛ-la doho tɩtɩa, dɩ ma nɛ wuo kɛŋ kenyiri a na hɛɛ-la doho la sɩɩ na.

2 Kɔrɩntɩ Nɩaa 2:12

Mɩ sɩ kɔ Tʋrɔwas tinteeŋ dɩ mɩ bʋl Kirisito wʋzɔmɔ-la a pɩba, La Tɩɩna suri wombiiŋ pɩmɛ nɛ,

Fɩlɩpa Nɩaa 3:18

Mɩ laa sɩpaaŋ bʋl wɩaa pɩma a tɩgɛ nɩalɩŋ dɔnsʋŋ lɛ, aŋ ka lɛɛlɛ-na sɩlɩɩrɩŋ paala yuyuori mɩ sɩaa lɛ nɛ ka mɩɩ bʋl. Nɩaa yʋga, ba wʋŋaalaa dagɛ arɩ ba dɩ Kirisito ŋaa dʋndɔmɔ nɛ. Ba teeŋ Kirisito sɩ sʋʋ daagɛsɛ nyuŋ ŋɩɩ ŋaa wʋpɛɩ nɛ.

Koloosi Nɩaa 4:3

Má pɛ chʋɔlɛ Wɩa pɩpɩ la ma, dɩ Wɩa wuo suri wombiiŋ pɩla dɩ la wuo bʋl Kirisito wɩalɩŋ fa sɩ faa. Ba wɩaa nɛ tɩɩ ba kɛmmɛ tɔ dɩa.

Jeems 5:16

Ŋɩɩ wɩaa, má dagɛ ma wʋbɔŋŋɔɔ a pɩ dɔŋɔ a sʋl Wɩa a pɩpɩ dɔŋɔ, dɩ Wɩa wuo ŋaa dɩ ma duori. Dɩ tʋɔpʋl tɩɩna nɛ sʋl Wɩa, ʋ Wɩɩsʋlʋŋ yie faasa kɛŋ doluŋ nɛ a ŋaa wɩɩ-la ʋ sɩɩ chɛ pʋ.