1 Kɔrɩntɩ Nɩaa 15:4 - WƖA TENIŊ

⁴ Ʋ sɩ sʋʋ ŋɩɩ, ba joŋu hugi, ka ʋ sii sʋʋŋ lɛ tapʋlaa batori chɛɛŋ, arɩ ba sɩ ŋmʋnsɛ ŋɩɩ Wɩa teniŋ tʋɔŋ.

1 Kɔrɩntɩ Nɩaa 15:4 ပူးပေါင်းရင်းမြစ်များ

WƖA YƖƖLAA 16:8

Mɩ jɩma La Tɩɩna yie hɛ mɩ teeŋ nɛ bʋa na-kala. Ʋ kpagɛmɛ nɛ, wɩɩkala bɩ jaŋ wuo jigisimi.

WƖA YƖƖLAA 2:7

Kuoru-la sɩ, “Mɩ jaŋ heele bʋl wɩɩ-la La Tɩɩna sɩ bʋla. Ʋ bʋla pɩmɛ, ‘Ŋ ŋaa mɩ Bii nɛ, jɩnɩŋ mɩ nɛ lʋlʋŋ.

HOSIA 6:2

Tapʋlaa balɩa harɩŋ ʋ jaŋ leŋ dɩ la bɩra kɛŋ doluŋ, tapʋl-tori chɛɛŋ ʋ jaŋ bɩra kɛnla kaa kɔ ʋ teeŋ dɩ la hɛ ʋ leriŋ.

JONA 1:17

Ba sɩ joŋ Jona yuo hɛ mʋgʋ-bal-la tʋɔŋ ŋɩɩ, La TƖƖNA leŋ chenfil-bal joŋ Jona liŋ, ʋ hɛ ʋ tʋɔŋ tapʋlaa batori, wɩɩhɛyɛ arɩ tɩtaŋɩŋ kala.

Matiu 12:40

Jona fa sɩ hɛ chenfil-bal-la tʋɔŋ tapʋlaa batori wɩɩhɛyɛ arɩ tɩtaŋɩŋ kala, ŋɩɩ tɩtɩa nɛ mɩ-na Nuhuobiine Bie ma jaŋ hɛ sʋʋŋ bʋa tʋɔŋ tapʋlaa batori, wɩɩhɛyɛ arɩ tɩtaŋɩŋ kala.

Matiu 16:21

A suomi bʋa-la lɛ Yesu chaasa bʋla pɩ ʋ harɩ-tooroo a bʋl, “Ʋ maga dɩ mɩ mʋ Jerusalɛm a na hɛɛŋ woruŋ Juu tɩŋŋaa nɩhɩasɩŋ arɩ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba nɩsɩŋ lɛ. Ba jaŋ kpʋmɛ, ama mɩ jaŋ sii sʋʋŋ lɛ tapʋlaa batori chɛɛŋ.”

Matiu 20:19

aŋ kɛmmɛ kaa mʋ hɛ nɩalɩŋ sɩ bɩ Juu tɩŋŋaa ŋaa nɩsɩŋ lɛ. Ba jaŋ mɔmmɛ, a vɩɩrɛmɛ aŋ kpaasɛmɛ mɛrɛ daagɛsɛ nyuŋ, ka dɩ mɩ sii sʋʋŋ lɛ tapʋlaa batori chɛɛŋ.”

Maak 9:31

bɛɛ wɩaa ʋʋ dagɛ ʋ harɩ-tooroo nɛ arɩ ba jaŋ kɛŋ ʋ-na, Nuhuobiine Bie a hɛ nɩaa nɩsɩŋ lɛ dɩ ba kpʋʋ, ka dɩ ʋ sii sʋʋŋ lɛ tapʋlaa batori chɛɛŋ a kɛŋ mɩɩsɩŋ.

Luuk 24:26

Ma bɩ jɩŋ arɩ ʋ maga dɩ Nɩɩ-la Wɩa sɩ lɩɩsa, na hɛɛŋ nɛ aŋ-na jʋʋ ʋ kuorii-la tʋɔŋ a laa yɩrɩŋ?”

Luuk 24:46

Ŋɩɩ nɛ ʋ bʋla pɩba, “Ŋ-la nɛ ba ŋmʋnsa bil: Ʋ maga dɩ Kirisito, Nɩɩ-la Wɩa sɩ lɩɩsa na hɛɛŋ a sʋʋ aŋ sii sʋʋŋ lɛ tapʋlaa batori chɛɛŋ.

Luuk 9:22

Ʋ bɩra bʋla pɩba, “Mɩ-na Nuhuobiine Bie maga mɩ na hɛɛŋ kɩŋkɛŋ. Juu tɩŋŋaa nɩhɩasɩŋ arɩ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba kala jaŋ vɩamɛ. Ba jaŋ kpʋmɛ, ka dɩ mɩ sii sʋʋŋ lɛ tapʋl-torimuŋ chɛɛŋ.”

Jɔɔŋ 19:38

Yesu sɩ sʋba, baal kʋbala ma fa hɛ nɩmɛ baa yɩrɛ Josɛf. Ʋ fa lɩɩ Arɩmatɩya tinteeŋ nɛ. Ʋ ma fa ŋaa Yesu harɩ-tooru nɛ. Ama ʋ-na faa lʋarʋ nɛ a tɩŋ ʋ sɩɩ fá Juu tɩŋŋaa wɩaa. Ŋɩɩ nɛ ʋ mʋ sʋl Paalɩt dɩ ʋ leŋ dɩ ʋ sori Yesu kʋsʋʋŋ. Paalɩt pʋ wombiiŋ. Ŋɩɩ nɛ ʋ mʋ sori.

Tɩntɩŋŋaa 1:3

Ʋ sɩ sii sʋʋŋ lɛ, ʋ kɛŋ ʋ tɩtɩa kʋ dagɛ ʋ nanzɔɔba-la a yʋgɛ nɛ tapʋlaa mahɩŋ balɩa pɛgɛ. Wombiee yʋga nɛ ʋ to kɛŋ ʋ tɩtɩa dagɛba arɩ ʋ weye, aŋ bʋl Wɩa kuorii-la wɩaa a pɩba.

Tɩntɩŋŋaa 17:31

bɛɛ wɩaa ʋ hɛ tapʋlɩɩ nɛ ʋ sɩ jaŋ dii dʋnɩa nɩaa kala sarɩya arɩ wʋtɩtɩɩ. Ʋ jaŋ to nuhuobiiŋ-la ʋ sɩ lɩɩsa lɛ nɛ a dii sarɩya-la. Nɩɩ-la sɩ sʋba, ʋ chɩsʋ sʋʋŋ lɛ a leŋ nʋʋkala jɩŋ arɩ wʋtɩtɩɩ nɛ.”

Rom Tɩŋŋaa 6:4

Ba sɩ fola Wɩɩchʋɔlɛ lɩɩŋ ŋɩɩ, ʋ naga la dɩ ʋ kala sʋba nɛ ba joŋo hugi, dɩ ŋɩɩ wuo leŋ dɩ la kɛŋ mɩɩ-falɩɩ a nagɛ Wɩa doluŋ lɛ ʋ sɩ chɩsɛ Kirisito sʋʋŋ lɛ ŋɩɩ ʋ kɛŋ mɩɩsɩŋ.

Koloosi Nɩaa 2:12

Ba sɩ foma Wɩɩchʋɔlɛ lɩɩŋ, ʋ naga ma dɩ Kirisito kala nɛ sʋba ba joŋo hugi, Wɩa chɩsɛ ma dɩ Yesu kala sʋʋ-la lɛ, a tɩŋ ma sɩ laa dii arɩ Wɩa kɛŋ doluŋ.

Hiburu TƖŊŊAA 13:20

A leŋ dɩ Wɩa sɩɩ pɩ nɩaa fɩɛlɩŋ pɛ ma lɛ. Ʋ nɛ chɩsɛ La Tɩɩna Yesu Kirisito sʋʋŋ lɛ. Yesu Kirisito nagɛ pie-daarɩ-duo nɛ aa beŋ ʋ nɩaa nyuŋ woruŋ. Ʋ chalɩŋ nɛ Wɩa kaa bil nii-la sɩ jaŋ hɛ nɩmɛ a kaa mʋ wuu ʋ dɩ ʋ nɩaa pɛgɛ.

1 Pɩɩta 1:11

Yesu Kirisito Dɩŋ-zɔmʋŋ fa sɩ hɛ ba lɛ, ʋ nɛ bʋla pɩba ŋɩɩ Kirisito sɩ jaŋ na hɛɛŋ, ka dɩ nɩaa-na zizilu. Ŋɩɩ nɛ ba nɩnɛrɩgɛ dɩ ba na bʋa-la lɛ wɩaa deemba sɩ jaŋ ŋaa arɩ ŋɩɩ ba sɩ jaŋ ŋaa.