1 Kɔrɩntɩ Nɩaa 14:2 - WƖA TENIŊ

² Dɩ nʋʋ nɩɩ bʋl wɩaa yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl, ʋ tɩɩna bʋl wɩalɩŋ a pɩpɩ Wɩa nɛ, nuhuobiine dee. Ʋ sɩɩ bʋl yikoro-la nʋʋkala bɩ nɩɩ, ama Wɩa Dɩŋ-zɔŋ-la sɩ hɛ ʋ lɛ nɛ tɩɩ ʋ wuo bʋbʋl wʋkpuŋkperisiŋ deemba.

1 Kɔrɩntɩ Nɩaa 14:2 ပူးပေါင်းရင်းမြစ်များ

WƖAA DƖ-SUOMUŊ 11:7

Leŋ dɩ La tuu kɛŋ ba yikoro vʋgʋmɛ dɩ ba bɩra sɩ́ dɔŋɔ wʋbʋlʋŋ nɩɩ.”

WƖAA DƖ-SUOMUŊ 42:23

Ba fa bɩ jɩŋ dɩ Josɛf nɩɩ wɩalɩŋ kala ba sɩɩ bʋl, bɛɛ wɩaa ʋ fa bʋl wɩaa nʋʋ nɛ laa bʋla pɩba.

2 KUOROO 18:26

Ŋɩɩ nɛ Hɩlɩkaaya nanʋala Ɛlɩakɩm arɩ Sɛbɩna arɩ Jʋa ma bʋla pɩ Asiiria kuoro laalɩyuori-hɩaŋ-la, “Laa sʋlʋŋ, kɛŋ Aramek tɩŋŋaa yikoro bʋl wɩalɩŋ a pɩla, laa nɩɩʋ nɛ, aŋ leŋ Hiburu tɩŋŋaa yikoro. La bɩ chɛ dɩ nɩalɩŋ sɩ sagɛ kɛrɛ nyuŋ nɩɩ.”

WƖA YƖƖLAA 78:2

Mɩ jaŋ magɛ namagaba a dagɛ wɩalɩŋ fa sɩ faa, a chɩŋ dʋnɩa dɩ-suomuŋ.

Matiu 13:11

Ŋɩɩ nɛ Yesu bʋla pɩba, “Ma nɩaa deemba nɛ Wɩa dagɛ ʋ kuorii-la wɩaa sɩ faa bʋbʋɔŋ pɩpa, ama nɩ-daŋ kala dee.

Maak 16:17

Wʋmagɩlaa deemba nɛ ma jaŋ wuo na a jɩŋ nɩalɩŋ sɩ laa mɩ wɩaa dii. Ba nɛ ŋ-la: Ba jaŋ wuo kikiri jɩŋ-bɔŋŋɔɔ mɩ yɩrɩŋ lɛ. Ba jaŋ wuo bʋbʋl yikori dosunuŋ.

Maak 4:11

Ŋɩɩ nɛ ʋ bʋla pɩba, “Ma nɩaa deemba nɛ Wɩa dagɛ wɩalɩŋ sɩ faa ʋ kuorii-la lɛ a pɩpa. Ama nɩalɩŋ sɩ hɛ dɩ-jalɩŋ, namagaba nɛ ʋ yie maga pɩba.

Tɩntɩŋŋaa 10:46

Ba nɩa arɩ baa bʋl wɩaa yikori wogusuŋ lɛ ba sɩ bɩ jɩŋ a dɩdɛnnɛ Wɩa. Ŋɩɩ nɛ Pɩɩta bʋl,

Tɩntɩŋŋaa 19:6

Ŋɩɩ nɛ Pɔɔl joŋ ʋ nɩsaa daŋ ba lɛ. Ʋ sɩ ŋaa ŋɩɩ, Wɩa Dɩŋ-zɔmʋŋ kʋ tuu hɛ ba lɛ. Ba suomo bʋbʋl yikori wogusuŋ ba sɩ bɩ jɩŋ, a bʋl Wɩa wɩaa Wɩa Dɩŋ-zɔmʋŋ doluŋ lɛ ma.

Tɩntɩŋŋaa 22:9

Mɩ dɩ nɩalɩŋ fa sɩɩ vɛŋ, ba na pʋlʋŋ-la nɛ, aŋ bɩ nɩɩ-la fa sɩɩ bʋl wɩaa mɩ teeŋ yikoro nɩa.

Rom Tɩŋŋaa 16:25

Má leŋ dɩ la dɛnnɛ Wɩa. Ʋ nɛ leŋe ma chɩŋ ma wʋtɩtɩɩ lɛ a tɩŋ Wɩa wʋzɔmɔ-la mɩ sɩ bʋla pɩma a tɩgɛ Yesu Kirisito lɛ. Wɩa fa joŋ wɩalɩŋ faa nɛ faafaa kala,

1 Kɔrɩntɩ Nɩaa 12:10

ka dɔŋɔ ma kɛŋ doluŋ a kaa ŋaa wʋkpuŋkperisiŋ, ka dɔŋɔ ma kɛŋ doluŋ a wuo bʋbʋl Wɩa wɩaa, ka dɔŋɔ ma bɩra kɛŋ wʋjɩmɩŋ ʋ yie jɩŋ dɩnsɩ-la sɩ lɩɩ Wɩa teeŋ arɩ dɩnsɩ-la sɩ bɩ ʋ teeŋ lɩa pɛgɛ. Wɩa Dɩŋ-zɔmʋŋ yie pɩ nʋʋ dɔŋ ma doluŋ ʋ wuo bʋbʋl wɩaa, yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl, ka ʋ pɩ dɔŋɔ ma wʋjɩmɩŋ ʋ wuo dagɛ wɩalɩŋ ba sɩ bʋla bʋbʋɔŋ.

1 Kɔrɩntɩ Nɩaa 12:28

Ŋɩɩ nɛ tɩɩ nɩalɩŋ sɩ laa Yesu wɩaa dii aa hilimi tʋɔŋ, Wɩa joŋ ma kala hɛ leree nɛ, nɩalɩŋ sɩ laa sɩpaaŋ nɛ Wɩa nanzɔɔba, nɩalɩŋ sɩ tɩgɛ ba lɛ nɛ ŋaa Wɩa wʋlaabʋllaa, nɩalɩŋ sɩɩ to nɛ ŋaa nɩalɩŋ sɩɩ dagɛ Wɩa wɩaa, arɩ nɩalɩŋ ma sɩɩ ŋaa wʋmagɩlaa arɩ nɩalɩŋ ma Wɩa Dɩŋ-zɔmʋŋ sɩ joŋ doluŋ pa ba vɩvaarɛ nɩaa, arɩ nɩalɩŋ sɩɩ pɛ nɩaa lɛ, arɩ nɩalɩŋ sɩɩ beŋ nɩaa, arɩ nɩalɩŋ sɩɩ bʋl wɩaa yikoro-la Wɩa Dɩŋ-zɔŋ-la sɩ pɛ ba lɛ ba bʋbʋl.

1 Kɔrɩntɩ Nɩaa 13:1

Dɩ mɩ nɛ wuo bʋbʋl yikoro-na kala a wuo bʋbʋl Wɩa tɩndaaraa ma yikoro, aŋ bɩ nɩaa cho, ʋ nagɛ bimbelimiŋ nɛ mɩ ŋmuŋmoo ŋɩɩ a ŋɩŋaa goŋ pɛɩ.

1 Kɔrɩntɩ Nɩaa 13:2

Dɩ Wɩa Dɩŋ-zɔmʋŋ nɛ pɩmɛ doluŋ dɩ mɩ wuo bʋbʋl Wɩa wɩaa, a wuo jɩŋ wʋfaalɩɩ kala bʋbʋɔŋ, a kɛŋ wʋjɩmɩŋ kala, aŋ pɛ laa Wɩa dii a jaŋ wuo ŋaa dɩ peelee churo mʋmʋ leree dɔnsʋŋ, aŋ bɩ nɩaa cho, ʋ ŋaa wʋpɛɩ nɛ.

1 Kɔrɩntɩ Nɩaa 14:16

Dɩ ma nɛ kʋ hilimi, aŋ ka dɩ nʋʋ kɛŋ yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl a dɩdɛnnɛ Wɩa, nɩalɩŋ sɩ hɔŋ nɩmɛ sɩ bɩ wɩɩ-la ŋ sɩɩ bʋl nɩa, dɩ ŋ nɛ chʋɔla dɛrɛ, ɛɛ nɛ ba jaŋ ŋaa jɩŋ wɩɩ-la bʋbʋɔŋ a bʋl Amɩɩ?

1 Kɔrɩntɩ Nɩaa 14:26

Wɩalɩŋ kala mɩ sɩ bʋla, ba bʋbʋɔŋ nɛ ŋ-la: Dɩ ma nɛ kʋ hilimi-na kala, dɩ dɔŋɔ nɛ kɛŋ yɩɩlɩŋ dɩ ʋ yɩɩ, dɩ dɔŋɔ ma kɛŋ wɩɩ dɩ ʋ dagɛ nɩaa, koo nʋʋ nɩɩ chɛ dɩ ʋ bʋl wɩɩ-la Wɩa sɩ joŋo dagʋ ʋ doluŋ lɛ, dɔŋɔ maa chɛ dɩ ʋ bʋl wɩaa yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl, dɔŋɔ maa chɛ dɩ ʋ dagɛ wɩɩ-la ba sɩ bʋla bʋbʋɔŋ, má maga ma ŋaa wɩaa deemba kala a pɩpɛ dɔŋɔ lɛ.

1 Kɔrɩntɩ Nɩaa 15:51

Má jegile nɩɩ, mɩ jaŋ bʋl wʋkpuŋkpere pɩma. La kala bɩ jaŋ sʋʋ. Ama bʋa kʋbala jaŋ kɔ dɩ Wɩa kɛŋ la yaraa kala bɩrɩmɛ.

1 Kɔrɩntɩ Nɩaa 2:10

Ama Wɩa to ʋ Dɩŋ-zɔmʋŋ lɛ nɛ a kɛŋ wɩaa deemba fa sɩ faa kaa dagɛla. Wɩa Dɩŋ-zɔmʋŋ yie gbilli wɩɩkala nɛ, a paala jɩŋ Wɩa wɩɩ-wɩɩkala sɩ faa.

1 Kɔrɩntɩ Nɩaa 2:7

Wʋjɩmɩɩ-la wɩaa mɩ sɩɩ bʋl, ʋ lɩɩ Wɩa teeŋ nɛ a ŋaa wʋfaalɩɩ nɩaa teeŋ. Wʋjɩmɩɩ-la faa nɛ Wɩa teeŋ, ka dʋnɩa-na suomi. Wɩa lɩɩsɛla dɩ la kɛŋ wʋjɩmɩŋ deeŋ nɛ a wuo kɛŋ tʋla ʋ teeŋ.

Ɛfɛsɩs Nɩaa 6:19

Má sʋl Wɩa pɩ mɩ ma dɩ mɩ nɛ suri mɩ niiŋ dɩ Wɩa dagɛmɛ wɩɩ-la mɩ sɩ jaŋ bʋl, a sɩ́ nʋʋkala fá, aŋ bʋl Yesu wʋzɔmɔ-la fa sɩ faa a pɩ nɩaa.

MOSIS BƖRA WULLI WƖA WOMBIIŊ 28:49

La TƖƖNA jaŋ kɛŋ tinteeŋ nɩaa yikoro ma sɩ bɩ nɩɩ a lɩɩ dʋnɩa lee sɩ bolie a kʋ hɛ ma lɛ dɩ ba yuoma a nagɛ kachuuŋ sɩ yie kʋ tuu jiŋŋee lɛ ŋɩɩ.

Koloosi Nɩaa 2:2

Mɩɩ chɛ dɩ ba kɛŋ bɔɩ-duoŋ a kɛŋ nii-bala a cho dɔŋɔ, a wuo jɩŋ wɩaa sɩaa woruŋ a mʋ dɛrɛ, a jɩŋ wɩɩ-la Wɩa sɩ joŋo faa bʋbʋɔŋ, wɩɩ-la nɛ ŋaa Kirisito.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

1 Timoti 3:9

Ʋ maga dɩ ba kɛŋ tʋɔbɩɩŋ zɔŋŋɔɔ a laa Wɩa niiŋ wɩaa dii. Wɩalɩŋ fa faa nɛ, ka lɛɛlɛ Wɩa joŋo dagɛla.

Jɔɔŋ Wʋnaalaa 10:7

Ama tapʋlɩɩ-la Wɩa tɩndaarɩ-pɛɩ-la sɩ jaŋ kʋ ŋmʋʋ ʋ nyile, Wɩa wʋfaalɩa-la ʋ fa sɩ dagɛ ʋ wʋlaabʋllaa sɩ ŋaa ʋ tɩntɩnnaa, ba kala jaŋ ŋaa.